iMatai ni Samuela

5 Nira kovea oti na kai Filisitia na Kato+ ni Kalou dina, era kauta mai Epenisa i Asoto. 2 Era kauta na kai Filisitia na Kato ni Kalou dina ina vale* i Tekoni mera biuta ena yasa i Tekoni.+ 3 Nira sou ena siga tarava na lewe i Asoto sa bale vakatoboicu tu i ra o Tekoni ena mata ni Kato i Jiova.+ Era tauri Tekoni ra qai biuta tale ena kena itutu.+ 4 Nira sou ena siga tarava sa lutu vakatoboicu i ra o Tekoni ena mata ni Kato i Jiova. Sa kamusu tu na ulu i Tekoni kei na qeteqeteniligana ruarua qai davo tu ena ilago. E vo ga na yagona e ika.* 5 Qori na vuna era sega ni butuka kina na ilago ni vale i Tekoni e Asoto o ira na bete nei Tekoni kei ira na lako ina vale i Tekoni me yacova mai nikua.

6 E bikai ira vakaukaua na lewe i Asoto na liga i Jiova, e totogitaki ira ni yaviti Asoto kei na kena vanua ena sicini.+ 7 Nira raica na lewe i Asoto na ka e yaco tiko, era kaya: “Me kua ni tiko vata kei keda na Kato ni Kalou ni Isireli ni vakararawataki keda na ligana, kei Tekoni na noda kalou.” 8 Era mani talatala mera kumuni mai na nodra turaga kece na kai Filisitia, era tarogi ira: “Na cava meda cakava ena Kato ni Kalou ni Isireli?” Era kaya: “Me kau i Kaca na Kato ni Kalou ni Isireli.”+ Era mani kauta i kea na Kato ni Kalou ni Isireli.

9 Nira sa kauta oti e kea, e yaviti ira na lewenikoro na liga i Jiova mera veilecayaki vakalevu. E yaviti ira na lewenikoro, o ira na gone kei ira na qase, qai tauvi ira na sicini.+ 10 Era kauta sara na Kato ni Kalou dina i Ekironi,+ ni yaco ga i Ekironi na Kato ni Kalou dina, era qolouvaka na kai Ekironi: “Era kauta mai vei keda na Kato ni Kalou ni Isireli meda mate kina kei ira na kainoda!”+ 11 Era qai talatala mera kumuni na turaga kece ni Filisitia, era kaya: “Moni kauta tani na Kato ni Kalou ni Isireli me vakasukai ena kena vanua meda kua ni vakamatei kei ira na kainoda.” Era rere vakalevu na lewenikoro taucoko de ra mate ni yaviti ira vakaukaua e kea na liga ni Kalou dina+ 12 ra qai tauvi sicini na lewenivanua era bula tiko. E rogo cake i lomalagi na nodra tagi ni kere veivuke na lewenikoro.