Jeremaia
50 Na vosa e kaya o Jiova vei Jeremaia na parofita me baleti Papiloni,+ me baleta na nodra vanua na Kalitia:
2 “Moni tukuna ina veivanua, moni vakarogoya.
Moni vakaduria e dua na kaunikuila, moni vakarogoya.
Moni kua ni vunia e dua na ka!
Moni kaya, ‘Sa ravuti o Papiloni.+
E vakamaduataki o Peli.+
E domobula o Merotaki.
E vakamaduataki na nona ivakatakarakara.
E domobula na nona matakau vakasisila.’*
3 Ni lako mai na vualiku e dua na matanitu me valuti koya.+
E vukica na nona vanua me domobulataki.
E sega ni dua e tiko kina.
Era dro na tamata kei na manumanu,
Era lako tani yani.”
4 “Ena veisiga oya kei na gauna oya,” e kaya o Jiova, “era na lako vata mai na lewe i Isireli kei ira na lewe i Juta.+ Era na tagi nira lako tiko,+ era na qarai Jiova vata na nodra Kalou.+ 5 Era na taroga na sala i Saioni nira vakanamata kina,+ era kaya, ‘Meda lai veiyalayalati kei Jiova ena veiyalayalati tudei, ena sega ni guilecavi.’+ 6 O ira na noqu tamata e qelenisipi lako sese.+ E vakasesei ira na nodra ivakatawa.+ Era kauti ira yani ena veiulunivanua, era veilakoyaki mai na ulunivanua ina delana. Era guilecava na vanua mera vakacegu kina. 7 O ira kece na raici ira era tilomi ira,+ era kaya na kedra meca, ‘Keimami sega ni cala, nira valavala ca vei Jiova na itikotiko ni yalododonu kei na nodra inuinui na tukadra, o Jiova.’”
8 “Moni dro tani mai loma i Papiloni,
Moni biuta na nodra vanua na Kalitia,+
Moni vaka na tamanisipi e liutaka na qelenisipi.
9 Niu na uqeta, au na kauta vei Papiloni
E dua na ivavakoso ni veivanua lelevu mai na vualiku.+
Era na tuva mera valuti koya,
Ena valuti e kea o koya.
Na nodra gasau e vaka na nona gasau na tamata qaqa
E vakamatei ira na gone,+
Ena sega ni cala e dua.
10 O Kalitia ena itokinivalu.+
Era na mamau vakalevu o ira na kauta mai vua na itokinivalu,”+ e kaya o Jiova.
Oni qeva tiko na co me vaka na bulumakau yalewa,
Oni tagi tiko me vaka na ose tagane.
12 Sa vakamaduataki o tinamuni.+
E rarawa o koya e vakasucumi kemuni.
Raica! Na imurimuri ni matanitu o koya,
E vanua talasiga, e vanua dravuisiga.+
Ena wadra ena domobula o koya e lakosiviti Papiloni,
Ena vakalukalu ena vuku ni kena rarawa kece.+
14 Moni tuva wavokiti Papiloni,
O kemuni kece na loveca* tiko na dakaititi.
15 Moni kailavaka na ibolenivalu ena veiyasana.
Sa soro* o koya.
Moni saumi koya.
Moni cakava vua na ka e dau cakava.+
16 Moni vakamatea mai Papiloni na dau kabukaburaki
Kei koya e taura tiko na isele takelo ena gauna ni tatamusuki.+
Ena vuku ni veivakararawataki ni iseleiwau, era na dui lesu vua na kainodra,
Era na dui dro ina nodra vanua.+
17 “O ira na Isireli na sipi lako sese.+ E vakasavi ira na laione.+ E tilomi ira e liu na tui Asiria,+ oti qai veibariyaka na suidra o Tui Nepukanesa* e Papiloni.+ 18 O koya gona qo na ka e tukuna o Jiova ni lewe vuqa,* na Kalou ni Isireli: ‘Au na totogitaka na tui Papiloni kei na nona vanua me vaka ga na noqu totogitaki tui Asiria.+ 19 Au na vakasukai Isireli ina nona vanua veico,+ ena kana co e Kameli kei Pasani,+ ena mamau o koya ena veiulunivanua e Ifireimi+ kei Kiliati.’”+
20 “Ena veisiga oya kei na gauna oya,” e kaya o Jiova,
“Ena qarai na cala nei Isireli,
Ia ena sega ni dua,
Na cala nei Juta ena sega ni laurai,
Niu na vosoti ira au vakavoca.”+
21 “Mo lako cake mo valuta na vanua o Mereceimi kei ira na lewe i Pekoti.+
Mo vakamatei ira mo vakawabokotaki ira vakadua,” e kaya o Jiova.
“Mo vakayacora na ka kece au vakaroti iko kina.
22 E rogo ena vanua na rorogo ni ivalu,
E dua na veivakarusai levu.
23 Sa musuki, sa ramusu na ituki e dau vorovoro e vuravura taucoko!+
Sa domobulataki o Papiloni ena veimatanitu!+
24 Au tudaitaki iko Papiloni, o mani coko,
Ia o sega ni kila.
O laurai, o vesu,+
Ni o saqati Jiova.
25 E dolava o Jiova na nona valenimaroroi iyau,
E kauta yani na nona iyaragi ni cudru.+
Ni tiko na ka me cakava na Turaga Cecere Duadua o Jiova ni lewe vuqa
Ena nodra vanua na Kalitia.
26 Moni lako yani vua o kemuni mai na vanua yawa sara.+
Ni dolava na nona lololo.+
Moni binia me vaka na ibinibini covuata,
Moni vakarusai koya vakadua.+
Me kua ni dua e vo vua.
27 Moni vakamatea kece na nona luvenibulumakau tagane,+
Mera lako sobu mera vakamatei.
Era rarawa ni sa yaco mai na nodra siga,
Na gauna mera totogitaki kina!
28 E rogo na domodra na dro tiko,
O ira na dro mai na vanua o Papiloni,
Mera tukuna e Saioni na veisausaumi nei Jiova na noda Kalou,
Na veisausaumi ni nona valenisoro.+
Moni keba wavokita, me kua ni dua e dro bula.
Moni sauma vua me vaka na nona cakacaka.+
Moni cakava vua na ka e dau cakava.+
Ni viavialevu vei Jiova,
Vua na Yalosavasava ni Isireli.+
30 Era na bale gona na nona cauravou ena nona rara ni koro,+
Era na mate* kece na nona sotia ena siga oya,” e kaya o Jiova.
31 “Raica! Au na valuti iko+ viavialevu,”+ e kaya na Turaga Cecere Duadua o Jiova ni lewe vuqa,
“Ni na yaco mai na nomu siga, na gauna au na totogitaki iko kina.
32 O na tarabe, o na lutu viavialevu,
Ena sega ni dua me vakaduri iko.+
Au na vakama na nomu koro,
Ena yameca na ka kece e voliti iko.”
33 Qo na ka e kaya o Jiova ni lewe vuqa:
“Era vakasaurarataki na lewe i Isireli kei Juta,
O ira kece na kauti ira vakabobula era vesuki ira.+
Era sega ni via sereki ira.+
34 Ia e kaukaua o koya e voli ira lesu.+
O Jiova ni lewe vuqa na yacana.+
Ena vakamamasu o koya ena nodra kisi ni veilewai,+
Me vakasaututaka na vanua+
Me vakacudrui ira na lewe i Papiloni.”+
35 “Ena vakarusai ira na Kalitia e dua na iseleiwau,” e kaya o Jiova,
“Ena vakarusai ira na lewe i Papiloni kei ira na nona turaga, kei ira kece na nona tamata vuku.+
36 Ena vakarusai ira na dauveivosaki tawayaga* e dua na iseleiwau, era na sesewa kina.
Ena vakarusai ira na nona tamata qaqa e dua na iseleiwau, era na domobula kina.+
37 E dua na iseleiwau ena vakarusa na nodra ose kei na nodra qiqinivalu,
Ena vakarusai ira na duikaikai era tiko kina,
Era na vaka na yalewa.+
Ena vakarusa na nona iyau e dua na iseleiwau, era na kovei.+
38 Ena vakacacani na mena wai, ena maca.+
E vanua ni ivakatakarakara ceuti,+
Era na lialia tiko ga nira raivotutaka na ka rerevaki.
39 O koya gona, era na tiko vata na manumanu kila ni vanua dravuisiga kei na manumanu dau qoqolou,
Era na tiko kina na ositereji.+
Ena sega tale ni tawani,
Ena sega ni tiko kina e dua na itabatamata.”+
40 “Me vaka ga ni vakarusai Sotoma kei Komora na Kalou,+ kei na kedrau tauni voleka,”+ e kaya o Jiova, “ena sega ni dua e tiko kina, ena sega ni dua na tamata e tawana.+
41 Raica! E lako mai na vualiku e dua na mataqali,
E dua na matanitu levu kei ira na tui rogo+ ena vakatuburi
Mai na iyalayala kei vuravura.+
42 Era taura na dakaititi kei na moto.*+
Era yaloca era na sega ni loloma.+
Na kedra rorogo e vaka na vadugu ni wasawasa,+
Nira vodo ena nodra ose.
Me vaka e dua na tamata, era tuva mera valuti iko na goneyalewa ni Papiloni.+
E yaluma o koya,
E mosi me vaka na yalewa e vakarau vakasucu.
44 “Raica! Ena lako cake mai e dua ina vanua veico taqomaki me vaka na laione mai na veikauloa ena bati ni Joritani, ia ena sega ni dede au na cemuri ira mai kea. Au na lesi koya e digitaki me lewai koya.+ O cei e vakataki au, o cei ena bolei au? O cei na ivakatawa ena tu rawa e mataqu?+ 45 Ia moni rogoca na ka e vakatulewataka o Jiova me baleti Papiloni,+ kei na ka e nanuma me baleta na nodra vanua na Kalitia.
Era na yarataki dina na lalai sara ena qelenisipi.
Ena vakalala o koya na nodra itikotiko ena vukudra.+
46 Ena rorogo ni nona valuti o Papiloni, ena sakure o vuravura,
E rogo na tagi ina veivanua.”+