iMatai ni Veigauna

4 O ratou na tagane na luvei Juta o Feresi,+ o Esironi,+ o Kamai, o Ure,+ kei Sopali.+ 2 O Riaia na luvei Sopali e qai tamai Jeaci, o Jeaci e tamai Eumai kei Leati. Qo o ira na vuvale era luvei Sora.+ 3 Qo o ratou na luvei tamai Etami:+ o Jesirieli, o Isima, o Itipasi, (na yaca i ganedratou o Esileliponi), 4 o Penueli na tamai Kitori kei Esa na tamai Usa. Qo o ira na luvei Ure,+ na ulumatua nei Efiraca, na tamai Peceliema.+ 5 O Asuri+ na tamai Tikoa+ e rua na watina, o Ila kei Nera. 6 E qai luvena vei Nera o Eusami, o Eferi, o Temeni, kei Easitari. Qori o ratou na tagane na luvei Nera. 7 O ratou na tagane na luvei Ila o Sereci, o Isari, kei Ecinani. 8 O Kosi e qai tamai Anupi, o Sopepa, kei ira na vuvale i Eareli na luvei Arumi.

9 E dokai vakalevu o Jepesi sega so o ira na tacina, o tinana ga e vakayacani koya me o Jepesi,* e kaya: “Au rarawa niu vakasucumi koya.” 10 E masuta na Kalou ni Isireli o Jepesi, e kaya: “Moni vakalougatataki au mada moni vakalevutaka na noqu vanua, me tiko vata kei au na ligamuni moni vakabulai au mai na ca, meu kua ni leqa kina!” E mani vakayacora na Kalou na ka e kerea o koya.

11 O Kilupi na taci Sua e qai tamai Miri, na tamai Esitoni. 12 O Esitoni e tamai Pecirafa, o Pasea, kei Teina na tamai Irinasi. Qo o ira na lewe i Reka. 13 O rau na tagane na luvei Kinasi o Ocinieli+ kei Siraia, na tagane na luvei* Ocinieli o Eaci. 14 O Mionocei e tamai Ofira. O Siraia e tamai Joapi na tamai Kearesimi,* era vakatokai kina nira matai.

15 O ratou na tagane na luvei Kelepi+ na luvei Jifune, o Iru, o Ela, kei Nami, na tagane na luvei* Ela o Kinasi. 16 O ratou na tagane na luvei Jialieli o Sifi, o Sifa, o Tiria, kei Esareli. 17 O ratou na tagane na luvei Esira o Jica, o Mereti, o Iferi, kei Jaloni, e kunekune na yalewa* qai vakasucumi Miriama, Samei, kei Isipa na tamai Esitimoa. 18 (Ia na watina Jiu e vakasucumi Jireti na tamai Kitori, o Eperi na tamai Soko, kei Jikucieli na tamai Sanoa.) Qo o ratou na tagane na luvei Picaia na luvena yalewa o Fero e vakawatitaka o Mereti.

19 Na luvei wati Otaia na ganei Neami, e tamai Kila na Kamaiti kei Esitimoa na kai Meaka. 20 O ratou na tagane na luvei Simoni o Aminoni, o Rina, o Penianani kei Tiloni. O rau na tagane na luvei Isai o Soeci kei Penisoeci.

21 O ratou na tagane na luvei Sela+ na luvei Juta, o Eri na tamai Leka, o Lata na tamai Maresa, kei ira na vuvale era dau caka isuludina ena vuvale i Esipea, 22 o Jokimi, o ira na lewe i Kosepa, o Joasi, kei Sarafi na watidra na yalewa ni Moapi, kei Jasupilemi. Qo na itukutuku makawa. 23 Era dautulituli era tiko mai Netaimi kei Kitera. Era tiko e kea mera cakacaka vua na tui.

24 O ratou na tagane na luvei Simioni,+ o Nimueli, o Jamini, o Jaripi, o Sira, kei Saula.+ 25 O Salumi na luvena tagane, o Mipisami na luvena tagane, kei Misima na luvena tagane. 26 O ratou na tagane na luvei Misima o Amueli na luvena, o Sakuri na luvena, o Semeai na luvena. 27 E 16 na luvena tagane o Semeai, e 6 na luvena yalewa, ia e sega ni levu na luvedra tagane na tacina, e sega ni levu na nodra vuvale me vakataki ira na Juta.+ 28 Era tiko e Pieri-sepa,+ e Molata,+ e Asasuali,+ 29 e Pila, e Esemi,+ e Tolati, 30 e Pecueli,+ e Orima,+ e Sikilaki,+ 31 e Peci-marikapoci, e Asa-susimi,+ e Pecipiri, kei Sareimi. Qo na nodra koro me yacova ni veiliutaki o Tevita.

32 Na nodra itikotiko o Etami, o Eini, o Rimoni, o Tokeni, kei Asani,+ e lima na koro, 33 kei na nodra itikotiko e volekata na koro kece qori me yaco sara i Peali. Qo na itukutuku ni nodra iyatukawa kei na nodra itikotiko. 34 Ia o Mesopapi, o Jamileki, o Josa na luvei Emasia, 35 o Joeli, o Jeu na luvei Josipaia na luvei Siraia na luvei Esieli, 36 o Elioenai, o Jekopa, o Jisoaia, o Asaia, o Etieli, o Jesimieli, o Penaia, 37 o Saisa na luvei Sifi na luvei Eloni na luvei Jitaia na luvei Simiri na luvei Semaia, 38 o ira na cavuti qo na yacadra era turaga ni nodra vuvale qai tubu mera lewe levu na vuvale i tukadra. 39 Era mani gole yani ina icurucuru i Kitori, ina yasa ni buca ena tokalau mera vaqara na vanua co drokadroka me kedra na nodra qelenimanumanu. 40 Era kunea sara na vanua co drokadroka vinaka, e vanua levu, e sega ni vakacacani, e sautu. Era tiko e liu e kea na luvei Ame.+ 41 O ira na volai qori na yacadra era lako mai ena gauna i Tui Esekaia+ e Juta mera samuta na nodra valelaca na luvei Ame, kei ira na Meunimi era tiko e kea. Era vakarusai ira me yacova mai na siga qo, era tawana sara na nodra vanua ni tu kina na co drokadroka me kedra na nodra qelenimanumanu.

42 Eso na Simioni, era le 500 era lako i Ulu i Sia,+ kei Pilataia, Neraia, Rifaya, kei Usieli, eratou luvei Isai, eratou liutaki ira. 43 Era mokuti ira na vo ni Amalekaiti+ era dro, ra qai tiko e kea me yacova mai na siga qo.