Jeremaia
48 Qo na ka e tukuna o Jiova ni lewe vuqa,* na Kalou ni Isireli me baleti Moapi:+
“E rarawa o Nipo+ ni vakarusai!
E vakamaduataki o Kiriaceimi,+ e ravuti.
E vakamaduataki na idrodro tudei,* e basuraki.+
2 Era na sega ni vakacaucautaki Moapi tale.
Era nakita mai Esiponi+ mera vakamalumalumutaki koya:
‘Moni lako mai meda muduki koya me kua ni dua na matanitu.’
O iko tale ga Matimeni mo tiko lo,
Ni muri iko tiko na iseleiwau.
3 E rogo na tagi mai Oroneimi,+
Na vakacaca kei na veivakarusai levu.
4 Sa vakarusai o Moapi.
Era tagi na nona lalai.
5 Ena icabecabe i Luici era tagi tiko ga nira cabe.
Ena isirosiro sobu mai Oroneimi, era rogoca na tagi ni rarawa ena vuku ni leqa levu.+
6 Dro moni bula!
Moni vaka na vunijunipa ni vanua talasiga.
7 Ni oni nuitaka na nomuni cakacaka kei na nomuni iyau,
Oni na valuti tale ga.
Ena kau vakavesu o Kimosi,+
Kei ira na nona bete kei na nona turaga.
8 Na dauvakacaca ena lako mai ina koro kece,
Ena sega ni bula e dua na koro.+
Ena rusa na buca,
Ena vaqeavutaki na vanua tautauvata,* me vaka e kaya o Jiova.
9 Moni biuta na ivakatakilakila me muria o Moapi,
Ni vakarusai ena dro kina.
Ena domobulataki na nona koro,
Me kua ni dua e tiko kina.+
10 Me cudruvi o koya e vakawalena na ilesilesi e lesia o Jiova!
Me cudruvi o koya e tarova na nona iseleiwau me kua ni vakadavedra!
11 Era bula vakacegu na Moapi mai na gauna era se gone kina,
Me vaka na waini e tu ena kena soko, e sega ni yavalati.
E sega ni livi mai na dua na saqa ina dua tale,
Era sega vakadua ni kau vakavesu.
Oya na vuna e dua tu ga kina na kedra igunugunu,
E sega ni veisau na kedra iboi.
12 “‘Ia raica! sa roro mai na siga,’ e kaya o Jiova, ‘au na tala eso na tamata mera vukica. Era na vukica mera vakalala na nodra saqa, era na vorolaka vakamatailalai tale ga na nodra saqa lelevu. 13 Era na maduataki Kimosi na Moapi me vaka ga nira maduataki Peceli na vuvale ni Isireli, na nodra inuinui.+
14 Oni kaya vakacava: “Keimami tamata qaqa, keimami sa vakarau ina ivalu”?’+
15 ‘Sa vakarusai o Moapi,
Sa curumi na nona koro,+
Era vakamatei na nona cauravou digitaki,’+
E kaya na Tui, na yacana o Jiova ni lewe vuqa.+
16 Sa voleka mai na rarawa ena yacovi Moapi,
Sa totolo sara mai na nodra ca.+
17 O ira kece na tiko volekati ira ena lomani ira,
O ira kece na kila na yacadra.
Moni kaya, ‘Sa ramusu na kau kaukaua, na ititoko totoka!’
18 Mo siro mai ena nomu itutu lagilagi,
Mo dabe e ra ena karamaca,* o iko na goneyalewa o tiko e Taiponi,+
Ni mai valuti iko o koya e vakacacani Moapi,
Ena vakarusa o koya na nomu vanua vakabai.+
19 Mo tu e gaunisala mo vakararai, o iko na goneyalewa o tiko e Aroeri.+
Mo taroga na tagane kei na yalewa e dro tiko, ‘Na cava e yaco?’
20 Sa vakamaduataki o Moapi, e domobula.
Mo qolou, mo tagi.
Moni tukuna e Arinoni+ ni sa vakarusai o Moapi.
21 “Sa lewai na vanua tautauvata,*+ o Oloni, o Jeasa,+ o Mefeaci,+ 22 o Taiponi,+ o Nipo,+ o Pecitipilaceimi, 23 o Kiriaceimi,+ o Pecikamuli, o Pecimioni,+ 24 o Kirioci+ kei Posira, kei na koro kece ena vanua o Moapi, e yawa se voleka.
25 ‘Sa musuki na kaukaua* nei Moapi,
Sa ramusu na ligana,’ e kaya o Jiova.
26 ‘Moni vakamatenitaki koya+ ni vakalevulevui koya vei Jiova.+
E veiqiqiyaki o Moapi ena nona lua,
E dredrevaki tale ga o koya.
27 O dau dredrevaki Isireli?+
E bau laurai ni maliwai ira na daubutako,
Mo kurea kina na ulumu, mo vosabeci koya?
28 Moni biuta na koro o kemuni na lewe i Moapi moni lai tiko ena vatu,
Me vaka na ruve e vakasova ena yasa ni barinivatu.’”
29 “Keimami rogoca na dokadoka nei Moapi, e qaciqaciataka vakalevu,
Na nona dokadoka, na nona sakitaki koya, na nona qaciqacia, kei na viavialevu ni lomana.”+
30 “‘Au kila vinaka na nona cudru katakata,’ e kaya o Jiova,
‘Ia ena sega ni yaco na tukutukuni koya.
Ena sega ni dina.
31 Oya na vuna au na qolou kina ena vuku i Moapi,
Niu na tagicaki Moapi taucoko,
Au na tagicaki ira na lewe i Kirieresi.+
32 Ena lailai na noqu tagicaki Jaseri,+
Au na tagicaki iko, na vunivaini ni Sipima.+
E teteva na wasawasa na tabamu vuavuaivinaka.
E yaco sara ina wasawasa e Jaseri.
Na nomu vuata ni vulaikatakata kei na nomu vuanivaini o kumuna
E vakacacana na dauvakacaca.+
33 Sa kau tani na marau kei na reki mai na loga ni kauvuata
Kei na vanua o Moapi.+
Au tarova na drodro ni waini mai na ikeliniwaini.
Ena sega ni dua e butuka me kaikaila tiko.
Ena duatani na kaikaila qori.’”+
34 “‘E rogo tiko na kaila mai Esiponi+ me yaco i Elale.+
Era tabalaka na domodra me rogo i Jeasa,+
Mai Soa me yaco i Oroneimi+ me yaco i Ekilaci-selisia,
Ena maca mada ga na wai ni Nimirimi.+
35 Au na muduka mai Moapi,’ e kaya o Jiova,
‘Na tamata e kauta tiko yani na isoro ena vanua cecere
Kei koya e vakacaboisoro vua na nona kalou.
36 Oya na vuna ena tagicaki Moapi kina na lomaqu me vaka na bitunivakatagi,*+
Ena tagicaki ira tale ga na lewe i Kirieresi na lomaqu me vaka na bitunivakatagi.*
Ni na rusa na iyau e rawata o koya.
37 E cou kece na uludra,+
E koti kece na kumidra.
38 “‘Ena delanivale kece e Moapi
Kei na kena rara kece,
Era tagilagalaga tiko.
Niu vorolaki Moapi
Me vaka na saqa e biu tani,’ e kaya o Jiova.
39 ‘E domobula o koya! Moni qolou!
Sa vakanadaku ena madua o Moapi!
E dredrevaki o Moapi,
Era domobulataka kece na tiko volekati koya.’”
40 “Ni qo na ka e kaya o Jiova:
41 Ena ravuti na tauni,
Ena vakamalumalumutaki na nona koro kaukaua.
Ena siga oya na yalodra na tamata qaqa ni Moapi
Ena vaka na yalo ni yalewa taratara.’”
43 Na domobula, na qara, kei na dai sa tu e matamuni,
Kemuni na lewe i Moapi,’ e kaya o Jiova.
44 ‘O koya e dro ni domobula ena lutu ina qara,
O koya e lako cake mai ena qara ena tacori ena dai.’
‘Au na vakayacora vei Moapi na yabaki me cudruvi kina,’ e kaya o Jiova.
45 ‘Era lai tu vakadua ena iyaloyalo kei Esiponi o ira na dro tiko ni sega na nodra kaukaua.
Ni na lako mai Esiponi na bukawaqa
Kei na yameyame e loma i Sioni.+
Ena yameca na yadre i Moapi
Kei na nodra qavokavoka na luve ni tiko yavavala.’+
46 ‘O sa kalouca Moapi!
Era sa rusa na tamata nei Kimosi.+
Era kau vakabobula na luvemu tagane,
Era kau vakavesu na luvemu yalewa.+
47 Ia au na soqoni ira mai na Moapi era kau vakabobula ena veisiga mai muri,’ e kaya o Jiova.
‘Sa cava eke na itukutuku ni lewa e tau vei Moapi.’”+