Aisea
28 Ena ca na nodra isala* totoka* na daumateni ni Ifireimi+
Na senikau malai e kena iukuuku
E vakaisala kina na ulu ni nodra buca bulabula na mateni ena waini!
2 Raica! Ena tala o Jiova e dua na tamata kaukaua qai qaqa.
E vaka na tau bi ni ucaqereqere, na cagi kaukaua dau veivakarusai,
E vaka na draki ca e salavata mai na coka ni dobui,
Ena kolotaka sobu vakaukaua o koya i vuravura.
4 Na senikau malai e kena iukuuku,
E vakaisala kina na ulu ni nodra buca bulabula,
Ena vaka na imatai ni vuanilolo ni bera na vulaikatakata.
O koya e raica, ena tiloma ena gauna ga e taura kina e ligana.
5 Ena siga oya o Jiova ni lewe vuqa* ena nodra isala totoka kei na nodra salusalu rairai vinaka na nona tamata era vo tiko.+ 6 Ena solia o koya na yalo ni lewadodonu vua e dabe tiko ena idabedabe ni lewa, e vu tale ga ni nodra kaukaua na tarova na ivalu ena matamata.+
7 O ira tale ga qo era vakacalai ena waini;
Era taceba ena gunu.
Na bete kei na parofita erau vakacalai ena gunu;
Erau veilecayaki ena waini,
Erau veicebayaki ena medrau gunu;
E vakacalai rau na nodrau raivotu,
E veilecayaki na nodrau vakatulewa.+
8 E robota na nodrau teveli na lua vakasisila
E sega na vanua e vo.
9 O cei e via vakavulica tiko o koya,
Ena vakamacalataka vei cei na itukutuku?
O ira na se qai kali mai na wainisucu,
O ira na se qai kau tani mai na sucu i tinadra?
10 E kaya tiko ga o koya: “Oni vakaroti ena ivakaro, oni vakaroti ena ivakaro,
Oni vakarautaki ena wa, oni vakarautaki ena wa,+
Vakalailai eke, vakalailai e kea.”
11 Ena vosa gona o koya vei ira na tamata qo ni vakayagataki ira e kaka na nodra vosa* qai duatani na nodra vosa.+ 12 Sa tukuna oti vei ira: “Qo na vanua ni vakacegu. Mera vakacegu kina na oca tu, qo na vanua ni vakacagicagi,” ia era sega ni via rogoca.+ 13 Ena yaco vei ira na vosa i Jiova:
“Oni vakaroti ena ivakaro, oni vakaroti ena ivakaro
Oni vakarautaki ena wa, oni vakarautaki ena wa,+
Vakalailai eke, vakalailai e kea,”
14 Ia moni rogoca na vosa i Jiova o kemuni na dau tukutukuni kemuni,
O kemuni na lewai ira na tamata qo e Jerusalemi,
15 Oni kaya:
Ni coka mai na dobui levu,
Ena sega ni yacovi keimami,
Ni keimami cakava na lasu me neimami ivakaruru,
Keimami vunitaki keimami ena ilawaki.”+
16 Ia qo na ka e tukuna na Turaga Cecere Duadua o Jiova:
“Au sa vakadavora e Saioni e dua na vatu vakatovolei me kena yavu,+
O koya e vakabauta ena sega ni taqaya.+
Na ucaqereqere ena taviraka na ivakaruru lasu,
Na wai ena luvuca na ivunivuni.
18 Ena yalani na nomuni veiyalayalati kei Mate,
Kei na nomuni veidinadinati kei iBulubulu* ena sega ni dei.+
Ni coka mai na dobui levu,
Ena luvuci kemuni.
Na rere ga era na kila kina na ka e rogoci.”*
20 E lekaleka na idavodavo me dodo kina e dua,
E rabalailai na iubiniloga tali me ologi kina.
21 Ena tucake o Jiova me vaka e Ulu i Pirasimi;
Ena cudru me vaka ena buca volekati Kipioni,+
Me vakayacora na nona cakacaka, na nona cakacaka duatani
Me qarava na nona cakacaka, na nona cakacaka duatani!+
22 Ia moni kua ni veivakalialiai,+
De kaukaua kina na kemuni ivesu,
Niu rogoca vua na Turaga Cecere Duadua, o Jiova ni lewe vuqa,
23 Moni vakarorogo moni rogoca na domoqu.
Ni vakatudaliga moni rogoca na ka au tukuna.
24 Ena siviyara tiko ena siga taucoko na dausiviyara qai kaburaka kina na sorenikau?
Ena vuruka tiko ga qai yarotaka na nona qele?+
25 Ni vakatautauvatataka oti na delaniqele,
Vakacava ena kaburaka kina na kuminiloa kei na kumini,
Ena tea na witi, na mileti,* na varile ena kena vanua,
E dau samu ga na kuminiloa ena kau,
Kei na kumini ena ititoko.
28 E dau qaqi covuata e dua me madrai?