iMatai ni Veigauna

24 Qo na nodra iwasewase na kawa nei Eroni: O ratou na tagane na luvei Eroni o Netapi, o Epaiu,+ o Eliesa, kei Icama.+ 2 Erau mani mate e liu vei tamadrau o Netapi kei Epaiu,+ erau sega ni vakaluveni tagane, erau veiqaravi tiko ga vakabete o Eliesa+ kei Icama. 3 Ia o Tevita kei Setoki+ vei ira na tagane na luvei Eliesa, kei Eimeleki vei ira na tagane na luvei Icama, eratou wasei ira na kawa i Eroni ena nodra itavi ni veiqaravi. 4 Ni levu na nodra turaga na luvei Eliesa e lailai o ira na luvei Icama, era mani wasei ira: E 16 na turaga ena nodra mataqali na luvei Eliesa, e 8 na turaga ena nodra mataqali na luvei Icama.

5 Eratou qai wasei ira ena vakawirimadigi,+ e dua na iwasewase kei na dua tale na iwasewase, me tiko na turaga era veiqaravi ena loqi tabu kei ira na turaga era qarava na Kalou dina era lesi vei ira na luvei Eliesa kei ira na luvei Icama. 6 E vola sara na yacadra o Semaia na vunivola na luvei Nicaneli na Livai e matana na tui, e matadra na turaga, o Setoki+ na bete, o Eimeleki+ na luvei Epaiaca+ kei ira na turaga ni nodra mataqali na bete kei ira na Livai, e digitaki e dua na mataqali me nei Eliesa, e digitaki e dua tale me nei Icama.

7 Na imatai ni madigi e dusi Jioiaripi, na kena ikarua o Jitaia, 8 na kena ikatolu o Erimi, na kena ikava o Siorimi, 9 na kena ikalima o Malikaia, na kena ikaono o Maijamini, 10 na kena ikavitu o Akose, na kena ikawalu o Apaija,+ 11 na kena ikaciwa o Jesua, na kena ikatini o Sekanaia, 12 na kena ika11 o Iliasipi, na kena ika12 o Jakimi, 13 na kena ika13 o Upa, na kena ika14 o Jisepapi, 14 na kena ika15 o Pilika, na kena ika16 o Ima, 15 na kena ika17 o Esiri, na kena ika18 o Apisesi, 16 na kena ika19 o Pecaia, na kena ika20 o Jesikeli 17 na kena ika21 o Jakini, na kena ika22 o Kamuli, 18 na kena ika23 o Tilaia, kei na kena ika24 o Measaia.

19 Qo na nodra ilesilesi ni veiqaravi+ nira lako ena vale i Jiova me salavata kei na ituvatuva e vakarautaka o Eroni na tukadra, me vaka e vakaroti koya kina o Jiova na Kalou ni Isireli.

20 O ira na vo ni Livai: o Supaeli+ vei ira na luvei Amirami,+ o Jetaia vei ira na luvei Supaeli, 21 o Riapaia:+ vei ira na luvei Riapaia o Aseia na turaga, 22 vei ira na Isari o Silomoci,+ vei ira na luvei Silomoci o Jeaci, 23 o ira na luvei Epironi o Jiraia+ na turaga, o Amaraia na ikarua, o Jeseli na ikatolu, kei Jikamiami na ikava, 24 o ira na tagane na luvei Usieli o Maika, na tagane na luvei Maika o Samiri. 25 Na taci Maika o Aseia, vei ira na luvei Aseia o Sakaraia.

26 O rau na tagane na luvei Mirari+ o Mali kei Musi, na tagane na luvei Jesaia o Pino. 27 O ratou na tagane na luvei Mirari: vei Jesaia o Pino, o Soamai, o Sakuri, kei Ipiri, 28 vei Mali o Eliesa, e sega na luvena tagane,+ 29 o Kisi: na tagane na luvei Kisi o Jiramieli, 30 o ratou na tagane na luvei Musi o Mali, o Eteri, kei Jirimoci.

Qo na luvedra na Livai ena mataqali nei tamadra. 31 Era vakawirimadigi+ tale ga me vaka ga era cakava na tacidra, o ira na luvei Eroni e mata i Tui Tevita, o Setoki, o Eimeleki, kei na nodra turaga ni mataqali na bete kei ira na Livai. Ena mataqali nei tamadra, na turaga e tautauvata ga kei na tacina.