Jeremaia
51 Qo na ka e kaya o Jiova:
2 Au na talai ira na dau cebuceburaki i Papiloni,
Era na ceburaki koya, mera vakalala na nona vanua,
Era na valuti koya mai na veiyasana kece ena siga ni ca.+
3 Me kua ni loveca* na nona dakaititi na dauvanavana.
Me kua ni dua e tucake ni vakaisulunivalu tu.
Moni kua ni lomana na nona cauravou.+
Moni vakarusai ira kece na nona mataivalu.
4 Era na balemate ena nodra vanua na Kalitia,
Era na lausua ena kena gaunisala.+
5 Ni sega ni biuti Isireli kei Juta me rau yada, na nodra Kalou o Jiova ni lewe vuqa.*+
Ia e sinai ena nodra vanua* na cala, mai na nona rai na Yalosavasava ni Isireli.
Moni kua ni mate ena nona cakacala.
Ni qo na gauna me veisausaumi kina o Jiova.
E sauma vua na ka e dau cakava.+
7 E bilo koula o Papiloni ena liga i Jiova,
E vakamatenitaki ira e vuravura taucoko.
8 E vakasauri na bale nei Papiloni, e ramusu.+
Moni qolouvaki koya!+
Moni kauta mai na waiwai boivinaka me vakaotia na nona mosi, de bula kina.”
9 “Eda via vakabulai Papiloni ia e sega ni bula rawa.
Meda biuti koya tu, meda dui lako ina noda vanua.+
Ni sa yacovi lomalagi na ka e lewai kina,
E cere me vaka na o.+
10 E lewai keda vakadodonu o Jiova.+
Meda lai tukuna i Saioni na cakacaka i Jiova na noda Kalou.”+
11 “Moni vagatara na gasau,+ moni taura na isasabai mokimokiti.*
E uqeta o Jiova na lomadra na tui Mitia,+
Ni nakita me vakarusai Papiloni.
Qo na veisausaumi nei Jiova, na veisausaumi ni nona valenisoro.
12 Moni vakaduria e dua na kaunikuila+ ena bai e Papiloni.
Moni vakalevutaki ira na yadra, moni lesi ira na yadra.
Moni vakarautaki ira na lai toka vuni.
E nakita qori o Jiova,
Ena vakayacora o koya na ka e yalataka me baleti ira na lewe i Papiloni.”+
13 “O iko na yalewa o toka ena dela ni wai levu,+
E bini na nomu iyau,+
Sa yaco mai na kemu itinitini, na levu ni nomu rawatubu.+
14 E bubului vakataki koya o Jiova ni lewe vuqa,
‘Au na vakasinaiti iko ena tamata, na kedra lewe levu ena vaka na qelenivodre,
Era na kailavaki iko ena marau.’+
15 E bulia o koya na vuravura ena nona kaukaua,
O koya e vakataudeitaka na vanua bulabula ena nona vuku+
O koya e tevuka na lomalagi ena nona kila.+
16 Ena gauna e vosa kina o koya,
E yavavala na wai mai lomalagi,
E vakuvuya cake o koya na o* mai na iyalayala kei vuravura.
E cakava o koya na liva me salavata kei na uca,
E vakaliwava o koya na cagi mai na nona lololo.+
17 Era sesewa na tamata kece, era sega ni kila e dua na ka.
Era vakamaduataki kece na matai ni kaukamea ena vuku ni ivakatakarakara ceuti,+
Ni ka lasu na nona matakau kaukamea,
E sega ni cegu tiko.+
18 E ka lasu,*+ e caka me vakalialiai.
Ni yaco mai na siga mera tarogi kina, era na rusa.
19 Na iVotavota nei Jekope e sega ni vakataki ira qo,
Ni o koya ga e bulia na ka kece,
Kei na ititoko ni nona ivotavota.+
O Jiova ni lewe vuqa na yacana.”+
20 “O iko na noqu iwau, na iyaragi ni ivalu,
Au na vorolaki ira na veivanua niu vakayagataki iko.
Au na vakarusai ira na veimatanitu niu vakayagataki iko.
21 Au na vorolaka na ose kei na dauvodo ose niu vakayagataki iko.
Au vorolaka na qiqinivalu kei koya e vodoka niu vakayagataki iko.
22 Au na vorolaka na tagane kei na yalewa niu vakayagataki iko.
Au na vorolaki ira na qase kei na gonetagane niu vakayagataki iko,
Au na vorolaki ira na cauravou kei na goneyalewa niu vakayagataki iko.
23 Au na vorolaka na ivakatawa kei na nona qelenimanumanu niu vakayagataki iko,
Au na vorolaka na dauteitei kei na nona manumanu ni siviyara niu vakayagataki iko,
Au na vorolaki ira na kovana kei ira na ivukevuke ni turaga niu vakayagataki iko.
24 Au na sauma vei Papiloni kei ira kece na lewe i Kalitia
Na ka ca kece era vakayacora e Saioni e matamuni,”+ e kaya o Jiova.
25 “Ia qo au na valuti iko,+ na ulunivanua dau veivakarusai,” e kaya o Jiova,
“O dau vakacacana na vuravura taucoko.+
Au na dodoka vei iko na ligaqu meu vaqiqici iko tani mai na barinivatu
Au na vukici iko mo ulunivanua kama.”
26 “Era na sega ni kauta tani vei iko na tamata na vatu ni tutunivale se vatu ni yavu,
Ni o na rusa vakadua,”+ e kaya o Jiova.
27 “Moni vakaduria ena vanua e dua na kaunikuila.+
Moni uvuca na davui* ena veivanua.
Moni lesia na veivanua mera valuti koya.
Moni kacivi ratou mai na matanitu o Ararata,+ o Mini kei Asikenasi+ me ratou valuti koya.
Moni lesia e dua na kena turaganivalu.
Moni talai ira cake na ose me vaka na qelenivodre dramidrami.
28 Moni lesia na veivanua mera valuti koya,
O ira na tui Mitia,+ o ira na kena kovana kei ira kece na kena ivukevuke ni turaga
Kei na vanua kece era lewa.
29 Ena sakure na vuravura, ena yavavala,
Ni na yaco ga na ka e nakita o Jiova me baleti Papiloni
Me vukica na vanua o Papiloni me domobulataki, me kua ni dua e tiko kina.+
30 Era sega ni vala na tamata qaqa nei Papiloni.
Era tiko ga ena nodra koro kaukaua.
Sa oti na nodra kaukaua.+
Era vaka na yalewa.+
E vakamai na nodra vale.
E musuki na kena ivakadei.+
31 E cici e dua na daucici me sota kei na dua tale na daucici,
Kei na dua na italai me sota kei na dua tale na italai,
Me tukuna vei tui Papiloni ni sa ravuti na nona koro ena veiyasana,+
32 Sa tauri na itatakoso,+
Sa vakamai na waqa kuta,
Era lomaleqa na sotia.”
33 Ni qo na ka e kaya o Jiova ni lewe vuqa na Kalou ni Isireli:
“Na goneyalewa ni Papiloni e vaka na rara ni butu covuata.
Sa kena gauna me buturaki kina o koya.
Sa voleka sara na gauna me tamusuki kina o koya.”
E vakalalai au me vaka na saqa lala.
E tilomi au me vaka na gata levu,+
E vakamamautaka na ketena ena noqu ka talei.
E vui au tani o koya.
35 ‘Me tau mada ga vei Papiloni na ivalavala kaukaua e caka vei au kei na yagoqu!’ e kaya na kai Saioni,+
‘Me tarogi mada ga na noqu dra vei ira na lewe i Kalitia!’ e kaya o Jerusalemi.”
36 Ia qo na ka e kaya o Jiova:
Au na vakadiva na nona wasawasa, au na vakamacara na nona toevu.+
38 Era na tagi vata kece me vaka na laione gone.*
Era na kudru me vaka na luvenilaione.”
39 “Nira katakata mai, au na vakarautaka na kedra magiti meu vakamatenitaki ira,
Era na malaude.+
Era na qai moce vakadua,
Era na sega ni yadra tale,”+ e kaya o Jiova.
40 “Au na kauti ira sobu me vaka na lami mera vakamatei,
Me vaka na tamanisipi kei na me tagane.”
Sa vuki o Papiloni mera domobulataka na veivanua!
42 E luvuci Papiloni na waitui.
Sa dromuci ena levu ni kena biau.
43 Sa vuki na nona koro me domobulataki, me vanua talasiga kei na vanua dravuisiga.
Na vanua ena sega ni tiko kina e dua, ena sega ni lakova na tamata.+
Era na sega ni drodro tale vua na veivanua,
Ena bale na bai kei Papiloni.+
45 Moni lako tani vua, o kemuni na noqu tamata!+
Moni dro moni bula+ mai na cudru waqawaqa i Jiova!+
46 Moni kua ni yalolailai se rerevaka na itukutuku ena rogovaki ena vanua.
Ena rogo mai e dua na itukutuku ena dua na yabaki,
Ena yabaki tarava e dua tale na itukutuku
Ni vakacaca ena vanua, era na veivala na veiliutaki.
47 Ia raica! sa voleka mai na siga
Au na totogitaki ira kina na ivakatakarakara ceuti nei Papiloni.
Ena vakamaduataki na nona vanua taucoko,
Era na bale ga e kea o ira kece na nona era vakamatei.+
48 Na lomalagi kei na vuravura kei na ka kece e tu kina
Ena kaila ena marau ni sa bale o Papiloni,+
Era na lako yani vua na dauvakacaca mai na vualiku,”+ e kaya o Jiova.
49 “E sega ga ni vakabalei ira na Isireli o Papiloni+
Ia era balemate tale ga e Papiloni o ira kece e vuravura.
50 O kemuni na drovaka na iseleiwau moni toso tiko ga, moni kua ni tu vakadua!+
Moni nanumi Jiova mai na vanua yawa,
Moni nanumi Jerusalemi e lomamuni.”+
51 “Eda vakamaduataki nida rogoca na veivakalialiai.
52 “Ia raica! sa voleka mai na gauna,” e kaya o Jiova,
“Au na totogitaka na nona ivakatakarakara ceuti,
Era na vutugu ena nona vanua kece o ira na mavoa.”+
53 “Ke cabe i lomalagi o Papiloni,+
Ke vakaukautaka mada ga na nona koro kaukaua cecere,
Au na talai ira na dauvakacaca mera vakarusai koya,”+ e kaya o Jiova.
54 “Rogoca! E rogo na tagi mai Papiloni,+
Na rorogo ni veivakarusai levu mai na nodra vanua na Kalitia,+
55 Ni sa vakarusai Papiloni o Jiova,
Ena vagaluya o koya na domona rogo levu,
Na kedra biau ena vadugu me vaka na wai levu.
Ena rogo na voqa ni domodra.
56 Ni na lako yani vei Papiloni na dauvakacaca,+
Era na vesu na nona tamataivalu,+
Ena musuki na nodra dakaititi,
Ni Kalou ni vakatauitotogi o Jiova.+
Ena sauma dina o koya.+
57 Au na vakamatenitaki ira na nona turaga kei ira na nona tamata vuku,+
O ira na nona kovana, o ira na nona ivukevuke ni turaga, kei ira na nona tamata qaqa,
Era na moce vakadua,
Era na sega ni yadra tale,”+ e kaya na Tui, na yacana o Jiova ni lewe vuqa.
58 Qo na ka e kaya o Jiova ni lewe vuqa:
“Na bai raba kei Papiloni ena basuraki vakadua,+
Kei na kena matamata cecere ena vakamai ena bukawaqa.
Ena matewale na nodra cakacaka na lewe ni veivanua,
Era na vakaocai ira na veivanua me kena ga na bukawaqa.”+
59 Qo na vosa e vakarota o Jeremaia na parofita vei Siraia na luvei Narai+ na luvei Mesea ni tomani Tui Setekaia e Juta me rau lako i Papiloni ena ikava ni yabaki ni nona lewa, o Siraia e lewa na valenimoce. 60 E vola o Jeremaia ena dua na ivola na ka ca kece ena yacovi Papiloni, na vosa kece qo e volai me tau vei Papiloni. 61 E kaya tale vei Siraia o Jeremaia: “Ni o yaco i Papiloni mo raica, mo wilika sara vakadomoilevu na vosa kece qo. 62 Mo kaya, ‘Kemuni Jiova, o kemuni ga oni vosataka na vanua qo me vakarusai me kua ni dua e tiko kina, na tamata se manumanu, me lala vakadua.’+ 63 Ni o wilika oti ga na ivola qo, mo vesuka kina e dua na vatu qai viritaka ena loma ni Uferetisi. 64 Mo kaya, ‘Ena lutudromu va qo o Papiloni, ena sega ni vude tale+ ena vuku ni ka rarawa au na vakayacora vua, era na oca ga.’”+
Sa qai oti na vosa i Jeremaia.