Dauveilewai

3 Qo na veimatanitu e vakadonuya o Jiova mera tiko ga mera vakatovolei ira kece na Isireli era se sega ni vakaitavi ena ivalu e Kenani,+ 2 (mera vakaitavi kina ena ivalu na nodra veitabatamata na Isireli, o ira na se bera vakadua ni vakaitavi ena ka va qori): 3 o ratou na lima na nodra turaga na kai Filisitia,+ o ira kece na kai Kenani, o ira na kai Saitoni,+ kei ira na Aivaiti+ era tiko ena Ulu i Lepanoni+ mai Ulu i Pealierimoni me yaco sara i Lepo-emaci.*+ 4 O ira qori mera vakatovolei ira tiko na Isireli me kilai kina se ra na muria se sega na ivakaro i Jiova e vakaroti ira kina na tukadra ena gusu i Mosese.+ 5 Era mani tiko ga na Isireli kei ira na kai Kenani,+ o ira na Itaiti, o ira na Amoraiti, o ira na Perisaiti, o ira na Aivaiti, kei ira na Jepusaiti. 6 Era vakawatitaki ira na luvedra yalewa, era solia na luvedra yalewa vei ira na luvedra tagane, era qarava sara na nodra kalou.+

7 Era cakava na ka ca na Isireli ena mata i Jiova, era guilecavi Jiova na nodra Kalou ra qai qaravi ira na Peali+ kei na duru ni sokalou.*+ 8 E waqa mai na cudru i Jiova vei Isireli qai volitaki ira ina liga i Kusani-risaceimi na tui Mesopotemia.* Era qaravi Kusani-risaceimi na Isireli me walu na yabaki. 9 Nira kere veivuke vei Jiova na Isireli+ e qai lesia o Jiova e dua na ivakabula me vakabulai ira na Isireli,+ oya o Ocinieli+ na luvei Kinasi na taci Kelepi. 10 E sobuti koya na yalo i Jiova,+ e turaganilewa sara e Isireli. Ni lako ina ivalu, e soli Kusani-risaceimi na tui Mesopotemia* o Jiova i ligana me vakadrukai Kusani-risaceimi. 11 Oti oya e vakacegu tu na vanua me 40 na yabaki. Sa qai mate o Ocinieli na luvei Kinasi.

12 Era cakava tale na ka ca na Isireli ena mata i Jiova.+ E mani vakavuna o Jiova me vakadrukai ira na Isireli o Ekiloni na tui Moapi,+ nira cakava na ka ca ena mata i Jiova. 13 E kauti ira tale ga na Amoni+ kei ira na Amalekaiti+ mera valuti ira. Era ravuti ira na Isireli ra qai vakadruka na koro ni vuniniuniu.+ 14 Era qaravi Ekiloni na tui Moapi na Isireli me 18 na yabaki.+ 15 Era qai kere veivuke vei Jiova na Isireli,+ e mani lesia vei ira o Jiova e dua na ivakabula,+ oya o Eute+ na luvei Kira, e dua na Penijamini+ e liga imawi.+ Era talai koya sara na Isireli me kauta na isolisoli vei Ekiloni na tui Moapi. 16 E cakava sara o Eute e dua na nona iseleiwau batirua, e dua na kiupiti* na kena balavu, e vesuka toka e dibina imatau ena loma ni nona isulu. 17 E solia sara na isolisoli vei Ekiloni na tui Moapi. E turaga levulevu sara o Ekiloni.

18 Ni solia oti ga o Eute na isolisoli, e tukuna sara vei ira na tamata era kauta yani na isolisoli mera lako. 19 Ni yaco ena matakau ceuti* era tu e Kilikali,+ e lesu tale o koya vua na tui, e kaya: “Kemuni na tui, au via tukuna lo vei kemuni e dua na itukutuku.” E kaya sara na tui: “Ni vagagalu!” Era mani biubiu kece na nona dauveiqaravi. 20 E lako sara vua na tui o Eute ni dabe tiko ena nona rumu ni vakacagicagi ena tabavale e cake. E kaya o Eute: “Au via tukuna vei kemuni na nona itukutuku na Kalou.” E mani tucake o koya mai na nona idabedabe vakaturaga.* 21 E qai ucuna mai na iseleiwau o Eute ena ligana imawi mai na dibina imatau qai lobora i ketena. 22 E veimuri ga i loma na yamena kei na diana mani ubia na yamena na uro, e sega ni dreta mai tuba o koya na iseleiwau qai bura mai tuba na dena. 23 E curu i tuba o Eute ni muria na varada,* e sogota na katuba ni rumu ni vakanadaku qai lokata. 24 Ni biubiu o Eute, era lesu mai na dauveiqaravi, era raica ni loka tu na katuba ni rumu ena tabavale e cake. Era kaya sara: “De vakacegu tiko* ena rumu ni vakacagicagi e loma.” 25 Era madua nira wawa tiko ga, ia nira raica ni se sega ga ni dolava mai na katuba ni rumu ena tabavale e cake, era taura sara na ki mera dolava, ra qai raica ni sa davo matemate tu ena fuloa* na nodra turaga!

26 Ia e dro o Eute nira vakaberabera tiko, e lakosivita na matakau ceuti*+ me yaco bula i Seiraci. 27 Ni yaco yani i kea e uvuca na davui*+ ena veiulunivanua e Ifireimi,+ era biuta sara na Isireli na veiulunivanua mera lako sobu vata kei koya ni liutaki ira. 28 E qai kaya vei ira: “Ni muri au mai, ni sa soli ira na kemuni meca na Moapi i ligamuni o Jiova.” Era mani muri koya mera valuti ira na Moapi ena vanua mamatia ena Joritani, era sega ni vakadonuya me dua e takosova. 29 Era ravuta e rauta ni le 10,000 na Moapi,+ era tagane kaukaua ra qai yaloqaqa, e sega ni dua e dro.+ 30 Era druka na Moapi ena ligadra na Isireli ena siga oya, e qai vakacegu na vanua me 80 na yabaki.+

31 E taravi Eute o Samikari+ na luvei Anaci, e ravuta e 600 na tagane ni Filisitia+ ena moto ni bulumakau,+ e vakabulai Isireli tale ga o koya.