Aisea
12 O na kaya ena siga oya:
“Au vakavinavinakataki kemuni Jiova,
Oni a cudruvi au,
Ia sa seavu na nomuni cudru, oni vakacegui au.+
2 Raica! E noqu ivakabula na Kalou.+
Au na nuitaka, au na sega ni rere,+
Ni o Ja* Jiova e noqu kaukaua, e noqu qaqa,
E noqu ivakabula o koya.”+
3 Oni taki wai ena marau
Mai na mataniwai ni bula.+
4 Oni na kaya ena siga oya:
“Moni vakavinavinakataki Jiova, moni masuta na yacana,
Moni vakatakila na nona cakacaka vei ira na lewe ni veivanua!+
Moni tukuna ni rui cecere na yacana.+
5 Moni sere ena vakacaucau vei Jiova,+ ni uasivi na ka e cakava.+
Me kilai qo e vuravura taucoko.