Aisea
23 Na itukutuku bibi me baleti Taia:+
Ni qoqolou na waqa ni Tasisi!+
Ni sa rusa na ikelekele ni waqa, me kua ni curumi.
Sa vakatakilai vei ira mai Kitimi.+
2 Moni galu na tiko e baravi.
O ira na dauniveivoli ni Saitoni+ era sokota na wasawasa era vakavutuniyautaki iko.
3 E veikauyaki ena levu na wai na covuata* ni Siori,*+
Na ka e tamusuki ena Naile, na ivurevure ni nona ilavo.
E rawatubu kina na veimatanitu.+
4 Mo madua Saitoni, na bai kaukaua ni wasawasa
Ni tukuna na wasawasa:
5 Me vaka nira rogoca na itukutuku me baleti Ijipita,+
Era na rarawataka vakalevu na tamata na itukutuku me baleti Taia.+
6 Moni lako i Tasisi!
Moni qoqolou na tiko e baravi!
7 Vakacava, qo ga na nomuni koro dau mamarau ena gauna makawa, ena nona veigauna sa oti?
E dau kauti koya na yavana ina veivanua yawa me tiko kina.
8 O cei e lewa me yaco qo vei Taia,
O koya e dau solia na isala vakatui,
Era turaga na nona dauveivoli,
Era rokovi e vuravura taucoko na nona dauvolivolitaki?+
9 E lewa sara ga qo o Jiova ni lewe vuqa,*
Me vakacacana na totoka kece ni nona isakisaki,
Me beci ira kece era rokovi e vuravura taucoko.+
10 Mo vuabale ena nomu vanua me vaka na Uciwai na Naile, o iko na goneyalewa ni Tasisi.
Sa sega tale na volau ni ta waqa.*+
11 E dodoka yani na ligana o koya i wasawasa
E kurea na veimatanitu.
E vakarota o Jiova me vaqeavutaki na bai kaukaua+ nei Finaisi.
Mo tucake mo dro i Kitimi.+
O na sega mada ga ni vakacegu mai kea.”
13 Raica! Na nodra vanua na Kalitia.+
O ira ga qo, sega ni o ira na kai Asiria,+
Era vukica me nodra itikotiko na manumanu ni vanua dravuisiga.
Era vakaduria kina na nodra valenivalu cecere
Era yanaraka na nona valececere vakabai,+
E vurumemeataki me irusarusa.
14 Moni qoqolou na waqa ni Tasisi
Ni sa rusa+ na nomuni bai kaukaua.
15 Ena siga oya ena guilecavi o Taia me 70 na yabaki,+ me tautauvata kei na yabaki ni nona bula e dua na tui. Ni cava e 70 na yabaki, ena qai yacovi Taia me vaka na kena sere na saqamua:
16 “Mo taura na api o iko na saqamua guilecavi, mo wavokita na koro.
Mo qiria sara vakavinaka na nomu api;
Mo lagata e levu na sere,
Mera na nanumi iko kina.”
17 Ni cava e 70 na yabaki, ena qai nanumi Taia o Jiova, ena lesuvi ira na saumi koya o Taia me saqamua kei ira na veimatanitu kece ena dela i vuravura. 18 Ia na nona tubu kei na kena isau ena vakatabui me nei Jiova. Ena sega ni bini se maroroi na kena isau, ni na nodra o ira na tiko ena mata i Jiova, mera kana mera mamau, mera vakaisulu ena isulu totoka.+