Jope
38 E qai vosa vei Jope o Jiova mai na cagi kaukaua:+
3 Yalovinaka, vakarautaki iko vaka na tagane,
Au na vakatarogi iko, mo qai tukutuku mai.
4 O tu mada mai vei niu tauyavutaki vuravura?+
Tukuna mai ke o nanuma ni o kila.
5 O kila se o cei e lewa na kena ivakarau,
Se o cei e dodoka na wa ni vakarau me vakarautaki kina?
6 E vakasoburi ena cava na kena duru,
Se o cei e biuta na vatu me kena ivakadei,+
7 Nira kaila vata ena marau na kalokalo ni mataka,+
Qai tekivu kaila ena vakasausau o ira kece na luve ni Kalou?*+
8 O cei tale ga e latia na wasawasa ena katuba+
Ni kacabote mai na katonigone,
9 Niu vakaisulutaka ena o
Qai solega* ena butobuto loaloa,
10 Niu lewa na kena iyalayala
Qai biuta na kena ivakadei kei na kena katuba,+
11 Au qai kaya, ‘Mo yaco ga i ke, kua ni sivia,
Me yala i ke na nomu ua viavialevu’?+
12 O sa bau* vakarota na mataka
Se vakatakila ina mataka na vanua me kida kina,+
13 Me taura na iyalayala kei vuravura
Qai kureitaka laivi na daucaka ca?+
14 Sa vuki me vaka na tete e tabaki e delana na ivakadei,
Qai laurai levu na ka kece me vaka ena isulu.
15 Ia na nodra rarama na daucaka ca sa tarovi tu,
Sa musuki tale ga na ligadra e laveti tu.
17 Vakacava sa vakatakilai vei iko na matamata ni mate,+
18 O bau kila se vakacava na vakaitamera ni vuravura?+
Tukuna mai ke o sa kila kece qo.
19 I vei na itikotiko ni rarama?+
I vei tale ga na itikotiko ni butobuto,
20 Mo kauta sara ina kena vanua
Mo kila tale ga na sala ina kena vale?
21 Vakacava, o kila qo ni o sa sucu oti
Qai levu na iwiliwili ni nomu yabaki?*
22 O sa bau curu ina veivaleniyau e maroroi tu kina na ucacevata,+
Se o sa raica na veivaleniyau e maroroi tu kina na uca qereqere,+
23 Au a maroroya tu me baleta na gauna ni rarawa,
Na siga ni vala kei na ivalu?+
25 O cei e taya na sala me muria na waluvu
Qai cakava na sala ni o loaloa kei na kurukuru,+
26 Me vakatauca na uca ena vanua e sega kina na tamata,
Ena vanua talasiga e sega kina na tamata,+
27 Me mamau kina na vanualala sa vakacacani tu
Me buroro tale ga kina na co?+
29 E basika mai na katonigone i cei na waicevata,
O cei tale ga e vakasucuma na tegu cevata ni lomalagi+
30 Ni ubi na wai me vaka ena vatu,
Qai cevata kaukaua tu na dela ni wasa titobu?+
32 O rawa ni liutaka yani e dua na matakalokalo* ena kena gauna?
Se tubera na matakalokalo na Esi* kei ira na luvena?
35 O rawa ni tala na liva mera veitibiyaki?
Era na mai tukuna vei iko, ‘O keimami qo!’
36 O cei e biuta na vuku e loma ni o,*+
Se solia na yalomatua ina veika vakatubuqoroqoro ni lomalagi?*+
37 O cei e vuku sara me wilika na o,
Se o cei e rawa ni vakala na itawatawa ni wai kei lomalagi+
38 Ni tasova na kuvuniqele ina dua na ibinibini
Qai kabi vata na uma qele?
39 O rawa ni vakasasataka na kena na laione
Se vakamamautaka na luvenilaione nira sa viakana+
40 Nira davo toka ena nodra itikotiko
Se ra vuni tiko ena nodra qara mera vakarau oba yani?
41 O cei e vakarautaka na kedra kakana na reveni+
Nira tagi ni kere veivuke na luvena vua na Kalou,
Qai lako sese voli ni sega na kedra?