Jeremaia
14 Qo na ka e tukuna o Jiova vei Jeremaia me baleta na lauqa.+
2 E lolosi o Juta,+ sa malumalumu na kena matamata.
Sa dromu ina qele ena rarawa,
Sa tagi cake o Jerusalemi.
3 Era tala na turaga na nodra dauveiqaravi* mera taki wai mai.
Era lako ina toevu,* era sega ni raica na wai.
Era lesu lala mai kei na nodra saqa.
Era madua ra qai rarawa,
Era ubia na uludra.
5 Na dia mada ga ni vanua e biuta na luvena
Ni sa sega na co.
6 Era tu na asa kila ena veidelana dravuisiga.
7 Na neimami cala ga e beitaki keimami,
Kemuni Jiova, moni yavala ena vuku ni yacamuni.+
Ni levu sara na neimami cakacala,+
Keimami valavala ca vei kemuni.
8 Kemuni na inuinui nei Isireli, na nona iVakabula+ ena gauna ni rarawa,
Na cava oni vaka kina na vulagi ena vanua,
Me vaka na dauveilakoyaki e cegu me moce ena bogi?
9 Na cava oni vaka kina na tamata taqaya,
Me vaka na tamata qaqa e sega ni veivakabulai rawa?
Moni kua ni biuti keimami.
10 Qo na ka e kaya o Jiova me baleti ira na tamata qo: “Era taleitaka na veilakoyaki,+ era sega ni tarova na yavadra.+ E sega ni taleitaki ira o Jiova.+ Ia qo ena nanuma o koya na nodra cala, ena tarogi ira ena nodra ivalavala ca.”+
11 E qai kaya vei au o Jiova: “Mo kua ni masulaka me yacovi ira na tamata qo na ka vinaka.+ 12 Nira lolo, au sega ni rogoca na nodra vakamamasu,+ nira cabora na isoro kama taucoko kei na isoro kakana, au sega ni taleitaka qori,+ niu na vakarusai ira ena iseleiwau, ena dausiga, kei na matedewa.”+
13 Au kaya: “Oilei, kemuni na Turaga Cecere Duadua, Jiova! Era kaya na parofita vei ira, ‘Oni na sega ni raica na iseleiwau, ena sega ni yacovi kemuni na dausiga, ia au na solia vei kemuni na vakacegu dina ena vanua qo.’”+
14 E qai kaya vei au o Jiova: “Era parofisaitaka tiko na parofita na ka lasu ena yacaqu.+ Au sega ni talai ira, se vakaroti ira, se vosa vei ira.+ Era parofisaitaka tiko vei kemuni na raivotu lasu, na rairai macawa, kei na veivakaisini ni lomadra.+ 15 O koya gona, qo na ka e kaya o Jiova me baleti ira na parofita era parofisai tiko ena yacaqu, ia au sega ni talai ira, era tukuna tiko ni na sega ni yaco na iseleiwau se na dausiga ena vanua qo: ‘Era na vakarusai na parofita qori ena iseleiwau kei na dausiga.+ 16 O ira na tamata era parofisai kina era na biu tu ena gaunisala e Jerusalemi ena vuku ni dausiga kei na iseleiwau, ena sega ni dua me buluti ira,+ o ira, se na watidra, na luvedra tagane se na luvedra yalewa, niu na sova vei ira na ca e rauti ira.’+
17 “Mo tukuna vei ira na vosa qo,
‘Me drodro na wainimataqu ena bogi kei na siga, me kua ni cegu,+
Ni sa mavoa vakaca qai ramusu na goneyalewa ni kainoqu,+
Ena dua na mavoa levu sara.
18 Keu lako ina ibili meu vakararai,
Au raici ira na mate ena iseleiwau!+
Keu lako ina koro,
Au raici ira na mate ena dausiga!+
Era veilakoyaki na parofita kei na bete ena vanua era sega ni kila.’”+
19 Oni sa biuti Juta vakadua, se oni cati Saioni?+
Na cava oni mokuti keimami kina, me sega ni dua e vakabulai keimami?+
Keimami nuitaka na vakacegu, ia e sega ni yaco na ka vinaka,
Na gauna ni veivakabulai ia e yaco ga na domobula!+
20 Keimami vakatusa na neimami ca, kemuni Jiova,
Kei na nodra cala na tukai keimami,
Ni keimami valavala ca vei kemuni.+
21 Ena vuku ni yacamuni moni kua ni vakanadakui keimami,+
Moni kua ni cata na nomuni idabedabe vakaturaga lagilagi.
Moni nanuma moni kua ni beca na noda veiyalayalati.+
22 Ena vakatauca rawa na uca na matakau tawayaga ni veimatanitu,
Se solia rawa vakataki koya na lomalagi na uca?
Sega ni o kemuni duadua ga, kemuni Jiova na neimami Kalou?+
Keimami nuitaki kemuni,
Ni o kemuni duadua ga oni vakayacora na ka kece qo.