iMatai ni iVola Vei Timoci

2 O koya gona, au uqeti kemuni mada e liu, moni masulaki ira na tamata kece vua na Kalou, moni dau kerekere vua, moni masu, moni vakavinavinaka tale ga vua, 2 ena vukudra na tui kei ira kece na vakaitutu,+ me rawa nida bula galala tiko ga, meda vakacegu nida qarava mai vu ni lomada na Kalou, da qai yalodina kina.+ 3 Qo e vinaka e dodonu tale ga ena mata ni Kalou na noda iVakabula,+ 4 ni nona inaki me bula na tamata kece ga,+ mera mai kila vinaka na ka dina. 5 Ni dua ga na Kalou,+ e dua na dauveisorovaki+ ena maliwa ni tamata kei na Kalou,+ o Karisito Jisu+ na tamata 6 e solia na nona bula me keda ivoli veirauti na tamata kece+—qo ena qai vakadinadinataki ena kena gauna lokuci. 7 Ena vuku ni tikina qori+ au lesi kina meu dauvunau meu yapositolo tale ga+—au tukuna tiko na ka dina, au sega ni lasu—au nodra qasenivuli na veimatanitu+ meu vakavulici ira ena vakabauta kei na ka dina.

8 O koya gona, ena vanua kece oni soqoni vata kina au vinakata mera masu tiko ga na tagane, mera laveta cake na ligadra savasava,+ mera kua ni cudru+ se veiba.+ 9 Au vinakata tale ga mera dara na yalewa na isulu veiganiti,* e rakorako, me laurai kina na yalomatua, me kua na veimataqali italitali ni drauniulu, na koula se mataniciva se isulu saulevu,+ 10 ia ena sala ga e rakorako kei ira na yalewa era kaya nira qarava na Kalou,+ ya ena nodra cakava na ka vinaka.

11 Me vakarorogo* na yalewa ni vakavulici, me dau vakamalumalumu.+ 12 Au sega ni vakatara me veivakavulici na yalewa, se me lewa na tagane, me galu ga.+ 13 Ni a buli e liu o Atama qai muri o Ivi.+ 14 A sega tale ga ni vakacalai o Atama, na yalewa ga a vakacalai vakaca+ me lai cala sara kina. 15 Ia ena maroroi tiko ni vakasucu gone,+ vakabibi ke ra dei tiko ga ena vakabauta, ena loloma, ra savasava, ra qai yalomatua.+