Emosi
8 Qo na ka e vakaraitaka vei au na Turaga Cecere Duadua o Jiova: Raica! E tiko e dua na sova vuata ni vulaikatakata. 2 E qai kaya o koya: “Na cava o raica Emosi?” Au kaya, “E dua na sova vuata ni vulaikatakata.” E qai kaya vei au o Jiova: “Sa yaco na icavacava vei ira na noqu tamata na Isireli. Au na sega ni vosoti ira tale.+ 3 ‘Ena vuki na sere ni valenisoro me tagilagalaga ena siga oya,’+ e kaya na Turaga Cecere Duadua o Jiova. ‘Ena levu na yago mate e biu tu ena veivanua+—ni galu!’
4 Moni rogoca qo o kemuni na buturaka na dravudravua
Kei kemuni na muduki ira na yalomalumalumu ena vanua,+
5 Era kaya, ‘Ena oti ni naica na soqo ni vula vou+ meda volitaka kina na noda covuata,
Kei na Siga ni Vakacecegu,+ meda kauta yani na covuata me volitaki?
Meda vakalailaitaka na ivakarau efa*
Da qai vakalevutaka na bi ni sikeli,*
Meda lasutaka na noda ivakarau ni bibi ni lawaki.+
6 Meda voli ira na vakaloloma ena siliva
Kei na dravudravua ena rua na ivava,+
Da qai volitaka na tiki ni covuata e tawayaga.’
7 E bubului o Jiova ni cavuta na Lagilagi nei Jekope,+
‘Au na sega ni guilecava na nodra cakacaka kece.+
Ena tubu kece na ka qori me vaka na Naile,
Me veitubuyaki se lutu me vaka na Naile ni Ijipita?’+
9 ‘Ena siga oya,’ e kaya na Turaga Cecere Duadua o Jiova,
‘Au na dromuca na matanisiga ena sigalevu tutu,
Au na vakabutobutotaka na vanua ena siga rarama.+
10 Au na vukica na nomuni soqo me soqo ni tagi+
Kei na nomuni sere kece me sere ni lolosi.
Au na biuta na isulutaga ena dibimuni kece, me cou kece na ulumuni,
Au na vakayacora qori me vaka na nona lolositaki e dua na luve tagane duabau,
Na kena itinitini e vaka na siga ni rarawa.’
11 ‘Raica! Sa voleka na gauna,’ e kaya na Turaga Cecere Duadua o Jiova,
‘Au na vakayacora na dausiga ena vanua,
Ena sega ni dausiga ni viakana madrai se viagunu wai,
Ia nira via rogoca ga na vosa i Jiova.+
12 Era na taceba mai na dua na wasawasa ina dua tale na wasawasa,
Mai na vualiku ina tokalau.*
Era na veilakoyaki mera vaqara na vosa i Jiova, ia era na sega ni kunea.
13 Ena siga oya era na rebo na goneyalewa matavinaka,
Kei ira na cauravou nira karamaca,
14 O ira na bubului nira cavuta na cala nei Samaria,+ era kaya,
“Me vaka ni bula dina na nomu kalou, Tani!”+
“Me vaka ni bula na ivalavala nei Pieri-sepa!”+
Era na bale, era na sega ni duri tale.’”+