Same
Na Sere ni Cabe.
132 Kemuni Jiova, ni nanumi Tevita
Kei na nona rarawa kece,+
2 Na nona bubului vei Jiova,
Na nona bubului vua na Kalou Kaukaua i Jekope:+
3 “Au na sega ni curu ina noqu valelaca, na noqu vale.+
Au na sega ni davo ena noqu idabedabe balavu, na noqu idavodavo,
4 Au na sega ni laiva me moce na mataqu,
Se me kabulu na dakunimataqu
5 Me yacova niu kunea e dua na vanua me nei Jiova,
E dua na itikotiko vinaka* me nona na Kalou kaukaua i Jekope.”+
8 Ni tucake, i Jiova, ni gole mai na nomuni vanua ni vakacegu,+
O kemuni kei na Kato ni nomuni kaukaua.+
9 Mera vakaisulutaki ena yalododonu na nomuni bete,
Mera kaila tale ga ena marau na nomuni yalodina.
11 E bubului vei Tevita o Jiova,
Ena sega ni suka wale vua na nona vosa:
12 Ke ra dei na luvemuni ena noqu veiyalayalati
Kei na noqu veivakadreti au vakavulica vei ira,+
Na luvedra tale ga,
Era na dabe ena nomuni idabedabe vakaturaga me tawamudu.”+
13 Ni sa digitaki Saioni o Jiova.+
Sa vinakata o koya me nona itikotiko.+
14 “Qo na noqu vanua ni vakacegu me tawamudu,
Au na tiko i ke,+ ni qo na ka au vinakata.
15 Au na vakalougatataka vakalevu ena kakana,
Au na vakamamautaki ira na nona dravudravua ena madrai.+
16 Au na vakaisulutaki ira na kena bete ena veivakabulai,+
Era na kaila tale ga ena marau na nona yalodina.+
17 Au na vakalevutaka e kea na kaukaua* i Tevita.
Au sa vakarautaka e dua na cina me nona na noqu lumuti.+
18 Au na vakaisulutaki ira na kena meca ena madua,
Ia ena serau na isala vakatui e uluna.”+