Same
118 Vakavinavinaka vei Jiova, ni vinaka o koya,+
E tawamudu na dei ni nona loloma.
2 Me kaya qo o Isireli:
“E tawamudu na dei ni nona loloma.”
3 Mera kaya qo na mataqali i Eroni:
“E tawamudu tu ga na dei ni nona loloma.”
4 Mera kaya qo na rerevaki Jiova:
“E tawamudu na dei ni nona loloma.”
6 E tu e yasaqu o Jiova, au na sega ni rere.+
Cava ena cakava rawa vei au na tamata?+
8 E vinaka cake na vakaruru vei Jiova
Mai na vakanuinui vei ira na tamata.+
9 E vinaka cake na vakaruru vei Jiova
Mai na vakanuinui vei ira na turaga.+
11 Era wavoliti au, io, au sa wavoliti vakadua,
Ia ena yaca i Jiova,
Au cemuri ira laivi kina.
12 Era wavoliti au vaka na oni,
Ia era boko totolo vaka na bukawaqa ena maliwa ni votonikau.
Ena yaca i Jiova,
Au cemuri ira laivi kina.+
13 Au biligi vakaukaua* meu bale,
Ia e vukei au o Jiova.
14 O Ja na noqu ivakaruru kei na noqu kaukaua,
Sa noqu ivakabula tale ga o koya.+
15 Na rorogo ni marau levu kei na veivakabulai*
E tu ena veivalelaca ni yalododonu.
Na liga imatau i Jiova e vakaraitaka na kena kaukaua.+
16 Na liga imatau i Jiova e cerere,
Na liga imatau i Jiova e vakaraitaka na kena kaukaua.+
17 Au na sega ni mate, sega, au na bula tiko,
Meu tukuna kina na cakacaka i Ja.+
19 Dolava vei au na matamata ni yalododonu,+
Au na curu kina qai vakacaucautaki Ja.
20 Qo na matamata i Jiova.
Era na curu kina na yalododonu.+
21 Au na vakacaucautaki kemuni, ni oni rogoci au mai+
Oni sa noqu ivakabula tale ga.
24 Qo na siga sa lesia o Jiova,
Eda na marau, eda na marau kina vakalevu.
25 Yalovinaka Jiova, keimami vakamamasu moni vakabulai keimami!
I Jiova, yalovinaka ni solia vei keimami na qaqa!
26 Sa kalougata o koya e lako mai ena yaca i Jiova,+
Keimami vosa vakalougatataki kemuni mai na vale i Jiova.
27 O Jiova na Kalou,
E solia vei keda na rarama.+
Mai veitomani ena soqo ni tayabe ni oni taura na tabanikau,+
Me yaco sara ena ileu ni icabocabonisoro.+
28 O kemuni na noqu Kalou, au na qai vakacaucautaki kemuni,
Noqu Kalou, au na vakacerecerei kemuni.+