Aisea
2 Ena tautauvata na ka ena yacovi ira kece:
Na lewenivanua kei na bete,
Na dauveiqaravi kei na nona turaga,
Na dauveiqaravi kei na nona marama,
O koya e volivoli kei koya e volivolitaki,
O koya e soli dinau kei koya e dinau,
O koya e taura na tubu kei koya e sauma.+
4 E lolosi* na vanua,+ sa malai yani.
E matemate na vanua bulabula, sa sega ni vua.
Era gogo na iliuliu ni vanua.
Oya na vuna era lewe lailai kina na tiko ena vanua,
E vo ga e vica.+
8 Sa mudu na rorogo marautaki ni tibereli;
Sa oti na nodra maue na dau mamarau;
Sa mudu na rorogo marautaki ni api.+
9 Era gunu waini ia e sega na sere
E gaga na gunu e veivakamatenitaki vei ira na gunuva.
11 Era tagica na waini e gaunisala.
Sa oti kece na marau;
Sa sega ni reki na vanua.+
13 Ena va qo ena vanua, ena kedra maliwa na lewe ni veivanua:
14 Era na tabalaka na domodra,
Era na kaikaila ena marau.
Era na kacivaka mai wasawasa* ni cecere o Jiova.+
15 Oya na vuna era na vakalagilagi Jiova kina ena yasayasa ni rarama,*+
Era na vakalagilagia na yaca i Jiova na Kalou ni Isireli na veiyanuyanu e wasawasa.+
16 Mai na iyalayala ni vanua eda rogoca na sere:
“Me vakalagilagi ga o koya na Yalododonu!”+
Ia au kaya: “Au sa malumalumu, au sa malumalumu!
Au sa kalouca! Era veivakaisini na dauveivakaisini.
Dua na ka na nodra veivakaisini na dauveivakaisini.”+
17 Na domobula, na qara, kei na dai e waraki kemuni na lewenivanua.+
18 O koya e drovaka na rorogo ni ka vakadomobula ena lutu ina qara,
O koya e lako cake mai na qara ena tacori ena dai.+
Ni na tadola na isogo mai cake,
Ena sakure na yavu ni vanua.
20 E taceba na vanua me vaka na mateni,
E veisuayaki me vaka na bure ni liwa na cagi.
E tarabi vua na nona cakacala,+
Ena bale ena sega ni tucake tale.
21 Ena siga oya ena cudruva o Jiova na mataivalu mai cake
Kei ira na tui ni vuravura era tiko e vuravura.
22 Era na soqoni vata
Me vaka na kaivesu era soqoni ena qara,
Era na sogolati ena qara buto;
Ni oti e vica vata na siga era na lewai.