Osea
13 “Ni vosa o Ifireimi, e vakavuna na sautaninini,
E rogo o koya e Isireli.+
Ia e cala ena vuku i Peali+ mani mate.
2 E levu tale na nodra cala
Era bulia na matakau kaukamea ena nodra siliva;+
Era matai ena buli matakau, e nodra cakacaka kece na matai.
Era kaya vei ira, ‘Mera reguca na luvenibulumakau o ira na soro kina.’+
3 O koya gona era na vaka na o ni mataka,
Me vaka na tegu e seavu totolo,
Me vaka na qa ni covuata e ceburaka na draki ca mai na rara ni butu covuata,
Me vaka na kubou mai na kena ikuvukuvu.
4 Ia o yau o Jiova na nomu Kalou mai na vanua o Ijipita;+
O sega ni kila e dua tale na Kalou, o yau ga,
E sega ni dua tale na ivakabula, o yau ga.+
5 Au kilai iko mai na vanua talasiga,+ na vanua mamaca.
6 Era mamau ena kedra co drokadroka,+
Era mamau qai viavialevu na lomadra.
Era mani guilecavi au.+
7 Au na vaka na laione gone vei ira,+
Me vaka na lepate e vuni tiko ena sala.
8 Au na tavaki ira me vaka na bea e yali na luvena,
Au na dresulaka na lomaseredra.*
Au na kani ira e kea me vaka na laione,
Ena qai basubasuraki ira e dua na manumanu kila ni veikau.
9 Ena vakarusai iko Isireli,
Ni o saqati au, o saqata na nomu ivukevuke.
10 I vei gona na nomu tui me vakabulai iko ena nomu koro kece,+
Kei ira na nomu turaga* o tukuna,
‘Moni lesia e dua na noqu tui kei na so na noqu turaga’?+
12 Sa ologi* tu na cakacala nei Ifireimi;
E maroroi tu na nona ivalavala ca.
13 Ena yacovi koya na taratara ni vakasucu.
Ia e gone lialia;
E sega ni vakaraitaki koya ena gauna me sucu kina.
O iko Mate, i vei na nomu batigaga?+
O iko iBulubulu, i vei na nomu dau veivakarusai?+
Ena tabonaki e mataqu na yalovinaka.
15 Ke vuavuaivinaka o koya ena kedra maliwa na gasau,
Ena liwa mai na cagi na tokalau, na cagi i Jiova,
E liwa mai na vanua talasiga me vakamacara na nona toevu kei na nona mataniwai.
Ena yauta o koya qori na nona iyau talei kece.+
16 Ena totogitaki na cala nei Samaria+ ni talaidredre vua na nona Kalou.+
Era na bale ena iseleiwau,+
Era na tatalaki na luvedra,
Era na tavatavalaki tale ga na nodra yalewa bukete.”