Vunau ni Soro

8 E vosa tale vei Mosese o Jiova, e kaya: 2 “Kauti Eroni kei ratou na luvena tagane,+ na isulu,+ na waiwai ni veilumuti,+ na bulumakau tagane me isoro ni ivalavala ca, rua na tamanisipi, kei na basikete madrai sega ni vakaleveni,+ 3 mera soqovata mai na isoqosoqo taucoko ena icurucuru ni valelaca ni veitavaki.”

4 E qai cakava o Mosese na ka sara ga e vakaroti koya kina o Jiova, era qai soqoni vata mai na isoqosoqo ena icurucuru ni valelaca ni veitavaki. 5 E kaya vei ira na isoqosoqo o Mosese: “Qo na ka e vakarota vei keda o Jiova me caka.” 6 E kauti Eroni mai kei ratou na luvena tagane o Mosese qai vui ratou ena wai.+ 7 Oti oya e vakaisulutaki Eroni ena isulu balavu,+ e vauci koya ena ivaunitolona,+ e vakaisulutaki koya ena isulu balavu tabaleka+ qai vakadarama vua na efoti+ qai vesuka ena beleti tali*+ ni efoti, e vesuka me dei vua. 8 Oti e dara na taga ni lomasere,+ qai biuta na Urimi kei na Camimi+ e loma ni taga ni lomasere. 9 E biuta na ivauniulu+ e uluna, qai biuta ena mata ni ivauniulu na tiki ni koula taliva, na ivakatakilakila tabu ni yalayala,+ me vaka ga e vakaroti Mosese kina o Jiova.

10 E mani taura o Mosese na waiwai ni veilumuti, qai lumuta na valeniveitavaki kei na iyaya kece e tiko e loma+ qai vakatabui ira. 11 Oti oya e kureitaka vakavitu eso ena icabocabonisoro, qai lumuta na icabocabonisoro kei na kena iyaya kece, na beseni kei na kena itutu, me rawa ni vakatabui ira. 12 Sa qai sova eso na waiwai ni veilumuti ena ulu i Eroni, qai lumuti koya me vakatabui koya+ kina.

13 E qai kauti ratou voleka mai na luvei Eroni o Mosese, qai vakaisulutaki ratou ena isulu balavu, e vauci ratou tale ga ena ivaunitolo, e vakadarama* tale ga na nodratou ivauniulu,+ me vaka ga e vakaroti Mosese kina o Jiova.

14 E qai kauta yani na bulumakau tagane me isoro ni ivalavala ca, e qai tabaka o Eroni kei ratou na luvena tagane ena ligadratou na ulu ni bulumakau tagane me isoro ni ivalavala ca.+ 15 E vakamatea o Mosese, e taura tale ga na dra+ ena iqaqaloniligana qai biuta ena ileu ni icabocabonisoro ena yasana taucoko qai vakasavasavataka o koya na icabocabonisoro mai na ivalavala ca, ia e sova na vo ni dra ena vu ni icabocabonisoro, me vakatabuya me caka kina na veisorovaki. 16 Oti oya e taura mai na uro kece e tu ena wawa, na uro ena dela ni yate, na rua na ivi kei na kedrau uro, qai cakava o Mosese me kubou ena icabocabonisoro.+ 17 Oti e vakama ena bukawaqa ena taudaku ni keba+ na vo ni bulumakau tagane, na kulina, na lewena, kei na dena, me vaka ga e vakaroti Mosese kina o Jiova.

18 E kauta voleka mai o koya na tamanisipi me isoro kama, ratou qai tabaka na ulu ni tamanisipi+ ena ligadratou o Eroni kei ratou na luvena tagane. 19 E vakamatea sara o Mosese qai kureitaka wavolita na dra ena icabocabonisoro taucoko. 20 E musuka vakalalai na tamanisipi o koya, qai vakama me kubou na uluna, na tikitikina, kei na uro.* 21 E savata o Mosese ena wai na wawa kei na yavana, qai vakama me kubou na tamanisipi taucoko ena icabocabonisoro. Qori na isoro kama e talei* na kena iboi. E cabori ena bukawaqa vei Jiova, me vaka e vakaroti Mosese kina o Jiova.

22 E qai kauta yani o koya na ikarua ni tamanisipi, na tamanisipi ni veibuli,+ ratou qai tabaka na ulu ni tamanisipi+ ena ligadratou o Eroni kei ratou na luvena tagane. 23 E vakamatea o Mosese, e taura eso na kena dra qai biuta ena bele ni daliga i Eroni imatau, e biuta tale ga ena idovidovinikakana ni ligana imatau kei na iqaqalo levu ni yavana imatau. 24 E qai kauti ratou mai liu na luvei Eroni tagane, e biuta sara eso na dra ena belenidaligadratou imatau, e biuta tale ga eso ena idovidovinikakana ni ligadratou imatau kei na iqaqalo levu ni yavadratou imatau, ia e kureitaka o Mosese na vo ni dra wavolita na icabocabonisoro+ taucoko.

25 E taura mai na kena uro, na buina uro, na uro kece ni wawa, na uro ni yate, na rua na ivi kei na kena uro, kei na yavana imatau.+ 26 E taura mai na basikete na madrai sega ni vakaleveni e tu ena mata i Jiova, na madrai e sega ni vakaleveni+ e buli vaka na mama, e dua tale ga na madrai e buli vaka na mama ia e vakawaiwai,+ kei na dua na madrai mamare. Sa qai biuta ena tikina urouro kei na yavana imatau. 27 Oti oya e biuta kece qori ena qeteqete ni liga i Eroni kei na qeteqete ni ligadratou na luvena tagane, qai tekivu yalovaka me isoro yalovaki ena mata i Jiova. 28 E qai taura mai ligadratou o Mosese na veika qori qai cakava me kubou ena icabocabonisoro ena dela ni isoro kama. Qo na isoro ni veibuli e talei* na kena iboi. E isoro e cabori vei Jiova ena bukawaqa.

29 E taura sara o Mosese na sarisari qai yalovaka me isoro yalovaki ena mata i Jiova.

+ Na tamanisipi ni veibuli e kena ivotavota o Mosese, me vaka ga e vakaroti Mosese+ kina o Jiova.

30 E qai kauta eso na waiwai ni veilumuti+ o Mosese kei na so na dra ena icabocabonisoro qai kureitaka vei Eroni kei na nona isulu, vei ratou na luvena tagane eratou tiko kei koya kei na nodratou isulu. E vakatabui Eroni kina kei na nona isulu, o iratou tale ga na luvena tagane+ kei na nodratou isulu.+

31 E kaya sara o Mosese vei Eroni kei ratou na luvena tagane: “Vakasaqara+ na lewena ena icurucuru ni valelaca ni veitavaki, dou na kania e kea kei na madrai e tu ena basikete ni veibuli, me vaka ga au vakaroti kina, ‘Ena kania+ o Eroni kei ratou na luvena tagane.’ 32 Ia na ka e vo mai na lewena kei na madrai dou na vakama ena bukawaqa.+ 33 Dou kua ni curu i tuba mai na icurucuru ni valelaca ni veitavaki me vitu na siga, me yacova na siga ena vakacavari kina na nomudou buli, ni na vitu na siga na nomudou buli mo dou bete.*+ 34 E vakarota o Jiova medatou cakava na ka tou sa cakava nikua mo dou sorovaki kina.+ 35 Dou na tiko ga ena icurucuru ni valelaca ni veitavaki ena siga kei na bogi me vitu na siga,+ dou qai cakava nomudou itavi vei Jiova,+ mo dou kua kina ni mate, ni qori na ka e vakaroti vei au.”

36 E qai cakava o Eroni kei ratou na luvena tagane na ka kece e vakarota o Jiova, ena gusu i Mosese.