Same
Vei koya na dairekita. Na same i Tevita, me dau nanumi.*
70 Kemuni na Kalou, ni vakabulai au,
I Jiova, ni totolo moni vukei au.+
2 Mera vakamadualaki qai vakarogorogocataki
O ira na saga mera kauta tani noqu bula.
Mera suka ena madua
O ira na marautaka na noqu leqa.
3 O ira na kaya tiko: “Qori! Qori!”
Mera vakasavi lesu ena madua.
4 Ia laivi ira na vakasaqarai kemuni tiko
Mera reki qai marautaki kemuni vakalevu.+
Mera dau kaya na taleitaka na nomuni veivakabulai:
“Me vakalagilagi na Kalou!”