Jope
17 “Sa muduki na yaloqu, sa bokoci na noqu siga,
Sa waraki au na ibulubulu.+
2 Era wavoliti au na dauveivakalialiai,+
Me raica na nodra talaidredre na mataqu.
3 Yalovinaka, ni ciqoma na noqu ivakadei qai maroroya tiko.
O cei tale keirau na lululu qai bubului ena vukuqu?+
4 Ni oni sa vunitaka na yalomatua mai lomadra,+
Oya na vuna oni sega kina ni vakalevulevui ira.
5 Ena via wasea vei ira nona itokani,
Ia sa buawa na matadra na luvena.
7 E buawa na mataqu ena levu ni rarawa,+
Sa iyaloyalo wale ga na tikiniyagoqu kece.
8 Era wadra na yalododonu nira kidroataka qo,
E lomaleqa tale ga o koya e tawacala ena vukudra na sega ni vakabauta na Kalou.*
9 Na tamata yalododonu e dei tiko ga ena nona sala,+
Qai kaukaua tiko ga o koya e savasava na ligana.+
10 Ia dou lako kece mai, dou tomana nomudou veileti,
Niu sega ni raica e dua vei kemudou me vuku.+
12 Eratou vukica na bogi me siga,
Eratou kaya, ‘Sa voleka na rarama ni sa buto.’
14 Au na kaci yani ina qara,*+ ‘O iko na tamaqu!’
Ina ulo, ‘O iko na tinaqu kei na ganequ!’
15 I vei gona noqu inuinui?+
O cei e raica rawa noqu inuinui?