Same
Vei koya na dairekita. Ena vuku i Tevita na dauveiqaravi i Jiova, o koya e cavuta na qaqa ni sere qo vei Jiova ena siga e vakabulai koya kina o Jiova mai na ligadra kece na kena meca, mai na liga i Saula tale ga. E kaya:+
18 Au lomani kemuni, i Jiova, na noqu kaukaua.+
2 E noqu uluvatu o Jiova, e noqu bai kaukaua, o koya tale ga e dau vakabulai au.+
Noqu Kalou e noqu uluvatu,+ au dau vakaruru vua,
E noqu isasabai, e noqu ileu* ni bula,* e noqu ivakaruru tudei.*+
3 Au kaci vei Jiova, o koya e dodonu me vakacaucautaki,
Au na qai vakabulai vei ira na kequ meca.+
6 Au kaci yani vei Jiova niu leqa,
Au tagi tiko ga vua na noqu Kalou niu kere veivuke.
7 E tekivu sakure na vuravura qai sautaninini,+
E yavavala na yavu ni veiulunivanua
Qai sasakurekure ni sa vakacudrui.+
8 E cawa cake mai ucuna na kubou,
Qai lako mai gusuna na bukawaqa dauveivakarusai,+
E caudre mai vua na koala waqa.
10 E vodoka e dua na jerupi qai vuka mai.+
E coka sobu mai vakasauri ena taba ni dua na kabula vakayalo.*+
11 E mani vunitaki koya ena butobuto,+
Me wavokiti koya tu me vaka na ivakaruru,
Na wai loaloa kei na o vavaku.+
12 Mai na rarama e tu e matana
E basuraka mai na o na uca qereqere kei na koala waqa.
13 E qai kurukuru mai lomalagi o Jiova,+
E vosa mai o koya e Cecere Duadua+
Ena uca qereqere kei na koala waqa.
14 E vanataka na nona gasau qai vakavuna mera veiseyaki,+
E kolotaka na yaseyase qai vakavuna mera veilecayaki.+
15 Sa laurai mai na boto ni uciwai,*+
Sa vakavotui na yavu ni vanua ena nomuni veivunauci, i Jiova,
Ena kaukaua ni icegu ni ucumuni.+
16 E tatara sobu mai cake,
E tauri au qai dreti au mai na wai titobu.+
18 Era saqati au ena siga ni noqu rarawa,+
Ia e tokoni au o Jiova.
21 Niu muria tiko ga na sala i Jiova,
Au sega ni caka ca meu biuta na noqu Kalou.
22 E tu ga e mataqu na nona lewa kece,
Au na sega ni gole tani mai na nona ivakaro.
25 Oni na yalodina vei koya e yalodina,+
Ena tabucala na nomuni valavala vua na tamata e tabucala,+
26 Oni na vakaraitaka ni oni savasava vei koya e savasava,+
Ia oni na vakaraitaka ni oni vuku vei koya e veidabui.+
28 Ni o kemuni oni waqara na noqu cina, i Jiova,
Na noqu Kalou e vakararamataka na noqu butobuto.+
29 Ena nomuni veivuke au rawa ni saqati ira kina na ilala daubutako,+
Ena kaukaua ni Kalou au rawa ni kabata kina na bai.+
E isasabai o koya vei ira kece na vakaruru vua.+
31 O cei tale na Kalou e tautauvata kei Jiova?+
O cei tale na uluvatu e tautauvata kei na noda Kalou?+
33 E cakava na yavaqu me vaka na yava ni dia,
E vakaduri au ena veivanua cecere.+
34 E vakavulica na ligaqu me vala,
Na ligaqu e rawa ni loveca na dakaititi kopa.
35 Oni solia vei au na nomuni isasabai ni bula,+
E tokoni* au na ligamuni imatau,
Qai vakalevulevui au na nomuni yalomalumalumu.+
36 Oni vakarabailevutaka na sala ni yavaqu,
Ena sega ni tidara na yavaqu.*+
37 Au na cicimuri ira na kequ meca qai toboki ira,
Au na sega ni suka me yacova nira sa vakawabokotaki.
38 Au na qaqi ira mera kua ni duri rawa,+
Era na bale e ruku ni yavaqu.
39 Oni na vakaiyaragitaki au ena kaukaua meu vala kina,
Oni na vakabalei ira na kequ meca e rukuqu.+
41 Era tagi ni kere veivuke, ia e sega ni dua me vakabulai ira,
Era tagi mada ga vei Jiova, ia e sega ni rogoca o koya.
42 Au na tukilaki ira vakamatailalai vaka na kuvuniqele ena cagi,
Au na viritaki ira laivi me vaka na soso e gaunisala.
43 Oni na vakabulai au mai na nodra vaqara cala na tamata.+
Oni na lesi au meu nodra iliuliu na veimatanitu.+
Ena qaravi au na matatamata au sega ni kila.+
44 Era na talairawarawa vei au ena itukutuku wale ga era rogoca,
Era na vakamalumalumu e mataqu na kaitani.+
45 Ena yali nodra yaloqaqa* na kaitani,
Era na lako ninini mai ena nodra bai kaukaua.
46 E bula o Jiova! Me vakacaucautaki ga na noqu Uluvatu!+
Me vakacerecerei na Kalou e vakabulai au.+
47 E veisausaumi ena vukuqu na Kalou dina,+
E vakamalumalumutaka na veimatatamata e rukuqu.
48 E dau vakabulai au mai vei ira na kequ meca cudrucudru,
Oni laveti au meu cecere vei ira na saqati au,+
Oni vakabulai au mai vua na tamata itovo kaukaua.