Vosa Vakaibalebale

13 Na gone vuku e rogoca na ivakavuvuli nei tamana,+

Ia na dauveivakalialiai e sega ni vakarorogo ni vunauci.*+

 2 Ena kania na ka vinaka na tamata mai na vua ni ka e tukuna,*+

Ia na ka era galeleta na veidabui na ivalavala voravora.

 3 O koya e qarauna na gusuna* e maroroya na nona bula,+

Ia o koya e dolava vakalevu na tebenigusuna ena rusa.+

 4 Na tamata vucesa e garova e levu na ka, e sega na ka e rawata,+

Ia o koya e gumatua ena vakamamautaki vakalevu.+

 5 Na tamata yalododonu e cata na lasu,+

Ia na nodra ivalavala na tamata ca e vakamadua, e rogorogo ca.

 6 Na cakadodonu e taqomaki koya e sega ni cala,+

Ia na caka ca ena rusa kina na ivalavala ca.

 7 Ena rairai vutuniyau e dua ia e sega vua na ka,+

Ena rairai dravudravua e dua tale ia e levu vua na iyau.

 8 Na ivoli ni bula ni tamata na iyau,+

Ia o ira na dravudravua era sega ni vakarerei.*+

 9 Na nodra rarama na yalododonu e serau,*+

Ia na nodra cina na tamata ca ena boko.+

10 Na viavialevu e vakatubura na veileti,+

Ia o ira na qara ivakasala* era vuku.+

11 Na iyau e rawati totolo* ena lailai,+

Ia o koya e kumuna vakalalai* na nona iyau ena tubu.

12 Ni daro na ka e namaki* e tauvimate kina na lomada,+

Ia e kau ni bula ni yaco na ka e vinakati.+

13 O koya e beca na ivakavuvuli* ena totogitaki,+

Ia o koya e doka na ivakaro ena vakaicovitaki.+

14 Na ivakavuvuli* ni tamata vuku e ivurevure ni bula+

Me lako tani kina e dua mai na dai ni mate.

15 Na vuku dina e vakadonui kina e dua,

Ia na nodra sala na veivakaisini e voravora.

16 Na tamata yalomatua e lewa vinaka na nona ivalavala,+

Ia o koya e lialia e vakaraitaka na nona lialia.+

17 Na italai ca ena bale ina ca,+

Ia na mata yalodina ena veivakabulai.+

18 O koya e vakawalena na veivakavulici ena dravudravua, ena beci,

Ia o koya e muria na veivakadodonutaki* ena dokai.+

19 Ni yaco na ka e vinakati ena marau kina na tamata,+

Ia o ira na lialia era cata ni biuta na ka ca.+

20 O koya e vakailala kei ira na vuku ena vuku,+

Ia o koya e veitokani kei ira na lialia ena tini ca.+

21 Na ka ca ena muri ira na ivalavala ca,+

Ia ena soli vei ira na yalododonu na ka vinaka.+

22 Na tamata vinaka ena biuta tu na nodra ivotavota na makubuna,

Ia na nona iyau na tamata ca ena maroroi me nodra na yalododonu.+

23 Na nodra were cuki na tamata dravudravua e vuataka e levu na kakana,

Ia ena rawa ni kuitaki ena lewa ca.

24 O koya e sega ni kuitataka* na luvena e cati koya,+

Ia o koya e lomana e gumatua* ni vakavulica.+

25 Ena kana na yalododonu me mamau+ kina,

Ia na ketena na tamata ca e lala.+