Isikeli
27 E vosa tale vei au o Jiova, e kaya: 2 “O iko na luve ni tamata mo lagata e dua na sere ni lolosi me baleti Taia,+ 3 mo kaya vei Taia,
‘O toka ena icurucuru e wasawasa,
Na nodra dauveivoli na lewe ni veivanua ena levu na yanuyanu,
Qo na ka e kaya na Turaga Cecere Duadua o Jiova:
“O iko Taia, o kaya sara ga, ‘E uasivi na kequ totoka.’+
4 E tiko na nomu vanua ena loma ni wasawasa,
Era vakataucokotaka na kemu totoka na nomu matai.
5 Era taya na nomu tikinikau raba kece ena vunijunipa ni Siniri,+
Era cakava na nomu ivana ena sitari ni Lepanoni.
6 Era taya na nomu ivoce ena oki ni Pasani,
E paini na muailiu qai ukutaki ena tabua ni veiyanuyanu o Kitimi.+
7 E kau mai Ijipita na lineni duiroka ni nomu laca,
Na ivakaruru ni nomu dreke e cula ena waniculacula karakarawa kei na vutinisipi lokaloka mai na veiyanuyanu o Elaisa.+
8 Era vocetaki iko na lewe i Saitoni kei Arivaiti.+
O ira na nomu matai, Taia, era nomu kaiwaqa.+
9 Era botana na kemu isema+ na kenadau* kei ira na matai ni Kipali.+
Era lako yani vei iko na waqa kece e wasawasa kei ira na kena kaiwaqa mera veivoli.
10 O ira na kai Perisia, na kai Luti kei Pate,+ era lewe ni nomu mataivalu, era nomu tagane dauvala.
Era vakarubeca vei iko na nodra isasabai kei na nodra isala, era vakavuna mo lagilagi.
11 Era tu wavokita na nomu bai na kai Arivaiti era lewe ni nomu mataivalu,
Era yadrava na nomu valececere na tagane yaloqaqa.
Era rubeca wavokita na nomu bai na isasabai mokimokiti,
Era vakataucokotaka na kemu totoka.
12 “‘“E mai veivoli vei iko o Tasisi+ ni o vutuniyau.+ Era solia na siliva, na kaukamea, na tini, kei na uma mera taura na nomu iyau.+ 13 Eratou mai veivoli vei iko o Javana, o Tupali,+ kei Meseki,+ eratou solia na bobula+ kei na iyaya kopa mera taura na nomu ivoli. 14 Era solia na ose na vuvale nei Tokama,+ na osenivalu, kei na meule mera taura na nomu iyau. 15 Era mai veivoli vei iko na lewe i Titana,+ o vakacakacakataki ira na dauveivoli ena levu na yanuyanu. Era lolomataka vei iko na bati balavu+ kei na kau loaloa saulevu. 16 E mai veivoli vei iko o Itomi ni levu na nomu iyau. Era solia na vatutalei na tekoisi, na vutinisipi lokaloka, na isulu talitali duiroka, na isuludina, na lase, kei na rupi mera taura na nomu iyau.
17 “‘“E veivoli vei iko o Juta kei na vanua o Isireli, era solia na witi ni Minici,+ na kakana vinaka, na denioni,+ na waiwai, kei na waiwai boivinaka+ mera taura na nomu iyau.+
18 “‘“E mai veivoli vei iko o Tamasiko+ ni levu na nomu ivoli kei na nomu iyau kece, e solia na waini ni Eliponi kei na vutinisipi ni Saha.* 19 E solia o Vetani kei Javana mai Usali na kaukamea malumu, na kasia,* kei na gasau boivinaka me rau taura na nomu iyau. 20 E volitaka vei iko o Titana+ na isulu* ni idabedabe ni vodo ose. 21 O vakacakacakataki ira na kai Arapea kei ira kece na turaga ni Kitari+ era volitaki lami kei na tamanisipi kei na me.+ 22 Era veivoli vei iko na dauveivoli ni Sipa kei Reama.+ Era solia na veimataqali sede boivinaka, na vatutalei, kei na koula mera taura na nomu iyau.+ 23 O Karana,+ o Kane, o Iteni,+ o ira na dauveivoli ni Sipa,+ o Asuri,+ kei Kilimati eratou veivoli vei iko. 24 Era volitaka ena nomu makete na isulu rairai vinaka, na iovi karakarawa talitali duiroka, kei na ibe vutivutia duiroka, e vesu vinaka kece ena dali.
26 Era kauti iko ina wasawasa voravora o ira na vocetaki iko,
Na cagi na tokalau e vakavuna mo voca e loma ni wasawasa.
27 Na nomu iyau, na nomu iyaya, na nomu ivoli, na nomu kaimua, kei ira na nomu kaiwaqa,
O ira na botana na kemu isema, o ira na volitaka na nomu ivoli,+ kei ira kece na tagane dauvala,+
O ira kece* o vakavodoka tiko,
Era na lutudromu kece e loma ni wasawasa ena siga o bale kina.+
28 Nira kaikaila na nomu kaiwaqa, ena yavala na baravi.
29 O ira kece na dau voce, o ira na kaiwaqa, kei ira na kaimua
Era na sobu mai na nodra waqa mera duri e vanua.
30 Era na tabalaka na domodra, era na tagicaki iko vakalevu+
Nira kaburaka e uludra na kuvuniqele ra qai davo ena dravusa.
31 Era na tasia na uludra me cou, era na vakaisulutaga,
Era na tagicaki iko vakalevu,* era na tagilagalaga vakalevu.
32 Ena levu ni nodra rarawa era na lagata vei iko e dua na sere ni lolosi:
‘O cei e vakataki Taia sa galu toka qo e loma ni wasawasa?+
33 Ni yaco mai wasawasa na nomu iyau, o vakaceguya e levu na lewe ni veivanua.+
E vakavutuniyautaki ira na tui e vuravura na levu ni nomu iyau kei na nomu ivoli.+
34 O sa voca tu qo e wasawasa, ena wai titobu,+
O luvu vata kei na nomu ivoli kece kei ira na nomu tamata.+
35 Era kidroa na lewe ni veiyanuyanu kece nira raici iko,+
Era na sautaninini na nodra tui nira domobula,+ era matararawa.
36 Era na vakalukalu na dauveivoli ni veimatanitu ena ka e yacovi iko.
Ena vakasauri qai vakadomobula na ka e yacovi iko,
O na yali vakadua.’”’”+