Lako Yani

22 “Ke dua na tagane e butakoca e dua na bulumakau tagane se dua na sipi qai vakamatea se volitaka, me solia o koya e lima na bulumakau tagane me isosomi ni bulumakau tagane oya, kei na va na sipi me isosomi ni sipi oya.+

2 “Ke laurai ni basu vale e dua na daubutako+ mani moku mate, ena sega ni beitaki e dua ena vakadavedra. 3 Ia ke yaco qori ni sa cabe oti na matanisiga, sa na yaco na veibeitaki ni vakadavedra.)

“Ena sauma sara ga o koya. Ke sega vua na ka, me qai volitaki o koya ena vuku ni ka e butakoca. 4 Ke laurai vua ni se bula tu na ka e butakoca, se mani dua na bulumakau tagane se dua na asa se dua na sipi, me vakaruataka o koya na ka e sauma.

5 “Ke dua e biuta tu nona manumanu me kana ena were se loganivaini qai lai kana ena nona were e dua tale, me sauma qori o koya ena ka vinaka duadua mai na nona were se na ka vinaka duadua mai na nona loganivaini.

6 “Ke tekivu na kama qai teteva yani na vunikau vakavotona, ra qai kamayavu kina na ivesu covuata, se na covuata era se duri tu, se dua na iteitei, o koya e tekivuna na kama me sauma na ka e kama.

7 “Ke dua e solia vua na kainona na ilavo se iyaya me maroroya, e qai butakoci qori mai na vale ni kainona, ke kune o koya e butako, me sauma sara ga vakarua.+ 8 Ke sega ni kune o koya e butako, me qai kau yani na itaukeinivale ina mata ni Kalou dina+ me kilai kina se a tara na iyaya ni kainona na ligana se sega. 9 Na kisi kece ga e vauca na kena tauri vakailoa na iyau, se mani bulumakau tagane, na asa, na sipi, na isulu, se dua tale na ka e yali, mani kaya kina o koya, ‘Qo e noqu!’ me rau na vakaraitaka nodrau kisi na ito ruarua ena mata ni Kalou dina.+ O koya e tukuna na Kalou ni cala ena vakaruataka na ka e sauma vua na kainona.+

10 “Ke dua na tamata e solia vua na kainona na asa se bulumakau tagane se sipi se dua ga na manumanu me maroroya, e mani mate qori se mavoa, se kau vakailoa ni sega ni dua e rai tu, 11 me qai caka na bubului ena kedrau maliwa, ena mata i Jiova, ni a sega ni tara na ligana na nona iyau na kainona, me qai ciqoma qori na kena itaukei. Me kua ni solia na kena isosomi na tagane adua.+ 12 Ia ke butakoci mai vua na manumanu, me qai sauma o koya vua na kena itaukei. 13 Ke basuraka na manumanu kila, me qai kauta mai me ivakadinadina. Me kua ni sauma o koya na ka e basuraka na manumanu kila.

14 “Ia ke dua e kerea e dua na manumanu vua na kainona, e qai mavoa qori se mate ni sega ni tiko na kena itaukei, na tamata e kerea mai me na sauma sara ga. 15 Ke tu vata kei na kena itaukei, me kua ni sauma o koya. Ke a saumi me mai vakayagataki, sa kena isau ga na ilavo e saumi me vakayagataki kina.

16 “Ke dua na tagane e temaka e dua na goneyalewa se sega ni veimusumusuki, mani mocevata kei koya, me sauma o koya na isau ni yalewavou me watina kina o yalewa.+ 17 Ke bese ni soli yalewa vua o tamai yalewa, me sauma tiko ga o koya na ilavo e dodonu me isau ni yalewavou.

18 “Mo kua ni vakabula na yalewa e daucakaisausau.+

19 “O koya e mocevata kei na manumanu, me vakamatei sara ga.+

20 “Ke dua e vakacaboisoro vua na kalou tani, sega vei Jiova duadua ga, me na vakamatei sara ga o koya.+

21 “Mo kua ni vakalolomataka e dua e tiko vulagi se vakasaurarataki koya,+ ni oni a tiko vulagi ena vanua o Ijipita.+

22 “Mo kua ni vakararawataka e dua na yada se dua na gone e sega ni vakatamani.*+ 23 Ke o vakararawataki koya mani tagi mai vei au, au na rogoca sara ga na nona tagi,+ 24 ena waqa mai noqu cudru, au na qai vakamatei kemuni ena iseleiwau, era na qai yada na watimuni, era na sega tale ga ni vakatamani na luvemuni.

25 “Ke o soli ilavo vakadinau vua e dua na noqu tamata e dravudravua,* e vakaitikotiko kei iko, mo kua ni vaka e dua na manileda vei koya. Mo kua ni lavaka vua na tubu.+

26 “Ke o vesuka na nona isulu na kainomu me ivakadei ni dinau,+ mo vakasuka vua ni dromu na matanisiga. 27 Ni qori ga na nona iubi, na nona isulu me ubia kina na yagona,* na cava ena qai vakayagataka ni davo me moce?+ Ni tagi mai vei au o koya, au na rogoca sara ga, niu dau yalololoma.*+

28 “Mo kua ni vosavakacacataka* na Kalou+ se vosavakacacataka e dua na turaga* ena kedra maliwa na nomu tamata.+

29 “Mo kua ni lomalomarua mo solia na nomu isoro mai na levu ni itei o tamusuka, kei na ka e vuabale mai na nomu ikeli.*+ Mo solia vei au na luvemu tagane ulumatua.+ 30 Qo na ka mo cakava ena nomu bulumakau tagane kei na nomu sipi:+ Ena tiko kei tinana me vitu na siga. Mo qai solia vei au ena ikawalu ni siga.+

31 “Moni tamata savasava sara ga vei au,+ moni kua ni kania na lewe ni dua na ka e basuraka mai veikau na manumanu kila.+ Moni kolotaka vei ira na koli.