AISEA

 2 Moni vakarorogo na lomalagi, moni vakatudaliga na vuravura+

Ni kaya o Jiova:

“Au susugi ira na luvequ au tuberi ira,+

Ia era vorati au.+

 3 Na bulumakau e kila na kena itaukei,

Kei na asa na valenimanumanu ni kena turaga.

Ia o Isireli e sega ni kilai au,*+

O ira na noqu tamata era sega ni yalomatua.”

 4 E rarawa na matanitu ivalavala ca,+

O ira na tamata e bi na nodra cala,

Na kawa ni tamata ca, na gone dauvakacaca!

Era biuti Jiova,+

Era beca na Yalosavasava ni Isireli,

Era vakanadakui koya.

E tauvimate na ulumu taucoko,

E malumalumu na utomu taucoko.+

E mavoa, e drakusi, e drakulu,

E sega ni qaravi* se vadreti se lumu ena waiwai.+

 8 Sa biu tu na goneyalewa ni Saioni me vaka na valebola* ena loganivaini,

E vaka na bure ena loganikiukaba,

E vaka na koro viribaiti.+

 9 Ke sega ni vakabula e vica vei keda o Jiova ni lewe vuqa,*

Eda na tautauvata ga kei Sotoma,

Eda na vakataki Komora.+

“Sa rui levu vei au na nomuni isoro kama ni tamanisipi+ kei na uro ni manumanu vakani vinaka,+

Au sega ni taleitaka na dra+ ni luvenibulumakau tagane,+ na dra ni lami, kei na dra ni me.+

12 Oni lako mai moni rairai e mataqu,+

O cei e tukuna vei kemuni,

Moni butuka na noqu lomanibai?+

Na vula vou,+ na siga ni vakacecegu,+ na kaci moni soqoni vata,+

Au sa sega ni vosota rawa na vakatevoro+ e caka tiko ena nomuni soqoni tabu.

E icolacola vei au,

Au sa oca na colata.

15 Ni oni dedeka na qeteqete ni ligamuni,

Au vunia na mataqu vei kemuni.+

Oni masu vakalevu,+

Ia au sega ni rogoca,+

Ni lomoci na ligamuni ena dra.+

16 Moni vui kemuni, moni vakasavasavataki kemuni,+

Moni kauta tani e mataqu na nomuni ivakarau ca,

Moni muduka na nomuni caka ca.+

17 Vulica na caka vinaka, saga na lewadodonu,+

Vakadodonutaka na dauvakasaurara,

Taqomaka nona dodonu na gone e sega na tamana,*

Vakamamasu ena vuku ni yada.”+

“Ke damudamu na nomuni ivalavala ca,

Ena vakavulavulataki me vaka na ucacevata,+

Ke damu me vaka na tikinisulu kulakula,

Ena vaka na vutinisipi.

19 Ke oni yalorawarawa moni vakarorogo,

Oni na kania na vuaniqele vinaka.+

20 Ia ke oni bese moni talaidredre,

Ena kani kemuni na iseleiwau,+

Ni tukuna qo na gusu i Jiova.”

E dau lewadodonu,+

E dau tiko kina na ivalavala dodonu,+

Ia qo era sa tiko kina na daulaba.+

22 Na nomu siliva sa denikaukamea,+

Na memu bia* sa vakawaicalataki ena wai.

Era sega ni lewa vakadodonu na gone sega na tamana,*

Kei na nodra kisi ni veilewai na yada e sega ni yaco vei ira.+

24 Ia na turaga dina o Jiova ni lewe vuqa,

Na Kalou Kaukaua ni Isireli, e kaya:

“Sa rauta! Au na kauti ira tani na saqati au,

Au na totogitaki ira na kequ meca.+

25 Ena tau vei iko na ligaqu,

Au na savata na nomu denikaukamea me vaka na isavanikaukamea,

Au na kauta tani kece na nomu duka.+

26 Au na vakalesui ira na nomu turaganilewa me vaka ga e liu

Kei ira na nomu daunivakasala me vaka ena itekitekivu.+

27 Ena vakabulai+ o Saioni ena lewadodonu,

Kei ira na lewena era lesu ena ivalavala dodonu.

28 Era na rusa vata na dau veivorati kei ira na ivalavala ca,+

Kei ira era biuti Jiova era na muduki.+

29 Era na maduataka na vunikau kaukaua oni taleitaka,+

Oni na beci tale ga ena vuku ni basenikau* oni digitaka.+

30 Oni na vaka na vunikau levu e malai na drauna,+

Kei na basenikau e sega kina na wai.

31 Na tamata kaukaua ena vaka na wa,*

Kei na nona cakacaka na lidi ni buka,

Erau na kama vata ruarua

Ena sega ni dua me bokoca.”

Na ulunivanua ni vale i Jiova

Ena vakataudeitaki sara ga me sivia na veiulunivanua,+

Ena laveti cake me sivia na veidelana

Era na drodro kina na matanitu kece.+

“Ni lako mai meda lai cabe ina ulunivanua i Jiova

Ina vale ni Kalou i Jekope.+

Ena vakavulici keda o koya ena nona ivalavala

Eda na muria na nona sala.”+

Ni na lako mai Saioni na lawa,*

Kei na vosa i Jiova mai Jerusalemi.+

 4 Ena vakataulewataki ira na veimatanitu o koya

Ena vakadodonutaka e levu na lewe ni veivanua.

Era na tukitukia na nodra iseleiwau me batinisiviyara

Kei na nodra moto me isele ni sasamaki.+

Ena sega ni lave iseleiwau e dua na matanitu ina dua na matanitu

Era na sega ni vulica tale na ivalu.+

 5 Moni lako mai na vuvale i Jekope

Meda lako voli ena rarama i Jiova.+

Ni sinai vei ira na ka mai na Tokalau

Era daucakaiba+ me vakataki ira na kai Filisitia

Qai levu na luvedra na kaitani.

 7 E sinai na nodra vanua ena siliva kei na koula

E sega ni wili rawa na levu ni nodra iyau.

E robota na nodra vanua na ose

E sega ni wili rawa na levu ni nodra qiqinivalu.+

Era cuva ena cakacaka ni ligadra

Na ka e bulia na iqaqaloniligadra.

 9 E cuva kina na tamata, e vakamalumalumutaki koya

Oni na sega ni vosoti ira rawa.

10 Mo curu ina qaravatu mo vunitaki iko ena kuvuniqele

Ni rerevaki o Jiova

Kei na nona lagilagi levu.+

11 Na mata viavialevu ni tamata ena vakalolovirataki,

Kei na nodra dokadoka na tamata ena vakabalei sobu.*

Sa voleka mai vei ira kece na viavialevu kei na dokadoka

Vei ira kece na cecere se lolovira,+

13 Vei ira kece na sitari balabalavu qai cecere ni Lepanoni

Kei na oki kece ni Pasani

14 Ena ulunivanua cecere kece

Kei na delana cecere kece

15 Ena valececere kece kei na bai kaukaua kece

16 Ena waqa kece ni Tasisi,+

Kei na waqa vakamareqeti kece.

17 Ena vakabalei sobu na viavialevu ni tamata

Ena vakamalumalumutaki na dokadoka ni tamata.

19 Era na curu na tamata ina qaravatu

Kei na lomaniqara ena qele,+

Ni rerevaki o Jiova

Kei na nona lagilagi levu,+

Ni tucake o koya me yavalata vakalevu na vuravura.

20 Ena siga oya era na taura na tamata na nodra kalou siliva kei na kalou koula tawayaga

Era bulia mera cuva kina

Mera solia vei ira na kalavo* kei na beka,+

21 Mera curu kina ena qaravatu

Kei na gusu ni uluvatu,

Ni rerevaki o Jiova,

Kei na nona lagilagi levu,

Ni tucake o koya me yavalata vakalevu na vuravura.

22 Moni kua ni nuitaka na tamata moni vinaka kina,

Ni toka ga e ucuna na nona icegu.

3 Raica! Na Turaga dina o Jiova ni lewe vuqa,*

E kauta tani e Jerusalemi kei Juta na ka ni veivuke kece kei na ka me bula kina,

Na ka ni veivuke kece na madrai kei na wai,+

 2 Na tamata qaqa kei na tamataivalu,

Na turaganilewa kei na parofita,+ na daurairai kei na qase,

 3 Na turaga ni le 50,+ na tamata dokai, na daunivakasala,

Na daucakaiba kei na dauvakatevoro.+

 4 Au na lesi ira na gonetagane me nodra turaga,

Ia o koya e veilecayaki ena liutaki ira.

 5 Era na veivakasaurarataki na tamata,

Na tamata yadua vua na wekana.+

Na gone ena vorata na qase,

Kei na tamata wale ena beca na turaga.+

“E tiko na nomu isulu, mo neitou iliuliu,

Mo lewa na irusarusa levu sa tu qo.”

“Au na sega ni vadretitaka* na nomu mavoa,

E sega na kakana kei na isulu ena noqu vale.

 8 Ni sa tarabe o Jerusalemi,

Sa bale o Juta,

Nira saqati Jiova ena nodra vosa kei na nodra ivalavala,

Era talaidredre e matana lagilagi.+

 9 Na irairai ni matadra e beitaki ira ga,

Era tukuna na nodra ivalavala ca me vakataki Sotoma,+

Era sega ni via vunitaka.

10 Moni tukuna vei ira na yalododonu ni na yacovi ira na ka vinaka,

Era na vakaicovitaki ena ka era cakava.*+

Ena yacovi koya na ka ca,

Na ka e cakava na ligana ena caka tale vua!

12 Era vakasaurarataki ira na noqu tamata o ira na iliuliu ni cakacaka,

E lewai ira na yalewa.

Kemuni na noqu tamata, era vakasesei kemuni na nomuni iliuliu,

Era vakaseva na sala o lakova.+

13 Sa vakarau tu o Jiova me vakamacalataka na nona kisi,

E tucake me tauca na lewa vei ira na lewe ni veivanua.

“Oni vakama na loganivaini,

Na ka oni butakoca vua na dravudravua e tiko ena nomuni vale.+

15 Sa dua na ka moni qaqi ira na noqu tamata

Moni butuqaqia ena qele na matadra na dravudravua?”+ e kaya na Turaga Cecere Duadua o Jiova ni lewe vuqa.

16 E kaya o Jiova: “Nira qaciqacia na goneyalewa ni Saioni,

Era lako voli nira vakaduria na uludra,*

Era matawedewede, era yabe vakamamatauna,

Me rogo na tataqiriqiri ni qato ni yavadra,

17 Ena vakatubura tale ga o Jiova na kobo ena uludra na goneyalewa ni Saioni,

Ena vakaraitaka o Jiova na yadredra.+

18 Ena siga oya ena kauta tani o Jiova na totoka ni qato ni yavadra,

Na lawa ni drauniuludra kei na nodra iukuuku e vaka na vula,+

19 Na sau, na qato, na iubinimatadra,

20 Na iubiniulu, na sinucodo ni yava, na ioro,

Na itawatawa ni ivakaboi kei na itataqomaki,*

21 Na mama ni liga kei na mama ni ucu,

22 Na isulu ni soqo, na kote ligaleka, na iovi, kei na taga ni ilavo,

23 Na iloilo vakaitautauri+ kei na isulu lineni,*

Na ivauniulu kei na iubinimata.

24 Ena sosomitaka na iboi ni waiwai vakaisaluaki+ na ka boi ca,

Ena sosomitaka na beleti na dali,

Ena sosomitaka na ulu tali vinaka na ulucou,+

Ena sosomitaka na isulu saulevu na isulutaga,+

Ena sosomitaka na matavinaka na we ni kama.*

25 Era na bale ena iseleiwau na nomu tamata,

Kei ira na nomu tamata qaqa ena ivalu.+

26 Ena lolosi na nona matamata, ena rarawa,+

Ena dabe ena qele, ena vakalalai.”+

“Keitou na kania ga na keitou kakana,

Keitou na dara ga na neitou isulu;

Me keitou vakayacani ga ena yacamu

Me oti kina na neitou beci.”*+

5 Meu lagasere mada vei koya au lomana

Na sere qo e baleti koya au lomana kei na nona loganivaini.+

E tea kina na vaini damudamu vinaka,

E tara e lomadonu e dua na valececere,

E taya kina e dua na ikeliniwaini.+

E nuitaka tiko ga me vuataka na vuanivaini vinaka,

Ia e qai vuataka na vuanivaini ca.+

 3 “Kemuni na lewe i Jerusalemi kei na lewe i Juta,

Moni lewai au mada kei na noqu loganivaini.+

 4 Na cava tale me caka ina noqu loganivaini

Au se sega ni cakava?+

Ia niu nuitaka me vuataka na vuanivaini,

E vuataka ga na vuanivaini ca?

 5 Yalovinaka, meu tukuna vei kemuni

Na ka au na cakava ena noqu loganivaini:

Au na kauta tani na kena ba

Ena vakamai.+

Au na basuka na kena baivatu

Ena buturaki.

 6 Au na cakava me vanua lala,+

Ena sega ni koti se kutaritaki.

Ena tubu kina na kau vakavotona kei na co ca,+

Au na vakarota na o me kua ni tau kina na uca.+

 7 Na loganivaini nei Jiova ni lewe vuqa* na vuvale ni Isireli,+

O ira na lewe i Juta na iteitei e taleitaka.

E nuitaka tiko ga na lewadodonu,+

Ia raica! era lewa ca.

Na ivalavala dodonu,

Ia raica! na tagi ni rarawa.”+

 8 Ena rarawa o ira na vakaikuritaka na vale ina vale+

Era semata e dua na were ina dua na were+

Me sega tale ni dua na vanua e vo

Moni tiko ga vakataki kemuni ena vanua!

 9 E bubului e daligaqu o Jiova ni lewe vuqa

Ni levu na vale lelevu totoka

Ena domobulataki

Ena sega ni tawani.+

10 Na loganivaini e tini na eka ena rawa kina e dua na ivakarau paca*

Kei na dua na ivakarau omeri* sorenikau ena rawa kina e dua na ivakarau efa.*+

11 Era rarawa o ira na yadra vakamataka mera gunu,+

Era tiko ga me yacova na bogi mera mateni ena waini!

12 Era qiria na api kei na ivakatagi vakawa

Na tibereli, na bitunivakatagi, kei na waini ena nodra kanavata.

Ia era sega ni kauaitaka na cakacaka i Jiova

Era sega ni raica na cakacaka ni ligana.

13 Era na kau gona vakavesu na noqu tamata

Ni lailai na ka era kila,+

Na nodra tamata rogo era na walokai,+

Kei na nodra tamata kece era na karamaca.

14 Ena vakalevutaki koya gona o iBulubulu*

Ena dalaga vakalevu sara na gusuna,+

Na nona turaga, na nona ilala levu dau ue, kei ira na marautaki koya

Era na lako sobu kina.

15 Ena cuva na tamata

Ena vakamalumalumutaki na lewenivanua

Ena vakamalumalumutaki na matadra na viavialevu.

16 Ena vakacerecerei o Jiova ni lewe vuqa ena nona lewa*

Ena vakarokorokotaki koya ga na Kalou dina, na Yalosavasava,+ ena ivalavala dodonu.+

17 Era na kana na lami ena kedra vanua veico

Era na kana na vulagi ena nodra vanua lala na manumanu vakani vinaka.

18 Era rarawa o ira na dreta mai na nodra cala ena dali ni lasu

Kei na nodra ivalavala ca ena wa ni kareti

19 Era kaya: “Me vakatotolotaka o koya na nona cakacaka

Me yaco totolo mai meda raica.

Me yaco ga na nona inaki* na Yalosavasava ni Isireli

Meda rawa ni kila!”+

20 Era rarawa o ira na kaya ni vinaka na ca, e ca na vinaka,+

Era veisautaka na butobuto me rarama, na rarama me butobuto

Era veisautaka na ka wiwi me kamikamica, na kamikamica me wiwi!

21 Era rarawa o ira na nanuma nira vuku

Era nanuma nira yalomatua!+

22 Era rarawa o ira na gunuva vakalevu na waini

Kei ira era kenadau ena vakarautaka na gunu,+

23 Era talaca na tamata ca nira vaqumi+

Era sega ni lewa vakadodonu na tamata yalododonu!+

24 O koya gona, me vaka ga na kama ni vunicovuata ena yameyame ni buka

Kei na co madu ni yameca na bukawaqa,

Ena vuca na wakadra,

Ena veicaginayaki na sedra me vaka na pauta,

Nira cata na lawa* i Jiova ni lewe vuqa,

Era beca na nona vosa na Yalosavasava ni Isireli.+

25 Oya na vuna e waqa kina na cudru i Jiova vei ira na nona tamata

Ena dodoka na ligana vei ira me mokuti ira.+

Ena sakure na veiulunivanua

Na yagodra mate ena vaka na benu e gaunisala,+

Ena vuku ni ka kece qo, ena sega ni oti na nona cudru

Ia e dodoka tiko ga na ligana me veimoku.

26 E vakaduria o koya e dua na kaunikuila ina matanitu yawa,+

E kaluvi ira mera lako mai na iyalayala kei vuravura,+

Raica! e totolo sara na nodra lako mai.+

Na beleti ni tolodra e sega ni tasere,

Se cavuka na wa ni nodra ivava.

28 E gata kece na nodra gasau,

E loveci* kece na nodra dakaititi.

Na ququ ni nodra ose e vaka na vatu gata,

Kei na yava ni nodra qiqi e vaka na cagi kaukaua.+

29 Era tagi me vaka na laione

Era tagi me vaka na luvenilaione.*+

Era na kudru mera toqova na kedra

Era kauta qai sega ni dua me vakabula.

30 Ena siga oya era na kudruva na kedra

Me vaka na vadugu ni wasawasa.+

O koya e raica na vanua ena raica na butobuto ni rarawa

Sa butobuto mada ga na rarama ena vuku ni o.+

Au sa vaka ga na mate,*

Niu tamata tebenigusu dukadukali,

Au bula maliwai ira na tamata tebenigusu dukadukali,+

Ni raica sara ga na mataqu na Tui, o Jiova ni lewe vuqa!”

Sa kau tani na nomu cala

Sa bokoci na nomu ivalavala ca.”

‘Oni na rogoca vakavica vata,

Oni na lecava ga,

Oni na raica vakavica vata,

Oni na sega ga ni kila.’+

10 Mo vakabibitaka na lomadra na tamata qo,+

Mo vakadidivarataka na daligadra,+

Mo sogota na matadra,

De rai na matadra

Se rogo na daligadra,

Me kua ni kila na lomadra

Ra qai saumaki mera vakabulai kina.”+

“Me rusa mada na koro me sega ni dua e tiko kina

Kei na vale me sega na tamata e tiko kina

Kei na vanua me rusa, me laladidi,+

12 Me kauti ira vakayawa na tamata o Jiova+

Me laladidi e levu na vanua.

“Ena sega ni rawa

Se yaco.

 8 Ni ulu i Siria o Tamasiko

E ulu i Tamasiko o Risini.

Ena loma ga ni 65 na yabaki

Ena vurumemeataki vakadua o Ifireimi me kua ni dua na matanitu.+

 9 E ulu i Ifireimi o Samaria,+

E ulu i Samaria na luvei Rimalaia.+

Ke sega ni dei na nomuni vakabauta

Oni na sega ni vakataudeitaki.”’”

 6 “Nira beca na lewenivanua qo na wai na Sailoa*+ e drodro malua tiko

Era marautaki Risini kei na luvei Rimalaia,+

 7 Ia raica! O Jiova ena vakauta vei ira

Na kaukaua kei na wai levu ni Uciwai*

Na tui Asiria+ kei na nona qaqa kece.

Ena tubu cake ena kena drekeniwai taucoko

Qai vuabale ena batina kece

 8 Ena dave yani i Juta.

Ena luvuca, ena dave me yala i domona,+

Ni vakatetaba o koya ena ubia na raba ni nomu vanua

Imanueli!”*+

Moni tukuna na ka oni vinakata, ia ena sega ni yaco

Ni tokoni keimami na Kalou!*+

Moni kua ni rerevaka na ka era rerevaka

Moni kua ni sautaninini kina.

13 O Jiova ni lewe vuqa,* o koya ga moni okata me yalosavasava,+

O koya ga moni doka

O koya ga moni sautaninini kina.”+

14 Ena vaka na vale tabu o koya

Ia ena vaka na vatu ni veivakatarabetaki

Me vaka na vatu ni veivakabalei+

Vei rau na vuvale ni Isireli

Me vaka na dai kei na icori

Vei ira na lewe i Jerusalemi.

15 Levu vei ira era na tarabe, era na bale, era na kamusu

Era na bacani ra qai tobo.

16 Mo viviga na itukutuku volai

Mo dregata na lawa* me nodra na noqu tisaipeli!

 2 O ira na lako voli ena butobuto

Era raica na rarama levu.

O ira na tiko ena vanua ni butobuto loaloa

E cilavi ira na rarama.+

 3 Oni vakalevutaka na matanitu

Oni vakamarautaki ira vakalevu.

Era marau e matamuni

Me vakataki ira na marautaka na gauna ni tatamusuki

Me vakataki ira era marautaka na vota na itokinivalu.

 4 Oni tatalaka na ivua ni nodra icolacola

Na ititoko e tabadra, na nona ititoko na iliuliu ni cakacaka

Me vaka na siga i Mitiani.+

 5 Na ivava kece e yavalata na qele ni lako tiko

Kei na isulu e lomoci ena dra

Ena buka ni bukawaqa.

 6 Ni sucu vei keda e dua na gone,+

E soli vei keda e dua na gonetagane,

Ena vakatau vua na lewa.*+

 7 Na tubu ni nona lewa*

Kei na sautu, ena sega ni oti,+

Ena idabedabe vakaturaga nei Tevita+ kei na nona matanitu

Me vakataudeitaka+ me tokona

Ena lewadodonu+ kei na ivalavala dodonu,+

Ena gauna qo me tawamudu.

 8 E dua na vosa e cudruvi ira kina na Jekope o Jiova,

E tau vei ira na Isireli.+

 9 Era na kila kece na tamata,

O Ifireimi kei ira na lewe i Samaria,

Era kaya ena nodra dokadoka kei na viavialevu ni lomadra:

10 “Sa lutu na biriki,

Ia eda na tara vale ena vatu ta.+

Sa lauta na vunilolo,

Ia eda na sosomitaka ena sitari.”

11 O Jiova ena vakalevulevui ira na meca i Risini mera ravuti koya

Ena uqeti ira na kena meca mera yavala,

12 O ira na kai Siria mai na tokalau kei ira na kai Filisitia mai na ra,*+

Era na tilomi Isireli ni dalaga na gusudra.+

Ena vuku ni ka kece qo, e sega ga ni ruru na nona cudru,

Ia e dodoka tiko ga na ligana me veimoku.+

13 Nira sega ga ni lesu na tamata vei koya e mokuti ira,

Era sega ni qarai Jiova ni lewe vuqa.+

14 Ena muduka tani o Jiova vei ira na Isireli

Na uludra kei na buidra, na sulina kei na co babalavu,* ena dua ga na siga.+

15 Na qase kei koya e dokai vakalevu na uludra,

Kei na parofita e vakavulica na ka lasu na buidra.+

16 O ira na liutaki ira na tamata qo era vakavuna mera lako sese,

Kei ira na tuberi era veilecayaki.

17 Oya na vuna ena sega ni marautaka o Jiova na nodra cauravou,

Ena sega tale ga ni lomana na nodra gone e sega ni vakatamani* kei na nodra yada

Nira vukitani kece, era cakacala,+

Na gusudra kece e cavuta na ka lialia.

Ena vuku ni ka kece qo, e sega ga ni ruru na nona cudru,

Ia e dodoka tiko ga na ligana me veimoku.+

18 Ni waqa na ivakarau ca me vaka na bukawaqa

E yameca na kau vakavotona kei na co ca.

Ena yameca yani na kau ni veikau

Ena kuvu cake me vaka na kubou vavaku.

19 Ena cudru i Jiova ni lewe vuqa

E vakamai na vanua,

O ira na tamata era na buka ni bukawaqa.

20 E dua ena taya mai na imatau

Ia ena viakana ga,

E dua ena kana mai na imawi

Ia ena sega ni mamau.

Era na dui kania ga na lewe ni ligadra,

21 Ena kani Ifireimi o Manasa,

Ena kani Manasa o Ifireimi.

Ena vuku ni ka kece qo, e sega ga ni ruru na nona cudru

Ia e dodoka tiko ga na ligana me veimoku.+

10 Era rarawa na bulia na ivakaro e veivakaleqai+

Era dau vola na lawa e veivakararawataki,

 2 Mera kua ni rogoca na nodra kisi ni veilewai na dravudravua,

Mera kua ni lewai ira vakadodonu na noqu tamata era vakaloloma,+

Era taura na ka era taukena na yada

Era kovea na nodra iyau na gone sega na tamadra!*+

 3 Na cava oni na cakava ena siga ni veitarogi,*+

Ni lako mai vakayawa na veivakarusai?+

Oni na dro vei cei me vukei kemuni,+

Oni na biuta e vei na nomuni iyau?*

 4 Sega ni dua na ka e vo, mera lako cuvacuva ga kei ira na kaivesu

Se bale vata kei ira na vakamatei.

Ena vuku ni ka kece qo, e sega ga ni ruru na nona cudru

Ia e dodoka tiko ga na ligana me veimoku.+

 5 “Raica! na kai Asiria,+

Na ititoko ni noqu cudru+

Kei na kau e tiko e ligadra me tauca na noqu cudru!

 6 Au na talai koya ina matanitu vukitani,+

Me cudruvi ira na tamata era vakacudrui au vakalevu

Au na vakaroti koya me kauta vakalevu na itokinivalu kei na levu na iyau

Me buturaki ira sobu me vaka na soso ena gaunisala.+

 7 Ia ena sega ni nakita o koya me va qo

Na lomana e sega ni lalawataka va qo

Ni lomana me veivakawabokotaki

Me muduka e levu na matanitu, sega ni vica ga.

10 E taura na ligaqu na nodra matanitu na kalou tawayaga

E levu sara na nodra ivakatakarakara ceuti vei Jerusalemi kei Samaria!+

11 Au na sega ni cakava tale ga vei Jerusalemi kei na nona matakau

Me vaka au cakava vei Samaria kei na nona kalou tawayaga?’+

12 “Ni vakaotia o Jiova na nona cakacaka e Ulu i Saioni kei Jerusalemi, ena* totogitaka na tui Asiria ena viavialevu ni lomana kei na nona dokadoka ni mata viavialevu.+ 13 Ni kaya o koya,

‘Au na cakava qo ena kaukaua ni ligaqu

Kei na noqu vuku niu yalomatua.

Au na kauta tani na nodra iyalayala ni vanua na lewe ni veivanua+

Meu kovea na nodra iyau,+

Au na vakamalumalumutaki ira na lewena me vaka na qaqa.+

14 Me vaka na tamata e tatara ina sova

Ena taura na ligaqu na nodra iyau na lewe ni veivanua

Me vaka e dua e kumuna na yaloka e biu tu

Au na soqoni ira kece na lewe i vuravura!

16 Ia na Turaga dina o Jiova ni lewe vuqa,*

Ena vakavuna mera suivotu na nona tamata levulevu,+

Ena ruku ni nona lagilagi ena waqaca na bukawaqa caucaudre.+

17 Na nodra Rarama na Isireli+ ena bukawaqa,+

Kei na nona Yalosavasava ena yameyame

Ena caudre me yameca na nona co ca kei na nona kau vakavotona ena dua ga na siga.

18 Ena vakaotia sara na lagilagi ni nona veikau kei na nona loga ni kauvuata

Me vaka ga na suivotu ni tamata tauvimate.+

19 Na vo ni vunikau ena nona veikau

Ena lailai ga me wilika rawa e dua na gone.

20 Ena siga oya o ira na vo tiko e Isireli

Kei ira na bula ena vuvale i Jekope

Era na sega tale ni vakararavi vei koya e mokuti ira,+

Ia era na vakararavi vei Jiova

Na Yalosavasava ni Isireli ena yalodina.

21 Era na lesu ga na kena vo

O ira na vo ni Jekope, vua na Kalou Kaukaua.+

22 Ia o ira na nomu tamata, Isireli,

Ena vaka na mataninuku ni matasawa,

O ira ga na kena vo era na lesu.+

Na veivakawabokotaki sa lewai tu,+

Kei na lewadodonu* ena luvuci ira.+

23 Io na veivakawabokotaki sa lewa na Turaga Cecere Duadua o Jiova ni lewe vuqa,

Ena vakayacora ena vanua taucoko.+

27 Ena siga oya ena kau tani mai tabamu na nona icolacola,+

Kei na nona ivua mai domomu,+

Ena kamusu na ivua+ ena vuku ni waiwai.”

28 Sa yaco o koya i Aiaci,+

E lako yani i Mikironi,

E biuta tu e Mikimasi+ na nona iyaya.

29 Era lakosivita na vanua mamatia,

Era moce ena bogi e Kipa,+

E sautaninini o Rama, o Kipea+ nei Saula e dro.+

Ena bulivacu ina ulunivanua ni goneyalewa ni Saioni

Na delana o Jerusalemi.

33 Raica! Na Turaga dina o Jiova ni lewe vuqa

E musuka tiko na tabanikau qai vadugu ni lutu,+

Na vunikau babalavu e lauta sobu

O ira na viavialevu era vakamalumalumutaki.

34 E taya na kau ni veikau ena iyaya kaukamea,*

Ena vakabalei Lepanoni e dua na qaqa.

11 Ena tubu mai e dua na tabana lailai+ ena dulumi* i Jese,+

Kei na dua na sulina+ mai wakana ena vua.

 2 Ena sobuti koya na yalo i Jiova,+

Na yalo ni vuku+ kei na yalomatua,

Na yalo ni ivakasala kei na kaukaua,+

Na yalo ni kilaka kei na dokai* Jiova.

Ena sega ni vakatulewa ena ka e raica e matana,

Se veivunauci ena ka e rogoca e daligana.+

 4 Ena lewai ira vakadodonu na vakaloloma

Ena veivunauci vakadodonu ena vukudra na yalomalumalumu e vuravura.

Ena mokuta na vuravura ena ititoko ni gusuna,+

Ena vakamatea na tamata ca ena icegu ni tebenigusuna.+

 5 Na beleti ni tolona na yalododonu

Na beleti ni dibina na yalodina.+

 6 Ena bula vata na olifa kei na lami,+

Ena davo vata na lepate kei na luvenime,

Ena tiko vata na luvenibulumakau, kei na laione* kei na manumanu uro,*+

 7 Ena kana vata na bulumakau yalewa kei na bea,

Ena davo vata na luvedrau.

 8 Na gonedramidrami ena qito ena qara ni gata uluraba,*

Na gone se qai kali ena biuta na ligana ena qara ni gata poisoni.

 9 Era na sega ni veivakaleqai+

Se veivakarusai ena noqu ulunivanua tabu kece,+

Ni na robota na vuravura na kilaka me baleti Jiova

Me vaka e ubia na wasawasa na wai.+

Era na lako vua na veimatanitu mera taro ivakasala,*+

Na nona vanua ni vakacegu ena vakalagilagi.

13 Ena oti na vuvu nei Ifireimi,+

Era na vakarusai na vakacacani Juta tiko.

Ena sega ni vuvutaki Juta o Ifireimi

Se na vakacacani Ifireimi o Juta.+

14 Erau na cova sobu na nodra baba na kai Filisitia ena ra

Erau na tovata me rau kovei ira mai na Tokalau.

Erau na dodoka na ligadrau vei Itomi+ kei Moapi,+

Era na vakamalumalumu vei rau na Amoni.+

15 Ena wasea* o Jiova na toba ena wasawasa o Ijipita,+

Ena wiricaka na ligana ena Uciwai.*+

Ena nona icegu katakata ena mokuta na* vitu na kena uciwai lalai,

Ena tuberi ira na lewenivanua o koya mera takoso nira vakaivava.

16 Ena dua na gaunisala+ mai Asiria me baleti ira na vo ni nona tamata era tiko kina,+

Me vaka na nei Isireli ena siga e biuta mai kina na vanua o Ijipita.

“Au vakavinavinakataki kemuni Jiova,

Oni a cudruvi au,

Ia sa seavu na nomuni cudru, oni vakacegui au.+

Au na nuitaka, au na sega ni rere,+

Ni o Ja* Jiova e noqu kaukaua, e noqu qaqa,

E noqu ivakabula o koya.”+

 3 Oni taki wai ena marau

Mai na mataniwai ni bula.+

“Moni vakavinavinakataki Jiova, moni masuta na yacana,

Moni vakatakila na nona cakacaka vei ira na lewe ni veivanua!+

 6 Moni qolou, ni kaila ena reki na lewe* i Saioni

Ni cecere vei kemuni na Yalosavasava ni Isireli.”

Moni kacivi ira, moni yalovaka na ligamuni,

Mera lako ina nodra matamata na turaga.

Au kacivi ira na noqu tamata qaqa mera tauca na noqu cudru,

O ira na noqu era dau mamarau.

 4 Rogoca! E dua na ilala levu ena veiulunivanua,

E vaka na rorogo ni lewe levu!

Rogoca! Na nodra ue na veimatanitu,

Na nodra soqoni na veivanua!+

 5 Era lako mai na vanua yawa,+

Mai na iyalayala ni lomalagi,

O Jiova kei na iyaragi ni nona cudru,

Me vakarusa na vuravura taucoko.+

 7 Oya na vuna ena wadamele kina na liga kece,

Ena waicala na lomadra na tamata kece ena rere.+

Era sautaninini, era mosi,

Me vaka na yalewa taratara me vakasucu.

Era veiraici ena domobula,

E damudamu na matadra ena rarawa.

 9 Raica! Sa roro mai na siga i Jiova,

E rerevaki ni lako vata mai kei na cudru levu kei na cudru waqawaqa

Me vukica na vanua me domobulataki,+

Me vakawabokotaka na kena tamata ivalavala ca.

10 Na kalokalo ni lomalagi kei na matakalokalo*+

Ena sega ni cila,

Ena buto na matanisiga ni cadra mai,

Na vula ena sega ni cila.

11 Au na taroga na vuravura ena vuku ni kena ca,+

Kei ira na tamata ca ena vuku ni nodra cakacala.

Au na muduka na nodra viavialevu na dokadoka,

Au na vakalolovirataka na nodra dokadoka na voravora.+

12 Au na cakava me kunekunei dredre na tamata, e rawarawa na koula savasava,+

Me dredre ni kunei na tamata, e rawarawa na koula ni Oferi.+

13 Oya na vuna au na yavalata kina na lomalagi

Kei na vuravura me sakure mai na kena vanua+

14 Me vaka na kaseli e vakasavi kei na qelenisipi e sega ni dua e kumuna mai

Era na dui lesu vei ira na kainodra

Era na dui dro ina nodra vanua.+

15 O ira kece na kune era na lausua

Kei ira kece na tobo era na bale ena iseleiwau.+

16 Na luvedra ena tatalaki e matadra,+

Na nodra vale ena yanaraki

Kei na watidra ena kucuvi.

17 “Au na vakauqeti ira na kai Mitia mera valuti ira,+

Era raica na siliva me ka wale

Era sega ni taleitaka na koula.

18 Na nodra dakaititi ena vakamatea na cauravou,+

Era na sega ni lomana na vua ni kete

Era sega ni lomana na gone.

19 Ia o Papiloni e rogo sara vei ira na veimatanitu,+

Na nodra isakisaki kei na lagilagi na Kalitia,+

Ena vakataki Sotoma kei Komora ni vakarusa na Kalou.+

20 Ena sega ni tawani tale

Ena sega tale ni tiko kina e dua ena itabatamata kece.+

Ena sega ni birika e kea na kai Arapea na nona valelaca

Ena sega tale ga ni dua na ivakatawa me vakadavora e kea na nona qelenisipi.

21 Ena davo e kea na manumanu ni vanua dravuisiga,

Ena sinai ena nodra vale na lulu.

Ena vakaitikotiko e kea na ositereji,+

Ena veiladeyaki e kea na me kila.*

22 Ena tagi na manumanu mai na nona valececere,

Kei na jakoli* ena nona veivale vakaturaga lelevu,

Sa voleka na nona gauna, ena sega ni vakaberai na nona siga.”+

 5 Sa musuka o Jiova na nodra kau na ivalavala ca,

Na nodra ititoko na iliuliu,+

 6 O koya e mokuti ira na lewe ni veivanua ena cudru ni kuitalaki ira tiko ga,+

O koya e vakadrukai ira tiko na veimatanitu ena veivakararawataki e sega ni cegu.+

 8 Era marautaki iko mada ga na vunijunipa,

Kei na sitari ni Lepanoni.

Era kaya, ‘Ena gauna o bale kina,

E sega ni lako cake mai e dua na dautakau me talaki keimami.’

 9 E yavala mada ga na iBulubulu* e toka e ra

Me tavaki iko ni o lako mai.

Ena vukumu e vakayadrati ira kina na mate,

O ira kece na iliuliu voravora e vuravura.*

10 Era vosa kece mai, era kaya vei iko,

‘O sa malumalumu tale ga me vakataki keimami?

11 Sa biu sobu ina iBulubulu* na ka o divi kina,

Na domo ni nomu ivakatagi vakawa.+

E tevu e rukumu na ulo me nomu loga,

Kei na baca me kemu iubi.’

12 O sa lutu mai lomalagi,

O iko na kalokalo ramase, na luve ni rarama ni mataka!

O sa vakabalei sobu ina qele,

O iko o vakadrukai ira na veimatanitu!+

Au na laveta cake na noqu idabedabe vakaturaga+ me sivita na kalokalo ni Kalou

Au na dabe ena ulunivanua ni soqoni

Ena vanua yawa sara ena vualiku.+

14 Au na lako cake meu sivita na vanua cecere ena o,

Au na cakava meu tautauvata kei koya e Cecere Duadua.’

15 Ia o na biu sobu ina iBulubulu,*

Ena vanua titobu ena qara.

16 O ira na raici iko era na wadravi iko,

Era na dikevi iko vinaka, era kaya,

‘Qo ga o koya e yavalata na vuravura,

E vakavuna mera sautaninini na veimatanitu,+

17 E vukica na vuravura me vanua talasiga,

E vakarusa na kena koro,+

E sega ni sereki ira na nona kaivesu mera lesu i nodra vanua?’+

18 O ira kece na vo ni tui ni veimatanitu,

Io o ira kece, era davo ena lagilagi,

O ira yadua ena nodra ibulubulu.*

19 Ia o na biu tani ni sega na nomu ibulubulu,

Me vaka na tabanikau e vakasisilataki,

O ubi ena yago mate era lausua ena iseleiwau,

O koya e lako sobu ena qara veivatu,

Me vaka na yago mate e buturaki sobu.

20 O na sega ni tomani ira ena ibulubulu,

Ni o vakarusa ga na nomu vanua,

O vakamatei ira ga na nomu tamata.

21 Moni vakarautaka na vanua mera vakamatei kina na luvena tagane

Ena vuku ni cala nei tukadra

Mera kua ni tucake mera lewa na vanua

Qai robota na vanua na nodra koro.”

“Me vaka ga au nakita, ena yaco vaka kina,

Me vaka ga au lewa ena yaco dina.

25 Au na butuqaqia na kai Asiria ena noqu vanua,

Au na butuki koya ena noqu veiulunivanua.+

Ena kau tani vei ira na nona ivua,

Kei na nona icolacola ena kau tani mai tabadra.”+

26 Qo na ka sa lewai me baleti vuravura taucoko,

Qo na liga e dodo tu vei* ira kece na veimatanitu.

27 Ni sa lewa o Jiova ni lewe vuqa,

O cei me vakaseva?+

E dodoka tu na ligana,

O cei me vakasuka?+

29 “Me kua ni dua vei kemuni e Filisitia me marau

Ni sa ramusu na nona ititoko o koya e mokuti iko tiko.

Ni na basika mai na waka ni gata+ na gata poisoni,+

Na luvena na gata vuka e bukawaqa.*

30 Ni kana na nodra ulumatua na vakaloloma

Nira davo ena nuidei na dravudravua

Au na vakamatea na wakamu ena dausiga

Ena vakamatei tale ga na ka e vo vei iko.+

Ni lako mai na vualiku na kubou

Ena sega ni dua e vakaberabera ena nona iyatu.”

Sa vakadavora o Jiova na yavu e Saioni,+

Era na lai vakaruru kina na nona tamata vakaloloma.

Ni vakarusai ena dua ga na bogi

Sa vagalui o Ari+ Moapi.

Ni vakarusai ena dua ga na bogi

Sa vagalui o Kiri+ Moapi.

 2 E lako cake o koya ina Vale,* vaka kina i Taiponi,+

Ina vanua cecere me tagi.

Era tagilagalaga kece ena dela ni nodra vale kei na nodra rara

Era lako sobu nira tagi tiko.+

 4 Erau tagi o Esiponi kei Elale,+

E rogo sara i Jeasa+ na domodrau.

Era tagi tiko nira lako cake ena icabecabe i Luici,

Ena sala i Oroneimi era tabalaka na tagi ena vuku ni rarawa levu.+

 6 Ni sa maca na wai ni Nimirimi,

Sa malai na co drokadroka,

Sa mate na co, sa sega na ka drokadroka.

 7 Oya na vuna era kauta kina na ka e vo kei na nodra iyau era maroroya tu,

Era takosova na buca* ni veipopila.

Na tagilagalaga e rogo sara i Ekileimi,

Na tagilagalaga e rogo sara i Pieri-elimi.

 9 Ni sa sinai ena dra na wai ni Timona,

Au na vakayacora e Timona eso tale na ka,

Na laione vua na kai Moapi e dro

Kei ira na vo tiko ena vanua.+

16 Moni vakauta e dua na tamanisipi vua na iliuliu ni vanua

Mai Seila me takosova na vanua talasiga

Ina ulunivanua ni goneyalewa ni Saioni.

 2 Me vaka na manumanuvuka e vakasavi mai na nona sova+

Ena vaka kina o ira na goneyalewa ni Moapi ena wai mamatia e Arinoni.+

Ena muduki o koya e dau veivakasaurarataki

Ena oti na veivakarusai

Era na takali e vuravura na dauveibutu.

O koya e dabeca ena valelaca i Tevita ena yalodina,+

Ena lewa vakadodonu, ena totolo ni vakayacora na ka dodonu.”+

 6 Eda sa rogoca na viavialevu nei Moapi, ni sa dua na ka na nona dokadoka,+

Na nona qaciqacia kei na nona viavialevu kei na nona cudru,+

Ia ena tawayaga na nona tukutukuni koya.

 7 O koya gona o Moapi ena tagicaki Moapi

Era na tagi kece.+

Na vaini ni Sipima,+

Era butubutuka na iliuliu ni veimatanitu na tabana damudamu serau,*

E yaco sara i Jaseri,+

E tete yani ina vanua talasiga.

Au na vakasuasuataki kemudrau Esiponi kei Elale+ ena wainimataqu,

Ni sa cava na kailavaki ni nomu vuata ni vulaikatakata kei na nomu tatamusuki.*

10 Sa kau tani na marau kei na reki mai na loga ni kauvuata,

Sa sega na kaila ni reki se kaikaila ena loganivaini.+

11 Oya na vuna e yavavala kina na lomaqu ena vuku i Moapi,+

Me vaka na qiri api,

Kei na ketequ ena vuku i Kiriereseci.+

“Raica! Ena sega ni koro tale o Tamasiko

Ena bini ga kina na irusarusa.+

 2 Ena biu tu na koro e Aroeri,+

Ena vanua mera davo kina na qelenisipi

E sega ni dua me vakarerei ira.

 3 Ena yali e Ifireimi na koro vakabai,+

Kei na matanitu e Tamasiko,+

O ira na vo tiko e Siria

Ena vaka na nodra lagilagi na Isireli,”* e kaya o Jiova ni lewe vuqa.*

 4 “Ena siga oya ena lailai mai na lagilagi nei Jekope,

Kei na nona yagovinaka* ena yagoca mai.

 5 Ena vaka ni kumuna na dautatamusuki na covuata ena were

E tamusuka e ligana na sola ni covuata

Ena vaka ni tomi sola ni covuata e dua ena Buca o Refeimi.+

 6 Ena vo ga eso na vuana

Me vaka na samu vuniolive:

E vo ga e rua se tolu na vuaniolive matua ena sovu ni tabana

E va se lima na tabana e vua tiko,”+ e kaya o Jiova na Kalou ni Isireli.

 9 Ena siga oya na nona koronivalu ena vaka na vanua e biu tu e veikau,+

Ena vaka na tabanikau e biu tu e matadra na Isireli,

Ena vanua lala.

10 Ni o sa guilecava na Kalou+ na nomu ivakabula,

O sa sega ni nanuma na Uluvatu+ e nomu ivunivuni.

Oya na vuna o tea kina na iteitei totoka

O tea kina na sulisuli ni vulagi.*

11 Ena siga o baitaka vinaka na nomu iteitei,

Ena matakalailai o vakatubura na nomu sorenitei,

Ia ena yali na ka me tamusuki ena siga ni tauvimate kei na mosi e sega ni oti rawa.+

12 Rogoca! Na nodra ue na lewe ni veivanua,

Era vadugu me vaka na wasawasa!

Era maue vakalevu na veimatanitu,

Na kena rorogo e vaka na vadugu ni wai kaukaua!

Ena vunauci ira o koya, era na dro sara vakayawa,

Era cemuri me vaka na qa ni covuata ena veiulunivanua ena mata ni cagi,

Me vaka na soni e cocowiriwiri* ena cagi kaukaua.

Qo na nodra iwasewase na vakacacani keda tiko

Kei na nodra ivotavota na kovei keda tiko.

18 Ena rarawa na vanua e dau rogo kina na taba ni manumanu lalai

Ena yasayasa ni uciwai e Iciopea!+

 2 E talai ira na mata e wasawasa

Ena waqa kuta e delaniwai, e kaya:

“Moni lako na italai totolo

Ina matanitu babalavu yago dravia

Ina matatamata rerevaki ena veivanua,+

Ina matanitu qaqa dauvala

E kuitaka na uciwai na nona vanua.”

 3 O kemuni kece na lewenivanua kei kemuni na lewe i vuravura,

Na ka oni raica ena vaka na kaunikuila e vakaduri ena veiulunivanua,

Oni na rogoca e dua na rorogo me vaka na uvuci ni davui.*

“Au na tiko vakacegu meu raica* na noqu itikotiko tudei,

Me vaka na katakata ena sigalevu,

Me vaka na kabukabu ena draki katakata ni tatamusuki.

 5 Ni bera na tatamusuki,

Ni kubu oti na se ni vaini, sa dreu na vuana,

Me musu na tabana ena isele ni sasamaki

Me musu na tolona malumu, me kau tani.

 6 Era na biu kece tu vei ira na manumanuvuka* ni veiulunivanua

Kei na manumanu ni vanua.

Ena kania na manumanuvuka ena vulaikatakata,

Ena kania tale ga na manumanu kece ni vanua ena gauna ni tatamusuki.

 7 Ena gauna oya ena soli e dua na iloloma vei Jiova ni lewe vuqa,*

Mai na matanitu babalavu yago dravia,

Mai na matatamata rerevaki ena veivanua,

Mai na matanitu qaqa dauvala,

E kuitaka na uciwai na nona vanua

Ina vanua e tiko kina na yaca i Jiova ni lewe vuqa, e Ulu i Saioni.”+

Era na rerevaki koya na kalou tawayaga ni Ijipita,+

Ena waicala e lomana na yalo i Ijipita.

 2 “Au na bukana mera veimecaki na kai Ijipita,

Era na veivaluvaluti,

Era na dui valuta na tacidra kei na wekadra

Era na veivaluvaluti na koro, era na veivaluvaluti na matanitu.

 3 Ena veilecayaki e lomana na yalo i Ijipita,

Au na vakaseva na nona inaki.+

Era na taroga na kalou tawayaga,

Na dauvakatevoro kei na dauvakacuru kei ira na daurairai.+

 4 Au na soli Ijipita vua e dua na turaga yaloca,

Ena lewai ira e dua na tui yalokaukaua,”+ e kaya na Turaga dina, o Jiova ni lewe vuqa.*

 5 Ena di na wai ni wasawasa,

Ena di tale ga na uciwai, ena mamaca.+

 6 Ena boi ca na uciwai,

Ena to lailai qai mamaca na basoga ni Naile e Ijipita.

 7 Na kau ena bati ni Uciwai na Naile, ena gusu ni Naile,

Kei na vanua kece e tei kina na sorenikau ena Naile+ ena malai.+

 8 Era na tagi na gonedau,

Era na osi o ira na kolotaka na batinisiwa ena Uciwai na Naile,

Era na malumalumu o ira na balata nodra lawa e delaniwai.

 9 O ira na cakava na feleki*+ matailalai

Kei ira na dautali isulu vulavula era na madua.

10 Era na lomabibi na nona dautalitali,

O ira kece na cakacaka saumi era na rarawa.

“O yau na nodra kawa na vuku

Na nodra kawa na tui ena gauna makawa”?

13 E sesewa na nodra ivalavala na turaga ni Soani

Era lawakitaki na turaga ni Nofi,*+

Era vakacalai Ijipita na turaga ni nona yavusa.

14 E solia vei ira o Jiova na yalo ni veilecayaki,+

Era vakacalai Ijipita ena ka kece e cakava

Me vaka ga ni veisisiyaki na mateni ena nona lua.

15 Ena sega e Ijipita na cakacaka me qarava

Na uluna se na buina, na tabanikau se na co babalavu.*

E toso tiko mai me vaka na cagi kaukaua mai na ceva,

Mai na vanua talasiga, mai na vanua rerevaki.+

E veivakaisini tiko na dauveivakaisini,

E vakacaca tiko na dauvakacaca.

Au sautaninini,

Me vaka na yalewa e taratara me vakasucu.

Au rarawa vakalevu niu rogoca,

Au veilecayaki vakalevu niu raica.

 7 E raica o koya na qiqinivalu e dreta tiko e rua na ose,

Na qiqinivalu e dreta tiko na asa,

Na qiqinivalu e dreta tiko na kameli.

“Kemuni Jiova, au duri tiko ga ena valenivakatawa ena siga,

Au duri tiko ga ena noqu vanua ni yadra ena bogi kece.+

10 Kemuni noqu tamata oni buturaki,

Na covuata* ni noqu rara ni butu covuata,+

Au sa tukuna vei kemuni na ka au rogoca vei Jiova ni lewe vuqa,* na Kalou ni Isireli.

Oni na moce e veikau ena bogi ena buca dravuisiga

O kemuni na ilawalawa dauveilakoyaki mai Titana.+

14 Moni kauta na wai moni tavaki ira na viagunu,

O kemuni na lewenivanua o Tima,+

Moni kauta na madrai vua e dro tiko.

15 Nira dro mai na iseleiwau, mai na iseleiwau e ucuni,

Mai na dakaititi e loveci kei na ivalu rerevaki.

 2 Oni maue vakalevu,

Na koro kosakosa, na tauni mamarau.

Era sega ni mate ena iseleiwau o ira na nomuni mate,

Se ra mate ena ivalu.+

Ia o ira kece na kune era kau vakavesu,+

Era dro sara vakayawa.

 4 Oya na vuna au kaya kina: “Moni kua ni vakaraici au,

Au na sorova na tagi.+

Ni kua ni saga moni vakacegui au

Ni sa rusa na goneyalewa ni* noqu tamata.+

 5 Ni siga ni veilecayaki kei na siga ni druka kei na taqaya,+

Mai vua na Turaga Cecere Duadua o Jiova ni lewe vuqa,*

Ena Buca ni Raivotu.

Ena basu na bai+

Era na tagi ina ulunivanua.

 6 Era cola taga gasau o ira na Ilama+

Ena qiqinivalu kei na ose e vodoka na tamata,

E ucuna* o Kiri+ na isasabai.

 7 Na nomu buca vinaka duadua

Ena robota na qiqinivalu,

Era na tu na ose* ena nodra itutu ena matamata,

 8 Ena kauta tani na ivakaruru* nei Juta.

12 Ena siga oya na Turaga Cecere Duadua o Jiova ni lewe vuqa,

Ena vakarota moni tagi, moni lolosi,+

Moni tasia na ulumuni, moni vakaisulutaga.

13 Ia era reki, era marau,

Era vakamate bulumakau, era moku sipi,

Era kana lewe ni manumanu, era gunu waini.+

 4 Mo madua Saitoni, na bai kaukaua ni wasawasa

Ni tukuna na wasawasa:

“Au sega ni taratara, au sega ni vakasucu,

Se susugi ira na cauravou se tuberi ira na goneyalewa.”*+

 5 Me vaka nira rogoca na itukutuku me baleti Ijipita,+

Era na rarawataka vakalevu na tamata na itukutuku me baleti Taia.+

 8 O cei e lewa me yaco qo vei Taia,

O koya e dau solia na isala vakatui,

Era turaga na nona dauveivoli,

Era rokovi e vuravura taucoko na nona dauvolivolitaki?+

 9 E lewa sara ga qo o Jiova ni lewe vuqa,*

Me vakacacana na totoka kece ni nona isakisaki,

Me beci ira kece era rokovi e vuravura taucoko.+

11 E dodoka yani na ligana o koya i wasawasa

E kurea na veimatanitu.

12 E kaya o koya: “O na sega tale ni reki,+

O iko o vakasaurarataki, na goneyalewa ni Saitoni.

O ira ga qo, sega ni o ira na kai Asiria,+

Era vukica me nodra itikotiko na manumanu ni vanua dravuisiga.

Era vakaduria kina na nodra valenivalu cecere

Era yanaraka na nona valececere vakabai,+

E vurumemeataki me irusarusa.

14 Moni qoqolou na waqa ni Tasisi

Ni sa rusa+ na nomuni bai kaukaua.

Mo qiria sara vakavinaka na nomu api;

Mo lagata e levu na sere,

Mera na nanumi iko kina.”

24 Raica! Sa vakalala o Jiova na vanua* me laladidi,+

E vakatoboicutaka+ mera veiseyaki na lewena.+

Na lewenivanua kei na bete,

Na dauveiqaravi kei na nona turaga,

Na dauveiqaravi kei na nona marama,

O koya e volivoli kei koya e volivolitaki,

O koya e soli dinau kei koya e dinau,

O koya e taura na tubu kei koya e sauma.+

 3 Ena lala vakadua na vanua;

Ena kovei sara ga,+

Ni tukuna o Jiova na vosa qo.

 5 Era benuca na vanua na lewena,+

Era beca na lawa,+

Era veisautaka na ivakaro,+

Era beca na veiyalayalati tawamudu.*+

 6 Oya na vuna e cudruvi kina na vanua,+

Era cala na tiko kina.

Oya na vuna era lewe lailai kina na tiko ena vanua,

E vo ga e vica.+

 7 E lolosi* na waini vou, e malai na vaini,+

Era rarawa kece na marau tiko na lomadra.+

 8 Sa mudu na rorogo marautaki ni tibereli;

Sa oti na nodra maue na dau mamarau;

Sa mudu na rorogo marautaki ni api.+

 9 Era gunu waini ia e sega na sere

E gaga na gunu e veivakamatenitaki vei ira na gunuva.

10 Sa kasura na tauni lala,+

Sa sogo kece na vale me kua ni dua e curu kina.

Sa oti kece na marau;

Sa sega ni reki na vanua.+

12 Sa rusa na koro;

Sa vurumemea na matamata me ibinibini benu.+

Me vaka na samu vuniolive,+

Me vaka na tomi vuanivaini ni cava na tatamusuki.+

14 Era na tabalaka na domodra,

Era na kaikaila ena marau.

15 Oya na vuna era na vakalagilagi Jiova kina ena yasayasa ni rarama,*+

Era na vakalagilagia na yaca i Jiova na Kalou ni Isireli na veiyanuyanu e wasawasa.+

18 O koya e drovaka na rorogo ni ka vakadomobula ena lutu ina qara,

O koya e lako cake mai na qara ena tacori ena dai.+

Ni na tadola na isogo mai cake,

Ena sakure na yavu ni vanua.

19 E kavida na vanua;

E sakure na vanua;

E yavavala vakalevu na vanua.+

20 E taceba na vanua me vaka na mateni,

E veisuayaki me vaka na bure ni liwa na cagi.

E tarabi vua na nona cakacala,+

Ena bale ena sega ni tucake tale.

21 Ena siga oya ena cudruva o Jiova na mataivalu mai cake

Kei ira na tui ni vuravura era tiko e vuravura.

22 Era na soqoni vata

Me vaka na kaivesu era soqoni ena qara,

Era na sogolati ena qara buto;

Ni oti e vica vata na siga era na lewai.

23 Ena taqaya na vula levu,

Ena madua na rarama ni matanisiga,+

Ni sa Tui+ o Jiova ni lewe vuqa* e Ulu i Saioni+ kei Jerusalemi,

Ena vakalagilagi e matadra na nodra qase na nona tamata.*+

Au vakacerecerei kemuni, au vakacaucautaka na yacamuni,

Ni vakatubuqoroqoro na ka oni cakava,+

Na ka e nakiti* mai liu sara,+

E dina,+ e nuitaki.

 2 Oni vukica na koro me ibinibini vatu,

Na tauni taqomaki vinaka me irusarusa.

Na nodra valececere na vulagi me kua ni koro tale;

Ena sega sara ni tara tale.

 3 Oya na vuna era na vakalagilagi kemuni kina na tamata qaqa;

Ena rerevaki kemuni+ na nodra koro na veimatanitu voravora.

 4 O kemuni na nona bai kaukaua na vakaloloma,

Na nona bai kaukaua na dravudravua ni rarawa,+

Na ivunivuni mai na uca bi,

Na ivakaruru mai na katakata.+

Ni vaka na carubi ni uca bi e lalaga na nodra cudru na tamata voravora,

 5 Me vaka na katakata ni vanua sigasiga,

Oni vakamalumutaka na nodra ue na vulagi.

Me vaka ni vakamalumutaka na katakata na yaloyalo ni o,

E vagalui tale ga va qori na nodra sere na tamata voravora.

 6 Ena ulunivanua+ qo ena vakarautaka o Jiova ni lewe vuqa* vei ira na lewe ni veivanua kece

E dua na kanavata ena kakana uro,+

Na kanavata ni waini vinaka duadua,*

Na kakana uro e levu kina na uro ni sui,

Na waini vinaka duadua e savasava.

 7 Ena ulunivanua qo ena vakarusa o koya na iubi e ubia kece tu na lewe ni veivanua

Kei na iubi e ologi ira tu na veimatanitu kece.

 8 Ena tiloma* vakadua o koya na mate,+

Ena qusia na Turaga Cecere Duadua o Jiova na wainimata mai na matadra kece.+

Ena kauta tani na nodra beci na nona tamata e vuravura taucoko,

Ni kaya sara ga o Jiova.

Eda nuitaki koya,+

Ena vakabulai keda.+

10 Ena tiko ga na liga i Jiova ena ulunivanua qo,+

Ena buturaki sobu o Moapi ena nona vanua+

11 Ena dodoka na ligana me sabica

Me vaka na dauqalo e sabica na wai ni qalo tiko

Ena vakamalumalumutaka na nona dokadoka+

12 Na koro vakabai kei na nomu bai cere taqomaki

Ena vakalolovirataka o koya

Ena vakabalea sobu ina qele, ina kuvuniqele.

 2 Moni dolava na matamata+ me curu kina na matanitu yalododonu,

Na matanitu e yalodina tiko ga.

 3 Oni na maroroi ira na dau ravi vei kemuni,*

Oni na vakacegui ira tiko ga,+

Nira nuitaki kemuni.+

 4 Moni nuitaki Jiova tiko ga,+

Ni Uluvatu tawamudu o Ja* Jiova.+

E biuta sobu,

E biuta sobu ina qele;

E vakabalea ina kuvuniqele.

 6 Ena butuka na yavadra,

Na yava ni dravudravua, na yava ni vakaloloma.”

Ni oni yalododonu,

Oni na vakalogalogavinakataka na nona sala na yalododonu.

 8 Ni keimami muria na sala ni nomuni lewa, Jiova,

Keimami nuitaki kemuni.

 9 Ena bogi au galeleti kemuni mai vu ni yaloqu,

Io e vaqarai kemuni tiko ga na lomaqu,+

Ni oni lewai vuravura,

Era na vulica na ivalavala dodonu na lewenivanua.+

10 Ke lomani mada ga na tamata ca,

Ena sega ni vulica na ivalavala dodonu.+

Ena vanua mada ga ni ivalavala dodonu ena caka ca o koya,+

Ena sega ni raica na cecere i Jiova.+

12 Kemuni Jiova, oni na vakacegui keimami,+

Ni ka kece keimami vakayacora

Oni cakava vei keimami.

13 Kemuni Jiova na neimami Kalou, era lewai keimami+ eso tale na iliuliu

Ia keimami vakacaucautaka duadua ga na yacamuni.+

Ni oni na vakarusai ira

Moni vakawabokotaki ira, moni vakaotia na ka kece era nanumi kina.

15 Oni vakalevutaka na matanitu kemuni Jiova,

Oni vakalevutaka na matanitu;

Oni vakalagilagi kemuni.+

16 Kemuni Jiova era rai vei kemuni nira rarawa;

Era sova na nodra masu vuni ni oni vakavulici ira.+

17 Me vaka ga na yalewa bukete e vakarau vakasucu

E taratara qai kaila ena mosi

Keimami va tale ga qori ena vukumuni Jiova.

18 Keimami bukete, keimami taratara,

Ia e vaka ni keimami vakasucuma na cagi.

Keimami sega ni vakabula rawa na vanua,

E sega ni dua e sucu me tawana na vanua.

Moni yadra moni kaila ena reki,

O kemuni na tiko ena kuvuniqele!+

Ni nomuni tegu e vaka na tegu ni mataka,*

Na qele ena sereki ira na mate mera bula.*

20 Ni lako na noqu tamata, moni curu ina nomuni rumu e loma,

Ni sogota na nomuni katuba.+

Moni vunitaki kemuni vakalekaleka

Me oti mada na veicudruvi.+

21 Raica! Sa biuta mai na nona tikina o Jiova

Me cudruvi ira na lewenivanua ena nodra cala,

Ena vakaraitaka na vanua na nona vakadavedra

Ena sega tale ni vunitaki ira na nona mate.”

27 Ena siga oya ena vakayagataka o Jiova na nona iseleiwau gata, e levu qai kaukaua,+

Ena cudruvi Livaiacani* kina, na gata dau dolo,

O Livaiacani na gata dau cibini,

Ena vakamatea na manumanu levu e tiko e wasawasa.

Au na taqomaki koya ena bogi kei na siga

Me kua ni dua e vakaleqai koya.+

Me keirau veiyaloni

Me keirau veiyaloni.”

 6 Ena gauna mai muri ena ti sobu na waka i Jekope

Ena se o Isireli, ena tubu,+

Ena robota na vanua na vuadra.+

 9 Ena bokoci gona va qo na cala i Jekope,+

Qo na vuana kece ni sa kau tani na nona ivalavala ca:

Ena cakava na vatu kece ni icabocabonisoro

Me vaka na lase e vurumemea,

Me kua ni vo na duru ni sokalou* se na itutu ni ka boivinaka.+

10 Ena lala na koro vakabai vinaka,

Ena biu na vanua veico, ena biu tu me vaka na vanua lala.+

Ena kana, ena davo e kea na luvenibulumakau

Ena kania na tabana.+

11 Ni malai na tabana lalai,

Era na lako yani na yalewa mera musuka,

Mera vakama.

Oya na vuna ena sega ni lomani ira kina na Dauveibuli e buli ira,

O koya e buli ira ena sega ni vakadonui ira.+

Na senikau malai e kena iukuuku

E vakaisala kina na ulu ni nodra buca bulabula na mateni ena waini!

E vaka na tau bi ni ucaqereqere, na cagi kaukaua dau veivakarusai,

E vaka na draki ca e salavata mai na coka ni dobui,

Ena kolotaka sobu vakaukaua o koya i vuravura.

 3 Na nodra isala totoka* na daumateni ni Ifireimi

Ena buturaki ena ruku ni yava.+

 4 Na senikau malai e kena iukuuku,

E vakaisala kina na ulu ni nodra buca bulabula,

Ena vaka na imatai ni vuanilolo ni bera na vulaikatakata.

 7 O ira tale ga qo era vakacalai ena waini;

Era taceba ena gunu.

Na bete kei na parofita erau vakacalai ena gunu;

Erau veilecayaki ena waini,

Erau veicebayaki ena medrau gunu;

E vakacalai rau na nodrau raivotu,

E veilecayaki na nodrau vakatulewa.+

 8 E robota na nodrau teveli na lua vakasisila

E sega na vanua e vo.

 9 O cei e via vakavulica tiko o koya,

Ena vakamacalataka vei cei na itukutuku?

O ira na se qai kali mai na wainisucu,

O ira na se qai kau tani mai na sucu i tinadra?

10 E kaya tiko ga o koya: “Oni vakaroti ena ivakaro, oni vakaroti ena ivakaro,

Oni vakarautaki ena wa, oni vakarautaki ena wa,+

Vakalailai eke, vakalailai e kea.”

“Oni vakaroti ena ivakaro, oni vakaroti ena ivakaro

Oni vakarautaki ena wa, oni vakarautaki ena wa,+

Vakalailai eke, vakalailai e kea,”

Nira lako

Era na tarabe ra qai bale i muri

Era mavoa, era bacani, era coko sara.+

14 Ia moni rogoca na vosa i Jiova o kemuni na dau tukutukuni kemuni,

O kemuni na lewai ira na tamata qo e Jerusalemi,

15 Oni kaya:

“Keimami veiyalayalati kei Mate,+

Keimami veidinadinati* kei iBulubulu.*

Ni coka mai na dobui levu,

Ena sega ni yacovi keimami,

Ni keimami cakava na lasu me neimami ivakaruru,

“Au sa vakadavora e Saioni e dua na vatu vakatovolei me kena yavu,+

Na vatutalei ni tutunivale+ e vakadavori me yavu tudei.+

17 Au na tauca na lewadodonu me wa ni vakarau+

Kei na yalododonu me ivakarau ni tautauvata.*+

Na ucaqereqere ena taviraka na ivakaruru lasu,

Na wai ena luvuca na ivunivuni.

18 Ena yalani na nomuni veiyalayalati kei Mate,

Kei na nomuni veidinadinati kei iBulubulu* ena sega ni dei.+

Ni coka mai na dobui levu,

Ena luvuci kemuni.

19 Ni lako wasoma yani,

Ena kauti kemuni tani,+

Ena lako yani ena veimataka,

Ena siga kei na bogi.

20 E lekaleka na idavodavo me dodo kina e dua,

E rabalailai na iubiniloga tali me ologi kina.

21 Ena tucake o Jiova me vaka e Ulu i Pirasimi;

Ena cudru me vaka ena buca volekati Kipioni,+

Me vakayacora na nona cakacaka, na nona cakacaka duatani

Me qarava na nona cakacaka, na nona cakacaka duatani!+

22 Ia moni kua ni veivakalialiai,+

De kaukaua kina na kemuni ivesu,

Niu rogoca vua na Turaga Cecere Duadua, o Jiova ni lewe vuqa,

Ni nakiti me vakarusai na vanua taucoko.*+

25 Ni vakatautauvatataka oti na delaniqele,

Vakacava ena kaburaka kina na kuminiloa kei na kumini,

Ena tea na witi, na mileti,* na varile ena kena vanua,

Kei na covuata*+ ena bati ni nona were?

26 Ni vakavulici* o koya ena ka e dodonu;

E vakavulici koya na nona Kalou.+

27 Ni sega ni samu na kuminiloa ena iyaya ni samusamu,+

Ena sega ni qaqia na kumini na yava ni qiqi.

E dau samu ga na kuminiloa ena kau,

Kei na kumini ena ititoko.

Sega, ena sega ni samuta tiko ga o koya,+

Ni yarataka kina na isamuyara ni nona qiqi kei na nona ose,

Ena sega ni vurumemeataka sara o koya.+

29 Qo tale ga na ka e vu mai vei Jiova ni lewe vuqa,

E vakatubuqoroqoro na nona lewa

E uasivi na ka e cakava.*+

 2 Ia au na vakararawataki Erieli,+

Era na lolosi, era na lele,+

Ena vuki o koya me matadravu ni cabocabonisoro ni Kalou.+

 3 Au na keba wavoki meu valuti iko,

Au na viria na kemu bai momoto

Au na vakaduria na kemu bainivalu.+

 4 O na vakabalei sobu;

O na vosa mai na qele,

Na ka o cavuta ena rogolailai mai na kuvuniqele.

Me vaka na domo ni dauvakacuru,

O na vakasolokakana mai na kuvuniqele.

 5 Na nodra ilala na kemu meca* ena vaka na pauta matailalai,+

Na ilala voravora ena vaka na qa ni covuata e cagina.+

Ena kurukuru, ena uneune, ena rorogo levu,

Ena cagi kaukaua, ena cagilaba, kei na yameyame ni buka dau veiyameci.”+

 7 E qai valuti Erieli na ilawalawa ni veimatanitu kece,+

O ira kece era valuti koya

Na nodra valenivalu cecere mera valuti koya kina

Kei ira era vakararawataki koya

Ena vaka na tadra, na raivotu ni bogi.

 8 Io ena vaka ga ni tadra e dua e waloloi ni kana tiko

Ia e waloloi ni yadra mai

Ena vaka ga e tadra e dua e karamaca ni gunu tiko

Ia e oca qai karamaca ni yadra mai.

Qori na ka ena yacovi ira na ilawalawa ni veimatanitu kece

Era valuta na Ulu i Saioni.+

 9 Moni kidacala, ni kurabui,+

Moni ubia na matamuni, moni mataboko.+

Era mateni, ia era sega ni mateni ena waini

Era veicebayaki, ia era sega ni veicebayaki ena gunu.

10 Ni sova vei kemuni o Jiova na yalo ni mocelutu,+

E sogota na matamuni na parofita,+

E ubia na ulumuni na dauraivotu.+

13 E kaya o Jiova: “Era torovi au na tamata qo ena gusudra

Era rokovi au ena tebenigusudra,+

Ia na lomadra e yawa sara vei au

Na nodra dokai au e yavutaki ena ivakaro ni tamata era vulica.+

14 Ia o yau ga au na vakayacora tale na ka vakatubuqoroqoro vei ira na tamata qo,+

Ena vakatubuqoroqoro dina

Ena oti na vuku ni nodra tamata vuku

Ena vunitaki na nodra kilaka na nodra tamata yalomatua.”+

15 Era rarawa o ira na saga matua mera vunitaka vei Jiova na nodra lalawa,+

Era cakava na ka ena vanua butobuto

Era kaya: “O cei e raici keitou tiko?

17 Ena dua na gauna lekaleka qo ena vuki o Lepanoni me loga ni kauvuata,+

Kei na loga ni kauvuata me veikau.+

18 Ena siga oya ena rogoca na didivara na vosa ni ivola

Ena raibasikata na mata ni mataboko+ na kabukabu kei na butobuto.

19 Era na marautaki Jiova vakalevu na yalomalumalumu

Kei ira na tamata dravudravua era na rekitaka na Yalosavasava ni Isireli.+

20 Ni na oti na tamata voravora

Ena muduki o koya e dau tukutukuni koya

Era na vakarusai kece o ira na via veivakaleqai.+

21 O ira na vosa lasu mera vakacala eso,

Era biria na kena dai na dautataro* ena matamatanikoro,+

Era sega ni lewa vakadodonu na yalododonu ena ile tawayaga.+

“Ena sega ni madua tale o Jekope

Ena sega ni vulaci tale na matana.*+

23 Ni raici ira na luvena

Na cakacakaniligaqu nira maliwai koya,+

Era na vakarokorokotaka na yacaqu

Io era na vakarokorokotaka na Yalosavasava i Jekope

Era na qoroya na Kalou ni Isireli.+

24 O ira na murilomadra era na yalomatua mai

Kei ira na vosakudrukudru era na muria na ivakavuvuli.”

30 “Era rarawa na gone dau be,”+ e kaya o Jiova

“Era muria ga na nodra lalawa, sega ni noqu.+

Era duavata,* ia sega ena yaloqu

Mera kuria na ivalavala ca ena ivalavala ca.

 2 Era lako sobu i Ijipita+ nira sega ni tarogi au,+

Mera lai vakaruru ena veitaqomaki* i Fero

Mera vuni ena yaloyalo kei Ijipita!

 3 Ia oni na maduataka na veitaqomaki i Fero,

Kei na vakaruru ena yaloyalo kei Ijipita oni na velavela kina.+

 4 Nira tiko mai Soani na nona turaga,+

Era sa yaco i Anesi na nona mata.

 5 Ena vakamaduataki ira kece

Na mataqali e sega na betedra vei ira

Era sega ni veivuke, era sega ni yaga

Era madua ga, era beci.”+

Ena vanua ni rarawa kei na veika dredre,

Na laione kei na laione dau tagi,

Na gata batigaga kei na gata vuka gaga,*

Era vakavodoka na nodra iyau ena daku ni asa,

Kei na nodra iyaya ena daku ni kameli.

 7 Ni sega sara ni yaga na veivuke nei Ijipita,+

Ia au vakayacani koya qo: “Reapi,+ e dabe tu vakadua.”

 8 “Mo lako, mo vola ena dua na papa nira rai tu

Mo vola ena dua na ivola,+

Me yaga ena gauna se bera mai

Me ivakadinadina tudei.+

 9 Nira tamata talaidredre,+ era gone dau lawaki,+

Na gone era bese ni rogoca na lawa* i Jiova.+

11 Moni gole tani mai na sala, moni vakatikitiki mai gaunisala

Moni kua tale ni biuta e mata i keimami na Yalosavasava ni Isireli.’”+

Oni nuitaka na veidabui kei na lawaki

Oni vakararavi kina,+

13 O koya gona na cala qo ena vaka na bai sa kabasu vei kemuni

Me vaka na bai cecere sa vakalakala ni voleka ni lutu

Ena lutu vakasauri, ena totolo ga.

14 Ena vorolaki me vaka na saqa levu ni dautulituli

Ena vorolaki vakadua me kua ni vo e dua na kena ivorovoro

Me kau mai kina na qilaiso e matadravu

Se taki mai kina na wai ena vanua lolobo.”*

17 Era na sautaninini e duanaudolu ni veivakarerei e dua,+

Ni ratou veivakarerei e lima oni na dro

Me vo vei kemuni na ka e vaka na ivana ena dela ni ulunivanua,

Me vaka na kaunikuila ena delana.+

18 Ia e wawa tiko ga ena vosota o Jiova me yalovinaka vei kemuni,+

Ena tu vakarau o koya me lomani kemuni.+

27 Raica! Na yaca i Jiova e lako tiko mai vakayawa,

E cudru katakata qai salavata mai na o vavaku.

E cudru vakalevu na tebenigusuna,

E vaka na bukawaqa na yamena.+

28 Na nona icegu e vaka na kui ni uciwai e yaco sara i domodra,

Me kuretaki ira na veimatanitu ena vulo ni veivakarusai.*

29 Ia na nomuni sere ena vaka na sere e lagati ena bogi

Ni oni vakavakarau ina soqo,+

Ena marau na lomamuni me vaka e dua

E lako tiko ni* vakabitunivakatagi

Me lako ina ulunivanua i Jiova vua na Uluvatu ni Isireli.+

30 Ena vakarogoya o Jiova na totoka ni domona,+

Ena vakaraitaka na ligana+ ni biuta sobu ena cudru waqawaqa,+

Ena yameyame ni bukawaqa,+

Ena bisa ni uca+ kei na kurukuru, kei na ucaqereqere.+

31 Ni rogo na domo i Jiova, ena vakarerei Asiria,+

Ena mokuti koya ena ititoko.+

32 Na kuita kece ni veivunauci

E tauca o Jiova vei Asiria

Ena salavata kei na tibereli kei na api+

E titobu qai rabailevu na vanua e binia kina na buka,

E levu sara na bukawaqa kei na buka.

Na icegu i Jiova e vaka na sulifure e dave tu

Ena vakama.

31 Era rarawa na lako sobu i Ijipita mera kere veivuke,+

O ira na vakararavi ena ose,+

Era nuitaka na qiqinivalu baleta ni levu sara

Kei na osenivalu* ni kaukaua.

Ia era sega ni rai vua na Yalosavasava ni Isireli,

Era sega ni qarai Jiova.

 2 E vuku tale ga o koya, ena kauta mai na ca,

Ena sega ni veisautaka na ka e tukuna.

Ena valuti ira na tamata ca

Kei ira na vukea na daucaka ca.+

 3 Era tamata ga na kai Ijipita, era sega ni Kalou,

E ka vakayago na nodra ose e sega ni ka vakayalo.+

Ni dodoka na ligana o Jiova,

Ena tarabe kina o koya e veivuke tiko

Ena lutu tale ga o koya e vukei tiko,

Era na rusa vata kece ena dua ga na gauna.

“Me vaka ga e tagica na kena na laione, na luvenilaione kaukaua,

Ni kacivi vata mai e dua na ilala ivakatawa mera cemuria,

Ena sega ni taqaya ni rogoca na domodra

Se rerevaka na nodra yavavala,

Ena va tale ga qori na nona lako sobu mai o Jiova ni lewe vuqa* me vala

Ena vuku i Ulu i Saioni kei na kena delana.

 8 Ena bale ena iseleiwau na kai Asiria, e sega ni iseleiwau ni tamata

Ena sega ni vakamatei koya na iseleiwau ni tamata.+

Ena drovaka o koya na iseleiwau

Era na vakacakacakataki vakaukaua na nona cauravou.

 9 Ena yali na nona vatu ena levu ni rere

Era na domobulataka na nona turaga na kaunikuila,” e kaya o Jiova,

Na nona rarama* e tiko e Saioni kei na nona lovo e Jerusalemi.

32 Raica! Ena veiliutaki vakadodonu+ e dua na tui,+

Kei ira na turaga era na lewadodonu.

 2 O ira yadua era na vaka na ivunivuni mai na cagi,

Na ivakaruru* mai na uca bi,

Ena vaka na uciwai ena vanua dravuisiga,+

Ena vaka na yaloyalo ni vatu levu ena vanua sigasiga.

 3 Ena sega tale ni bobo na matadra na rai,

Kei na daligadra na rogo ena vakarorogo matua.

 4 Na lomadra na dau vakariri ena kila na ka

Kei na yamedra na kaka ena vosa vakavinaka qai matata.+

 5 O koya e yalowai ena sega ni vakatokai me lomasavu,

Kei na tamata daulawaki ena sega ni tukuni me turaga.

 6 Ni na tukuna na yalowai na ka sesewa,

Na lomana ena bucina na ka ca,+

Me uqeta na vukitani,* me tukuna na ka lasu me baleti Jiova,

Me kua ni vakani koya e viakana

Me kua ni vagunuvi koya e viagunu.

 7 E ca na nona inakinaki na daulawaki,+

E uqeta na ivalavala vakamadua

Me vakaleqa na vakaloloma ena vosa lasu,+

Ena gauna mada ga e vosa kina vakadodonu na dravudravua.

 8 Ia o koya e yalosavu e nakita me lomasavu,

E guta me dauloloma.

10 Ni oti vakalailai e dua na yabaki, oni na sautaninini na dau vakawelewele

Ni cava na beti vuanivaini ena sega ni dua na vaini e kumuni.+

Moni luvawale

Moni vauca e tolomuni na isulutaga.+

12 Moni tavimabu ena rarawa

Ena ka sa yacova na were vinaka kei na loganivaini vuavuaivinaka.

13 Ena ubia na nodra vanua na noqu tamata na wavakavotona kei na kau votovotoa

Ena ubia kece na nodra vale na dau reki

Io na koro dau mamarau.+

14 Sa lala na valececere vakabai

Sa vakanadakui na koro dau maue.+

Sa biu tu vakadua o Ofeli+ kei na valenivakatawa

Era marautaka na asa kila

Ena kedra co na qelenisipi,+

15 Me sobuti keda mada na yalo mai cake,+

Me vuki na vanua talasiga me loga ni kauvuata

Kei na loga ni kauvuata e wili me veikau.+

16 Ena qai tiko na lewadodonu ena vanua talasiga

Ena tiko na ivalavala dodonu ena loga ni kauvuata.+

17 Na vua ni ivalavala dodonu dina na veiyaloni,+

Na vua ni ivalavala dodonu dina na vakacegu kei na sautu me sega ni mudu.+

18 Era na tiko na noqu tamata ena vanua vinaka ni vakacegu

Ena itikotiko tudei kei na ivakavakacegu vinaka.+

19 Ia na ucaqereqere ena vakabalea na veikau

Kei na koro ena vakatautauvatataki vakadua.

20 Oni marau na kaburaka na sorenikau ena batiniwai kece

Oni vakatala* na bulumakau kei na asa.”+

33 O sa rarawa o iko na dauveivakarusai ni o sega ni vakarusai,+

O iko na daulawaki ni o sega ni lawakitaki!

Ni o veivakarusai oti o na vakarusai,+

Ni o lawaki oti o na lawakitaki.

Moni liga i keimami*+ ena veimataka,

Io moni vakabulai keimami ena gauna ni rarawa.+

 4 Me vaka ni kumuni vata na vodre daukana, ena kumuni vata va qori na nomuni itokinivalu,

Era na sosova totolo na tamata me vaka na yavusa vodre.

 5 Ena vakacerecerei o Jiova

Ni tiko mai cake.

 6 Ena vakataudeitaka o koya na nomu gauna,

Ena levu na veivakabulai,+ na vuku, na kilaka, kei na dokai* Jiova,+

Qo na nona iyau.

 7 Raica! Era tagi e gaunisala na nodra qaqa,

Era sorova na tagi na italai ni sautu.

 8 Sa lala na gaunisala levu,

E sega ni dua e lakova na sala.

E beca o koya* na veiyalayalati,

E vakawalena na koro,

E sega ni kauaitaka na tamata.+

E vaka na vanua talasiga o Saroni,

Sa mira na draunikau e Pasani kei Kameli.+

10 “Ia qo au na tucake,” e kaya o Jiova,

“Qo au na vakacerecerei au,+

Qo au na vakalevulevui au.

14 Era rere o ira na ivalavala ca e Saioni,+

Era sautaninini na vukitani:

15 O koya e dodonu tiko ga na nona ilakolako,+

E tukuna na ka dodonu,+

E cata na iyau e rawati vakailawaki

E cata na ligana me vaqumi, e sega ni taura,+

E sogota na daligana ni veivosakitaki na vakadavedra

E bobo na matana me kua ni raica na ka ca.

Na nona idrodro tudei na vatu kaukaua

Ena soli vua na kena madrai

Ena sega ni maca na mena wai.”+

17 Na matamu ena raica na tui ena nona iukuuku

Era na raica na vanua yawa.

19 O na sega ni raica tale na matatamata dau veibeci

Na matatamata e dredre ni kilai na nodra vosa

O sega ni kila na ka era tukuna nira kaka.+

Na matamu ena raici Jerusalemi na itikotiko ni vakacegu

Na valelaca ena sega ni kau tani.+

Ena sega sara ni cavu na pini ni kena valelaca

Ena sega ni cavuka e dua na kena dali.

21 Ia ena vanua oya, o Jiova o koya e Cecere

Ena taqomaki keda me vaka na uciwai, na ikelimusu raba

Ena sega ni vocetaki kina na waqa

Ena sega ni sokota na waqa vakaturaga.

22 Ni o Jiova e noda Turaganilewa,+

O Jiova e noda Vunilawa,+

O Jiova e noda Tui,+

O koya ga ena vakabulai keda.+

23 Ena luluqa na nomu dali

Ena sega ni vakaduria na ivana, se vakarewataka na laca.

Ena gauna oya ena votai na itokinivalu e bini tu

Era na yauta mada ga vakalevu na lokiloki.+

34 Moni toro mai na veimatanitu moni rogoca,

Moni vakarorogo na lewe ni veivanua.

Me vakatudaliga o vuravura kei na ka e tiko kina

Na vanua kei na vuana kece.

 2 Ni cudruvi ira na matanitu kece o Jiova,+

E cudruva na nodra mataivalu kece.+

Ena lewa me vakarusai ira

Ena soli ira mera vakamatei.+

 3 Ena sega ni bulu na nodra mate

Ena cawa cake na bona ni yagodra,+

Ena waicala na veiulunivanua ena* kedra dra.+

 4 Ena vuca na mataivalu kece ni lomalagi,

Ena vivigi na lomalagi me vaka na ivolavivigi.

Ena malai na nodra mataivalu kece,

Me vaka na lutu ni draunivaini malai mai na vaini

Kei na lolo luca mai na vunilolo.

Ena tau vei Itomi na lewa,+

Vei ira na lewenivanua au lewa meu vakarusa.

E boro ena uro,+

Ena dra ni luvenisipi tagane kei na me.

Ena uro ni ivi ni tamanisipi,

Ni vakarautaka o Jiova na nona isoro e Posira,

Ena veivakamatei levu ena vanua o Itomi.+

 7 Na bulumakau tagane kila ena lako sobu vata kei ira,

Na luvenibulumakau tagane kei na bulumakau kaukaua.

Ena lomoci ena dra na nodra vanua

Ena suasua ena uro na nodra kuvuniqele.”

 8 Ni tiko na siga ni veisausaumi i Jiova,+

Na yabaki me vakatauitotogi ena kisi ni veilewai nei Saioni.+

 9 Ena vuki na nona* uciwai me drega,

Na nona kuvuniqele me sulifure,

Kei na nona vanua me vaka na drega waqa.

10 Ena sega ni boko ena bogi kei na siga,

Ena kuvu cake tiko ga na kena kubou.

Ena dravuisiga ena itabatamata kece,

Ena sega ni dua me lako kina ena dua na gauna.+

11 Ena taukena na pelikani kei na pokipaini,

Ena tiko kina na lulu daliga levu kei na reveni.

Ena dreta e delana o koya na wa ni vakarau ni sa vakarau lala,

Kei na ivakarau ni tautauvata* ni veivakarusai.

12 Ena sega ni kacivi e dua na nona turaga me tui,

Nira sa yali kece na nona iliuliu.

13 Ena tubu ena nona valececere vakabai na kau vakavotona,

Na salato kei na cogadrogadro ena nona koronivalu.

Ena nodra itikotiko na jakoli,*+

Ena nodra lomanibai na ositereji.

14 Ena sota kina na manumanu ni vanua dravuisiga kei na manumanu dau qoqolou,

Ena tagica na kena isa na me kila.*

15 Ena vakasova e kea na gata dau coka me vakalutu yaloka,

Ena saulaka qai ovici ira ena kena yaloyalo.

Ena sega ni dua e yali,

Ena sega ni dua me yali na kena isa,

Ni vakarota na gusu i Jiova,

Na yalona ga e kumuni ira vata.

17 O koya ga e vakawirimadigi vei ira,

E vakarautaka e ligana na vanua e soli vei ira.*

Era na taukena me tawamudu,

Era na tiko kina ena itabatamata kece.

35 Ena reki na vanua talasiga kei na vanua sigasiga,+

Kei na buca dravuisiga ena marau, ena se me vaka na senikau na sefaroni.+

 2 Ena se sara ga,+

Ena marau, ena kaikaila ena reki.

Ena soli kina na lagilagi nei Lepanoni,+

Na totoka nei Kameli+ kei Saroni.+

 3 Moni vakaukauataka na liga wadamele

Moni vakataudeitaka na duru ninini.+

Raica! Ena mai veisausaumi na nomuni Kalou

Ena mai vakatauitotogi na Kalou.+

 5 Ena gauna oya ena rai na matadra na mataboko,+

Ena rogo na daligadra na didivara.+

 6 Ena gauna oya ena ladelade na lokiloki me vaka na dia,+

Ena kaila ena marau na yamena na galu.+

Ena vure mai na wai ena vanua talasiga

Kei na uciwai ena buca dravuisiga.

 7 Ena vuki na qele katakata mamaca me tobu ni kuta

Kei na qele mamaca me waivure.+

 8 Ena tu e kea e dua na gaunisala levu,+

Io, na sala ena vakatokai me Sala Savasava.

Ena maroroi me nona o koya e muria tiko na sala,

Ena sega ni lako sese kina o koya e sesewa.

 9 Ena sega e kea na laione,

Ena sega ni lako kina na manumanu kila daukata.

Era na sega ni laurai e kea,+

O ira ga na voli lesu era na lako kina.+

Ena nodra na reki kei na marau

Na rarawa kei na vutugu ena dro tani yani.+

24 O vosavakacacataki Jiova+ ena gusudra na nomu dauveiqaravi, o kaya

‘Ena levu ni noqu qiqinivalu

Au na cabeta na veiulunivanua cecere,+

Na veivanua yawa kei Lepanoni.

25 Au na keli toevu meu gunu wai,

Au na vakamacara na uciwai* ni Ijipita ena qeteqete ni yavaqu.’

27 Era na malumalumu na lewena,

Era na domobula ra qai madua.

Era na vaka na co ni vanua kei na co drokadroka,

Me vaka na co ni delanivale e raqosa ena cagi na tokalau.

28 Ia au kila vinaka na nomu dabe, na nomu lako yani, na nomu lako mai,+

Kei na nomu cudruvi au vakalevu,+

29 Ni sa yaco mai daligaqu+ na nomu cudruvi au+ kei na nomu viavialevu.

Au na curumaka na noqu iqila e ucumu kei na noqu varaele+ ena tebenigusumu,

Au na tuberi iko lesu ena sala o muria mai.”

Se vanataka kina e dua na gasau

Se sabaya ena dua na isasabai

Se vakaduria kina e dua na bainivalu.”’+

34 ‘Na sala e muria mai ena lesu kina

Ena sega ni lako mai ina koro qo,’ e kaya o Jiova.

35 ‘Au na taqomaka na koro qo+ meu vakabula ena vukuqu,+

Ena vuku i Tevita tale ga na noqu dauveiqaravi.’”+

10 Au tukuna: “Ni tudonu na noqu bula

Au na lako ina matamata kei iBulubulu.*

Au na sega ni raica tale na kawatamata

Niu na tomani ira na tiko ena vanua e sega kina na bula.

Au sa viviga na noqu bula me vaka na dautali isulu

E kotivi au me vaka na wa ni isulutali.

Me vaka na laione, e qurulaka o koya na suiqu kece

Mai na siga ina bogi oni saga tiko ga moni muduki au.+

14 Me vaka na kakabace se na belo, au tagi tiko ga,+

Au kiru tiko ga me vaka na ruve.+

‘Kemuni Jiova, au sa rarawa vakalevu

Moni tokoni au!’+

Au na lako vakamalua ena noqu bula kece

Ena levu ni noqu rarawa.

16 ‘Kemuni Jiova, ena ka* qo era bula tiko kina na tamata,

Ena vuku ni ka qo au bula tiko kina.

17 Raica! E vuki na noqu vakacegu me rarawa levu,

Ia ni oni lomani au,

Oni vakabulai au mai na qara ni rusa.+

19 O koya e bula, io o koya e bula ena vakacaucautaki kemuni,

Me vakataki au ena siga qo.

20 Kemuni Jiova moni vakabulai au,

Keimami na lagata noqu sere me salavata kei na ivakatagi vakawa+

 2 “Moni vosa* vei Jerusalemi me tara na lomana,

Moni tukuna vua ni sa oti na nona gauna ni oca,

Sa saumi na nona cakacala.+

 4 Me vakarewaicaketaki na buca kece

Me vakarewairataki na ulunivanua kei na delana kece.

Me vakatautauvatataki na vanua sukusukura

Kei na vanua kikilo me buca.+

 5 Ena vakatakilai na lagilagi i Jiova,+

Era na raica vata na tamata kece,+

Ni tukuna na gusu i Jiova.”

 7 Sa malai na co drokadroka

Sa mira na sena,+

Ni uvuca na icegu nei Jiova.+

 8 Sa malai na co drokadroka

Sa mira na sena.

 9 Mo cabeta na ulunivanua cecere

O iko na yalewa o kauta tiko na itukutuku vinaka baleti Saioni.+

Mo tabalaka vakaukaua na domomu

O iko na yalewa o kauta tiko na itukutuku vinaka baleti Jerusalemi.

10 Raica! Ena lako mai na Turaga Cecere Duadua o Jiova ena kaukaua

Ena veiliutaki na ligana ena vukuna.+

Raica! E tiko vua na icovi

Kei na isau me solia e tu e matana.+

Ena kumuni ira vata na lami e ligana

Ena keveti ira e lomaserena.

12 O cei e vakarautaka na wai ena qeteqeteniligana,+

E vakarautaka na lomalagi ena iqaqaloniligana?*

O cei e vakarautaka na kuvuniqele kei vuravura,+

Se vakarautaka na ulunivanua ena ivakarau

Kei na veidelana ena ivakarau bibi?

13 O cei e vakarautaka* na yalo i Jiova

O cei e vakavulici koya rawa me nona daunivakasala?+

14 E taro ivakasala vei cei me yalomatua kina

Se o cei e vakavulici koya ena ivalavala ni lewadodonu

Se vakavulici koya me kilaka

Se vakaraitaka vua na sala ni yalomatua dina?+

15 Raica! Na veimatanitu era vaka e dua na mata ni wai mai na itakitaki,

Me vaka na kuvuniqele mamare ena ivakarau bibi.+

16 E sega mada ga ni veirauti o Lepanoni me waqa tiko kina na buka

E lailai na kena manumanu kila me isoro kama.

17 Na veimatanitu kece e ka wale vua,+

E okata mera tawayaga, se sega na betedra.+

19 E bulia na matakau na matai

Na matai ni kaukamea e boroya kina na koula,+

Qai botana ena sinucodo siliva.

22 E tiko mai cake e dua, e toka e ra na vuravura mokimokiti,+

O ira na lewena era vaka na vodre

E tevuka tiko o koya na lomalagi me vaka na isulu mamare

E birika me vaka na valelaca me itikotiko.+

23 E vakalolovirataki ira na vakailesilesi liu,

E vakatawayagataki ira na turaganilewa* e vuravura.

24 Era sega mada ga ni tei,

Era sega mada ga ni kaburaki,

E sega ni ti sobu na tolodra ina qele,

Nira uvuci era malai sara,

Ena vukataki ira na cagi me vaka na vunicovuata.+

O koya e kauti ira mai vakamataivalu ena kedra iwiliwili,

E kacivi ira kece ena yacadra.+

Ena nona kaukaua levu kei na nona igu vakatubuqoroqoro,+

E sega ni dua e yali.

27 Na cava o tukuna kina Jekope, na cava o kaya kina Isireli

‘E tabonaki vei Jiova na noqu sala

E sega ni lewai au vakadodonu na Kalou’?+

29 E solia na kaukaua vei koya e oca

Kei na igu levu vei ira na malumalumu.+

30 Era na oca era na wawale na gonetagane,

Era na tarabe ra qai bale na cauravou,

31 Ia o ira na nuitaki Jiova era na vakaukauataki tale.

Era na cici era na sega ni wawale

Era na taubale era na sega ni oca.”+

41 “Moni vakadirorogo* moni rogoci au, na veiyanuyanu,

Mera vakaukauataki tale na veimatanitu.

 2 O cei e uqeta e dua mai na icabecabe ni siga,*+

E kacivi koya ena yalododonu i yavana,*

Me solia vua na veimatanitu,

E lesi koya me vakamalumalumutaki ira na tui?+

O cei e vakabalei ira ina kuvuniqele ena nona iseleiwau,

Me vaka na vunicovuata e veicaginayaki ena nona dakaititi?

 3 E cicimuri ira, e sega ni dua e tarovi koya

Ena sala e sega ni butuka na yavana.

 4 O cei e yavala me vakayacora qo,

E kacivi ira na itabatamata mai na ivakatekivu?

 6 Era vukea yadua na nodra itokani

Era kaya vua na wekana: “Mo kaukaua.”

 7 Na matai e vakayaloqaqataka na matai ni kaukamea,+

O koya e vakarabarabataka na kaukamea ena ituki

E vakayaloqaqataki koya e tukia ena idabedabe kaukamea.

 8 “Ia o iko Isireli na noqu dauveiqaravi,+

O iko Jekope au digitaka,+

Na kawa nei Eparama na noqu itokani,+

 9 Au kauti iko mai na iyalayala kei vuravura,+

Au kacivi iko mai na kena vanua yawa sara.

Au tukuna vei iko, ‘O iko na noqu dauveiqaravi,+

Au digitaki iko, au sega ni biuti iko.+

Au na vakaukauataki iko, io, au na vukei iko,+

Au na tokoni iko ena ligaqu imatau daudina.’

11 Raica! Era na madua ra qai velavela o ira na katakatataki iko,+

Era na vakatawayagataki ra qai rusa o ira na valuti iko.+

12 O na qarai ira era cudruvi iko, ia o na sega ni raici ira,

O ira na valuti iko era vaka na ka wale, era vaka na ka e sega.+

13 O yau o Jiova na nomu Kalou, au taura tiko na ligamu imatau,

O koya e tukuna vei iko, ‘Kua ni rere. Au na vukei iko.’+

15 “Raica! Au lesi iko mo iyaya ni samusamu,+

Na iyaya vou ni samusamu batirua.

16 O na ceburaki ira,

Ena kauti ira tani na cagi,

Era na veicaginayaki ena cagi kaukaua.

O na marautaki Jiova,+

O na sakitaka na Yalosavasava ni Isireli.”+

18 Au na vakadrodroya na uciwai ena veidelana dravuisiga+

Kei na waivure ena vanua bucabuca.+

Au na vukica na vanua talasiga me tobu ni kuta

Kei na vanua dravuisiga me ivurevure ni wai.+

19 Au na tea ena vanua talasiga na vunisitari,

Na akasia, na mateli, kei na paini.+

Au na tea ena buca dravuisiga na vunijunipa,

Kei na vunidamanu, kei na vunipaini,+

20 Mera raica na tamata kece, mera kila,

Mera kauaitaka, mera yalomatua,

Ni vakayacora qo na liga i Jiova,

E bulia na Yalosavasava ni Isireli.”+

Moni tukuna vei keimami na ka sa oti

Me keimami vakananuma, me keimami kila na kena itinitini.

23 Moni tukuna vei keimami na ka ena yaco mai muri

Me keimami kila ni oni kalou.+

Io, moni cakava e dua na ka, e vinaka se ca

Me keimami qoroya ni keimami raica.+

24 Raica! Oni ka wale

E sega ni dua na ka oni rawata.+

25 Au uqeta e dua mai na vualiku, ena lako mai,+

E dua mai na icabecabe ni siga*+ ena masuta na yacaqu o koya.

Ena buturaki ira na turaga* me vaka ga nira qele,+

Me vaka na dautulituli e buturaka na qele dregadregata.

26 O cei e tukuna qo mai na ivakatekivu me keimami kila,

Se na gauna sa sivi me keimami kaya kina, ‘E dina o koya’?+

28 Ia au rai tiko ga au sega ni raica e dua,

E sega ni dua vei ira me veivakasalataki.

Au solia vua na yaloqu,+

Ena vakayacora na lewadodonu ina veimatanitu.+

 2 Ena sega ni kaikaila se tabalaka na domona,

Ena sega ni rogo na domona e gaunisala.+

 3 Ena sega ni musuka na gasau sa dasila tu,

Ena sega tale ga ni bokoca na vauvau ni cina e kubou wale ga.+

 4 Ena sega ni malumalumu se oca me vakataudeitaka mada e vuravura na lewadodonu,+

Era na waraka tiko ga na nona lawa* na veiyanuyanu.

 5 Qo na ka e tukuna na Kalou dina o Jiova,

O koya e bulia na lomalagi, o koya e tevuka,+

O koya e tevuka na vuravura kei na vuana,+

O koya e solia na icegu vei ira na tamata era tiko kina,+

Kei na igu ni bula vei ira na lako voli kina:+

 6 “O yau o Jiova, au kacivi iko ena yalododonu;

Au taura na ligamu.

Kei na nodra rarama na veimatanitu,+

 7 Mo dolava na matadra na mataboko,+

Mo sereka na kaivesu mai na qara buto,

Kei ira na tiko buto mai na valeniveivesu.+

 8 O yau o Jiova. Qori na yacaqu;

Au sega ni solia na noqu lagilagi vua e dua tale,*

Se na noqu vakacaucautaki ina ivakatakarakara ceuti.+

 9 Raica, e yaco ga na ka sa tukuni oti,

Ia qo au tukuna tiko na ka vovou.

10 Moni lagata vei Jiova na sere vou,+

Moni vakacaucautaki koya mai na iyalayala kei vuravura,+

O kemuni na lako sobu ina wasawasa kei na ka kece e tu kina,

O kemuni na veiyanuyanu kei kemuni na tiko kina.+

11 Me tabalaka na domona na vanua talasiga kei na kena koro,+

Na itikotiko e tiko kina o Kitari.+

Mera kaila ena marau o ira na tiko ena uluvatu,

Mera tabalaka na domodra mai na dela ni veiulunivanua.

12 Mera vakalagilagi Jiova,

Mera vakacaucautaki koya ena veiyanuyanu.+

Ena kaila, io, ena kailavaka na ibolenivalu,

Ena qaqa sara vei ira na kena meca.+

Au na vutugu me vaka na yalewa e vakarau vakasucu,

Au na cegulevu, au na ceguleka ena dua ga na gauna.

15 Au na vakarusa na veiulunivanua kei na veidelana,

Au na vakamalaitaka na kena co kece.

Au na vukica na veiuciwai me veiyanuyanu,*

Au na vakamacara na wai ena tobu ni kuta.+

16 Au na tuberi ira na mataboko ena sala era lecava,+

Au na kauti ira ena gaunisala era sega ni kila.+

Au na vakararamataka na butobuto e matadra,+

Au na vakatautauvatataka na vanua sukusukura.+

17 Era na vakasukai, era na madua vakalevu,

O ira na nuitaka na ivakatakarakara ceuti,

O ira na kaya ina matakau kaukamea: “Oni neimami kalou.”+

18 Moni rogoca na didivara,

Moni rai na mataboko moni raica.+

19 O cei e mataboko, na noqu dauveiqaravi ga,

E didivara me vaka na noqu italai au tala?

O cei e mataboko me vakataki koya e vakaicovi,

E mataboko me vaka na dauveiqaravi nei Jiova?+

21 Ena vuku ni nona yalododonu,

E taleitaka o Jiova me vakacerecerea na lawa* me vakalagilagia.

22 Ia o ira qo era kovei, era butakoci,+

Era tao kece ena qara, era vunitaki ena valeniveivesu.+

Era kovei ia e sega ni dua me vakabulai ira,+

Era butakoci ia e sega ni dua e kaya: “Kauti ira lesu mai!”

24 O cei e soli Jekope me kovei

Kei Isireli vei ira na dauvakacaca?

Nira bese ni muria na nona sala,

Kei na nona lawa* nira sega ni talairawarawa kina.+

25 E katakatataki koya tiko ga,

Na nona cudru kei na katakata ni ivalu.+

43 Qo na ka e tukuna o Jiova,

Na Dauveibuli, e buli iko Jekope, e buli iko Isireli:+

 2 Ni o lako e lomaniwai, au na tiko vata kei iko,+

Kei na loma ni veiuciwai, ena sega ni luvuci iko.+

Ni o lako ena loma ni bukawaqa, o na sega ni kama

Se yameci iko na yameyame.

 3 Ni o yau o Jiova na nomu Kalou

Na Yalosavasava ni Isireli, na nomu iVakabula.

Au soli Ijipita me kemu ivoli

O Iciopea kei Sepa ena vukumu.

 4 Ni o talei e mataqu,+

O rokovi, au lomani iko.+

Au na soli ira na tamata me kemu isosomi

Kei na veimatanitu me ivoli ni nomu bula.

Au na kauta mai na nomu kawa mai na tokalau

Au na kumuni kemuni vata mai na ra.+

Kauti ira mai na luvequ tagane mai na vanua yawa, kei ira na luvequ yalewa mai na iyalayala kei vuravura,+

 7 Era vakatokai kece ena yacaqu+

Au buli koya meu vakalagilagi kina

Au bulia, au cakava.’+

 8 Mo kauti ira mai na tamata mataboko, e tiko na matadra

Era didivara, ia e tiko na daligadra.+

 9 Mera soqoni ena dua na vanua na veimatanitu kece

Mera kumuni vata na lewe ni veivanua.+

Mera kauta mai na nodra ivakadinadina mera vakadonui kina,

Se mera rogoca ra qai kaya, ‘E dina!’”+

10 “O kemuni na noqu ivakadinadina,”+ e kaya o Jiova,

“Io na noqu dauveiqaravi au digitaka,+

Moni kila moni vakabauti au,*

Moni kila niu sega ni veisau.+

E sega ni dua na Kalou e bula e liu vei au,

E sega tale ga ni dua me taravi au.+

12 “O yau ga au tukuna, au veivakabulai, au vakarogoya

Ni sega vei kemuni na kalou tani.+

13 Au sega vakadua ni veisau,+

Ena sega ni dua me kaliraka tani mai ligaqu e dua na ka.+

“Au na talatala i Papiloni ena vukumuni me biu sobu na ivakadei ni matamata,+

Kei ira na Kalitia era tiko ena nodra waqa, era na kaila ena rarawa.+

16 Qo na ka e tukuna o Jiova

O koya e cakava na gaunisala e wasawasa

Kei na sala ena wai voravora,+

17 O koya e kauta yani na qiqinivalu kei na ose,+

Na mataivalu kei ira na tamata qaqa:

18 “Moni kua ni nanuma na ka e liu

Moni kua ni vakasamataka na ka sa oti.

19 Raica! Au cakava tiko na ka vou,+

Qo mada ga sa tubu tiko.