Same
Vei koya na dairekita. Na sere e vakarautaki ina “Kua Ni Vakarusa.” Nei Esafa.+ Na sere.
75 Keimami vakavinavinaka vei kemuni na Kalou, keimami vakavinavinaka vei kemuni,
E voleka na yacamuni,+
Ra qai tukuna na tamata na nomuni cakacaka veivakurabuitaki.
2 Oni kaya: “Niu lokuca na gauna,
Au lewa vakadodonu.
3 Ni waicala na vuravura kei ira kece na tiko kina,
O yau ga au vakataudeitaka tu na kena duru.” (Sela)
4 Au kaya vua na dau tukutukuni koya, “Kua ni tukutukuni iko,”
Vei koya tale ga na daucaka ca, “Kua ni vakacerecerea na nomu kaukaua.*
6 Ni veivakacerecerei e sega ni lako
Mai na tokalau se na ra se na ceva.
7 Ni Turaganilewa na Kalou.+
E biuta sobu o koya e dua na tamata qai vakacerecerea e dua tale.+
8 Ni tiko na bilo ena liga i Jiova,+
Sa vuso tiko na waini qai uliraki vinaka.
Ena livia dina yani o koya,
Era na qai gunuva na daucaka ca kece kei vuravura, me yaco sara ina kena kosa.”+
9 Ia o yau, au na vakarogoya me tawamudu,
Au na sere ena vakacaucau* vua na Kalou i Jekope.