Same
96 Ni lagata vei Jiova na sere vou.+
Ni sere vei Jiova na vuravura taucoko!+
2 Ni sere vei Jiova, vakacaucautaka na yacana.
Kacivaka e veisiga na itukutuku vinaka ni nona veivakabulai.+
3 Tukuna na nona lagilagi ina veimatanitu,
Na nona cakacaka veivakurabuitaki vei ira na lewe ni veivanua kece.+
4 E cecere o Jiova, e dodonu ga me vakacaucautaki.
E vakatubuqoroqoro vei ira kece na vo ni kalou.
6 E tu e matana na lagilagi* kei na iukuuku,+
E tiko ena nona tikina tabu na kaukaua kei na veika totoka.+
7 Solia vei Jiova na ka e nona, o kemuni na vuvale e veivanua,
Solia vei Jiova na ka e nona ena vuku ni nona lagilagi kei na kaukaua.+
8 Solia vei Jiova na vakarokoroko e ganita na yacana,+
Ni kauta mai na isolisoli, ni gole mai ina nona lomanibai.
10 Me tukuni ina veimatanitu: “Sa Tui o Jiova!+
Sa vakataudeitaki na vuravura,* e sega ni yavalati* rawa.
Ena lewa* vakadodonu o koya na veimatatamata.”+
11 Me marau vakalevu o lomalagi, me reki o vuravura,
Me vadugu na wasawasa kei na ka kece e tu kina,+
12 Me reki na lomanivanua kei na ka kece e tu kina.+