Same
א [Alefa]
3 Era sega ni tawayalododonu ena nodra itovo,
Era muria na nona sala.+
4 Oni vakarota
Me muri vinaka sara na nomuni ivakaro.+
6 Au na sega ni vakamadualaki+
Keu vakasamataka na nomuni ivakaro kece.
7 Au na vakacaucautaki kemuni ena dodonu ni lomaqu
Niu vulica na dodonu ni nomuni lewa.
8 Au na muria na nomuni lawa.
Moni kua ni biuti au vakadua.
ב [Peca]
9 Ena savasava tiko vakacava na nona ivalavala na cauravou?
Ke qaqarauni tiko me salavata kei na nomuni vosa.+
10 Au vaqarai kemuni ena lomaqu taucoko.
Kua ni laiva meu lako sese mai na nomuni ivakaro.+
12 Moni vakacaucautaki mada ga, i Jiova,
Ni vakavulici au ena nomuni lawa.
13 Au kacivaka ena tebenigusuqu
Na lewa kece oni tukuna.
16 Au taleitaka na nomuni lawa.
Au na sega ni guilecava na nomuni vosa.+
ג [Kimela]
17 Moni yalovinaka ena ka oni cakava vua na nomuni dauveiqaravi,
Meu rawa ni bula qai muria na nomuni vosa.+
18 Dolava na mataqu meu raica vinaka
Na veika veivakurabuitaki ena nomuni lawa.
19 Au vulagi ga ena vanua.+
Kua ni vunitaka vei au na nomuni ivakaro.
20 Au vinakata tu ga
Na nomuni lewa e veigauna.
21 Oni vunauci ira na viavialevu,
O ira na cudruvi era lako sese mai na nomuni ivakaro.+
22 Kauta tani vei au* na veicati kei na veibeci,
Niu sa muria na nomuni veivakadreti.
23 Nira dabe vata mada ga na turaga mera vosavakacacataki au,
Na nomuni dauveiqaravi e vakasamataka vakabibi* na nomuni lawa.
ד [Teleca]
25 Au sa davo vakatoboicu ena kuvuniqele.+
Ni vakabulai au tiko me vaka na nomuni vosa.+
26 Au sa tukuna vei kemuni na noqu ivalavala, oni qai rogoci au,
Vakavulici au ena nomuni lawa.+
27 Ni vukei au meu kila na ibalebale* ni nomuni ivakaro,
Meu rawa ni vakasamataka vakabibi* na nomuni cakacaka veivakurabuitaki.+
28 Au sega ni moce rawa ena noqu yaluma.
Vakaukauataki au me vaka ga na nomuni vosa.
29 Kauta laivi vei au na ivakarau e veivakaisini,+
Qai lomani au, ni oni solia mai na nomuni lawa.
30 Au sa digia meu yalodina tu ga.+
Au kila nira dodonu na nomuni lewa.
31 Au sa taura matua na nomuni veivakadreti.+
Kemuni Jiova, kua ni laiva meu rarawa.*+
ה [Ai]
34 Ni solia vei au na yalomatua,
Meu rawa ni muria na nomuni lawa
Qai dei kina ena lomaqu taucoko.
39 Ni kauta laivi na veivakamadualaki au domobulataka,
Nira vinaka na nomuni lewa.+
40 Ni raica na noqu dau diva na nomuni ivakaro.
Ni vakabulai au tiko ena nomuni yalododonu.
ו [Vau]
41 Kemuni Jiova, meu vakila na dei ni nomuni loloma,+
Na nomuni veivakabulai me vaka na nomuni yalayala,*+
42 Au na qai tauca na vosa vei koya e beitaki au tiko,
Niu vakararavi ina nomuni vosa.
43 Ni kua ni kauta tani vakadua na vosa ni ka dina mai gusuqu,
Niu vakanuinui tu ena* nomuni lewa.
44 Au na dei tiko ena nomuni lawa,
Me tawamudu, io me tawamudu.+
47 Au taleitaka na nomuni ivakaro,
Io, au dau lomana.+
ז [Sayini]
50 Qo na ka e vakaceguya noqu rarawa,+
Ni nomuni vosa e vakabulai au tiko.
53 Sa tuburi au na cudru katakata ena vukudra na daucaka ca,
O ira na biuta na nomuni lawa.+
54 Na nomuni lawa era noqu sere
Ena vanua cava ga au vakaitikotiko kina.*
55 Au nanuma na yacamuni ena loma ni bogi, i Jiova,+
Meu muria kina na nomuni lawa.
56 Qo na ka au dau cakava
Niu muria na nomuni ivakaro.
ח [Eca]
59 Au sa vakadikeva na noqu sala,
Meu vagolea lesu kina na yavaqu ina nomuni veivakadreti.+
60 Au vakusakusa qai sega ni vakaberabera
Meu muria na nomuni ivunau.+
62 Au duri ena bogilevu tutu meu vakavinavinaka vei kemuni+
Ena dodonu ni nomuni lewa.
64 Kemuni Jiova, e vakasinaiti vuravura na dei ni nomuni loloma,+
Ni vakavulici au ena nomuni ivakaro.
ט [Teca]
65 Oni sa caka vinaka vua na nomuni dauveiqaravi,
I Jiova, me vaka ga na nomuni vosa.
68 Oni rui vinaka,+ e vinaka tale ga na nomuni cakacaka.
Ni vakavulici au ena nomuni lawa.+
69 Era beitaki au vakailasu na viavialevu,
Ia au dau muria na nomuni ivakaro ena lomaqu taucoko.
י [Yota]
73 E buli au na ligamuni qai vakarautaki au.
Ni solia vei au na yalomatua,
Meu vulica kina na nomuni ivakaro.+
Ia au na vakasamataka vakabibi* na nomuni ivakaro.+
79 Mera lesu mai vei au na rerevaki kemuni,
O ira na kila na nomuni veivakadreti.
כ [Kafa]
83 Niu sa vaka na tavaya kulinimanumanu sa raqosa ena kubou,
Ia au sega ni guilecava na nomuni lawa.+
84 Me vica na siga me wawa tiko kina na nomuni dauveiqaravi?
Oni na tauca enaica na lewa vei ira na vakacacani au tiko?+
85 Era kelia na kequ qara na viavialevu,
O ira na beca na nomuni lawa.
86 E nuitaki vakaoti na nomuni ivakaro kece.
Era vakacacani au na tamata ni sega na vuna, ni vukei au!+
87 Era voleka sara ni vakawabokotaki au mai vuravura,
Ia au sega ni biuta na nomuni ivakaro.
88 Ni vakabulai au tiko ena vuku ni dei ni nomuni loloma,
Meu dei kina ena veivakadreti oni tukuna.
ל [Lameta]
90 Na nomuni yalodina e yaco sara ina itabatamata kece.+
Oni sa vakataudeitaki vuravura me tu ga.+
91 E* tu ga me yacova mai nikua ena nomuni lewa,
Nira nomuni dauveiqaravi kece.
93 Au na sega vakadua ni guilecava na nomuni ivakaro,
Qori ga na ka e maroroi au meu bula tiko.+
95 E wawa na daucaka ca me vakarusai au,
Ia au rogoca vinaka na nomuni veivakadreti.
מ [Memi]
97 Dua na ka noqu taleitaka na nomuni lawa!+
Au vakasamataka vakabibi* ena siga taucoko.+
98 Na nomuni ivunau sa vakavukui au cake vei ira na kequ meca,+
Ni tu ga kei au me tawamudu.
99 Au yalomatua sara vei ira kece na noqu qasenivuli,+
Niu dau vakasamataka vakabibi* na nomuni veivakadreti.
100 Au yalomatua cake vei ira na qase ena ka au cakava,
Niu muria na nomuni ivakaro.
101 Au sega ni via lakova na sala ca,+
Meu dei kina ena nomuni vosa.
102 Au sega ni gole tani mai na nomuni lewa,
Ni oni vakavulici au.
104 Au yalomatua ena vuku ni nomuni ivakaro.+
Oya na vuna au cata kina na sala lasu kece ga.+
נ [Nuni]
106 Au sa cavuta na bubului, au na vakayacora sara,
Meu muria kina na dodonu ni nomuni lewa.
107 Au sa vakararawataki vakalevu.+
I Jiova, ni vakabulai au tiko me vaka na nomuni vosa.+
108 Yalovinaka Jiova, ni vakadonuya na noqu isolisoli sega ni lavaki ni vakavinavinaka,*+
Ni vakavulici au tale ga ena nomuni lewa.+
109 Na noqu bula e rivarivabitaki tu ga,
Ia au sega ni guilecava na nomuni lawa.+
111 Au sa taura na nomuni veivakadreti me noqu ivotavota tudei,
Nira ka ni marau ina lomaqu.+
112 Au sa nakita* meu talairawarawa ena nomuni lawa
Ena veigauna, me yacova na icavacava.
ס [Sameki]
115 Kua ni torovi au mai, kemuni na tamata ca,+
Meu muria kina na ivakaro ni noqu Kalou.
118 Oni cati ira kece na gole tani mai na nomuni lawa,+
Nira lasulasu qai dauveivakaisini.
119 Oni biuta laivi na daucaka ca kece kei vuravura me vaka ga era denikaukamea tawayaga.+
Oya na vuna au lomana kina na nomuni veivakadreti.
ע [Ayini]
121 Au sa cakava na ka dodonu au qai yalododonu.
Ni kua ni soli au vei ira na dau veivakasaurarataki!
122 Ni vakadeitaka me tikovinaka na nomuni dauveiqaravi,
Mera kua ni vakasaurarataki au na viavialevu.
123 Sa malumalumu na mataqu niu waraka tiko na nomuni veivakabulai+
124 Ni vakaraitaka na dei ni nomuni loloma vua na nomuni dauveiqaravi,+
Qai vakavulici au ena nomuni lawa.+
125 O yau na nomuni dauveiqaravi, solia vei au na yalomatua,+
Meu kila kina na nomuni veivakadreti.
126 Sa yaco mai na gauna me yavala kina o Jiova,+
Nira beca na nomuni lawa.
127 Oya na vuna au lomana kina vakalevu na nomuni ivakaro
Mai na koula, na koula savasava mada ga.+
פ [Pe]
129 E veivakurabuitaki na nomuni veivakadreti.
Oya na vuna au muria kina.
132 Ni golevi au mai qai lomani au,+
Me salavata ga kei na nomuni lewa vei ira na lomana na yacamuni.+
134 Ni vakabulai* au vei ira na dau veivakasaurarataki,
Au na qai dei ena nomuni ivakaro.
136 Sa drodro mai na wainimataqu
Nira sega ni dei na tamata ena nomuni lawa.+
צ [Sati]
138 E dodonu na nomuni veivakadreti
Qai nuitaki vakaoti.
139 Sa kani au na noqu yalogu,+
Nira sa guilecava na kequ meca na nomuni vosa.
143 Ke mani yacovi au na leqa kei na ka dredre,
Au taleitaka tiko ga na nomuni ivakaro.
144 Na dodonu ni nomuni veivakadreti e tawamudu.
Ni solia vei au na yalomatua,+ meu bula tiko kina.
ק [Kofa]
145 Au kaci yani ena lomaqu taucoko. Ni rogoci au mai, i Jiova.
Au na muria na nomuni lawa.
146 Au kaci yani vei kemuni, vakabulai au!
Au na dei ena nomuni veivakadreti.
148 E tadola na mataqu ni bera na gauna ni yadra ena bogi,
149 Ni rogoca na domoqu ena vuku ni nomuni loloma e dei.+
I Jiova, ni vakabulai au tiko me vaka na nomuni lewadodonu.
150 Era toro voleka mai na cakava na ivalavala vakamadua,*
Era sa yawaka na nomuni lawa.
152 Au sa vulica makawa sara na nomuni veivakadreti,
Oni vakataudeitaka me tawamudu.+
ר [Resi]
153 Ni raica na noqu rarawa qai vakabulai au,+
Niu sega ni guilecava na nomuni lawa.
155 E yawa sara vei ira na daucaka ca na veivakabulai,
Nira sega ni vakasaqara na nomuni lawa.+
156 Na nomuni yalololoma e cecere, i Jiova,+
Ni vakabulai au tiko me salavata kei na nomuni lewadodonu.
157 Era le levu na dau vakacacani au kei ira na kequ meca,+
Ia au sega ni gole tani mai na nomuni veivakadreti.
158 Au raici ira na dauveivakaisini mera vakasisila,
Nira sega ni muria na nomuni vosa.+
159 Ni raica mada na noqu lomana na nomuni ivakaro!
Kemuni Jiova, ni vakabulai au tiko ena vuku ni dei ni nomuni loloma.+
160 Na usutu ni nomuni vosa na ka dina,+
Kei na dodonu ni nomuni lewa kece ena tawamudu.
ש [Sini] se [Sayini]
162 Au marautaka vakalevu na nomuni vosa+
Me vaka e dua e kunea e levu na itokinivalu.
164 Au vakacaucautaki kemuni vakavitu ena dua na siga
Ni dodonu na nomuni lewa.
165 E levu sara na nodra vakacegu na dau lomana na nomuni lawa,+
E sega ni dua na ka e rawa ni vakatarabetaki ira.
166 Au nuitaka na nomuni veivakabulai, i Jiova,
Au muria tale ga na nomuni ivakaro.
168 Au muria na nomuni ivakaro kei na nomuni veivakadreti,
Ni oni kila vinaka na ka kece au cakava.+
ת [Tau]
169 Me yaco yani vei kemuni na noqu tagi ni kere veivuke, i Jiova.+
Ni solia vei au na yalomatua me vaka na nomuni vosa.+
170 Me yaco yani e matamuni na noqu kerekere.
Ni vakabulai au, me vaka ga oni yalataka.*
171 Me vuabale ena tebenigusuqu na veivakacaucautaki,+
Ni oni vakavulici au ena nomuni lawa.
172 Me seretaka na yamequ na nomuni vosa,+
Ni dodonu kece na nomuni ivakaro.
174 Kemuni Jiova, au diva vakalevu na nomuni veivakabulai,
Au taleitaka tale ga na nomuni lawa.+
175 Ni vakabulai au meu vakacaucautaki kemuni,+
Me vukei au na nomuni lewa.