Aisea
“Mo kua ni rere niu voli iko lesu.+
Au kacivi iko ena yacamu.
O noqu.
2 Ni o lako e lomaniwai, au na tiko vata kei iko,+
Kei na loma ni veiuciwai, ena sega ni luvuci iko.+
Ni o lako ena loma ni bukawaqa, o na sega ni kama
Se yameci iko na yameyame.
3 Ni o yau o Jiova na nomu Kalou
Na Yalosavasava ni Isireli, na nomu iVakabula.
Au soli Ijipita me kemu ivoli
O Iciopea kei Sepa ena vukumu.
Au na soli ira na tamata me kemu isosomi
Kei na veimatanitu me ivoli ni nomu bula.
5 Mo kua ni rere niu tokoni iko.+
Au na kauta mai na nomu kawa mai na tokalau
Au na kumuni kemuni vata mai na ra.+
6 Au na kaya ina vualiku, ‘Soli ira mai!’+
Ina ceva, ‘Kua ni tarovi ira.
Kauti ira mai na luvequ tagane mai na vanua yawa, kei ira na luvequ yalewa mai na iyalayala kei vuravura,+
Au buli koya meu vakalagilagi kina
Au bulia, au cakava.’+
O cei vei ira me tukuna rawa qo?
Se ra tukuna vei keda na imatai ni ka?*+
Mera kauta mai na nodra ivakadinadina mera vakadonui kina,
Se mera rogoca ra qai kaya, ‘E dina!’”+
10 “O kemuni na noqu ivakadinadina,”+ e kaya o Jiova,
“Io na noqu dauveiqaravi au digitaka,+
Moni kila moni vakabauti au,*
Moni kila niu sega ni veisau.+
E sega ni dua na Kalou e bula e liu vei au,
E sega tale ga ni dua me taravi au.+
11 O yau, o yau ga o Jiova,+ e sega ni dua tale na ivakabula, o yau ga.”+
O kemuni ga na noqu ivakadinadina,” e kaya o Jiova, “o yau ga na Kalou.+
Niu yavala, o cei me tarova?”+
14 Qo na ka e tukuna o Jiova, o koya e voli kemuni lesu,+ na Yalosavasava ni Isireli:+
“Au na talatala i Papiloni ena vukumuni me biu sobu na ivakadei ni matamata,+
Kei ira na Kalitia era tiko ena nodra waqa, era na kaila ena rarawa.+
15 O yau o Jiova na nomuni Yalosavasava,+ na Dauveibuli ni Isireli,+ na nomuni Tui.”+
16 Qo na ka e tukuna o Jiova
O koya e cakava na gaunisala e wasawasa
Kei na sala ena wai voravora,+
17 O koya e kauta yani na qiqinivalu kei na ose,+
Na mataivalu kei ira na tamata qaqa:
“Era na davo, era na sega ni duri.+
Era bokoci vakadua me vaka na vauvau ni cina.”
18 “Moni kua ni nanuma na ka e liu
Moni kua ni vakasamataka na ka sa oti.
Oni sega ni kila?
Au na vakarautaka na sala ena vanua talasiga+
Kei na veiuciwai ena vanua dravuisiga.+
20 Ena rokovi au na manumanu kila ni veikau,
Na jakoli* kei na ositereji,
Niu vakarautaka na wai ena vanua talasiga,
Na veiuciwai ena vanua dravuisiga,+
Mera gunu kina na noqu tamata au digitaka,+
21 O ira na tamata au bulia me noqu
Mera dau tukuna na noqu lagilagi.+
23 O sega ni kauta mai vei au na sipi ni nomu isoro kama taucoko
Se vakalagilagi au ena nomu isoro.
Au sega ni lavaka mo kauta mai vei au na isolisoli,
Seu vakaocai iko niu vinakata na drega boivinaka.+
24 O sega ni volia vei au na kalamo* ena nomu ilavo,
O sega ni vakamamautaki au ena uro ni nomu isoro.+
Ia o vakaocai au ena nomu ivalavala ca
O vakaogai au ena nomu cakacala.+
26 Mo tukuna tale vei au, me daru lai veilewai mada,
Mo vakamacalataki iko mai mo vakadonui kina.