Same

26 Ni lewai au i Jiova, niu lako voli ena noqu yalodina,+

Noqu vakararavi vei Jiova e sega ni yavalati.+

 2 Ni vakadikevi au Jiova, ni vakatovolei au,

Ni vakasavasavataka noqu vakanananu titobu* kei na lomaqu.+

 3 Ni tu ga e mataqu na dei ni nomuni loloma,

Au lako tale ga ena nomuni dina.+

 4 Au sega ni vakailala* kei ira na dau veidabui,+

Au yawaki ira tale ga na vunitaka na kedra roka dina.*

 6 Au na vuluvulu niu sega ni cala,

Au na qai lako wavokita na nomuni icabocabonisoro, i Jiova,

 7 Me rogo kina na vakavinavinaka+

Qai tukuni yani na nomuni cakacaka veivakurabuitaki kece.

 8 I Jiova, au taleitaka na vale oni tiko kina,+

Na vanua e tiko kina na kemuni lagilagi.+

 9 Ni kua ni taviraki au laivi kei ira na valavala ca+

Se kauta tani noqu bula kei ira na tamata voravora,*

10 E vakaitavi na ligadra ena ivalavala vakamadua,

Qai sinai ena ligadra imatau na veivaqumi.

12 E tu na yavaqu ena vanua tautauvata,+

Au na vakacaucautaki Jiova ena ivavakoso levu.*+