Jope
37 “E tavatukituki na utoqu ena ka qo
Qai lade mai na kena vanua.
2 Vakatudaliga ina vadugu ni domona
Kei na kurukuru e lako mai gusuna.
3 E sereka yani e ruku i lomalagi taucoko
Qai tala na nona liva+ ina iyalayala kei vuravura.
4 E muria tale ga mai e dua na rorogo levu,
E vakuru mai ena domo vakaturaga,+
E sega tale ga ni tarova ni sa rogo mai na domona.
5 E vakurutaka na domona na Kalou+ ena sala veivakurabuitaki,
E cakava na veika lelevu eda sega ni kila rawa.+
6 E tukuna ina ucacevata, ‘Lutu i vuravura,’+
Ina uca tale ga e taubi, ‘Mo taubi.’+
8 Era curu na manumanu kila ina nodra qara
Qai tiko ga ena nodra ivunivuni.
11 Io, e cakava me bi na o ena wai,
E vakavuna me veiseyaki na nona liva+ ena o,
12 Ra qai cocowiriwiri voli ina vanua e dusimaki ira kina,
Era cakava na ka ga e vakaroti ira kina+ ena dela ni vuravura tawani.*
14 I Jope, rogoca mada qo,
Tu vakadua qai vakasamataka vinaka na cakacaka veivakurabuitaki ni Kalou.+
15 O bau kila se lewa* vakacava na Kalou na o
Qai vakavuna vakacava me tibi na liva mai na nona o?
16 O bau kila se ciri tu vakacava na o?+
Qo na cakacaka veivakurabuitaki i koya e uasivi na ka e kila.+
17 Na cava e katakata kina na nomu isulu
Ni tu vakadua o vuravura ena vuku ni cagi mai na ceva?+
19 Tukuna mai na ka me keitou kaya vua,
Keitou sega ni vosa rawa ni keitou tu ena butobuto.
20 Vakacava me tukuni vua niu via vosa?
Se bau dua e tukuna e dua na ka me lai vakasavui vua?+
21 Era sega mada ga ni raica na rarama,*
Ia e serau tu e macawa,
Me yacova ni sa liwa mai na cagi qai vagalalataka na o.
22 E lako mai na vualiku na rarama vaka na koula.
E vakatubuqoroqoro na lagilagi ni Kalou.+
23 Eda sega ni kilai koya rawa e Kaukaua Duadua,+
E levu nona kaukaua,+
E sega vakadua ni vakatanitaka nona lewadodonu+ kei na levu ni nona yalododonu.+
24 Mera rerevaki koya gona na tamata.+