JEREMAIA

1 Qo na vosa i Jeremaia* na luvei Ilikaia, e dua na bete e tiko mai Anacoci+ ena vanua o Penijamini. 2 E vosa vua o Jiova ena gauna i Josaia+ na luvei Emoni+ na tui Juta, ena ika13 ni yabaki ni nona lewa. 3 E vosa tale ga vua ena gauna i Jioiakimi+ na luvei Josaia na tui Juta me yacova na icavacava ni ika11 ni yabaki i Setekaia+ na luvei Josaia na tui Juta, me yacova nira kau vakavesu na lewe i Jerusalemi ena ikalima ni vula.+

4 E vosa vei au o Jiova, e kaya:

Au lesi iko mo nodra parofita na veimatanitu.”

 6 Ia au kaya: “Oilei, kemuni na Turaga Cecere Duadua Jiova!

Au sega ni matau ena vosa+ niu se gone ga.”+

 7 E kaya vei au o Jiova:

“Mo kua ni kaya, ‘Niu se gone ga.’

9 E qai dodoka o Jiova na ligana me tara na gusuqu.+ E kaya vei au o Jiova: “Au sa biuta na noqu vosa e gusumu.+ 10 Raica, au sa lesi iko ena siga qo mo lewa na veivanua kei na veimatanitu, mo cavuraka mo vakacacana, mo vakarusa mo basuka, mo tara mo tea.”+

11 E vosa vei au o Jiova, e kaya: “Na cava o raica, Jeremaia?” Au mani kaya: “Au raica e dua na taba ni amodi.”*

12 E kaya vei au o Jiova: “Donu vinaka na ka o raica, niu yadra vinaka tiko meu vakayacora na noqu vosa.”

13 E vosa vei au o Jiova ena ikarua ni gauna, e kaya: “Na cava o raica?” Au kaya: “Au raica e dua na kuro* ni buebue tiko,* ia na gusuna e kala tani mai na vualiku.” 14 E kaya sara vei au o Jiova:

2 E vosa vei au o Jiova, e kaya: 2 “Mo lai tukuna e daliga i Jerusalemi, ‘Qo na ka e kaya o Jiova:

 3 E savasava vei Jiova o Isireli,+ na isevu ni nona vuata.”’

‘O koya e vakacacani koya ena cala.

Ena yacovi ira na ca,’ e kaya o Jiova.”+

 5 Qo na ka e kaya o Jiova:

 8 Era sega ni taroga na bete, ‘I vei o Jiova?’+

10 ‘Ia moni lako mada ina baravi* o Kitimi+ moni raica.

11 E bau dua na matanitu e sosomitaka na kena kalou ena ka e sega ni kalou?

Ia o ira na noqu tamata era sosomitaka na noqu lagilagi ena ka tawayaga.+

14 ‘Vakaevei e dua na dauveiqaravi o Isireli, se dua na bobula e sucu ena vuvale?

Na cava ga e soli kina me kovei?

Era vukica na nona vanua me domobulataki.

E vakamai na nona koro me kua ni dua e tiko kina.

16 O ira na lewe i Nofi*+ kei Tapenesi+ era kania na buradelamu.

23 O qai kaya vakacava, ‘Au sega ni dukadukali.

Au sega ni muri ira na Peali’?

Mo raica na nomu ivalavala ena buca.

Mo vakasamataka na ka o vakayacora.

O cei me tarova ni sa via veiyacovi?

O ira na qarai koya tiko era na sega ni oca.

Era na raici koya ena kena gauna.*

Ia o kaya, ‘E tawayaga!+

Ia vei au, era vuki vakanadaku, era sega ni vakanamata mai.+

28 I vei na nomuni kalou oni bulia me nomuni?+

29 ‘Na cava oni saqati au tiko ga kina?

Na cava oni beci au kece kina?’+ e kaya o Jiova.

30 E sega ni yaga noqu mokuti ira na luvemuni.+

31 Kemuni na itabatamata, moni vakasamataka na vosa i Jiova.

Na cava era tukuna kina na noqu tamata, ‘Keimami veilakoyaki ena galala.

Keimami na sega ni lako tale yani vei kemuni’?+

Ia o ira noqu tamata era guilecavi au ena veisiga e sega ni wili rawa.+

33 O matai dina ena qarai ira mo domona, o iko na yalewa!

O vulica na nodra ivalavala na tamata ca.+

35 Ia o kaya, ‘Au sega ni cala.

Sa vakasuka tani ga vei au na nona cudru.’

36 Na cava o vakawalena kina na yamekemeke ni nomu ivalavala?

3 E dau tarogi: “Ke dua na tagane e vakatala na watina mani biuti koya o yalewa qai vakawatitaka tale e dua na tagane, me lesuvi koya tale o tagane?”

Ena sega ni dukadukali sara ga kina na vanua oya?+

 2 “Mo rai cake ena veidelana dravuisiga, mo raica.

I vei na vanua o sega ni kucuvi kina?

6 Ena gauna i Tui Josaia,+ e kaya vei au o Jiova: “‘O sa raica na ka e vakayacora o Isireli tawayalodina? E cabeta kece o koya na ulunivanua cecere kei na ruku ni vunikau bulabula kece me saqamua kina.+ 7 Ni vakayacora oti mada ga na ka kece qori au tukuna tiko ga vua me lesu mai vei au,+ ia e sega ni lesu mai, e raici tacina dauveivakaisini tiko ga o Juta.+ 8 Niu raica qori au vakatalai Isireli tawayalodina, au solia vua na ivola ni veisere+ ni sa veibutakoci.+ Ia e sega ni rere o Juta na tacina dauveivakaisini, e lako tale ga o koya me saqamua.+ 9 E vakamamadataka na nona saqamua, e vakadukadukalitaka tiko ga na vanua qai veibutakoci kei na vatu kei na vunikau.+ 10 Ena vuku ni ka kece qo, e sega ni lesu mai vei au ena lomana taucoko o Juta na tacina dauveivakaisini, e lasu wale ga,’ e kaya o Jiova.”

11 E qai kaya vei au o Jiova: “E vakaraitaka o Isireli tawayalodina ni yalododonu sara vei Juta na dauveivakaisini.+ 12 Mo lai tukuna na vosa qo ina vualiku:+

“‘“Mo lesu mai Isireli vukitani,” e kaya o Jiova.’+ ‘“Au na sega ni raici kemuni sobu yani ena cudru,+ niu yalodina,” e kaya o Jiova.’ ‘“Au na sega ni cudru tiko me tawamudu. 13 Mo vakatusa ga na nomu cala ni o beci Jiova na nomu Kalou. Oni veibiuyaka tiko ga na nomuni ivalavala vei ira na vulagi* ena ruku ni vunikau bulabula kece, ia oni sega ni rogoca na domoqu,” e kaya o Jiova.’”

14 “Moni lesu mai o kemuni na gone vukitani,” e kaya o Jiova. “Ni o yau ga na nomuni turaga dina,* au na kauti kemuni, e dua ena dua na koro kei na rua ena dua na vuvale, au na kauti kemuni i Saioni.+ 15 Au na solia vei kemuni na ivakatawa era donu e lomaqu,+ era na vakani kemuni ena kilaka kei na yalomatua. 16 Oni na lewe levu, oni na vakaluveni ena vanua ena gauna oya,” e kaya o Jiova.+ “Era na sega ni tukuna tale, ‘Na kato ni veiyalayalati i Jiova!’ Era na sega tale ni nanuma e lomadra, se ra nanuma se diva, ena sega ni caka tale e dua. 17 Ena gauna oya era na vakatokai Jerusalemi me idabedabe vakaturaga i Jiova,+ era na soqoni vata kece na veimatanitu ina yaca i Jiova e Jerusalemi,+ era na sega ni muria tale na drecala ni lomadra ca.”

18 “Ena gauna oya era na lako vata, na vuvale i Juta kei na vuvale ni Isireli,+ era na biuta vata mai na vanua ena vualiku mera lako ina vanua au solia vei ira na tukamuni me nodra ivotavota.+ 19 Au nanuma, ‘Au marautaka meu vakatikori iko kei ira na luvequ, au solia vei iko na vanua mareqeti, na ivotavota rairai vinaka duadua ena veimatanitu!’+ Au nanuma tale ga ni oni na kacivi au, ‘Tamaqu!’ moni na sega kina ni vukitani ena nomuni muri au. 20 ‘E vaka sara ga na yalewa vakawati dauveivakaisini e biuta na watina,* o kemuni tale ga na vuvale ni Isireli, oni vakaisini au,’+ e kaya o Jiova.”

22 “Moni lesu mai na gone vukitani.

Au na vakabulai kemuni mai na nomuni vukitani.”+

23 E lasu wale ga na veidelana kei na maue ena veiulunivanua.+

O Jiova ga na neimami Kalou e vakabulai Isireli.+

3 Qo na ka e kaya o Jiova vei ira na lewe i Juta kei Jerusalemi:

 5 Moni tukuna qori e Juta, moni vakarogoya e Jerusalemi.

Moni kailavaka, moni uvuca na davui* ena vanua.+

 6 Moni vakaduria na kaunikuila me donui Saioni.

E biuta mai na nona vanua me vukica na nomuni vanua me domobulataki.

Na nomuni koro ena vakarusai me kua ni dua e tiko kina.+

10 Au kaya sara: “Isa, kemuni na Turaga Cecere Duadua Jiova! Oni vakacalai ira dina na tamata qo+ kei ira e Jerusalemi, oni kaya, ‘Oni na tiko vakacegu,’+ ni sa tu e domo i keimami na iseleiwau.”*

11 Ena gauna oya ena tukuni vei ira na tamata qo kei Jerusalemi:

12 Au vakarota me liwa na cagi kaukaua mai na veivanua qori.

Au na tukuna qo na noqu lewa me baleti ira.

E totolo na nona ose, e bera na ikeli.+

Eda rarawa, nida sa vakarusai!

14 Mo vuya tani na ca mai lomamu Jerusalemi, mo bula kina.+

Ena vakacava na dede ni nomu nanuma tiko na ka ca?

18 “Ena sauti iko ga na nomu ivalavala kei na ka o cakava.+

19 Oilei na noqu rarawa,* na noqu rarawa!

E mosi sara ga vakalevu na lomaqu.*

E tavatukituki na utoqu e lomaqu.

Era gone yalowai, era sega ni yalomatua.

23 Au vakaraica na vanua, au raica ni sa lala, sa biu wale tu.+

Au dagava na lomalagi, e sega na kena rarama.+

30 Ia qo ni o sa rusa, na cava o na cakava?

E kaya ni dodoka ruarua na qeteqeteniligana:+

“Au sa rarawa niu oca ena vukudra na dauveivakamatei!”

5 Moni veilakoyaki ena sala e Jerusalemi.

Moni veiraiyaki moni kauaitaka.

 2 Ke ra kaya mada ga: “Ni bula dina tiko o Jiova!”

Era na bubului lasu tiko ga.+

 3 Kemuni Jiova, e raica na matamuni na ka dina?+

Oni mokuti ira, ia era sega ni vakila.*

Oni vakarusai ira, ia era sega ni muria na veivakadodonutaki.+

E kaukaua na matadra, e malumu na vatu.+

Era sega ni saumaki mai.+

 4 Ia au kaya lo ga: “Qo dina o ira na tamata wale.

O ira kece na biubiu mai era basubasuraki.

 7 Meu vosoti iko vakacava ena ka qo?

 9 “Meu sega ni tarogi ira ena ka qo?” e kaya o Jiova.

“Meu sega ni cudruva na matanitu va qori?”+

Me yacovi ira qo!”

14 Ia qo na ka e kaya o Jiova na Kalou ni lewe vuqa:*

15 “Au na kauta mai vei kemuni e dua na matanitu mai na vanua yawa, kemuni na vuvale ni Isireli,”+ e kaya o Jiova.

“E matanitu tudei.

17 Era na kania na ka oni tamusuka kei na kemuni madrai.+

Era na kania na luvemuni tagane kei na luvemuni yalewa.

Era na kania na nomuni sipi kei na nomuni bulumakau.

Era na kania na nomuni vaini kei na nomuni vunilolo.

Era na vakarusa ena iseleiwau na nomuni koro vakabai vinaka oni nuitaka.”

18 “Ia ena gauna oya,” e kaya o Jiova, “au na sega ni vakarusai kemuni vakadua.+ 19 Oni na taroga: ‘Na cava e vakayacora kina vei keda o Jiova na noda Kalou na ka kece qo?’ moni tukuna vei ira, ‘Ni oni biuti au moni qarava na kalou tani ena nomuni vanua, oni na qaravi ira na vulagi ena vanua e sega ni nomuni.’”+

21 “Moni rogoca qo, o kemuni na tamata lialia oni yalowai:+

24 Era sega ni kaya e lomadra:

26 Nira maliwai ira na noqu tamata na tamata ca.

Era vakairoiro tiko ga, me vaka nira lako cuvacuva na daubiri dai ni manumanuvuka.

Era biria na dai ni rusa.

Era corita na tamata.

Oya na vuna era kaukaua kina ra qai vutuniyau.

28 Era levulevu, era lumilumisa.

E sega ni vakaiyalayala na nodra ivakarau ca.

29 “Au na sega ni tarogi ira ena ka kece qo?” e kaya o Jiova.

“Au na sega ni cudruva na matanitu va qori?

30 E dua na ka kurabuitaki qai velavela e yaco ena vanua:

O ira na noqu tamata era taleitaka qori.+

Na cava oni na cakava ni yaco mai na icavacava?”

Ni sa voleka sara na ca mai na vualiku, io na veivakarusai levu.+

 2 Na goneyalewa ni Saioni e vaka na yalewa matavinaka, e tabusiga.+

 3 Era na lako yani na ivakatawa kei na nodra qelenimanumanu.

Era na birika na nodra valelaca me wavokiti koya.+

Era na dui vakania na qelenisipi e lesi mera qarava.+

 4 “Moni vakarau* valuti koya!

Moni tucake meda lai valuti koya ena sigalevu tutu!”

 6 Ni qo na ka e kaya o Jiova ni lewe vuqa:*

“Moni taya na kau, moni vakaduria na bainivalu e Jerusalemi.+

 9 Qo na ka e kaya o Jiova ni lewe vuqa:

“Era na vetia na vo ni Isireli me vaka na vuanivaini.

Mo vakalesuya tale na ligamu me vakataki koya e veti vuanivaini.”

10 “O cei meu vosa vua se vakasalataka?

O cei ena rogoca?

Raica! E tasogo* tu na daligadra mera kua ni vakatudaliga kina.+

Niu na dodoka na ligaqu meu mokuti ira na lewenivanua,” e kaya o Jiova.

Ni sega na vakacegu.+

15 Era bau maduataka na vakasevaki ni ka era cakava?

Era sega sara ga ni madua!

Era sega mada ga ni kila na madua!+

O koya gona, era na bale vata kei ira na bale.

Niu totogitaki ira era na tarabe,” e kaya o Jiova.

16 Qo na ka e kaya o Jiova:

“Moni duri ena basoganisala moni vakararai.

Ia era kaya: “Keimami na sega ni muria.”+

Ia era kaya: “Keimami na sega ni vakarorogo.”+

18 “O koya gona moni rogoca, na veimatanitu!

19 Rogoca mada, na vuravura!

21 Ia qo na ka e kaya o Jiova:

22 Qo na ka e kaya o Jiova:

23 Era na taura na dakaititi kei na moto.*

Era yaloca, era na sega ni loloma.

Era tuva vakaivalu me vaka na tamataivalu mera valuti iko, na goneyalewa ni Saioni.”

24 Keimami rogoca na kena itukutuku.

29 Sa kama na irinibuka.

E rawa na uma mai na nodra bukawaqa.

7 Qo na vosa e tukuna o Jiova vei Jeremaia, e kaya: 2 “Mo duri ena matamata ni vale i Jiova, mo vakarogoya e kea na vosa qo, ‘Moni rogoca na vosa i Jiova o kemuni kece na lewe i Juta oni curu ena matamata qo moni cuva vei Jiova. 3 Qo na ka e kaya o Jiova ni lewe vuqa,* na Kalou ni Isireli: “Moni veisautaka na nomuni itovo kei na nomuni ivalavala, au na qai vakatikori kemuni tiko ga ena vanua qo.+ 4 Moni kua ni nuitaka na vosa lasu, moni kaya, ‘Qo na* valenisoro i Jiova, na valenisoro i Jiova, na valenisoro i Jiova!’+ 5 Ke oni veisautaka dina na nomuni itovo kei na nomuni ivalavala, ke oni lewa vakadodonu ena vukudrau na tamata kei na wekana,+ 6 ke oni sega ni vakararawataki ira na vulagi, o ira na luveniyali,* kei ira na yada,+ ke oni sega ni vakadavea na dra e sega ni cala ena vanua qo, ke oni sega ni muria na kalou tani moni leqa kina,+ 7 au na qai vakatikori kemuni tiko ga ena vanua qo, na vanua au solia vakadua* vei ira na tukamuni.”’”

8 “Ia qo oni nuitaka na vosa lasu,+ ena sega sara ga ni yaga. 9 Vakaevei moni butako,+ moni laba, moni veibutakoci, moni bubului lasu,+ moni vakacaboisoro* vei Peali,+ moni muri ira na kalou oni sega ni kila, 10 moni qai mai tu e mataqu ena vale qo e vakatokai ena yacaqu, moni kaya, ‘Keimami na vakabulai,’ ni oni vakayacora tiko na itovo vakasevaki kece qo? 11 Vakaevei sa vuki na vale qo e vakatokai ena yacaqu me qara ni daubutako e matamuni?”+ e kaya o Jiova.

12 “‘Ia moni lako ina noqu tikina mai Sailo,+ na vanua au digia e liu me tiko kina na yacaqu,+ moni raica na ka au cakava kina ena vuku ni nodra ivakarau ca na noqu tamata na Isireli.+ 13 Oni cakava tiko ga na ka kece qo,’ e kaya o Jiova, ‘au vosa wasoma* vei kemuni, oni sega ni rogoca.+ Au kacivi kemuni tiko ga, ia oni sega ni rogo mai.+ 14 Au na vakayacora tale ga ina vale e vakatokai ena yacaqu+ oni vakanuinui tiko kina,+ kei na vanua qo au solia vei kemuni kei ira na tukamuni, me vaka au vakayacora e Sailo.+ 15 Au na biuti kemuni tani mai mataqu, me vaka ga noqu biuti ira tani kece na tacimuni, na kawa kece nei Ifireimi.’+

16 “Ia o iko, mo kua ni masulaki ira na tamata qo. Mo kua ni tagi se masu, se kerekere vei au ena vukudra,+ niu na sega ni rogoci iko.+ 17 O raica na ka era cakava tiko ena koro e Juta kei na gaunisala e Jerusalemi? 18 O ira na gone era cabuka, o ira na tamanigone era waqaca na buka, o ira na yalewa vakawati era balia na falawa mera bulia kina na keke me nodra isoro vua na Ranadi ni Lomalagi,*+ era livia tale ga na isoro livi vei ira na kalou tani mera vakacudrui au kina.+ 19 ‘Vakaevei era vakacudrui au tiko?’ e kaya o Jiova. ‘Sega ni o ira ga, mera madua kina?’+ 20 Qo na ka e tukuna na Turaga Cecere Duadua o Jiova, ‘Raica! Na noqu cudru kei na noqu cudru levu au na sova ena vanua qo,+ vei ira na tamata kei na manumanu, na vunikau ni vanua kei na vuaniqele, ena kama, ena sega ni boko rawa.’+

21 “Qo na ka e tukuna o Jiova ni lewe vuqa, na Kalou ni Isireli, ‘Moni binia na nomuni isoro kama taucoko ina so tale na nomuni isoro, moni kania na lewena.+ 22 Niu sega ni tukuna vei ira na tukamuni se vakaroti ira ena siga au kauti ira tani kina mai na vanua o Ijipita me baleta na isoro kama taucoko kei na isoro.+ 23 Ia qo na ka au vakaroti ira kina: “Moni muria na noqu vosa au na qai nomuni Kalou, oni na noqu tamata.+ Moni muria na ivalavala kece au vakaroti kemuni kina, moni vinaka kina.”’+ 24 Era sega ga ni rogoca se vakatudaliga kina,+ era muria ga na ka era nakita, era domoqa mera muria ga na lomadra ca,+ era mani toso kina i muri, era sega ni toso i liu, 25 ena siga era biuti Ijipita mai kina na tukamuni me yacova na siga qo.+ Au mani talai ira tiko ga na noqu italai kece na parofita vei kemuni, au talai ira wasoma* e veisiga.+ 26 Ia era sega ni vakarorogo vei au, era sega ni vakatudaliga.+ Era domoqa ga, e ca sara na nodra ivalavala ni vakatauvatani kei na tukadra!

27 “O na tukuna vei ira na vosa kece qo,+ ia era na sega ni rogoci iko, o na kacivi ira, ia era na sega ni sauma yani. 28 O na kaya vei ira, ‘Qo na matanitu e sega ni rogoca na domo i Jiova na nodra Kalou, e bese ni vakavulici. Sa oti na nodra dau dina, era sega mada ga ni veivosakitaka.’*+

29 “Mo kotiva na drauniulumu balavu,* mo biuta tani, mo lagata e dua na sere ni lolosi ena veidelana dravuisiga ni sega ni vakadonuya o Jiova na itabatamata qo, ena biuta tale ga ni vakacudrui koya vakalevu. 30 ‘Nira vakayacora na lewe i Juta na ka e ca e mataqu,’ e kaya o Jiova. ‘Era biuta na nodra matakau vakasisila ena vale e vakatokai ena yacaqu, mera vakadukadukalitaka.+ 31 Era tara na vanua cecere mai Tofeci, ena Buca ni Luvei Inomi,*+ mera vakama na luvedra tagane kei na luvedra yalewa ena bukawaqa,+ na ka au sega ni vakarota, e sega tale ga ni tubu mai lomaqu.’*+

32 “‘Ia raica! sa roro mai na gauna,’ e kaya o Jiova, ‘ena sega ni vakatokai tale me o Tofeci se na Buca ni Luvei Inomi,* ia me Buca ni Veivakamatei. Era na bulu mai Tofeci me sega ni dua tale na vanua e vo.+ 33 Na yagodra mate na tamata qo ena kania na manumanuvuka ni lomalagi kei na manumanu ni vanua, ena sega ni dua e vakarerei ira tani.+ 34 Au na vagaluya na domo ni reki kei na domo ni marau, na domo ni taganevou kei na domo ni yalewavou+ ena koro kece e Juta kei na gaunisala kece e Jerusalemi, ni na vakarusai na vanua.’”+

8 “Ena gauna oya,” e kaya o Jiova, “ena kau tani mai na nodra ibulubulu na suidra na tui Juta, na suidra na nodra turaga, na suidra na bete, na suidra na parofita, kei na suidra na lewe i Jerusalemi. 2 Era na veibiuyaka me cilava na matanisiga kei na vula kei na kalokalo kece ni lomalagi era lomana, era qarava, era muria, era qara, era cuva tale ga kina.+ Ena sega ni kumuni se bulu. Ena vaka na maniwa ena delaniqele.”+

3 “Era na digia ga na mate, era na sega ni digia na bula na ivovo ni vuvale ca qo era bula tiko ena vanua kece au vakasavi ira kina,” e kaya o Jiova ni lewe vuqa.*

4 “Mo kaya vei ira, ‘Qo na ka e tukuna o Jiova:

“Era na bale ra qai sega ni tucake tale?

Ke lesu mai e dua, ena lesu tale ga mai na kena ikarua?

 5 Na cava era tawayalodina tiko ga kina me sega ni mudu na tamata qo, o ira na lewe i Jerusalemi?

 6 Au vakarorogo, au vakatudaliga tiko ga, ia e sega ni donu na ka era tukuna.

E sega ni dua me veivutunitaka na nona ivakarau ca, se taroga, ‘Na cava au cakava?’+

Era dui lesuva na ivakarau era muria tiko ga e levu, me vaka na ose e cici totolo ina ivalu.

Ia o ira na noqu tamata era sega ni kila na lewa i Jiova.”’+

 8 ‘Moni kaya vakacava: “Keimami vuku, e tiko vei keimami na lawa* i Jiova”?

Ia na nodra peni* lasu+ na vunivola e vola ga na ka lasulasu.

 9 Era madua na vuku.+

Era rere, era tobo.

Ni sega na vakacegu.+

12 Era bau maduataka na ka vakasevaki era cakava?

Era sega sara ga ni madua!

Era sega mada ga ni kila na madua!+

O koya gona, era na bale vata kei ira na bale.

Niu totogitaki ira era na tarabe,’+ e kaya o Jiova.

13 ‘Niu soqoni ira, au na vakaoti ira,’ e kaya o Jiova.

‘Ena sega ni vo na vuanivaini ena vunivaini, se na lolo ena vunilolo, ena malai na drauna.

Ia na ka au solia vei ira ena yali vei ira.’”

14 “Na cava eda dabeca tiko eke?

Meda soqoni, meda curu ina koro vakabai vinaka+ meda mate kina.

16 E rogo mai Tani na suru ni nona ose.

“Sa sega ni tiko mai Saioni o Jiova?

Se sa sega kina na nona tui?”

Au domobula dina.

22 E sega na waiwai boivinaka mai Kiliati?+

Se sega kina na dauveivakabulai?*+

Na cava e sega ni vakabulai kina mai na kena mate na goneyalewa ni kainoqu?+

 2 Me dua mada ga na noqu burenivulagi ena vanua talasiga!

Era vakavulica na yamedra me vosa lasu.+

Era vakaocai ira ga ena caka ca.

 6 O vakaitikotiko ena loma ni lawaki.

Ena vuku ni nodra lawaki era sega ni via kilai au,” e kaya o Jiova.

 7 Ia qo na ka e kaya o Jiova ni lewe vuqa:*

 8 Na yamedra e gasau dau veivakamatei e vosataka na veivakaisini.

 9 “Au na sega ni tarogi ira ena ka qo?” e kaya o Jiova.

“Au na sega ni cudruva na matanitu va qori?+

Era dro na manumanuvuka ni lomalagi kei na manumanu, era sa yali.+

11 Au na vukici Jerusalemi me ibinibini vatu,+ me qara ni jakoli.*+

Au na vakalala na veikoro e Juta me kua ni dua e tiko kina.+

12 O cei e vuku me kila qo?

O cei e vosa vua na gusu i Jiova me tukuna?

Na cava e rusa kina na vanua?

13 E kaya mai o Jiova: “Nira biuta na noqu lawa* au tauca e matadra, nira sega ni muria se rogoca na noqu vosa. 14 Ia era muria na lomadra ena yalokaukaua,+ era muria tale ga na ivakatakarakara kei Peali e vakavulici ira kina na tamadra mera cakava.+ 15 O koya gona, qo na ka e kaya o Jiova ni lewe vuqa, na Kalou ni Isireli, ‘Au na vakani ira na tamata qo ena kaugaga, au na vagunuvi ira ena wai poisoni.+ 16 Au na vakasavi ira ina veimatanitu era sega ni kila, o ira kei na tukadra,+ au na tala na iseleiwau me muri ira meu vakawabokotaki ira mada.’+

19 Ni rogo mai Saioni na domo ni lele:+

“Oilei eda sa yanaraki!

Eda sa madua vakalevu!

Nida sa biuta na vanua, era sa basuka na noda itikotiko.”+

20 Ia moni rogoca na yalewa na vosa i Jiova.

Me rogoca na daligamuni na vosa ni gusuna.

23 Qo na ka e kaya o Jiova:

24 “Ia o koya e sakitaka e dua na ka me sakitaka qo:

25 “Raica! Sa voleka mai na gauna,” e kaya o Jiova, “au na totogitaki ira era cili, ia era sega ni cili dina,+ 26 o Ijipita+ kei Juta+ kei Itomi+ kei ira na Amoni+ kei Moapi+ kei ira kece na tiko ena vanua talasiga+ era tasia na nodra kanavalavala, nira sega ni cili na matanitu kece qori, era sega tale ga ni ciliva na lomadra o ira taucoko na vuvale ni Isireli.”+

10 Moni rogoca na vosa e tukuna o Jiova vei kemuni na vuvale ni Isireli. 2 Qo na ka e tukuna o Jiova:

 6 E sega ni dua e vakataki kemuni Jiova.+

Oni cecere, e cecere na yacamuni qai kaukaua.

 8 Era lecaika ra qai sesewa kece.+

Na ka e vakavuvulitaka na kau e lasu ga.*+

Na kena isulu e cula ena waniculacula karakarawa kei na vutinisipi lokaloka.

Na cakacaka ni kenadau.

10 Ia e Kalou dina o Jiova.

E Kalou bula,+ e Tui tawamudu.+

11 * Qo na ka moni tukuna vei ira:

14 E sesewa na nodra ivalavala na tamata kece, era sega ni kila e dua na ka.

15 E ka lasu,* e caka me vakalialiai.+

Ni yaco mai na siga mera tarogi kina, era na rusa.

O Jiova ni lewe vuqa* na yacana.+

18 Ni qo na ka e tukuna o Jiova:

19 Au sa rarawa ena vuku ni noqu mavoa!*+

20 Sa lala na noqu valelaca, sa cavuka kece na dali ni noqu valelaca.+

Era biuti au na luvequ, era sa yali.+

E sega ni vo e dua me birika na noqu valelaca se vakaduria na noqu ilatilati ni valelaca.

22 Rogoca! E dua na itukutuku! E rogo tiko mai!

23 Au kila vinaka, kemuni Jiova, ni sega ni vu vua na tamata na nona sala.

E sega ni vu vua na tamata e lako tu me lewa na nona ilakolako.+

11 Qo na vosa e tukuna o Jiova vei Jeremaia, e kaya: 2 “Moni rogoca mada na vosa ni veiyalayalati qo!

“Mo tukuna* vei ira na lewe i Juta kei ira na lewe i Jerusalemi 3 mo kaya vei ira, ‘Qo na ka e tukuna o Jiova na Kalou ni Isireli: “Me cudruvi o koya e sega ni muria na vosa ni veiyalayalati qo,+ 4 au vakaroti ira kina na tukamuni ena siga au kauti ira tani kina mai na vanua o Ijipita+ ena lovo ni vakawaicala kaukamea,+ au kaya, ‘Moni rogoca na domoqu, moni vakayacora na ka kece au vakaroti kemuni kina, oni na qai noqu tamata, au na nomuni Kalou,+ 5 me vakayacora kina na ka au bubuluitaka vei ira na tukamuni, meu solia vei ira na vanua e drodro kina na sucu kei na oni,+ me yacova mai na siga qo.’”’”

Au mani kaya: “Emeni,* kemuni Jiova.”

6 E qai kaya vei au o Jiova: “Mo kacivaka na vosa kece qo ena koro e Juta kei na gaunisala e Jerusalemi: ‘Moni rogoca na vosa ni veiyalayalati qo, moni muria sara. 7 Niu vakadreta matua vei ira na tukamuni ena siga au kauti ira tani kina mai na vanua o Ijipita me yacova na siga qo, au vakadreti ira wasoma:* “Moni muria na noqu vosa.”+ 8 Ia era sega ni vakarorogo se vakatudaliga, era dui muria tiko ga na drecala ni lomadra ca.+ Au mani vakayacora vei ira na vosa ni veiyalayalati qo au vakaroti ira kina mera cakava, ra qai sega ni vakayacora.’”

9 E kaya tale vei au o Jiova: “Era bukivere tiko na lewe i Juta kei ira na lewe i Jerusalemi. 10 Era lesuva na nodra cala na tukadra era bula e liu, era sega ni via rogoca na noqu vosa.+ Era muria tale ga na kalou tani mera qarava.+ E beca na vuvale ni Isireli kei na vuvale ni Juta na noqu veiyalayalati kei na tukadra.+ 11 Ia qo na ka e kaya o Jiova, ‘Au na kauta yani vei ira na ca+ era na sega ni drovaka rawa. Nira kere veivuke mai vei au, au na sega ni rogoci ira.+ 12 Ena qai lako na koro e Juta kei ira na lewe i Jerusalemi mera kere veivuke+ vei ira na kalou era dau vakacaboisoro* kina, ia era na sega ni vakabulai ira ena gauna era leqa kina. 13 Ni levu sara na nomuni kalou me vaka na levu ni nomuni koro, kemuni na Juta, oni vakaduria e levu na icabocabonisoro ina ka vakamadua* me vaka na levu ni gaunisala e Jerusalemi, na icabocabonisoro me cabori kina na isoro vei Peali.’+

14 “Ia o iko,* mo kua ni masu ena vukudra na tamata qo. Mo kua ni tagi ena vukudra se masulaki ira,+ niu na sega ni vakarorogo nira masuti au me baleta na nodra leqa.

Era na tarova me kua ni yacovi iko na ka ca ena lewe savasava?*

O na reki ena gauna qori?

17 “O Jiova ni lewe vuqa,* o koya e tei iko,+ e tukuna ni na yacovi iko na leqa ena nodra caka ca na vuvale ni Isireli kei na vuvale ni Juta, era vakacudrui au nira cabora na isoro vei Peali.”+

19 Au vaka na lami manoa e kau me vakamatei.

Au sega ni kila nira bukiveretaki au tiko:+

20 Ia o Jiova ni lewe vuqa e dau lewa vakadodonu.

E raica o koya na vakanananu titobu* kei na loma ni tamata.+

21 Qo na ka e kaya o Jiova mera cudruvi kina na lewe i Anacoci+ era via vakamatei iko tiko,* era kaya: “Mo kua ni parofisai ena yaca i Jiova,+ de o na mate ena liga i keimami,” 22 ia qo na ka e kaya o Jiova ni lewe vuqa: “Au na totogitaki ira. Era na mate ena iseleiwau+ na cauravou, era na mate ena dausiga na luvedra tagane kei na luvedra yalewa.+ 23 Ena sega ni vo vei ira e dua, niu na kauta mai na ca vei ira na lewe i Anacoci+ ena yabaki mera totogitaki kina.”

 2 Oni tei ira, e ti sobu na wakadra.

Era tubu era vua.

Oni voleka ena gusudra, oni yawa mai na nodra vakanananu titobu.*+

Nira kaya: “Ena sega ni raica o koya na ka ena yacovi keda.”

Era kailavaki iko ena domolevu.

 7 “Au sa biuta na noqu vale,+ au sa vakalala na noqu ivotavota.+

Au sa solia na noqu daulomani au lomana vakalevu e ligadra na kena meca.+

 8 Na noqu ivotavota e vaka na laione ni veikau.

E tagi me karaci au.

Oya na vuna au cati koya kina.

Era vukica na noqu tikinivanua mareqeti me vanua lala.

11 Sa biu wale tu.

E sega ni dua na tamata e vakacegu.

13 Era kaburaka na witi ia era tamusuka na wavakavotona.+

Era vakaocai ira, ia era sega ni rawata e dua na ka.

14 Qo na ka e kaya o Jiova vei ira kece na tamata ca era tiko volekati au, era tara tiko na ivotavota au solia vei ira na noqu tamata na Isireli mera taukena:+ “Au na cavuraki ira mai na nodra vanua,+ au na cavuraki Juta tale ga mai na kedra maliwa. 15 Niu cavuraki ira oti au na lomani ira tale, au na kauti ira lesu ina nodra dui ivotavota kei na nodra vanua.”

16 “Ke ra saga mera vulica na nodra ivalavala na noqu tamata mera bubului ena yacaqu, ‘Ni bula dina tiko o Jiova!’ me vaka ga nira vakavulici ira na noqu tamata mera bubului ena yaca i Peali, era na qai vakataudeitaki ena kedra maliwa na noqu tamata. 17 Ia ke ra sega ni muria, au na cavuraka tale ga na matanitu qori, au na cavuraka meu vakarusa,” e kaya o Jiova.+

13 Qo na ka e tukuna vei au o Jiova: “Mo lako, mo volia mai e dua na nomu beleti lineni, mo vauca e tolomu, ia mo kua ni tonia ena wai.” 2 Au mani volia na beleti me vaka na vosa i Jiova, au vesuka wavoki sara e toloqu. 3 E vosa tale vei au o Jiova ena ikarua ni gauna: 4 “Mo taura na beleti o volia mai, o dara tiko, mo tucake mo lako ina Uferetisi, mo vunia e kea ena qaravatu.” 5 Au lako sara meu vunia ena Uferetisi me vaka e vakaroti au kina o Jiova.

6 Ia ni oti e vica na siga, e kaya vei au o Jiova: “Mo tucake, mo lako ina Uferetisi mo kauta mai kea na beleti au vakarota mo vunia toka e kea.” 7 Au lako sara ina Uferetisi, au kelia na beleti, au taura mai na vanua au vunia toka kina, au raica ni sa ca tu na beleti, sa sega sara ga ni yaga.

8 E qai vosa vei au o Jiova: 9 “Qo na ka e kaya o Jiova, ‘Au na vakacacana tale ga va qori na dokadoka nei Juta kei na levu ni dokadoka nei Jerusalemi.+ 10 O ira na tamata ca qo era sega ni via muria na noqu vosa,+ era muria ga na nodra yalokaukaua,+ era muria tiko na kalou tani mera qarava ra qai cuva kina, era na vaka na beleti qo ni sega sara ga ni yaga.’ 11 ‘Me vaka ni kabita na tolo ni tamata na beleti, au na cakava mera kabiti au va qori na vuvale taucoko ni Isireli kei na vuvale taucoko ni Juta,’ e kaya o Jiova, ‘mera noqu tamata,+ meu rogo,+ meu vakacaucautaki, meu lagilagi kina. Ia era sega ni muria.’+

12 “Mo kaya tale ga vei ira na itukutuku qo, ‘Qo na ka e tukuna o Jiova na Kalou ni Isireli: “Me vakasinaiti na saqa lelevu kece ena waini.”’ Era na kaya vei iko, ‘Keimami sega ni kila ni dau vakasinaiti ga na saqa lelevu kece ena waini?’ 13 Mo kaya vei ira, ‘Qo na ka e tukuna o Jiova: “Au na vakamatenitaki ira kece na lewenivanua qo,+ o ira na tui era dabeca tiko na idabedabe vakaturaga i Tevita, o ira na bete kei ira na parofita, kei ira kece na lewe i Jerusalemi. 14 Au na botobotolaki ira vata na tama kei na luvedra,” e kaya o Jiova.+ “Au na sega ni yalololoma, se rarawa, se lomani ira, ena sega ni dua na ka me tarova noqu vakarusai ira.”’+

15 Moni rogoca, moni vakatudaliga.

Moni kua ni qaciqacia ni vosa o Jiova.

19 Sa sogo* na koro ena ceva, me kua ni dua e dolava.

Era sa kau vakavesu kece na lewe i Juta, era kau vakavesu taucoko.+

20 Mo tacake, mo raici ira na lako mai na vualiku.+

I vei na qelenisipi a soli vei iko, na nomu sipi matavinaka?+

O na sega ni taratara me vaka na yalewa e vakasucu?+

22 Ni o kaya e lomamu, ‘Na cava me yacovi au kina na ka qo?’+

23 Ena veisautaka rawa na kai Kusi* na kuliniyagona, se na lepate na kena tavutonotono?+

24 Au na vakasavi ira gona me vaka na vunicovuata e vukataka na cagi mai na vanua talasiga.+

O na rarawa Jerusalemi!

Ena vakacava na dede ni nomu dukadukali tiko ga?”+

14 Qo na ka e tukuna o Jiova vei Jeremaia me baleta na lauqa.+

 2 E lolosi o Juta,+ sa malumalumu na kena matamata.

 3 Era tala na turaga na nodra dauveiqaravi* mera taki wai mai.

Era lako ina toevu,* era sega ni raica na wai.

Era lesu lala mai kei na nodra saqa.

 6 Era tu na asa kila ena veidelana dravuisiga.

Moni kua ni biuti keimami.

10 Qo na ka e kaya o Jiova me baleti ira na tamata qo: “Era taleitaka na veilakoyaki,+ era sega ni tarova na yavadra.+ E sega ni taleitaki ira o Jiova.+ Ia qo ena nanuma o koya na nodra cala, ena tarogi ira ena nodra ivalavala ca.”+

11 E qai kaya vei au o Jiova: “Mo kua ni masulaka me yacovi ira na tamata qo na ka vinaka.+ 12 Nira lolo, au sega ni rogoca na nodra vakamamasu,+ nira cabora na isoro kama taucoko kei na isoro kakana, au sega ni taleitaka qori,+ niu na vakarusai ira ena iseleiwau, ena dausiga, kei na matedewa.”+

13 Au kaya: “Oilei, kemuni na Turaga Cecere Duadua, Jiova! Era kaya na parofita vei ira, ‘Oni na sega ni raica na iseleiwau, ena sega ni yacovi kemuni na dausiga, ia au na solia vei kemuni na vakacegu dina ena vanua qo.’”+

14 E qai kaya vei au o Jiova: “Era parofisaitaka tiko na parofita na ka lasu ena yacaqu.+ Au sega ni talai ira, se vakaroti ira, se vosa vei ira.+ Era parofisaitaka tiko vei kemuni na raivotu lasu, na rairai macawa, kei na veivakaisini ni lomadra.+ 15 O koya gona, qo na ka e kaya o Jiova me baleti ira na parofita era parofisai tiko ena yacaqu, ia au sega ni talai ira, era tukuna tiko ni na sega ni yaco na iseleiwau se na dausiga ena vanua qo: ‘Era na vakarusai na parofita qori ena iseleiwau kei na dausiga.+ 16 O ira na tamata era parofisai kina era na biu tu ena gaunisala e Jerusalemi ena vuku ni dausiga kei na iseleiwau, ena sega ni dua me buluti ira,+ o ira, se na watidra, na luvedra tagane se na luvedra yalewa, niu na sova vei ira na ca e rauti ira.’+

Era veilakoyaki na parofita kei na bete ena vanua era sega ni kila.’”+

19 Oni sa biuti Juta vakadua, se oni cati Saioni?+

Na cava oni mokuti keimami kina, me sega ni dua e vakabulai keimami?+

Moni nanuma moni kua ni beca na noda veiyalayalati.+

Sega ni o kemuni duadua ga, kemuni Jiova na neimami Kalou?+

15 E kaya sara vei au o Jiova: “Ke rau mai tu mada ga e mataqu+ o Mosese kei Samuela, au na sega ni lomani ira na tamata qo. Cemuri ira tani mai mataqu. Biuta mera lako. 2 Ke ra tukuna vei iko, ‘Me keimami lako i vei?’ mo kaya vei ira, ‘Qo na ka e kaya o Jiova:

“O koya e mate ena mate rerevaki, ena mate ena mate rerevaki!

O koya e mate ena iseleiwau, ena mate ena iseleiwau!+

O koya e mate ena dausiga, ena mate ena dausiga!

O koya e kau vakavesu, ena kau vakavesu!”’+

3 “‘Au na lesia vei ira e va na ka ca,’*+ e kaya o Jiova, ‘na iseleiwau me veivakamatei, na koli me veiyarataki, na manumanuvuka ni lomalagi kei na manumanu ni vanua me tiloma qai vakarusa.+ 4 Au na soli ira mera domobulataka na veimatanitu kece e vuravura+ ena ka e cakava e Jerusalemi o Manasa, na luvei Esekaia na tui Juta.+

 6 ‘O iko ga o biuti au,’ e kaya o Jiova.+

‘O vakanadakui au tiko ga.*+

Au na dodoka kina na ligaqu meu vakarusai iko.+

Au sa oca na lomani iko.

 7 Au na kuretaki ira ena mataiva ena matamata ni vanua.

Au na kauta tani na luvedra.+

 8 Ena levu sara na nodra yada, e lailai na mataninuku ni wasawasa e mataqu.

Au na kauta yani vei ira na dauvakacaca ena sigalevu tutu, vei ira na tina kei ira na cauravou.

Au na vakataqayataki ira, au na vakarerei ira vakidacala.

11 E kaya o Jiova: “Au na caka vinaka sara ga vei iko.

15 Oni kila kemuni Jiova,

Moni nanumi au, moni kauaitaki au.

Moni totogitaki ira na vakacacani au.+

Meu kua mada ga ni mate* ena berabera ni nomuni cudru.

Moni kila niu vakalialiai ena vukumuni.+

17 Au sega ni tiko vata kei na ilawalawa dau marau meu reki kina.+

18 Na cava e sega ni oti kina na noqu rarawa qai sega ni mavo rawa na noqu mavoa?

E sega ni via mavo.

19 Ia qo na ka e kaya o Jiova:

20 “Au na lesi iko mo bai kopa kaukaua vei ira na tamata qo.+

16 E vosa tale vei au o Jiova, e kaya: 2 “Mo kua ni taura e dua na watimu, mo kua tale ga ni vakaluveni tagane se yalewa ena vanua qo. 3 Ni qo na ka e tukuna o Jiova me baleti ira na gonetagane kei na goneyalewa era sucu ena vanua qo, me baleta na tinadra e vakasucumi ira, me baleta tale ga na tamadra e vu ni nodra sucu ena vanua qo: 4 ‘Era na mate ena mate ca,+ ia ena sega ni dua e tagicaki ira se buluti ira nira na vaka na maniwa ena delaniqele.+ Era na mate ena iseleiwau kei na dausiga,+ na yagodra mate ena kedra na manumanuvuka ni lomalagi kei na manumanu ni vanua.’

 6 Ena mate na turaga kei na tamata wale ena vanua qo.

9 “Ni qo na ka e tukuna o Jiova ni lewe vuqa,* na Kalou ni Isireli, ‘Au na muduka ena vanua qo, ena nomuni gauna kei na matamuni na domo ni marau kei na reki, na domo ni taganevou kei na domo ni yalewavou.’+

10 “Ni o tukuna vei ira na tamata qo na vosa kece qo, era na tarogi iko, ‘Na cava e tukuna kina vei keimami o Jiova na leqa levu kece qo? Na cala kei na ivalavala ca cava keimami vakayacora vei Jiova na neimami Kalou?’+ 11 Mo tukuna vei ira, ‘“Nira biuti au na tukamuni,”+ e kaya o Jiova, “era muria tiko ga na kalou tani, era qarava mera cuva kina.+ Era biuti au, era sega ni muria na noqu lawa.+ 12 Ia o kemuni, e ca sara na nomuni ivalavala ni vakatauvatani kei ira na tukamuni,+ oni dui muria ga na drecala ni lomamuni ca, oni sega ni talairawarawa vei au.+ 13 Au na cemuri kemuni tani kina ena vanua qo ina vanua oni sega ni kila, era sega ni kila tale ga na tukamuni,+ oni na qarava e kea na kalou tani ena siga kei na bogi+ niu na sega ni vakadonui kemuni.”’

14 “‘Ia sa roro mai na gauna,’ e kaya o Jiova, ‘era na sega ni tukuna tale: “Ni bula dina tiko o Jiova, o koya e kauti ira tani na Isireli mai na vanua o Ijipita!”+ 15 ia ena tukuni ga: “Ni bula dina tiko o Jiova, o koya e kauti ira tani na Isireli mai na vanua ena vualiku kei na vanua kece e vakasavi ira kina!” au na qai vakalesui ira ina nodra vanua au solia vei ira na tukadra.’+

17 Ni toka na mataqu ena ka kece era cakava.*

17 “Na nodra ivalavala ca na Juta e volai ena peni kaukamea.

 4 Oni na biuta ga vakataki kemuni na nomuni ivotavota au solia vei kemuni.+

Ena caudre tiko ga.”

 5 Qo na ka e kaya o Jiova:

 9 E dau veivakaisini duadua ga na loma ni tamata qai rerevaki.*+

O cei me kila rawa?

14 Moni vakabulai au kemuni Jiova, au na bula.

15 Raica! Era kaya tiko vei au eso:

“I vei na vosa i Jiova?+

Me yaco mada ga!”

17 Moni kua ni vakarerei au.

Oni noqu ivakaruru ena siga ni rarawa.

19 Qo na ka e kaya vei au o Jiova: “Mo lai duri ena nodra matamata na luve ni tamata era dau veicuruyaki kina na tui Juta, kei na matamata kece e Jerusalemi.+ 20 Mo kaya vei ira, ‘Moni rogoca na vosa i Jiova na tui Juta, o kemuni kece na lewe i Juta kei kemuni kece na lewe i Jerusalemi oni curu mai ena matamata qori. 21 Qo na ka e kaya o Jiova: “Moni qarauni kemuni, moni kua ni colata e dua na icolacola ena Siga ni Vakacecegu se moni kauta yani ena matamata e Jerusalemi.+ 22 Moni kua ni kauta mai e dua na icolacola ena nomuni vale ena Siga ni Vakacecegu, moni kua tale ga ni cakacaka.+ Moni vakatabuya tiko ga na Siga ni Vakacecegu me vaka au vakaroti ira kina na tukamuni.+ 23 Ia era sega ni rogoca se vakatudaliga, era domoqa ga mera kua ni muria se ra rogoca na veivakavulici.”’+

24 “‘“Ke oni talairawarawa dina vei au,” e kaya o Jiova, “moni kua ni kauta mai na icolacola ena matamatanikoro qo ena Siga ni Vakacecegu, moni vakatabuya tiko ga na Siga ni Vakacecegu moni kua ni cakacaka kina,+ 25 era na curu tale ga ena matamatanikoro qo na tui kei na turaga era dabe tiko ena idabedabe vakaturaga i Tevita,+ era vodo qiqi kei na ose, o ira kei na nodra turaga, o ira na lewe i Juta kei ira na lewe i Jerusalemi,+ ena tawani tiko ga na koro qo me tawamudu. 26 Era na lako na tamata mai na koro e Juta, mai na veivanua volekati Jerusalemi, mai na vanua o Penijamini,+ mai na vanua lolovira,+ mai na veiulunivanua, kei na Nikepi* mera kauta na isoro kama taucoko,+ na isoro,+ na isoro kakana,+ na drega boivinaka, kei na isoro ni vakavinavinaka ina vale i Jiova.+

27 “‘“Ia ke oni sega ni talairawarawa vei au moni vakatabuya tiko ga na Siga ni Vakacecegu moni kua ni colata na icolacola moni kauta yani ena matamata e Jerusalemi ena Siga ni Vakacecegu, au na vakama na kena matamata, ena yameca sara ga na valececere vakabai e Jerusalemi,+ ena sega tale ga ni boko rawa.”’”+

18 Qo na vosa e tukuna o Jiova vei Jeremaia: 2 “Mo tucake, mo lako sobu ina vale ni dautulituli,+ au na vosa vei iko e kea.”

3 Au mani lako sobu ina vale ni dautulituli, e tulituli tiko o koya ena nona itutu wiri. 4 Ia e qai ca na iyaya e bulia tiko e ligana. E tulia tale na dautulituli e dua na iyaya e donu vua.*

5 E qai vosa vei au o Jiova, e kaya: 6 “‘Au na sega ni cakava rawa vei kemuni na vuvale ni Isireli na ka e cakava na dautulituli qo?’ e kaya o Jiova. ‘Raica! Me vaka ga na qele ena liga ni dautulituli, oni va tale ga qori e ligaqu kemuni na vuvale ni Isireli.+ 7 Ena gauna ga au kaya kina meu cavuraka, meu basuka, meu vakarusa e dua na vanua se dua na matanitu,+ 8 mani vakanadakuya na vanua qori na nona ivakarau ca au tukuna vua, au na veisautaka tale ga na noqu nanuma me baleta* na ka au nakita meu vakayacora kina.+ 9 Ia ena gauna ga au tukuna kina meu tara meu tea e dua na vanua se dua na matanitu, 10 mani caka ca e mataqu, e sega ni muria na noqu vosa, au na veisautaka na noqu nanuma me baleta* na ka vinaka au nakita meu vakayacora vua.’

11 “Ia qo yalovinaka, mo tukuna vei ira na lewe i Juta kei ira na lewe i Jerusalemi, ‘Qo na ka e kaya o Jiova: “Au sa vakarautaka tiko e dua na ka ca, au nakita tale ga e dua na vere me yacovi kemuni. Moni biuta mada na nomuni itovo ca, moni vakavinakataka tale na nomuni itovo kei na nomuni ivalavala.”’”+

12 Era kaya: “E tawayaga!+ Ni keimami na muria ga na neimami nanuma, keimami na dui vakayacora ga na drecala ni loma i keimami ca.”+

13 Ia qo na ka e kaya o Jiova:

“Moni taroga mada na veimatanitu.

O cei e bau rogoca na ka va qo?

E vakayacora na goneyalewa ni Isireli e dua na ka velavela sara.+

14 Ena yali na ucacevata ni Lepanoni mai na baba ni uluvatu?

Se na maca na waibatabata e drodro mai vakayawa?

15 Ia era sa guilecavi au na noqu tamata.+

O ira kece na lakosivita era na kidroataka, era na kurea na uludra.+

17 Me vaka na cagi na tokalau, au na vakasavi ira e matana na meca.

Au na vakaraitaka vei ira na dakuqu, sega ni mataqu ena siga ni nodra rarawa.”+

18 Era kaya: “Moni lako mai meda veretaki Jeremaia+ ni na sega ni yali na lawa* vei ira na bete se na ivakasala vei ira na vuku se na vosa vei ira na parofita. Moni lako mai meda vosavakacacataki koya,* meda kua ni rogoca na ka e kaya.”

20 Me saumi na vinaka ena ca?

Nira kelia na qara meu biu kina.+

Me kau tani mada ga vei watidra na luvedra, mera yada tale ga.+

Mera tarabe e matamuni.+

Ni oni totogitaki ira ena nomuni cudru.+

19 Qo na ka e tukuna o Jiova: “Mo lai volia mai vua na dautulituli e dua na saqa qele.+ Mo kauta eso na nodra qase na lewenivanua kei na so na nodra qase na bete, 2 mo lako yani ina Buca ni Luvei Inomi+ ena icurucuru ena Matamata ni Tulituli. Mo vakarogoya e kea na vosa au na tukuna vei iko. 3 O na kaya, ‘Moni rogoca na vosa i Jiova o kemuni na tui Juta kei kemuni na lewe i Jerusalemi. Qo na ka e tukuna o Jiova ni lewe vuqa,* na Kalou ni Isireli:

“‘“Au na kauta mai na ca ena vanua qo, ena qasikanunu kina na daliga i koya e rogoca. 4 Nira biuti au+ ra qai vakalecalecava na vanua qo.+ Era vakacaboisoro e kea vei ira na kalou tani era sega ni kila, o ira, na tukadra, kei ira na tui Juta, era vakasinaita na vanua qo ena nodra dra na sega ni cala.+ 5 Era tara na vanua cecere nei Peali mera vakama kina na luvedra ena bukawaqa me isoro kama taucoko vei Peali,+ na ka au sega ni vakarota se tukuna qai sega mada ga ni tubu e lomaqu.”’*+

6 “‘“Ia raica! sa roro mai na gauna,” e kaya o Jiova, “ena sega ni vakatokai tale na vanua qo me o Tofeci se na Buca ni Luvei Inomi, ia me Buca ni Veivakamatei.+ 7 Au na vakaseva na nodra inaki na Juta kei ira e Jerusalemi ena vanua qo, au na vakabalei ira ena iseleiwau e matadra na kedra meca kei na ligadra na via vakamatei ira.* Au na solia na yagodra mate me kedra na manumanuvuka ni lomalagi kei na manumanu ni vanua.+ 8 Au na cakava na koro qo me kidroataki, me kaluvi. O ira kece na lakosivita era na kidroa nira raica, era na kaluvaka na kena ca kece.+ 9 Au na vakavuna mera kania na lewe ni luvedra tagane kei na luvedra yalewa, era na dui kania na lewe ni wekadra ena vuku ni viribai kei na nodra yalolailai ni sa sogolati ira na kedra meca kei ira na via vakamatei ira.”’*+

10 “Mo vorolaka na saqa e matadra na tagane oni lako vata, 11 mo tukuna vei ira, ‘Qo na ka e kaya o Jiova ni lewe vuqa: “Au na vorolaki ira va qori na tamata qo kei na koro qo, me vaka ga na nona vorolaka e dua na saqa ni dautulituli me sega tale ni vakavinakataki rawa, era na buluta na mate e Tofeci me sega ni vo e dua na tikina mera bulu kina.”’+

12 “‘Qori na ka au na vakayacora ena vanua qo,’ e kaya o Jiova, ‘kei ira na lewena, meu vukica na koro qo me vakataki Tofeci. 13 Ena dukadukali na vale kece e Jerusalemi kei na nodra vale na tui Juta me vaka na vanua qo o Tofeci,+ io na delanivale kece era vakacaboisoro kina ina kalokalo kece ni lomalagi,+ na vanua tale ga era livia kina na isoro livi vei ira na kalou tani.’”+

14 Ni lesu mai Tofeci o Jeremaia na vanua e talai koya kina o Jiova me parofisai, e lai duri ena raranivale i Jiova qai kaya vei ira kece na lewenivanua: 15 “Qo na ka e tukuna o Jiova ni lewe vuqa, na Kalou ni Isireli, ‘Au na kauta mai na ca au tukuna me tau ina koro qo kei na kena tauni kece, nira sega ni via muria na noqu vosa ena nodra domoqa.’”+

20 Ia e vakarorogo tiko o Pasuri na luvei Ima na bete, e iliuliu tale ga ena vale i Jiova ena gauna e parofisai tiko kina o Jeremaia. 2 E mani mokuti Jeremaia na parofita o Pasuri, e vesuki koya ena ivesu kau+ e tiko ena Matamata Cecere i Penijamini, ena vale i Jiova. 3 Ia ena siga tarava ni sereki Jeremaia oti o Pasuri mai na ivesu kau, e kaya vua o Jeremaia:

“Sa sega ni vakatokai iko o Jiova me o Pasuri, ia me o Rere Wavoki.+ 4 Ni qo na ka e tukuna o Jiova, ‘Au na vakarerei iko kei ira kece na nomu itokani, era na bale ena iseleiwau ni kedra meca ni rai tu na matamu,+ au na soli ira kece na Juta e ligana na tui Papiloni, ena kauti ira vakavesu i Papiloni qai vakamatei ira ena iseleiwau.+ 5 Au na solia na iyau kece ni koro qo, na ka kece e bini tu kina, na kena ka talei kece, kei na nodra iyau kece na tui Juta e ligadra na kedra meca.+ Era na yauta, era na kovea ra qai kauta i Papiloni.+ 6 Ia o iko Pasuri kei ira kece na tiko ena nomu vale, oni na kau vakavesu. O na lako i Papiloni, o na mate kina, o na bulu tale ga e kea kei ira kece na nomu itokani, ni o parofisaitaka vei ira na ka lasu.’”+

 7 Oni vakalialiai au kemuni Jiova, au vakalialiai kina.

Oni vakaraitaka vei au na nomuni kaukaua, oni qaqa.+

Vei au na vosa i Jiova au vakalialiai kina, au vosavakacacataki kina ena siga taucoko.+

“Moni tukuna mai, keitou na qai tukuni koya!”

O ira kece era via mai vakacegui au, era raica tiko meu bale:+

11 Ia o Jiova ga e tokoni au me vaka e dua na dauvala rerevaki.+

Oya na vuna era na tarabe kina o ira na vakararawataki au, era na sega ni qaqa.+

Era na madua vakalevu ni sega ni rawa na ka era saga.

Na nodra madua e sega ni mudu ena tawaguilecavi.+

13 Moni sere vei Jiova! Moni vakacaucautaki Jiova!

Ni vakabula na dravudravua mai na ligadra na daucaka ca.

14 Me ca na siga au sucu kina!

Me kua mada ga ni kalougata na siga e vakasucumi au kina o tinaqu!+

15 Me kalouca na tamata e kauta vei tamaqu na itukutuku vinaka, e kaya:

“Sa sucu e dua na luvemu, e tagane!”

E vakamarautaki koya vakalevu.

16 Na tamata qori me vaka mada ga na koro e vakarusa o Jiova qai sega ni rarawataka.

Me rogoca o koya na tagi ena mataka, kei na kaikaila ena sigalevu tutu.

21 E vosa vei Jeremaia o Jiova ena gauna e talatala kina o Tui Setekaia,+ oya ni talai Pasuri+ na luvei Malikaia kei Sefanaia+ na luvei Mesea na bete, me rau kerea: 2 “Yalovinaka, mo tarogi Jiova mada ena vukuda ni mai valuti keda o Tui Nepukanesa* e Papiloni.+ De na vakayacora vei keda o Jiova e dua na nona cakacaka vakatubuqoroqoro, ena qai lako tani vei keda o koya.”+

3 E kaya vei rau o Jeremaia: “Qo na ka mo drau tukuna vei Setekaia, 4 ‘Qo na ka e kaya o Jiova na Kalou ni Isireli: “Au na vakasuka na iyaragi ni ivalu e tiko e ligamuni moni valuti tui Papiloni+ kina kei ira na Kalitia era viribaiti kemuni tiko ena taudaku ni bai. Au na kumuni ira vata ena lomanikoro. 5 Au na valuti kemuni sara ga+ ena ligaqu e dodo tu kei na ligaqu kaukaua, ena cudru, ena cudru levu, kei na cudru katakata.+ 6 Au na mokuti ira na lewenikoro qo, na tamata kei na manumanu. Era na mate ena dua na matedewa levu.”’+

7 “‘“Ni oti oya,” e kaya o Jiova, “Au na soli Tui Setekaia e Juta kei ira na nona tamata kei ira na tiko ena koro qo, era bula mai na matedewa, na iseleiwau, kei na dausiga ena liga i Tui Nepukanesa* e Papiloni, ena ligadra na kedra meca, kei ira na via vakamatei ira.*+ Ena vakamatei ira o koya ena iseleiwau. Ena sega ni lomani ira, ena sega ni yalovinaka se yalololoma vei ira.”’+

8 “Mo kaya vei ira na tamata qo, ‘Qo na ka e tukuna o Jiova: “Au sa tauca e matamuni na sala ni bula kei na sala ni mate. 9 O ira na tiko ga ena koro qo era na mate ena iseleiwau, ena dausiga, kei na matedewa. Ia o koya e lako yani me soro vei ira na Kalitia era viribaiti kemuni tiko ena bula tiko ga, ena nona itokinivalu ga na nona bula.”’*+

10 “‘“Ni duatani na mataqu ina koro qo me ca, ena sega ni vinaka,”+ e kaya o Jiova. “Ena soli ena liga i tui Papiloni,+ ena vakama o koya ena bukawaqa.”+

11 “‘Vei kemuni na lewe ni vuvale nei tui Juta: Moni rogoca na vosa i Jiova. 12 Kemuni na vuvale i Tevita, qo na ka e kaya o Jiova:

‘Ia o kemuni na kaya tiko: “O cei ena lako sobu mai me valuti keimami?

O cei ena curu mai ina neimami itikotiko?”

22 Qo na ka e tukuna o Jiova: “Mo lako sobu ina nona vale na tui Juta, mo tukuna kina na itukutuku qo. 2 Mo kaya, ‘Moni rogoca na vosa i Jiova na tui Juta oni dabe tiko ena idabedabe vakaturaga i Tevita, o kemuni, o ira na nomuni dauveiqaravi kei ira na nomuni tamata era curu mai ena matamata qo. 3 Qo na ka e kaya o Jiova: “Moni tokona na lewadodonu, moni valavala dodonu. Moni vakabulai koya e butakoca na liga ni daulawaki. Moni kua ni vakasaurarataka e dua na vulagi, moni kua ni vakararawataka na gone e sega na tamana* se yada.+ Moni kua ni vakadavea na nodra dra na sega ni cala ena vanua qo.+ 4 Ke oni muria vinaka na vosa qo, era na qai curu yani ena matamata ni vale qo na tui era dabe tiko ena idabedabe vakaturaga i Tevita,+ era vodo qiqi kei na ose, o ira, na nodra dauveiqaravi kei na nodra tamata.”’+

5 “‘Ke oni sega ni muria na vosa qo, au bubuluitaka vakataki au,’ e kaya o Jiova, ‘ni na rusa na vale qo.’+

8 “‘Era na lakosivita na koro qo e levu na lewe ni veivanua, era veikayaka: “Na cava e cakava kina qo o Jiova ina koro levu qo?”+ 9 Era na kaya: “Nira biuta na veiyalayalati nei Jiova na nodra Kalou, era cuva vei ira na kalou tani mera qarava.”’+

11 “Qo na ka e kaya o Jiova me baleti Salumi*+ na luvei Josaia+ na tui Juta, e veiliutaki tiko me sosomitaki Josaia na tamana, sa biuta na vanua qo: ‘Ena sega ni lesu tale kina o koya. 12 Ni na mate ena vanua era kauti koya kina vakavesu, ena sega ni raica tale na vanua qo.’+

15 O na lewa tiko ga ni o siviti ira na kena vo ena vakayagataki sitari?

E vinaka kina o koya.

‘E va qori na kilai au, se sega?’ e kaya o Jiova.

“Oilei na taciqu! Oilei na ganequ!”

Era na sega ni tagicaki koya:

“Oilei na noqu turaga! Oilei na nona lagilagi!”

21 Au a vosa vei iko ni o tikovinaka.

Ia o kaya, ‘Au na sega ni muria.’+

O na vakamaduataki, o na velavela ena nomu rarawa kece.

24 “‘Niu bula dina tiko,’ e kaya o Jiova, ‘ke mama ivakadei mada ga ni ligaqu imatau o Konaia*+ na luvei Jioiakimi,+ na tui Juta, au na luvati iko tani mai kina! 25 Au na soli iko e ligadra na via vakamatei iko,* e ligadra o rerevaka, e liga i Tui Nepukanesa* e Papiloni kei na ligadra na Kalitia.+ 26 Au na kolotaki iko kei na tinamu e vakasucumi iko ina dua tale na vanua oni sega ni sucu kina, oni na mate tale ga e kea. 27 Erau na sega ni lesu ina vanua erau diva.+

29 O iko na vanua, na vanua, na vanua, mo rogoca na vosa i Jiova.

30 Qo na ka e kaya o Jiova:

23 “Era rarawa na ivakatawa era vakarusa, era tawasea na sipi ni noqu veico!” e kaya o Jiova.+

2 Ia qo na ka e tukuna o Jiova na Kalou ni Isireli vei ira na ivakatawa era vakatawa tiko na noqu tamata: “O kemuni ga oni tawasei ira na noqu sipi, oni vakatalai ira tiko ga, oni sega ni golevi ira.”+

“O koya gona, au na totogitaki kemuni ena ca ni nomuni ivalavala,” e kaya o Jiova.

3 “Au na kumuni ira na ivovo ni noqu sipi mai na veivanua kece au vakasavi ira kina,+ au na kauti ira lesu ina nodra veico,+ era na vakawa, era na le levu mai.+ 4 Au na lesia na kedra ivakatawa, era na vakatawani ira sara ga.+ Era na sega tale ni rere, se ra domobula, ena sega ni yali e dua,” e kaya o Jiova.

5 “Raica! Sa roro mai na gauna,” e kaya o Jiova, “au na vakatubura vei Tevita e dua na sulina* yalododonu.+ Ena veiliutaki e dua na tui,+ ena yalomatua qai tokona na lewadodonu kei na cakadodonu ena vanua.+ 6 Ena nona gauna ena vakabulai o Juta,+ ena bula vakacegu tale ga o Isireli.+ Qo na yaca ena vakatokai kina: O Jiova na Noda Yalododonu.”+

7 “Ia sa roro mai na gauna,” e kaya o Jiova, “era na sega ni tukuna tale, ‘E bula dina tiko o Jiova a kauti ira tani na Isireli mai na vanua o Ijipita!’+ 8 era na tukuna ga, ‘Ni bula dina tiko o Jiova a kauti ira tani na kawa ni vuvale nei Isireli qai kauti ira lesu mai na vanua ena vualiku, kei na vanua kece au vakasavi ira kina,’ era na tiko ga ena nodra vanua.”+

9 Ena vukudra na parofita:

E rarawa na yaloqu e lomaqu.

E yavavala kece na suiqu.

E ca na nodra ivalavala, era vakayagataka vakatani na nodra lewa.

11 “Era dukadukali* na parofita kei na bete.+

Au raica mada ga ena noqu vale na nodra ca,”+ e kaya o Jiova.

13 “Au raica vei ira na parofita ni Samaria+ na ka vakasisila.

14 Au raica vei ira na parofita ni Jerusalemi na ka velavela.

15 Ia qo na ka e tukuna o Jiova ni lewe vuqa* vei ira na parofita:

Nira vakatetea na vukitani na parofita mai Jerusalemi ena vanua taucoko.”

16 Qo na ka e tukuna o Jiova ni lewe vuqa:

“Moni kua ni rogoca na vosa era parofisaitaka vei kemuni na parofita.+

Era vakalialiai kemuni tiko.*

O cei e vakatudaliga ina nona vosa me rogoca?

Ena veisiga mai muri oni na qai kila vinaka qo.

21 Au sega ni talai ira na parofita, era cici ga.

Au sega ni vosa vei ira, era parofisai ga.+

Era na uqeti ira mera biuta na nodra itovo ca kei na nodra ivakarau ca.”+

23 “O yau ga na Kalou au tiko voleka,” e kaya o Jiova, “au sega tale ga ni Kalou au tiko vakayawa?”

24 “Me vunitaki koya rawa e dua ena yasana vuni meu kua ni raici koya?”+ e kaya o Jiova.

“Au sega ni roboti lomalagi kei na vuravura?”+ e kaya o Jiova.

25 “Au rogoca nira parofisai lasu tiko na parofita ena yacaqu, ‘Au tadra! Au tadra!’+ 26 Ena vakacava na dede ni kena tiko na ka qo e lomadra na parofita mera parofisaitaka na ka lasu? Era parofita dau lawaki ga e lomadra.+ 27 Era nakita mera guilecava na noqu tamata na yacaqu ena tadra era veitukuniyaka tiko, me vaka ga nira guilecava na tukadra na yacaqu ena vuku i Peali.+ 28 Na parofita e tu vua na tadra me tukuna na tadra, ia o koya e tu vua na noqu vosa me tukuna vakadodonu na noqu vosa.”

“Na cava e tautauvata kina na tolonicovuata madu kei na covuata?” e kaya o Jiova.

29 “E sega ni vaka na bukawaqa na noqu vosa,”+ e kaya o Jiova, “qai vaka na ituki e vorolaka na vatu?”+

30 “O koya gona au cudruvi ira na parofita,” e kaya o Jiova, “era dui butakoca vakataki ira na noqu vosa.”+

31 “Au cudruvi ira na parofita,” e kaya o Jiova, “era vakayagataka na yamedra mera tukuna, ‘E kaya o koya!’”+

32 “Au cati ira na parofita era tadra na ka lasu,” e kaya o Jiova, “era tukuna mera vakacalai ira na noqu tamata ena nodra lasulasu kei na nodra dokadoka.”+

“Ia au sega ni talai ira se vakaroti ira. Era na sega kina ni yaga vei ira na tamata qo,”+ e kaya o Jiova.

33 “Nira tarogi iko na tamata qo, se na parofita, se bete, ‘Na cava na icolacola* i Jiova?’ mo tukuna vei ira, ‘“O kemuni ga na icolacola! Au na biuti kemuni,”+ e kaya o Jiova.’ 34 Ia na parofita, se na bete, se o ira na tamata era kaya, ‘Qo na icolacola* i Jiova!’ Au na totogitaka na tamata oya kei na nona vuvale. 35 Qo na ka oni dui tukuna tiko vua na nomuni itokani kei na tacimuni, ‘Na cava e tukuna mai o Jiova? Na cava e kaya o Jiova?’ 36 Ia na icolacola* i Jiova moni kua ni tukuna tale, ni nona icolacola* na tamata yadua na nona vosa ga, oni sa veisautaka na vosa ni Kalou bula o Jiova ni lewe vuqa, na noda Kalou.

37 “Qo na ka o na tukuna vua na parofita, ‘Na cava e tukuna mai vei iko o Jiova? Na cava e kaya o Jiova? 38 Ke oni tukuna tiko ga, “Qo na icolacola* i Jiova!” qo na ka e kaya o Jiova: “Ni oni tukuna tiko, ‘Na vosa qo na icolacola* i Jiova,’ niu tukuna oti vei kemuni, ‘Moni kua ni kaya: “Na icolacola* i Jiova!”’ 39 Raica! Au na tauri kemuni cake, au na kolotaki kemuni tani mai mataqu, o kemuni kei na koro au solia vei kemuni kei ira na tukamuni. 40 Au na kauta yani vei kemuni na veivakalialiai tawamudu kei na madua e sega ni oti rawa, ena sega sara ni guilecavi.”’”+

24 E qai vakaraitaka vei au o Jiova e rua na sova lolo e tu ena mata ni valenisoro i Jiova, ni kauti ira oti o Tui Nepukanesa* e Papiloni, oya o Jekonaia*+ na luvei Jioiakimi+ na tui Juta kei ira na turaga ni Juta, o ira na matai kei ira na matai ni kaukamea,* e kauti ira mai Jerusalemi i Papiloni.+ 2 E tiko na lolo vinaka sara ena dua na sova, e vaka na lolo taumada, e tiko ena dua tale na sova na lolo ca sara, e sega ni laukana rawa ni rui ca.

3 E qai tarogi au o Jiova: “Na cava o raica tiko Jeremaia?” Au kaya yani: “Na lolo, na lolo vinaka e vinaka sara, ia na lolo ca e ca sara, e sega ni laukana rawa ni rui ca.”+

4 E vosa tale vei au o Jiova, e kaya: 5 “Qo na ka e tukuna o Jiova na Kalou ni Isireli, ‘Me vaka ga na lolo vinaka qo au na raica mera vinaka na Juta era kau vakavesu, o ira au vakatala ena vanua qo ina nodra vanua na Kalitia. 6 Au na vakaraici ira tiko ga mera vinaka kina, au na vakalesui ira mai ena vanua qo.+ Au na tarai ira, au na sega ni basuka, au na tei ira, au na sega ni cavuta.+ 7 Au na solia vei ira na yalo mera kilai au ni o yau o Jiova.+ Era na noqu tamata, au na nodra Kalou,+ nira na lesu mai vei au ena lomadra taucoko.+

8 “‘Ia na lolo ca e sega ni laukana rawa ni rui ca,+ qo na ka e kaya o Jiova: “Ena va qori na noqu raici Tui Setekaia+ e Juta, o ira na nona turaga, o ira na vo ni lewe i Jerusalemi era tiko ena vanua qo kei ira na tiko ena vanua o Ijipita.+ 9 Au na cakava mera domobulataki, mera ca ina veimatanitu kece e vuravura,+ mera beci, mera bolei, mera vosavakacacataki, mera cudruvi+ ena vanua kece au vakasavi ira kina.+ 10 Au na tala vei ira na iseleiwau,+ na dausiga, kei na matedewa+ mera mate mada ena vanua au solia vei ira kei na tukadra.”’”

25 Na vosa e tukuni vei Jeremaia me baleti ira kece na lewe i Juta ena ikava ni yabaki i Jioiakimi+ na luvei Josaia na tui Juta, ena imatai ni yabaki i Tui Nepukanesa* e Papiloni. 2 Qo na ka e tukuna o Jeremaia na parofita me baleti* ira kece na lewe i Juta kei ira kece na lewe i Jerusalemi:

3 “Ena ika13 ni yabaki i Josaia+ na luvei Amoni na tui Juta me yacova mai na siga qo, ena loma ni 23 na yabaki qori, e vosa vei au o Jiova au qai vosa tiko ga vakawasoma* vei kemuni ia oni sega ni vakarorogo.+ 4 E talai ira kece na nona dauveiqaravi na parofita o Jiova vei kemuni, e talai ira wasoma,* ia oni sega ni vakarorogo se vakatudaliga moni rogoca.+ 5 Era dau kaya, ‘Yalovinaka, moni dui biuta na nomuni itovo ca kei na nomuni ivakarau ca,+ oni na qai tiko ga me sega ni mudu ena vanua e solia makawa vei kemuni kei ira na tukamuni o Jiova. 6 Moni kua ni muria na kalou tani moni qarava moni cuva vei ira, moni vakacudrui au ena cakacaka ni ligamuni, au na qai sega ni kauta yani vei kemuni na ca.’

7 “‘Ia oni sega ni vakarorogo vei au,’ e kaya o Jiova. ‘Oni nakita ga moni vakacudrui au ena cakacaka ni ligamuni moni ca kina.’+

8 “O koya gona qo na ka e kaya o Jiova ni lewe vuqa,* ‘“Ni oni sega ni rogoca na noqu vosa, 9 au sa talatala mera lako mai na veimataqali kece mai na vualiku,”+ e kaya o Jiova, “au talatala me lako mai o Tui Nepukanesa* e Papiloni na noqu italai,+ au na kauti ira mai mera valuta na vanua qo,+ mera valuta na lewena, mera valuta tale ga na veimatanitu volekata.+ Au na vakarusai ira, au na cakava me domobulataki, me kaluvi, me rusa vakadua. 10 Au na vakaotia na domo ni reki kei na domo ni marau ena veivanua qori,+ na domo ni taganevou kei na domo ni yalewavou,+ na domo ni iqaqi kei na rarama ni cina. 11 Na vanua kece qo ena rusa, ena domobulataki, era na qarava na tui Papiloni na veivanua qori me 70 na yabaki.”’+

12 “‘Ni cava na 70 na yabaki+ au na taroga* na tui Papiloni kei na matanitu oya ena nodra cala,’+ e kaya o Jiova, ‘au na vakalala tale ga na nodra vanua na Kalitia me tawamudu.+ 13 Au na vakayacora ena vanua oya na vosa kece au cavuta me yaco kina, na ka kece e volai ena ivola qo e parofisaitaka o Jeremaia me yacova na veimatanitu kece. 14 Ni levu na matanitu kei na tui rogo+ era na vakabobulataki ira,+ au na sauma vei ira me vaka na nodra ivalavala kei na cakacaka ni ligadra.’”+

15 Qo na ka e tukuna vei au o Jiova na Kalou ni Isireli: “Mo taura mai ligaqu na bilo waini ni cudru qo, mo vagunuvi ira kina na veimatanitu kece au talai iko kina. 16 Era na gunuva era na tataivatia ra qai vaka na lialia ena vuku ni iseleiwau au tala vei ira.”+

17 Au taura sara na bilo mai na liga i Jiova, au vagunuvi ira kina na veimatanitu kece e talai au kina o Jiova:+ 18 me tekivu vei Jerusalemi kei na koro kece e Juta,+ na nona tui kei ira na nona turaga, mera rusa, me domobulataki, me kaluvi, me cudruvi+ me vaka ena siga qo, 19 oti oya o Fero na tui Ijipita kei ira na nona dauveiqaravi, o ira na nona turaga vakaitutu kei ira kece na nona tamata,+ 20 kei ira kece na duikaikai, o ira kece na tui ni vanua o Usi, o ira kece na tui ni vanua o Filisitia,+ o Asikiloni,+ o Kesa, o Ekironi, kei ira na vo tiko e Asoto, 21 o Itomi,+ o Moapi,+ kei ira na Amoni,+ 22 o ira kece na tui Taia, o ira kece na tui Saitoni,+ o ira na tui ni veiyanuyanu e wasawasa, 23 o Titana,+ o Tima, o Pusa, kei ira kece e tasi na nodra kanavalavala,+ 24 na nodra tui kece na kai Arapea,+ kei na nodra tui kece na duikaikai era tiko ena vanua talasiga, 25 o ira kece na tui mai Simirai, o ira kece na tui Ilama,+ o ira kece na tui Mitia,+ 26 o ira kece na tui ni vualiku era tiko voleka kei ira na tiko vakayawa, mera veitaravi, o ira na vo ni veimatanitu e vuravura era tiko e delaniqele, ena qai gunu sara e muri o tui Sesaki.*+

27 “Mo kaya vei ira, ‘Qo na ka e tukuna o Jiova ni lewe vuqa, na Kalou ni Isireli: “Moni gunu moni mateni, moni lua, moni bale, moni kua ni tucake tale+ ena vuku ni iseleiwau au tala vei kemuni.”’ 28 Ia ke ra bese ni taura na bilo mai ligamu mera gunu, mo kaya vei ira, ‘Qo na ka e tukuna o Jiova ni lewe vuqa: “Moni gunuva! 29 Raica! Keu tekivu kauta yani na ca ena koro au vakayacani kina,+ moni qai sega ni totogitaki?”’+

“‘Oni na sega ni drovaka na itotogi, niu kaciva e dua na iseleiwau me tau vei ira kece na lewe i vuravura,’ e kaya o Jiova ni lewe vuqa.

Ena tagi vakadomoilevu o koya me vaka na laione ena nona itikotiko.

Ena lewai ira kece na tamata o koya.+

Ena soli ira na tamata ca ina iseleiwau,’ e kaya o Jiova.

32 Qo na ka e kaya o Jiova ni lewe vuqa:

33 “‘O ira e vakamatea o Jiova ena siga oya era na tu mai na dua na iyalayala kei vuravura ina dua tale na iyalayala kei vuravura, era na sega ni tagicaki, era na sega ni kumuni se bulu. Era na vaka na maniwa ena delaniqele.’

34 Moni qoqolou na ivakatawa, moni tagi!

26 Ena itekivu ni lewa i Jioiakimi+ na luvei Josaia na tui Juta, qo na vosa e tukuna o Jiova: 2 “Qo na ka e kaya o Jiova, ‘Mo duri ena raranivale i Jiova, mo tukuna na ka me baleti* ira kece na lewenikoro e Juta era lako mai mera sokalou* ena vale i Jiova. Mo tukuna vei ira na ka kece au vakaroti iko kina, mo kua ni vakalutuma e dua na vosa. 3 De ra na rogoca mera dui biuta na nodra ivakarau ca, au na qai veisautaka* na noqu nanuma me baleta na ca au nakita meu vakayacora vei ira ena ca ni nodra ivalavala.+ 4 Mo tukuna vei ira: “Qo na ka e kaya o Jiova, ‘Ke oni sega ni rogoci au moni muria na noqu lawa* au biuta e matamuni, 5 moni rogoca na nodra vosa na noqu dauveiqaravi na parofita au talai ira wasoma* yani vei kemuni, oni sega ni rogoci ira,+ 6 au na qai cakava na vale qo me vakataki Sailo,+ au na vakayacora na koro qo mera cudruva na veimatanitu kece e vuravura.’”’”+

7 Era rogoca na bete, o ira na parofita kei ira kece na tamata ni tukuna tiko o Jeremaia na vosa qo ena vale i Jiova.+ 8 Ni tukuna oti o Jeremaia na ka kece e vakaroti koya kina o Jiova me kaya vei ira kece na tamata, era qai tauri koya na bete, o ira na parofita kei ira kece na tamata, era kaya: “O na mate dina. 9 Na cava o parofisai kina ena yaca i Jiova, o kaya, ‘Na vale qo ena vakataki Sailo, ena vakalalai na koro qo me sega ni dua e tiko kina’?” Era soqoni kece na tamata mera wavokiti Jeremaia ena vale i Jiova.

10 Nira rogoca na turaga ni Juta na vosa qo, era biuta mai na valenitui mera lako cake ina vale i Jiova mera dabe ena matamata vou ni vale i Jiova.+ 11 Era kaya na bete kei ira na parofita vei ira na turaga kei ira kece na tamata: “E dodonu me totogimate na tamata qo+ ni parofisaitaka na ca ina koro qo me vaka oni rogoca e daligamuni.”+

12 E kaya sara o Jeremaia vei ira kece na turaga kei ira kece na tamata: “O Jiova ga e talai au mai meu parofisaitaka na vosa kece oni rogoca me baleta na vale qo kei na koro qo.+ 13 Ia qo moni vakavinakataka na nomuni itovo kei na nomuni ivalavala moni muria na vosa i Jiova na nomuni Kalou, ena qai veisautaka o Jiova na nona nanuma me baleta* na ca e tukuna me yacovi kemuni.+ 14 O yau, au sa tu qo e ligamuni. Moni vakayacora vei au na ka e vinaka kei na ka e donu e matamuni. 15 Ia moni kila tiko ke oni vakamatei au, ena tau vei kemuni, ena koro qo kei ira na lewena na dra e sega ni cala, ni talai au dina mai vei kemuni o Jiova meu tukuna na vosa kece qo moni rogoca.”

16 Era qai kaya na turaga kei ira kece na tamata vei ira na bete kei ira na parofita: “E sega ni dodonu me totogimate na tamata qo, ni vosa vei keda ena yaca i Jiova na noda Kalou.”

17 Era tucake tale ga eso na qase ni vanua ra qai kaya vei ira kece na tamata era soqoni mai: 18 “E parofisai tiko o Maika+ na turaga ni Moreseci ena gauna i Tui Esekaia+ e Juta, e kaya vei ira kece na lewe i Juta, ‘Qo na ka e kaya o Jiova ni lewe vuqa:*

19 “E qai vakamatei koya o Tui Esekaia e Juta kei ira kece na Juta? Vakaevei e dokai* Jiova o koya qai vakamasuti Jiova me lomani koya, me veisautaka o Jiova na nona nanuma me baleta* na ca e cavuta me yacovi ira?+ O koya gona, sa vakarau meda kauta mai e dua na ca levu eda na leqa kina.

20 “E parofisai ena yaca i Jiova e dua tale na tamata, o Uraija na luvei Semaia mai Kiriaci-jiarimi,+ e parofisaitaka me ca na koro qo kei na vanua qo me vaka na vosa i Jeremaia. 21 Ni rogoca o Tui Jioiakimi+ kei ira kece na nona tamata qaqa kei ira kece na nona turaga vakaitutu na ka e tukuna, e via vakamatei koya na tui.+ Ni rogoca qori o Uraija, e rere sara ga qai dro i Ijipita. 22 E talatala sara i Ijipita o Tui Jioiakimi, e talai Elinecani+ na luvei Akipori kei na so tale na tamata mera tomani koya i Ijipita. 23 Era kauti Uraija mai Ijipita mera kauta vei Tui Jioiakimi, e vakamatei koya ena iseleiwau+ qai biuta na yagona ena nodra ibulubulu na tauvanua.”

24 Ia o Eikami+ na luvei Safani+ e tokoni Jeremaia me kua ni soli yani vei ira na tamata mera vakamatei koya.+

27 Ni tekivu lewa o Jioiakimi na luvei Josaia na tui Juta, e tukuna na vosa qo o Jiova vei Jeremaia: 2 “Qo na ka e tukuna vei au o Jiova, ‘Mo cakava eso na nomu ivesu kei na ivua mo biuta e domomu. 3 Mo vakauta vei tui Itomi,+ na tui Moapi,+ na nodra tui na Amoni,+ na tui Taia,+ kei na tui Saitoni+ ena ligadra na italai era lako mai Jerusalemi vei Tui Setekaia e Juta. 4 Mo tukuna vei ira na ivakaro qo mera tukuna vei ira na nodra turaga:

“‘“Qo na ka e kaya o Jiova ni lewe vuqa,* na Kalou ni Isireli, qo na ka moni tukuna vei ira na nomuni turaga, 5 ‘O yau ga au bulia na vuravura, na kawatamata, kei na manumanu era tiko ena dela i vuravura ena noqu kaukaua levu kei na ligaqu e dodo tu, au qai solia vei koya ga au vinakata.*+ 6 Ia au sa solia na vanua kece qo e ligana na noqu italai o Tui Nepukanesa+ e Papiloni, au solia mada ga vua na manumanu kila ni vanua me qaravi koya. 7 Ena qaravi koya na veivanua kece, na luvena kei na makubuna me yaco mada na gauna ni nona vanua,+ nira na vakamalumalumutaki koya e levu na veivanua kei na tui rogo me nodra bobula.’+

8 “‘“‘Ia na vanua se matanitu e sega ni via qaravi Tui Nepukanesa e Papiloni, e sega ni via biuta e domona na ivua nei tui Papiloni au na totogitaka na vanua qori ena iseleiwau,+ ena dausiga, kei na matedewa,’ e kaya o Jiova, ‘meu vakaoti ira mada e ligana.’

9 “‘“‘Moni kua ni vakarorogo vei ira na nomuni parofita, o ira na nomuni daurairai, o ira na nomuni dautadra, o ira na nomuni daucakaiba, kei ira na nomuni daucakaisausau era kaya tiko vei kemuni: “Oni na sega ni qarava na tui Papiloni.” 10 Nira parofisaitaka tiko vei kemuni na ka lasu, moni kau tani vakayawa kina mai na nomuni vanua, au na vakatalai kemuni, oni na rusa.

11 “‘“‘Ia na vanua e taqara e domona na ivua nei tui Papiloni me qaravi koya, au na biuti koya tiko ga ena nona vanua,’ e kaya o Jiova, ‘me teivaka, me tiko kina.’”’”

12 Au tukuna tale ga qori vei Tui Setekaia+ e Juta, au kaya: “Moni taqara e domomuni na ivua nei tui Papiloni moni qaravi koya kei ira na nona tamata, oni na bula tiko ga kina.+ 13 Na cava mo mate kina kei ira na nomu tamata ena iseleiwau,+ ena dausiga,+ kei na matedewa+ me vaka e tukuna o Jiova ina vanua ena sega ni qaravi tui Papiloni? 14 Moni kua ni rogoca na ka era tukuna tiko vei kemuni na parofita, ‘Oni na sega ni qarava na tui Papiloni,’+ ni lasu na ka era parofisaitaka tiko vei kemuni.+

15 “‘Niu sega ni talai ira yani,’ e kaya o Jiova, ‘e lasu na ka era parofisaitaka tiko ena yacaqu, oya na vuna au na vakatalai kemuni kina, oni na rusa, o kemuni kei ira na parofita era parofisai tiko vei kemuni.’”+

16 Au kaya vei ira na bete kei ira kece na tamata qo: “Qo na ka e tukuna o Jiova, ‘Moni kua ni rogoca na ka era tukuna na nomuni parofita era parofisai tiko vei kemuni: “Raica! Sa voleka sara ni kau lesu mai Papiloni na iyaya ni vale i Jiova!”+ ni lasu na ka era parofisaitaka tiko vei kemuni.+ 17 Moni kua ni rogoci ira. Moni qarava na tui Papiloni oni na bula tiko ga kina.+ Na cava me rusa kina na koro qo? 18 Ia ke ra parofita, ke tiko vei ira na vosa i Jiova, mera masuti Jiova mada ni lewe vuqa me kua ni kau i Papiloni na iyaya e vo tiko ena vale i Jiova, ena vale ni tui Juta, kei Jerusalemi.’

19 “Ni qo na ka e tukuna o Jiova ni lewe vuqa me baleta na duru,+ na Wasawasa,*+ na qiqi,+ kei na vo ni iyaya e tiko ena koro qo, 20 e sega ni kauta o Tui Nepukanesa e Papiloni, ena gauna e kauti Jekonaia kina vakavesu na luvei Jioiakimi na tui Juta mai Jerusalemi i Papiloni, kei ira kece na turaga ni Juta kei Jerusalemi,+ 21 io, qo na ka e kaya o Jiova ni lewe vuqa, na Kalou ni Isireli me baleta na iyaya e vo tiko ena vale i Jiova, ena vale ni tui Juta, kei Jerusalemi: 22 ‘“Ena kau i Papiloni,+ ena tu ga kina me yacova na siga au nanuma kina,” e kaya o Jiova. “Au na kauta lesu mai meu vakasuka ina vanua qo.”’”+

28 Ena yabaki vata oya ni tekivu lewa o Tui Setekaia+ e Juta, ena ikava ni yabaki ena ikalima ni vula e vosa vei au ena vale i Jiova na parofita o Enanaia na luvei Asura mai Kipioni,+ e matadra na bete kei ira kece na tamata: 2 “Qo na ka e tukuna o Jiova ni lewe vuqa* na Kalou ni Isireli, ‘Au na musuka na ivua nei tui Papiloni.+ 3 Ena loma ni rua na yabaki au na kauta lesu mai ina vanua qo na iyaya kece ni vale i Jiova e taura ena vanua qo o Tui Nepukanesa e Papiloni me kauta i Papiloni.’”+ 4 “‘Au na vakalesui Jekonaia+ mai na luvei Jioiakimi+ na tui Juta ena vanua qo kei ira kece na kau vakavesu mai Juta era lako i Papiloni,’+ e kaya o Jiova, ‘niu na musuka na ivua nei tui Papiloni.’”

5 E kaya o Jeremaia na parofita vei Enanaia na parofita e matadra na bete kei ira kece na tamata era duri tu ena vale i Jiova. 6 E kaya o Jeremaia na parofita: “Emeni!* Me cakava mada ga qo o Jiova! Me vakayacora mada ga o Jiova na nomu vosa o parofisaitaka me kauta lesu mai ina vanua qo na iyaya ni vale i Jiova kei ira kece na kau vakavesu i Papiloni! 7 Yalovinaka, mo rogoca na vosa au tukuna qo e daligamu kei na daligadra kece na tamata. 8 Ena gauna makawa era dau parofisaitaka na parofita era liu vei kedaru na ivalu, na ca, kei na matedewa ena yaco ina levu na vanua kei na veimatanitu qaqa. 9 Ke parofisaitaka e dua na parofita na vakacegu qai yaco dina na vosa ni parofita qori, ena kilai ni tala dina mai na parofita qori o Jiova.”

10 E taura sara o Enanaia na parofita na ivua mai na domo i Jeremaia na parofita qai musuka.+ 11 E mani kaya o Enanaia e matadra kece na tamata: “Qo na ka e tukuna o Jiova, ‘Au na musuka va qo na ivua nei Tui Nepukanesa e Papiloni mai na domodra na veivanua kece ena loma ni rua na yabaki.’”+ E lako sara yani o Jeremaia na parofita.

12 Ni musuka oti o Enanaia na parofita na ivua mai na domo i Jeremaia na parofita, e qai tukuna na itukutuku qo o Jiova vei Jeremaia: 13 “Mo lai tukuna vei Enanaia, ‘Qo na ka e kaya o Jiova: “O sa musuka na ivua kau,+ ia o na cakava na ivua kaukamea me kena isosomi.” 14 Ni qo na ka e tukuna o Jiova ni lewe vuqa, na Kalou ni Isireli: “Au na biuta na ivua kaukamea e domodra na veivanua kece qo mera qaravi Tui Nepukanesa e Papiloni, mera qaravi koya.+ Au na solia mada ga vua na manumanu kila ni vanua.”’”+

15 E kaya o Jeremaia na parofita vei Enanaia+ na parofita: “Mo rogoca mada Enanaia! E sega ni talai iko mai o Jiova, ia o uqeti ira na tamata qo mera nuitaka na ka lasu.+ 16 Qo na ka e tukuna o Jiova, ‘Raica! Au na kauti iko tani mai na delaniqele. O na mate ena yabaki qo ni o uqeta na talaidredre vei Jiova.’”+

17 E mani mate o Enanaia na parofita ena yabaki oya ena ikavitu ni vula.

29 Qo na lewe ni ivola e vakauta o Jeremaia na parofita mai Jerusalemi vei ira na vo ni qase era kau vakavesu, o ira na bete, o ira na parofita, kei ira kece na tamata e kauta vakavesu o Nepukanesa mai Jerusalemi i Papiloni, 2 ni sa biubiu oti mai Jerusalemi o Tui Jekonaia,+ o tinana,*+ o ira na vakailesilesi lelevu, o ira na turaga ni Juta kei Jerusalemi, o ira na matai, kei ira na matai ni kaukamea.*+ 3 E vakauta o koya na ivola ena liga i Elasa na luvei Safani+ kei Kimaraia na luvei Ilikaia, e talai rau o Tui Setekaia+ e Juta i Papiloni vei Tui Nepukanesa e Papiloni. E kaya:

4 “Qo na ka e kaya o Jiova ni lewe vuqa* na Kalou ni Isireli, vei ira kece na kau vakavesu, o ira au lewa mera kau vakavesu mai Jerusalemi i Papiloni, 5 ‘Moni tara vale moni tawana. Moni teitei moni kania na vuana. 6 Moni vakawati me so na luvemuni tagane kei na luvemuni yalewa, moni kauta mai eso na watidra na luvemuni tagane, moni soli ira na luvemuni yalewa mera vakawati me so tale ga na luvedra tagane kei na luvedra yalewa. Moni lewe levu e kea, moni kua ni lewe lailai. 7 Moni saga me tikovakacegu na koro au lewa moni kau vakavesu kina, moni masulaka vei Jiova, ni tikovakacegu na koro oni na tikovakacegu tale ga.+ 8 Ni qo na ka e kaya o Jiova ni lewe vuqa, na Kalou ni Isireli: “Mera kua ni lawakitaki kemuni na nomuni parofita kei ira na nomuni daurairai era tiko ena kemuni maliwa,+ moni kua ni rogoca na tadra era tadrataka. 9 Ni ‘lasu na ka era parofisaitaka tiko vei kemuni ena yacaqu. Au sega ni talai ira yani,’+ e kaya o Jiova.”’”

10 “Qo na ka e kaya o Jiova, ‘Ni cava na 70 na yabaki e Papiloni, au na golevi kemuni,+ au na vakayacora vinaka na noqu vosa ni iyalayala meu vakalesui kemuni mai ena vanua qo.’+

11 “‘Niu kila vinaka na ka au nanuma tiko me baleti kemuni,’ e kaya o Jiova, ‘na nanuma moni tikovakacegu moni kua ni rarawa,+ meu solia vei kemuni na inuinui kei na ka moni namaka ena gauna se bera mai.+ 12 Oni na tagici au, oni na lako mai moni masuti au, au na rogoci kemuni.’+

13 “‘Oni na qarai au oni na kunei au,+ oni na qarai au ena lomamuni taucoko.+ 14 Au na vakadonuya moni kunei au,’+ e kaya o Jiova. ‘Au na kumuni ira na nomu era vesu, au na kumuni kemuni tale ga mai na veimatanitu kece kei na veivanua kece au vakatalai kemuni kina,’+ e kaya o Jiova. ‘Au na vakalesui kemuni ina vanua au lewa moni vesu kina.’+

15 “Ia oni kaya, ‘E vakatubura vei keimami o Jiova eso na parofita mai Papiloni.’

16 “Ni qo na ka e kaya o Jiova vua na tui e dabe tiko ena idabedabe vakaturaga i Tevita+ kei ira kece na tamata era tiko ena koro qo, o ira na tacimuni era sega ni kau vakavesu vata kei kemuni, 17 ‘Qo na ka e kaya o Jiova ni lewe vuqa: “Au sa tala vei ira na iseleiwau, na dausiga, kei na matedewa,+ au na cakava mera vaka na lolo luca* e sega ni laukana rawa, ni sa rui ca.”’+

18 “‘Au na cicimuri ira ena iseleiwau,+ ena dausiga, kei na matedewa, au na soli ira mera domobulataka na veimatanitu kece e vuravura,+ mera cudruvi, mera kidroataki, mera kaluvi,+ mera vosavakacacataki tale ga ena veimatanitu kece au vakatalai ira kina,+ 19 nira sega ni muria na noqu vosa au tukuna vei ira niu talai ira yani na noqu dauveiqaravi na parofita’ e kaya o Jiova, ‘au talai ira wasoma.’*+

“‘Ia oni sega ni rogoca,’+ e kaya o Jiova.

20 “Ia moni rogoca na vosa i Jiova o kemuni kece na kau vakavesu, au vakatalai kemuni mai Jerusalemi i Papiloni. 21 Qo na ka e kaya o Jiova ni lewe vuqa, na Kalou ni Isireli me baleti Eapi na luvei Kolaia kei Setekaia na luvei Mesea erau parofisaitaka tiko vei kemuni na ka lasu ena yacaqu,+ ‘Au na soli rau e liga i Tui Nepukanesa* e Papiloni, ena vakamatei rau o koya e matamuni. 22 Na ka e yacovi rau era dau cavuta o ira kece na kau vakavesu mai Juta era tiko e Papiloni me iru: “Me cakava mada ga vei iko o Jiova na ka vata ga e yacovi Setekaia kei Eapi, e tavuni rau o tui Papiloni ena bukawaqa!” 23 ni vakamadua na nodrau ivalavala e Isireli,+ erau veibutakoci kei na watidra na wekadrau, erau tukuna tale ga na ka lasu ena yacaqu niu sega ni vakaroti rau kina.+

“‘“O yau ga au kila, au vakadinadinataka,”+ e kaya o Jiova.’”

24 “O na tukuna vei Semaia+ mai Nilamai, 25 ‘Qo na ka e kaya o Jiova ni lewe vuqa, na Kalou ni Isireli: “Ni o vakauta mai eso na ivola ena yacamu vei ira kece na lewenivanua era tiko e Jerusalemi, vei Sefanaia+ na luvei Mesea na bete, kei ira kece na bete, o kaya, 26 ‘E lesi iko o Jiova mo bete mo sosomitaki Jioiata na bete, mo iliuliu ena vale i Jiova mo lewa na lialia e viavia parofita, mo vesuka ena ivesu kau kei na kaukamea ni domo,+ 27 ia na cava o sega ni vosataki Jeremaia kina na turaga ni Anacoci+ e viavia parofita tiko vei kemuni?+ 28 Ni talatala mada ga yani vei keimami i Papiloni, e kaya: “Ena dede sara! Moni tara vale moni tawana. Moni teitei moni kania na vuana,—”’”’”+

29 Ni wilika o Sefanaia+ na bete na ivola qo ni vakarorogo tiko o Jeremaia na parofita, 30 e vosa vei Jeremaia o Jiova, e kaya: 31 “Mo talatala vei ira kece na kau vakavesu, mo kaya, ‘Qo na ka e kaya o Jiova me baleti Semaia mai Nilamai: “Ni parofisai vei kemuni o Semaia niu sega ni talai koya yani qai uqeti kemuni moni nuitaka na ka lasu,+ 32 qo gona na ka e kaya o Jiova, ‘Au na totogitaki Semaia mai Nilamai kei na nona kawa. Ena sega ni dua na nona kawa me bula vei ira na tamata qo, ena sega ni raica na ka vinaka au na vakayacora vei ira na noqu tamata,’ e kaya o Jiova, ‘ni uqeta na talaidredre vei Jiova.’”’”

30 Na vosa e tukuna o Jiova vei Jeremaia, e kaya: 2 “Qo na ka e tukuna o Jiova na Kalou ni Isireli, ‘Mo vola ena dua na ivola na vosa kece au tukuna vei iko. 3 “Raica! Sa voleka mai na gauna,” e kaya o Jiova, “au na kumuni ira kina na noqu tamata era kau vakavesu, o ira na Isireli kei ira na Juta,”+ e kaya o Jiova, “au na vakalesui ira ina vanua au solia vei ira na tukadra, era na taukena tale.”’”+

4 Qo na vosa e tukuna o Jiova vei ira na Isireli kei ira na Juta.

 5 Qo na ka e kaya o Jiova:

 6 Moni taroga mada se sa taratara e dua na tagane.

Na cava e vulaci kece kina na matadra?

 7 Oilei! Ni siga rerevaki* oya.+

Ia ena vakabulai mai kina o koya.”

8 “Ena siga oya,” e kaya o Jiova ni lewe vuqa,* “au na musuka na ivua mai domomu, au na drutia rua na kemu ivesu, era na sega tale ni vakabobulataki koya* na vulagi. 9 Era na qaravi Jiova na nodra Kalou kei Tevita na nodra tui, o koya au na vakatubura vei ira.”+

11 “Niu na tokoni iko,” e kaya o Jiova, “meu vakabulai iko.

12 Ni qo na ka e kaya o Jiova:

“E sega ni wali rawa na nomu ramusu.+

E sega ni mavo na nomu mavoa.

Sa sega na wai mo bula kina.

14 O ira na lomani iko vakalevu era guilecavi iko.+

Era sega ni qarai iko mai.

15 Na cava o tagicaka kina na nomu ramusu?

E sega ni malumu rawa na nomu vutu!

‘O Saioni, ni sega ni dua e qara.’”+

18 Qo na ka e kaya o Jiova:

19 Ena rogo mai kina na vakavinavinaka kei na domo ni dredre.+

Au na totogitaki ira kece na vakasaurarataki koya.+

Au na uqeti koya me lako voleka mai, ena torovi au.”

“Ia o cei mada e doudou* me torovi au mai?” e kaya o Jiova.

22 “Oni na noqu tamata,+ au na nomuni Kalou.”+

Ena veisiga mai muri oni na qai kila qo.+

31 “Ena gauna oya,” e kaya o Jiova, “au na qai nodra Kalou na vuvale kece ni Isireli, era na noqu tamata.”+

 2 Qo na ka e kaya o Jiova:

 3 E rairai mai vei au o Jiova ena vanua yawa, e kaya:

“Au lomani iko ena loloma e sega ni mudu.

Oya na vuna au tuberi iko mai kina vei au ena dei ni loloma.*+

 6 Ni na yaco mai na siga era na kacivaka kina na yadra ena veiulunivanua e Ifireimi:

‘Moni tucake, meda lako cake i Saioni vei Jiova na noda Kalou.’”+

 7 Ni qo na ka e kaya o Jiova:

“Moni kaila ena marau vei Jekope.

Moni kaila ena reki ni oni liu vei ira na veivanua.+

 8 Au vakasukai ira mai na vanua ena vualiku.+

Au na vakasoqoni ira mai na veivanua yawa e vuravura.+

Me vaka e dua na ivavakoso levu era na lesu mai ke.+

 9 Era na lako tagitagi mai.+

Au na tuberi ira nira kerea mera lomani.

Ni o yau ga na Tamadra na Isireli, o Ifireimi na noqu ulumatua.”+

“O koya e vakasavi Isireli ena kumuni koya mai.

Ena vakaraici koya me vaka na ivakatawa ni vakaraica na nona qelenisipi.+

15 “Qo na ka e kaya o Jiova:

‘E rogo e dua na domo mai Rama,+ na lele kei na qoqolou:

E tagicaki ira tiko na luvena o Raijeli.+

16 Qo na ka e kaya o Jiova:

‘Era na lesu mai na vanua ni meca.’+

17 ‘Sa tu na ka mo nuitaka ena nomu gauna mai muri,’+ e kaya o Jiova.

‘Nira na lesu na luvemu ina nodra vanua.’”+

20 “E sega ni noqu gonenitoko o Ifireimi, na gone au dau lomana?+

Niu vosataki koya vakalevu, au nanumi koya tiko ga.

Oya na vuna e yavala kina na lomaqu* ena vukuna.+

Au na lomani koya sara ga,” e kaya o Jiova.+

Mo nanuma vinaka na gaunisala levu, na sala mo muria.+

Mo lesu mai, o iko na goneyalewa ni Isireli, mo lesu ina nomu koro kece.

22 Me vakacava na dede ni nomu veigoleyaki, o iko na goneyalewa tawayalodina?

Ni bulia o Jiova e dua na ka vou e vuravura:

E dua na yalewa ena cicimuria vakavoleka e dua na tagane.”

23 Qo na ka e kaya o Jiova ni lewe vuqa,* na Kalou ni Isireli: “Era na tukuna tale na vosa qo ena vanua o Juta kei na kena koro niu soqoni ira tale mai na nona bobula: ‘Me vakalougatataki iko mada ga o Jiova, o iko na itikotiko ni yalododonu,+ na ulunivanua tabu.’+ 24 Era na tiko kina na Juta kei na kena koro kece, o ira na dauteitei kei ira na ivakatawa ni qelenisipi.+ 25 Niu na vakaukauataki koya e oca, au na vakacegui ira yadua na rarawa tu.”+

26 Au mani yadra, au dolava na mataqu, ia au marautaka na noqu moce.

27 “Raica! Sa voleka na gauna,” e kaya o Jiova, “au na kaburaka ena vuvale ni Isireli kei na vuvale ni Juta na kawa ni tamata kei na kawa ni manumanu.”+

28 “Me vaka niu vakaraici ira meu cavuta, meu basuka, meu vakacacana, meu vakarusa, meu vakararawataka,+ au na vakaraici ira tale ga meu tara meu tea,”+ e kaya o Jiova. 29 “Ena gauna oya era na sega ni tukuna tale, ‘Era kania na tama na vuanivaini wiwi, ia e wiwi* kina na batidra na luvedra.’+ 30 Era na dui mate ena nodra dui cala. Na tamata yadua e kania na vuanivaini wiwi ena wiwi ga kina na batina.”

31 “Raica! Sa voleka na siga,” e kaya o Jiova, “au na cakava e dua na veiyalayalati vou kei na vuvale ni Isireli kei na vuvale ni Juta.+ 32 Ena sega ni vaka na veiyalayalati au cakava kei ira na tukadra ena siga au taura kina na ligadra meu tuberi ira tani mai na vanua o Ijipita,+ ‘na noqu veiyalayalati era beca,+ ni o yau ga na nodra turaga dina,’* e kaya o Jiova.”

33 “Qo na veiyalayalati au na cakava kei na vuvale ni Isireli ni oti na gauna oya,” e kaya o Jiova. “Au na tugana na noqu lawa e lomadra,+ au na vola tale ga e yalodra.+ Au na qai nodra Kalou, era na noqu tamata.”+

34 “Era na sega tale ni vakavulica na dui wekadra kei na dui tacidra mera kaya, ‘Moni kilai Jiova!’+ nira na kilai au kece, me tekivu vei ira na tamata wale me yacovi ira na turaga,”+ e kaya o Jiova. “Niu na vosota na nodra cala, au na sega tale ni nanuma na nodra ivalavala ca.”+

37 Qo na ka e kaya o Jiova: “‘Ke vakarautaki rawa na lomalagi e cake, me dikevi rawa na yavu ni vuravura e ra, au na biuta tale ga na kawa taucoko ni Isireli ena vuku ni ka kece era vakayacora,’ e kaya o Jiova.”+

38 “Raica! Sa voleka mai na gauna,” e kaya o Jiova, “ena tara me nei Jiova na koro+ me tekivu mai na Valececere i Ananeli+ me yacova na Matamata ni Ucunikoro.+ 39 Ena lako vakadodonu na wa ni vakarau+ i dela i Karepi, ena gole vaka i Koa. 40 Ia na buca kece ni yago mate kei na dravusa,* na baba kece me yacova na Buca o Kitironi+ me yaco sara ina Matamata ni Ose+ donuya na tokalau, ena tabu me nei Jiova.+ Ena sega tale ni cavuraki se basu ena dua na gauna.”

32 E vosa vei Jeremaia o Jiova ena ikatini ni yabaki i Tui Setekaia e Juta, oya ena ika18 ni yabaki i Nepukanesa.*+ 2 Ena gauna oya era viribaiti Jerusalemi tiko na mataivalu nei tui Papiloni, ia e vesu tiko o Jeremaia na parofita ena Raranivale ni Yadra+ ena vale ni tui Juta. 3 Ni vesuki koya o Tui Setekaia e Juta,+ e kaya, “Na cava o parofisai kina va qo? O kaya, ‘Qo na ka e kaya o Jiova: “Au na solia na koro qo e liga i tui Papiloni, ena vakadruka o koya,+ 4 ena sega ni drovaki ira na Kalitia o Tui Setekaia e Juta, ni na soli dina e liga i tui Papiloni, erau na veivosaki ni rau veirai, ena raici koya na matana.”’+ 5 ‘Ena kauti Setekaia i Papiloni o koya, ena tiko e kea me yacova niu nanumi koya,’ e kaya o Jiova. ‘Oni na valuti ira tiko ga na Kalitia, ia oni na sega ni qaqa.’”+

6 E tukuna o Jeremaia: “E vosa vei au o Jiova, e kaya, 7 ‘Sa lako yani qori o Anameli na luvei Salumi na taci tamamu, ena kaya: “Mo volia na noqu tikiniqele e tiko e Anacoci+ me nomu, ni dodonu mo volia lesu ni o taravi au.”’”+

8 E mani lako mai vei au o Anameli na luvei taci tamaqu ina Raranivale ni Yadra me vaka na vosa i Jiova, e kaya vei au: “Yalovinaka, mo volia na noqu tikiniqele e tiko e Anacoci ena vanua o Penijamini, ni dodonu mo taukena mo volia lesu ni o taravi au. Mo volia me nomu.” Au kila sara ni qo na vosa i Jiova.

9 Au mani volia vei Anameli na luvei taci tamaqu na tikiniqele e tiko e Anacoci. Au vakarautaka sara vua na ilavo,+ e vitu na sikeli* kei na tini na tikinisiliva. 10 Au vola na ivolavakadinadina,+ au dregata, au kaciva eso na ivakadinadina,+ au vakarautaka tale ga na ilavo ena ivakarau ni bibi. 11 Au taura mai na ivolavakadinadina ni veivoli, na kena e dregati e tukuni ena ivakaro kei na lawa, kei na kena e sega ni dregati, 12 au solia sara na ivolavakadinadina ni veivoli vei Peruki+ na luvei Narai+ na luvei Mesea, e matai Anameli na luvei taci tamaqu, o ira na ivakadinadina era vola na yacadra ena ivolavakadinadina ni veivoli, kei na matadra kece na Jiu era tiko ena Raranivale ni Yadra.+

13 Au vakaroti Peruki sara nira rai tu, au kaya: 14 “Qo na ka e kaya o Jiova ni lewe vuqa,* na Kalou ni Isireli, ‘Mo kauta na ivola qo, na ivolavakadinadina ni veivoli qo, na kena e dregati kei na kena e sega ni dregati, mo biuta ena loma ni dua na saqa qele me maroroi vakadede kina.’ 15 Ni qo na ka e kaya o Jiova ni lewe vuqa, na Kalou ni Isireli, ‘Ena voli tale na vale, na qele, kei na loganivaini ena vanua qo.’”+

16 Au masu sara vei Jiova niu solia oti na ivolavakadinadina ni veivoli vei Peruki na luvei Narai, au kaya: 17 “Oilei, kemuni na Turaga Cecere Duadua Jiova! Raica! Oni bulia na lomalagi kei na vuravura ena nomuni kaukaua levu,+ kei na ligamuni e dodo tu. E sega ni dredre vei kemuni e dua na ka, 18 oni vakaraitaka na dei ni nomuni loloma vei ira na vica vata na udolu, ia oni sauma na cala nei tamadra vei* luvedra e taravi ira,+ o kemuni ga na Kalou dina, oni cecere, oni kaukaua, na yacamuni o Jiova ni lewe vuqa. 19 E uasivi na ka oni nakita, e kaukaua na nomuni cakacaka,+ e raica na matamuni na nodra ivalavala kece na tamata,+ moni sauma yadua na nodra ivalavala kei na vua ni ka era cakava.+ 20 Oni cakava na ivakatakilakila kei na cakamana ena vanua o Ijipita, e kilai me yacova mai na siga qo, me rogo kina na yacamuni e Isireli, vei ira tale ga na tamata+ me vaka ena siga qo. 21 Oni kauti ira tani na nomuni tamata na Isireli mai na vanua o Ijipita ena ivakatakilakila, ena cakamana, ena ligamuni kaukaua, ena ligamuni e dodo tu, kei na cakacaka rerevaki.+

22 “Oni qai solia vei ira na vanua qo oni a bubuluitaka moni solia vei ira na tukadra,+ na vanua e drodro kina na sucu kei na oni.+ 23 Era lako mai mera taukena, ia era sega ni rogoca na domomuni se muria na nomuni lawa. Era sega ni muria na ka kece oni vakaroti ira kina, oya na vuna oni kauta mai kina na ca kece qo vei ira.+ 24 Raica! Era lako mai na tamata mera viria na bainivalu mera valuta na koro,+ ena bale dina na koro e ligadra na Kalitia era valuta tiko, ena vuku ni iseleiwau,+ na dausiga, kei na matedewa,+ na ka kece oni tukuna sa yaco tiko me vaka oni raica ena gauna qo. 25 Ia oni tukuna vei au, kemuni na Turaga Cecere Duadua Jiova, ‘Mo volia na tikiniqele ena ilavo me nomu, mo kaciva eso na ivakadinadina,’ ia ena soli sara ga na koro e ligadra na Kalitia.”

26 E vosa vei Jeremaia o Jiova: 27 “O yau o Jiova na nodra Kalou na tamata kece. E dredre vei au e dua na ka? 28 Ia qo na ka e tukuna o Jiova, ‘Au na solia na koro qo vei ira na Kalitia kei na liga i Tui Nepukanesa* e Papiloni, ena vakadruka.+ 29 Era na lako mai na Kalitia era valuta tiko na koro qo mera vakama ena bukawaqa me kamayavu,+ kei na dela ni veivale era cabora kina na lewenivanua na isoro vei Peali ra qai livia kina na isoro livi vei ira na kalou tani mera vakacudrui au.’+

30 “‘Era vakayacora ga na ka ca e mataqu na Isireli kei ira na Juta mai na gauna era itabagone kina,+ era vakacudrui au tiko ga na Isireli ena cakacaka ni ligadra,’ e kaya o Jiova. 31 ‘Ni vakatubura na noqu rarawa kei na noqu cudru na koro qo me tekivu mai na siga era tara kina me yacova mai na siga qo,+ me kau tani kina e mataqu,+ 32 ena vuku ni nodra caka ca kece na Isireli kei na Juta mera vakacudrui au kina, o ira, na nodra tui,+ na nodra turaga,+ na nodra bete, na nodra parofita,+ o ira na lewe i Juta, kei ira na lewe i Jerusalemi. 33 Era vakanadakui au tiko ga, era sega ni vakanamata mai,+ ia au saga meu vakavulici ira wasoma,* e sega ni dua vei ira e rogoca na veivakavulici.+ 34 Era biuta na nodra matakau vakasisila ena vale e vakayacani ena yacaqu mera vakadukadukalitaka.+ 35 Era tara tale ga na vanua cecere vei Peali ena Buca ni Luvei Inomi*+ mera vakama kina na luvedra tagane kei na luvedra yalewa vei Moleke,+ na ka au sega ni vakaroti ira kina,+ e sega sara ga ni tubu e lomaqu* mera vakayacora na ka vakasevaki qo mera valavala ca kina na Juta.’

36 “Ia qo na ka e kaya o Jiova na Kalou ni Isireli me baleta na koro qo oni kaya tiko ena soli e liga i tui Papiloni ena iseleiwau, ena dausiga, kei na matedewa, 37 ‘Au na kumuni ira mai na vanua kece au vakasavi ira kina ena noqu cudru kei na noqu cudru levu kei na noqu cudru katakata,+ au na kauti ira lesu mai ina vanua qo mera tikovakacegu kina.+ 38 Era na noqu tamata, au na nodra Kalou.+ 39 Au na solia vei ira e dua na yalo+ kei na dua na sala, mera dokai au tiko ga mera vinaka kina, mera vinaka tale ga kina na luvedra e taravi ira.+ 40 Au na veiyalayalati kei ira ena dua na veiyalayalati e sega ni mudu,+ au na sega ni vakanadakui ira meu vakayacora vei ira na ka vinaka,+ au na tugana i lomadra mera dokai au, mera kua ni biuti au.+ 41 Au na rekitaki ira meu vakayacora vei ira na ka vinaka,+ au na tei ira mera tudei ena vanua qo+ ena lomaqu taucoko kei na noqu vinaka kece.’”*

42 “Qo na ka e kaya o Jiova, ‘Me vaka niu kauta mai vei ira na tamata qo na ca levu kece qo, au na solia tale ga vei ira na ka vinaka kece au yalataka vei ira.+ 43 Ena voli tale na qele ena vanua qo,+ ia oni kaya: “Sa lala, e sega kina na tamata kei na manumanu, sa soli vei ira na Kalitia.”’

44 “‘Ena voli na qele ena ilavo, ena volai na ivolavakadinadina ni veivoli, ena dregati, ena kacivi eso na kena ivakadinadina ena vanua o Penijamini,+ ena yasayasa e Jerusalemi, ena koro e Juta,+ ena koro ena veiulunivanua, ena koro ena vanua lolovira,+ kei na koro ena ceva, niu na vakalesui ira mai na nodra bobula,’+ e kaya o Jiova.”

33 E vosa vei Jeremaia o Jiova ena ikarua ni gauna ni vesu tiko ena Raranivale ni Yadra,+ e kaya: 2 “Qo na ka e kaya o Jiova o koya e bulia na vuravura, o Jiova e cakava qai vakataudeitaka, o Jiova na yacana, 3 ‘Mo masuti au, au na rogoci iko, au na tukuna totolo vei iko na ka lelevu kei na ka dredre o sega ni kila.’”+

4 “Ni qo na ka e kaya o Jiova na Kalou ni Isireli me baleta na vale ena koro qo kei na nodra vale na tui Juta e basuraki ena vuku ni viribai kei na iseleiwau,+ 5 me baleti ira na lako mera valuti ira na Kalitia, mera vakasinaita na vanua qo ena yagodra mate na tamata au vakamatea ena noqu cudru kei na noqu cudru levu, ena vuku ni nodra caka ca au vunia tale ga na mataqu mai na koro qo: 6 ‘Au na vakaukauataki koya me bulabula vinaka tale,+ au na vakabulai ira, au na vakaraitaka vei ira na vakacegu levu kei na dina.+ 7 Au na vakalesui ira mai na bobula ni Juta kei na bobula ni Isireli,+ au na vakavinakataki ira me vaka e liu.+ 8 Au na vakasavasavataki ira mai na nodra ivalavala ca kece era cala kina vei au,+ au na vosota tale ga na nodra ivalavala ca kece kei na nodra cala vei au.+ 9 Ena noqu kina na yacana marautaki, ena vakacaucautaki, ena vakalagilagi e matadra na veivanua kece e vuravura era na rogoca na ka vinaka kece au vakarautaka vei ira.+ Era na rere, era na sautaninini+ ena ka vinaka kece kei na vakacegu au vakarautaka vua.’”+

10 “Qo na ka e kaya o Jiova: ‘Oni na kaya ni lala na vanua qo, e sega kina na tamata se na manumanu, ena veikoro kece e Juta kei na gaunisala e Jerusalemi e lala, e sega kina na tamata se dua e tiko kina se manumanu, ena rogo tale 11 na domo ni reki kei na domo ni marau,+ na domo ni taganevou kei na domo ni yalewavou, na domodra era kaya: “Moni vakavinavinaka vei Jiova ni lewe vuqa* ni vinaka o Jiova,+ e sega ni mudu na dei ni nona loloma!”’+

“‘Era na kauta mai na isoro ni vakavinavinaka ina vale i Jiova,+ niu na vakalesui ira mai na lewenivanua era bobula me vaka ga e liu,’ e kaya o Jiova.”

12 “Qo na ka e kaya o Jiova ni lewe vuqa: ‘Na vanua lala qo e sega kina na tamata se na manumanu kei na kena koro kece ena veico tale me nodra na ivakatawa mera vakadavora kina na nodra qelenisipi.’+

13 “‘Ena koro ena veiulunivanua, ena koro ena vanua lolovira, ena koro ena ceva, ena vanua o Penijamini, ena yasayasa e Jerusalemi,+ kei na veikoro e Juta,+ ena lako tale na qelenisipi ena ruku ni liga i koya e wilika,’ e kaya o Jiova.”

14 “‘Raica! Sa voleka mai na gauna,’ e kaya o Jiova, ‘au na vakayacora na vosa ni yalayala vinaka au tukuna me baleta na vuvale ni Isireli kei na vuvale ni Juta.+ 15 Ena veisiga oya kei na gauna oya au na vakatubura e dua na sulina* yalododonu+ vei Tevita, ena vakataulewa dodonu qai cakadodonu ena vanua.+ 16 Ena vakabulai o Juta ena gauna oya,+ ena bula vakacegu tale ga o Jerusalemi.+ Qo na yaca ena vakatokai kina: O Jiova na Noda Yalododonu.’”+

17 “Ni qo na ka e kaya o Jiova: ‘Ena sega ni yali ena iyatukawa nei Tevita e dua na tagane me dabe ena idabedabe vakaturaga ena vuvale ni Isireli,+ 18 ena sega tale ga ni yali vei ira na bete era Livai na tagane me tu e mataqu me cabora na isoro kama taucoko, me vakama na isoro kakana, me vakacaboisoro.’”

19 E vosa tale vei Jeremaia o Jiova, e kaya: 20 “Qo na ka e kaya o Jiova, ‘Ke oni beca na noqu veiyalayalati me baleta na siga kei na noqu veiyalayalati me baleta na bogi, me kua ni basika na siga kei na bogi ena kena gauna,+ 21 ena beci kina na noqu veiyalayalati kei Tevita na noqu tamata+ me kua ni dua na luvena me veiliutaki vakatui ena nona idabedabe vakaturaga,+ kei na noqu veiyalayalati kei ira na noqu dauveiqaravi na Livai era bete.+ 22 Me vaka ga ni sega ni wili rawa na kalokalo ni lomalagi, se vakarautaki rawa na nuku ni wasawasa, au na vakalevutaka tale ga na kawa nei Tevita na noqu tamata kei ira na Livai era qaravi au tiko.’”

23 E vosa tale vei Jeremaia o Jiova, e kaya: 24 “O rogoca na ka era kaya tiko na tamata qo: ‘Ena biuta o Jiova na rua na vuvale e digia’? Era beci ira tiko ga na noqu tamata, era sega ni okati ira me dua na matanitu.

25 “Qo na ka e kaya o Jiova: ‘Me vaka ga niu vakataudeitaka na noqu veiyalayalati me baleta na siga kei na bogi,+ na lawa ni lomalagi kei na vuravura,+ 26 au na sega sara ni biuta na kawa nei Jekope kei Tevita na noqu tamata, meu kua ni digitaka e dua na nona kawa me lewai ira na kawa i Eparama, Aisake, kei Jekope. Niu na kumuni ira na nodra bobula,+ au na lomani ira.’”+

34 E vosa vei Jeremaia o Jiova ena gauna e valuti Jerusalemi tiko kina kei na kena koro kece+ o Tui Nepukanesa* e Papiloni, na nona mataivalu kece, na veimatanitu kece e vuravura e lewa, kei ira kece na lewe ni veivanua:

2 “Qo na ka e tukuna o Jiova na Kalou ni Isireli, ‘Mo lai tukuna vei Tui Setekaia+ e Juta, mo kaya vua: “Qo na ka e kaya o Jiova, ‘Au na solia na koro qo e liga i tui Papiloni, ena vakama ena bukawaqa.+ 3 O na sega ni dro mai ligana, o na vesu sara ga mo soli vua.+ O na raica na mata i tui Papiloni ni drau veiraimata, ena vosa vei iko o koya ni drau veirai, o na lako i Papiloni.’+ 4 Ia moni rogoca mada na vosa i Jiova, o kemuni Tui Setekaia e Juta, ‘Qo na ka e tukuna o Jiova me baleti kemuni: “O na sega ni mate ena iseleiwau. 5 O na mate ena vakacegu,+ era na cakava vei iko e dua na soqo ni vakamakama me vaka era cakava vei ira na nomu qase, na tui era liu vei iko, era na tagicaki iko, ‘Oilei na neimami turaga!’ niu ‘cavuta na vosa qori,’ e kaya o Jiova.”’”’”

6 E tukuna sara na vosa kece qori o Jeremaia na parofita vei Tui Setekaia e Juta mai Jerusalemi, 7 ni valuti Jerusalemi tiko na mataivalu nei tui Papiloni, kei na koro kece e vo e Juta,+ vaka kina o Lakisi+ kei Aseka,+ ni qori ga na vo ni koro vakabai e Juta.

8 Qo na vosa e tukuna o Jiova vei Jeremaia ni veiyalayalati oti o Tui Setekaia kei ira kece na tiko e Jerusalemi, me tukuna vei ira na veisereki+ 9 mera dui sereka na nodra bobula, na tagane kei na yalewa, me kua ni dua na nodra itokani Jiu me qaravi ira. 10 Era mani talairawarawa kece na turaga kei ira kece na lewenivanua. Era veiyalayalati mera dui sereka na nodra tagane kei na yalewa bobula, mera kua ni bobula tale. Era talairawarawa ra qai sereki ira. 11 Ia ni oti oya, era kauta tale mai na tagane kei na yalewa bobula era sereka, era vakacakacakataki ira tale mera bobula. 12 O koya gona e vosa o Jiova vei Jeremaia, e kaya o Jiova:

13 “Qo na ka e tukuna o Jiova na Kalou ni Isireli, ‘Au veiyalayalati kei ira na tukamuni+ ena siga au kauti ira tani kina mai na vanua o Ijipita, mai na vale ni veivakabobulataki,+ au kaya: 14 “Ni cava e vitu na yabaki moni dui sereka na tacimuni Iperiu e volitaki vei kemuni, e qaravi kemuni me ono na yabaki, moni sereki koya.”+ Ia era sega ni vakarorogo na tukamuni, se ra vakatudaliga vei au. 15 Oni saumaki sara qo* moni cakava na ka dodonu e mataqu moni tukuna na veisereki vei ira na nomuni itokani, oni veiyalayalati tale ga e mataqu ena vale e vakayacani vei au. 16 Ia oni veisau tale moni vakarogocataka na yacaqu+ ni oni kauti ira lesu mai na nomuni tagane kei na yalewa bobula oni sereka me vaka era vinakata, oni vakacakacakataki ira tale mera bobula.’

17 “O koya gona qo na ka e tukuna o Jiova: ‘Oni sega ni talairawarawa vei au moni tukuna yadua na veisereki vei ira na tacimuni kei ira na nomuni itokani.+ Au na tukuna na veisereki vei kemuni,’ e kaya o Jiova, ‘ena iseleiwau, na matedewa, kei na dausiga,+ au na cakava mera domobulataki kemuni na veimatanitu kece e vuravura.+ 18 Qo na ka ena yacovi ira na tamata era beca na noqu veiyalayalati nira sega ni muria na vosa ni veiyalayalati era cakava e mataqu, nira musuka rua na luvenibulumakau mera lako ena maliwa ni tikina,+ 19 o ira na turaga ni Juta, o ira na turaga ni Jerusalemi, o ira na vakailesilesi lelevu, o ira na bete kei ira kece na lewenivanua era lako ena maliwa ni tiki ni luvenibulumakau: 20 Au na soli ira vei ira na kedra meca kei ira na via vakamatei ira tiko,* ena kania na yagodra mate na manumanuvuka ni lomalagi kei na manumanu e vuravura.+ 21 Au na soli Tui Setekaia e Juta kei ira na nona turaga vakaitutu e ligadra na kedra meca, e ligadra na via vakamatei ira tiko,* kei na ligadra na mataivalu ni tui Papiloni+ era lako tani vei kemuni.’+

22 “‘Ia au na vakarota,’ e kaya o Jiova, ‘au na vakalesui ira mai ina koro qo, era na valuta, era na vakadruka ra qai vakama ena bukawaqa,+ au na vakalala na koro e Juta me kua ni dua e tiko kina.’”+

35 E vosa o Jiova vei Jeremaia ena gauna i Jioiakimi+ na luvei Josaia na tui Juta, e kaya: 2 “Mo lako ina nodra vuvale na luvei Rekapi+ mo vosa vei ira, mo kauti ira mai ina vale i Jiova ena dua na rumunikana,* mo solia vei ira na waini mera gunuva.”

3 Au mani kauti Jesanaia na luvei Jeremaia na luvei Epasinaia, o ira na tacina, o ira kece na luvena tagane, kei na nodra vuvale taucoko na luvei Rekapi 4 ina vale i Jiova. Au kauti ira ina nodra rumunikana na luvei Anani na luvei Ikitalaia, na tamata ni Kalou dina, e volekata na nodra rumunikana na turaga, e toka e cake e toka e ra na rumunikana nei Mesea na luvei Salumi na ivakatawa ni katuba. 5 Au biuta eso na bilo waini sinai kei na saqa e matadra na vuvale ni luvei Rekapi, au kaya vei ira: “Moni gunu waini.”

6 Ia era kaya: “Keimami na sega ni gunu waini ni vakaroti keimami o Jionatapi*+ na luvei Rekapi na tukai keimami, ‘Moni kua sara ni gunu waini, o kemuni se o ira na luvemuni. 7 Moni kua ni tara vale, moni kua ni kaburaka na sorenikau, moni kua ni tea se taukena na loganivaini. Ia moni tiko ga ena valelaca moni bula balavu kina ena vanua oni tiko vulagi kina.’ 8 Keimami na muria tiko ga na domo i Jionatapi na luvei Rekapi na tukai keimami ena ka kece e vakaroti keimami kina me keimami kua sara ni gunu waini, o keimami, na wati keimami, o ira na luvei keimami tagane kei ira na luvei keimami yalewa. 9 Keimami sega ni tara vale me keimami tiko kina, e sega tale ga na neimami loganivaini se were se sorenikau. 10 Keimami tiko ga ena valelaca, keimami muria na ka kece e vakaroti keimami kina o Jionatapi* na tukai keimami. 11 Ia ni lako cake mai o Tui Nepukanesa* e Papiloni me valuta na vanua,+ keimami kaya, ‘Mai, meda lako i Jerusalemi meda drovaka na nodra mataivalu na Kalitia kei na nodra mataivalu na Siria,’ ia qo keimami sa tiko e Jerusalemi.”

12 E qai vosa vei Jeremaia o Jiova, e kaya: 13 “Qo na ka e tukuna o Jiova ni lewe vuqa,* na Kalou ni Isireli, ‘Mo lai tukuna vei ira na lewe i Juta kei ira na lewe i Jerusalemi: “Vakacava, au dau vakadreti kemuni moni muria na noqu vosa?”+ e kaya o Jiova. 14 “E vakaroti ira na nona kawa o Jionatapi na luvei Rekapi mera kua ni gunu waini, era vakayacora na nona vosa nira sega ni gunu waini me yacova mai na siga qo mera muria na ivakaro nei tukadra.+ Ia au vosa wasoma* vei kemuni oni sega ni rogoci au.+ 15 Au talai ira tiko ga yani na noqu dauveiqaravi kece na parofita vei kemuni, au talai ira wasoma,*+ au kaya, ‘Yalovinaka, moni dui biuta na nomuni itovo ca,+ moni cakava na ka dodonu! Moni kua ni muria na kalou tani moni qarava. Oni na tiko ga kina ena vanua au solia vei kemuni kei ira na tukamuni.’+ Ia oni sega ni vakatudaliga se rogoci au. 16 Era muria na kawa nei Jionatapi na luvei Rekapi na ivakaro nei tukadra e vakaroti ira kina,+ ia o ira na tamata qo era sega ni vakarorogo vei au.”’”

17 “Qo na ka e kaya o Jiova na Kalou ni lewe vuqa, na Kalou ni Isireli: ‘Au na kauta mai na ca kece au tukuna ena yacovi Juta kei ira kece na lewe i Jerusalemi,+ niu a vosa vei ira, era sega ni rogoca, au kacivi ira tiko ga, ia era sega ni sauma mai.’”+

18 E kaya o Jeremaia ina nodra vuvale na luvei Rekapi: “Qo na ka e tukuna o Jiova ni lewe vuqa, na Kalou ni Isireli, ‘Ni oni talairawarawa ena ivakaro i Jionatapi na tukamuni, oni muria tiko ga na nona ivakaro kece, ni oni cakava na ka kece e vakaroti kemuni kina, 19 qo na ka e tukuna o Jiova ni lewe vuqa, na Kalou ni Isireli: “Ena sega ni mudu ena kawa i Jionatapi* na luvei Rekapi na tagane me qaravi au.”’”

36 Ena ikava ni yabaki i Jioiakimi+ na luvei Josaia na tui Juta, e tukuna vei Jeremaia o Jiova na vosa qo, e kaya: 2 “Mo taura e dua na ivolavivigi mo vola kina na vosa kece au tukuna vei iko me baleti ira na Isireli kei ira na Juta+ kei na veimatanitu kece,+ me tekivu mai na siga au vosa kina vei iko ena gauna i Josaia me yacova na siga qo.+ 3 De dua era na rogoca na vuvale ni Juta na ca kece au nakita meu cakava vei ira, era na biuta kina na nodra ivakarau ca, meu vosota na nodra cala kei na nodra ivalavala ca.”+

4 E qai kacivi Peruki+ na luvei Narai o Jeremaia, e tukuna vua o Jeremaia na vosa kece e kaya vua o Jiova, e vola sara o Peruki ena ivolavivigi.+ 5 E tukuna o Jeremaia vei Peruki: “Au vesu tu, au sega ni curu rawa ena vale i Jiova. 6 Ia o iko, mo curu i loma mo wilika vakadomoilevu na vosa i Jiova o vola ena ivolavivigi au a tukuna vei iko. Mo wilika mera rogoca kece na tiko ena vale i Jiova ena siga ni lolo, o na wilika gona vei ira kece na lewe i Juta era biuta mai na nodra koro. 7 De rogoca o Jiova na nodra vakamamasu mera lomani, era na dui biuta na nodra ivakarau ca, ni levu na cudru kei na cudru katakata e tukuna o Jiova me tau vei ira na tamata qo.”

8 E cakava sara o Peruki na luvei Narai na ka kece e vakaroti koya kina o Jeremaia na parofita, e wilika vakadomoilevu na vosa i Jiova mai na ivolavivigi* ena vale i Jiova.+

9 Ena ikalima ni yabaki i Jioiakimi+ na luvei Josaia na tui Juta, ena ikaciwa ni vula, era kacivaka na lolo ena mata i Jiova+ o ira kece na lewe i Jerusalemi kei ira kece na biuta mai na koro kece e Juta mera lako i Jerusalemi. 10 E mani wilika vakadomoilevu o Peruki mai na ivolavivigi* na ka e tukuna o Jeremaia ena vale i Jiova, ena rumu* nei Kimaraia+ na luvei Safani+ na vunivola,* ena raranivale e cake donuya na matamata vou ni vale i Jiova,+ nira vakarorogo tu na lewenivanua kece.

11 Ni rogoca o Maikaia na luvei Kimaraia na luvei Safani na vosa kece i Jiova ena ivolavivigi,* 12 e mani lako sobu ina valenitui ena nona rumu na vunivola. Era dabe kece tu kina na turaga:* o Ilisama+ na vunivola, o Tilaia na luvei Semaia, o Elinecani+ na luvei Akipori,+ o Kimaraia na luvei Safani, o Setekaia na luvei Enanaia, kei ira na vo ni turaga. 13 E vakasavuya sara vei ira o Maikaia na vosa kece e rogoca ni wilika vakadomoilevu o Peruki mai na ivolavivigi* nira vakarorogo tu na lewenivanua.

14 Era talatala vei Peruki o ira kece na turaga nira talai Jiutai na luvei Necanaia na luvei Selemaia na luvei Kusai, era kaya: “Mo lako mai mo kauta mai na ivolavivigi o wilika mera rogoca na lewenivanua.” E mani taura e ligana na ivolavivigi o Peruki na luvei Narai me lako vei ira. 15 Era kaya vua: “Mo dabe mada mo wilika vakadomoilevu vei keimami.” E wilika sara vei ira o Peruki.

16 Nira rogoca ga na vosa kece qori era veiraici ena rere, era kaya vei Peruki: “Keimami na tukuna sara ga vua na tui na vosa kece qo.” 17 Era tarogi Peruki: “Tukuna mada vei keimami, o vola vakacava na vosa kece qo. E tukuna o Jeremaia?” 18 E kaya vei ira o Peruki: “E tukuna vei au o koya na vosa kece qo, au qai vola ena iqi ena ivolavivigi* qo.” 19 Era kaya na turaga vei Peruki: “Mo lai vunitaki iko, o iko kei Jeremaia, me kua ni dua e kila na vanua drau tiko kina.”+

20 Era lako sara vua na tui ina raranivale, era maroroya na ivolavivigi ena rumunikana nei Ilisama na vunivola, era qai tukuna vua na tui na ka kece era rogoca.

21 E mani talai Jiutai na tui+ me kauta mai na ivolavivigi, e lai kauta sara mai ena rumunikana nei Ilisama na vunivola. E qai wilika o Jiutai me rogoca na tui kei ira kece na turaga era tu volekata na tui. 22 E dabe tiko na tui ena vale ni vulaililiwa ena ikaciwa ni vula* qai waqa tiko e matana na buka e matadravu. 23 Ni wilika oti ga o Jiutai e tolu se va na iyatu ni ivolavivigi, e kotiva na iyatu qori na tui ena isele nei vunivola qai biuta ina buka e waqa tiko e matadravu, me yacova ni biu taucoko na ivolavivigi ena buka e waqa tiko e matadravu. 24 Era sega ni rere, e sega ni dresulaka na nona isulu na tui se o ira kece na nona tamata era rogoca na vosa kece qo. 25 Eratou vakamasuta na tui o Elinecani,+ o Tilaia,+ kei Kimaraia+ me kua ni vakama na ivolavivigi, ia e sega ni rogoci ratou o koya. 26 E qai tukuna na tui vei Jiramieli na luvenitui, o Siraia na luvei Asirieli, kei Selemaia na luvei Apetieli me ratou vesuki Peruki na vunivola kei Jeremaia na parofita, ia e vunitaki rau tiko ga o Jiova.+

27 E vosa tale vei Jeremaia o Jiova ni vakama oti na tui na ivolavivigi e vola tu kina o Peruki na ka e tukuna o Jeremaia,+ e kaya: 28 “Mo taura tale e dua na ivolavivigi, mo vola kina na vosa kece e tu ena imatai ni ivolavivigi e vakama o Tui Jioiakimi e Juta.+ 29 Mo tukuna vei Tui Jioiakimi e Juta, ‘Qo na ka e kaya o Jiova: “O sa vakama na ivolavivigi qo, o kaya, ‘Na cava o vola kina: “Ena lako dina mai na tui Papiloni me vakarusa na vanua qo, ena vakalala me kua ni tiko kina na tamata kei na manumanu”?’+ 30 Ia qo na ka e tukuna o Jiova me baleti Tui Jioiakimi e Juta, ‘Ena sega ni dua na nona kawa me dabe ena idabedabe vakaturaga i Tevita,+ ena biu tale ga na yagona mate ena katakata ni siga kei na tegu cevata ni bogi.+ 31 Au na sauma vua, kei ira na nona kawa, kei ira na nona tamata na nodra cala, au na vakayacora vei ira kei ira na lewe i Jerusalemi, kei ira na lewe i Juta na ca kece au tukuna me baleti ira,+ ia era sega ni vakarorogo.’”’”+

32 E taura tale e dua na ivolavivigi o Jeremaia, e solia vei Peruki na luvei Narai na vunivola,+ me vola kina na ka kece e tukuna o Jeremaia e volai tu ena ivolavivigi* e vakama+ o Tui Jioiakimi e Juta. E volai tale kina e levu na vosa va qori.

37 E tekivu veiliutaki sara o Tui Setekaia+ na luvei Josaia me sosomitaki Konaia*+ na luvei Jioiakimi ni lesi koya o Tui Nepukanesa* e Papiloni me tui ena vanua o Juta.+ 2 Ia e sega ni rogoca o koya kei ira na nona dauveiqaravi kei ira na lewenivanua na vosa i Jiova e cavuta o Jeremaia na parofita.

3 E mani talatala o Tui Setekaia ni talai Jiukali+ na luvei Selemaia kei Sefanaia+ na luvei Mesea na bete vei Jeremaia na parofita, e kaya: “Yalovinaka, mo masulaki keda mada vei Jiova na noda Kalou.” 4 E veilakoyaki voli ga o Jeremaia vei ira na tamata, nira se sega ni biuti koya e valeniveivesu.+ 5 Ia e biuti Ijipita mai na mataivalu nei Fero,+ era rogoca na itukutuku qo na Kalitia era viribaiti Jerusalemi tiko. Era mani biubiu mai Jerusalemi.+ 6 E qai vosa o Jiova vei Jeremaia na parofita: 7 “Qo na ka e tukuna o Jiova na Kalou ni Isireli, ‘Qo na ka moni tukuna vei tui Juta, e talai kemuni mai moni tarogi au: “Raica! Na mataivalu i Fero e lako tiko yani me vukei kemuni ena suka tale ina nodra vanua e Ijipita.+ 8 Era na lesu yani na Kalitia mera valuta na koro qo mera vakadruka ra qai vakama ena bukawaqa.”+ 9 Qo na ka e tukuna o Jiova, “Moni kua ni vakacalai kemuni, moni kaya, ‘Era na lako tani sara ga vei keda na Kalitia,’ nira na sega ni lako tani. 10 Ke oni vakadruka mada ga na mataivalu taucoko ni Kalitia era valuti kemuni tiko me vo ga na nodra tamata era mavoa vakaca, era na duri ga mai na nodra valelaca mera vakama na koro qo ena bukawaqa.”’”+

11 Ni biubiu na mataivalu ni Kalitia mai Jerusalemi ena vukudra na mataivalu i Fero,+ 12 e biubiu sara mai Jerusalemi o Jeremaia me lako ina vanua o Penijamini+ me lai taura na nona ivotavota vei ira na kainona. 13 Ia ni yaco yani o koya ena Matamata i Penijamini, e vesuki Jeremaia na parofita na iliuliu ni yadra, na yacana o Irija na luvei Selemaia na luvei Enanaia, e kaya: “O sa to vei ira na Kalitia!” 14 E kaya o Jeremaia: “O lasu! Au sega ni to vei ira na Kalitia.” Ia e sega ni rogoci koya. E mani vesuki Jeremaia o Irija qai kauti koya vei ira na turaga. 15 Era cudruvi Jeremaia o ira na turaga,+ era mokuti koya, era vesuki koya*+ ena vale nei Jionacani na vunivola, e caka me valeniveivesu. 16 E biu o Jeremaia ina qara buto,* ena rumu ena lomaniqele qai tiko e kea me vica vata na siga.

17 E qai talatala o Tui Setekaia me lai kau mai, e vakatarogi koya lo na tui ena nona vale.*+ E taroga o koya, “E dua na ka e tukuna o Jiova?” E kaya o Jeremaia, “E vaka kina!” e tomana, “Oni na soli e liga i tui Papiloni!”+

18 E kaya tale ga o Jeremaia vei Tui Setekaia: “Na cava na noqu cala vei kemuni, kei ira na nomuni dauveiqaravi kei ira na tamata qo moni biuti au kina e valeniveivesu? 19 I vei ga o ira na nomuni parofita era parofisaitaka vei kemuni, ‘Ena sega ni mai valuti kemuni kei na vanua qo o tui Papiloni’?+ 20 Ia qo moni rogoca mada noqu turaga na tui. Moni vakadonuya mada na noqu kerekere. Moni kua ni vakasukai au ina vale nei Jionacani+ na vunivola, deu na mate e kea.”+ 21 E vakarota sara o Tui Setekaia mera biuti Jeremaia ena Raranivale ni Yadra,+ e soli vua ena veisiga e dua na ibuli madrai mokimokiti mai na nodra gaunisala na dauvavavi,+ me oti mada na madrai ena koro.+ E tiko ga o Jeremaia ena Raranivale ni Yadra.

38 E rogoca o Sefataia na luvei Matani, o Kitalaia na luvei Pasuri, o Jukali+ na luvei Selemaia, kei Pasuri+ na luvei Malikaia na vosa e tukuna o Jeremaia vei ira kece na lewenivanua, e kaya: 2 “Qo na ka e kaya o Jiova, ‘O koya ena tiko ga ena koro qo ena mate ena iseleiwau, ena viakana, kei na matedewa.+ Ia o koya e soro* vei ira na Kalitia ena bula tiko ga, ena nona itokinivalu* ga na nona bula, ena bula.’+ 3 Qo na ka e kaya o Jiova, ‘Ena soli dina na koro qo ina mataivalu nei tui Papiloni, ena vakadruka o koya.’”+

4 Era tukuna vua na tui o ira na turaga: “Yalovinaka, me vakamatei na tamata qo+ ni vakayalolailaitaki* ira na sotia era vo tiko ena koro qo kei ira na lewenivanua kece, ni tukuna vei ira na vosa qo. Ni sega ni saga na tamata qo mera tikovakacegu na lewenivanua qo, ia mera ca ga.” 5 E kaya o Tui Setekaia: “Raica! Sa tiko e ligamuni o koya, ni sega ni cakava rawa e dua na ka na tui me tarovi kemuni.”

6 Era mani kauti Jeremaia era biuti koya ena ikeliniwai nei Malikaia na luvenitui, e tiko ena Raranivale ni Yadra.+ Era tukuci Jeremaia sobu ena dali. Ia e sega na wai ena ikeli, na soso ga, e mani lobo ena soso o Jeremaia.

7 E rogoca o Epetimeleki+ na turaga ni Iciopea, e dua na vakailesilesi ni valenitui, nira sa biuti Jeremaia ena ikeliniwai. E dabe tiko na tui ena Matamata i Penijamini,+ 8 e mani biubiu mai na valenitui o Epetimeleki me vosa vua na tui, e kaya: 9 “Kemuni na noqu turaga na tui, e ca na ka era cakava na tamata qo vei Jeremaia na parofita! Era biuti koya ina ikeliniwai, ena mate e kea ena viakana ni sa oti na madrai ena koro.”+

10 E tukuna sara na tui vei Epetimeleki na turaga ni Iciopea: “Mo kauta eke e 30 na tamata, moni dreti Jeremaia na parofita cake mai na ikeliniwai ni bera ni mate.” 11 E mani kauti ira na tamata o Epetimeleki mera lako ina valenitui ena ruku ni valeniyau,+ era kauta mai kea eso na tikinisulu kadresu kei na tikinisulu madra, ra qai tukuca sobu ena dali ina ikeliniwai vei Jeremaia. 12 E kaya vei Jeremaia o Epetimeleki na turaga ni Iciopea: “Yalovinaka, mo biuta na tikinisulu madra kei na tikitikinisulu ena maliwa ni kirikiriwamu kei na dali.” E cakava sara o Jeremaia, 13 era yavi Jeremaia mai na ikeliniwai ena dali ra qai dreti koya tani mai na ikeliniwai. E tiko ga o Jeremaia ena Raranivale ni Yadra.+

14 E talatala o Tui Setekaia me kau yani vua o Jeremaia na parofita ena ikatolu ni katuba ena vale i Jiova, e kaya na tui vei Jeremaia: “Dua na ka au via taroga vei iko. Mo kua ni vunia vei au e dua na ka.” 15 E kaya sara o Jeremaia vei Setekaia: “Keu tukuna vei kemuni, oni na vakamatei au sara ga. Keu vakasalataki kemuni, oni na sega ga ni rogoci au.” 16 E mani bubului lo vei Jeremaia o Tui Setekaia, e kaya: “Ni bula dina tiko o Jiova, o koya e solia vei kedaru na bula qo, au na sega ni vakamatei iko, au na sega tale ga ni soli iko vei ira na via vakamatei iko tiko.”*

17 E qai kaya vei Setekaia o Jeremaia: “Qo na ka e tukuna o Jiova, na Kalou ni mataivalu vakalomalagi, na Kalou ni Isireli, ‘Ke o na soro* vei ira na turaga nei tui Papiloni, o na bula, ena sega ni vakamai na koro qo, o na bula kei ira na lewe ni nomu vuvale.+ 18 Ke o na sega ni soro* vei ira na turaga nei tui Papiloni, ena soli na koro qo vei ira na Kalitia, era na vakama ena bukawaqa,+ o na sega tale ga ni drovaka na ligadra.’”+

Era vakavuna me lobo na yavamuni ena lolobo.

Qo era sa gole tani vei kemuni.’

23 Ia na watimuni kece kei ira na luvemuni era solia vei ira na Kalitia, oni na sega ni drovaka na ligadra, ena vesuki kemuni na tui Papiloni,+ ena vukumuni ga ena kama kina na koro qo.”+

24 E qai kaya vei Jeremaia o Setekaia: “Mo kua ni tukuna vua e dua na ka qo, mo kua kina ni mate. 25 Ke ra rogoca na turaga niu vosa vei iko, era mani lako yani mera kaya vei iko, ‘Yalovinaka, mo tukuna mada vei keimami na ka o kaya vua na tui. Mo kua ni vunia vei keimami e dua na ka, keimami na sega ni vakamatei iko.+ Na cava e tukuna vei iko na tui?’ 26 mo tukuna vei ira, ‘Au vakamasuta tiko na tui me kua ni vakasukai au ina vale nei Jionacani deu mate kina.’”+

27 Oti era lako kece yani na turaga vei Jeremaia mera vakatarogi koya. E qai tukuna vei ira o koya na vosa kece e tukuna vua na tui. Era sega tale ni tukuna vua e dua na ka ni sega ni dua e rogoca na veivosaki qori. 28 E tiko ga o Jeremaia ena Raranivale ni Yadra+ me yacova na siga e kabai kina o Jerusalemi, e tiko ga e kea o koya ena gauna e kabai kina o Jerusalemi.+

39 Ena ikaciwa ni yabaki i Tui Setekaia e Juta, ena ikatini ni vula, e lako i Jerusalemi o Tui Nepukanesa* e Papiloni kei na nona mataivalu kece mera viribaita.+

2 Ena ika11 ni yabaki i Setekaia, ena ikava ni vula, ena ikaciwa ni siga ni vula, era botea na bai ni koro.+ 3 Era curu i loma na turaga nei tui Papiloni, era dabe ena Matamata e Loma,+ oya o Nakali-sarisa na Samikari, o Nipu-sasikimi na Rapisarisi,* o Nakali-sarisa na Rapimaki,* kei ira kece na vo ni turaga nei tui Papiloni.

4 Ni raici ira ga o Tui Setekaia e Juta kei ira kece na sotia, era dro,+ era biuta na koro ena bogi nira muria na sala ina nona basenikau na tui, ena matamata ena maliwa ni bai ruarua, era muria tiko ga na gaunisala ina Arapa.+ 5 Ia e cicimuri ira na nodra mataivalu na Kalitia, era toboki Setekaia ena buca dravuisiga mai Jeriko.+ Era vesuki koya ra qai kauti koya vei Tui Nepukanesa* e Papiloni mai Ripila+ ena vanua o Emaci,+ e lewai koya e kea. 6 E vakamatei ratou na luvei Setekaia o tui Papiloni e Ripila ni rai tu o koya, e vakamatei+ ira tale ga na turaga kece ni Juta. 7 E qai vakamatabokotaki Setekaia, oti e vesuki koya ena ivesu kopa me kauti koya i Papiloni.+

8 Era vakama na Kalitia na valenitui kei na nodra vale na lewenivanua,+ era basuka tale ga na bai e Jerusalemi.+ 9 Ia o Nipusaretani+ na iliuliu ni yadra e kauti ira vakavesu i Papiloni na tamata era vo tiko ena koro, o ira na dro mera to vua, kei ira na kena vo.

10 E biuta tu mai ena vanua o Juta o Nipusaretani na iliuliu ni yadra eso na lewenivanua era dravudravua sara, e sega vei ira na ka. E solia tale ga vei ira ena siga oya na loganivaini kei na were mera qarava.+

11 Ia e tukuna na ivakaro qo o Tui Nepukanesa* e Papiloni vei Nipusaretani na iliuliu ni yadra me baleti Jeremaia: 12 “Mo kauti koya mo vakaraici koya vinaka, mo kua ni cakava vua e dua na ka ca, mo cakava na ka ga e tukuna vei iko.”+

13 E mani talai o Nipusaretani na iliuliu ni yadra, o Nipusasipani na Rapisarisi,* o Nakali-sarisa na Rapimaki,* kei ira kece na vakailesilesi liu nei tui Papiloni, 14 mera kauti Jeremaia mai na Raranivale ni Yadra+ mera soli koya vei Kitalaia,+ na luvei Eikami,+ na luvei Safani,+ me kauti koya ina nona vale. E mani tiko vata kei ira na lewenivanua o koya.

15 Ni vesu tiko o Jeremaia ena Raranivale ni Yadra+ e vosa vua o Jiova, e kaya: 16 “Mo lai tukuna vei Epetimeleki+ na turaga ni Iciopea, ‘Qo na ka e kaya o Jiova ni lewe vuqa,* na Kalou ni Isireli: “Au na vakayacora na noqu vosa ina koro qo me ca, ena sega ni vinaka, o na raica ni yaco ena siga oya.”’

17 “‘Ia au na vakabulai iko ena siga oya,’ e kaya o Jiova, ‘o na sega ni soli vei ira na tamata o rerevaka.’

18 “‘Niu na vakarautaka na vanua mo dro kina, o na sega ni bale ena iseleiwau. Na nomu bula ga ena nomu itokinivalu*+ ni o vakararavi vei au,’+ e kaya o Jiova.”

40 E vosa vei Jeremaia o Jiova ni sereki koya oti mai Rama+ o Nipusaretani+ na iliuliu ni yadra. A kauti koya i kea ni vesu ena iqamuniliga ni maliwai ira kece na Juta kei ira e Jerusalemi era vesu mera kau i Papiloni. 2 E qai kauti Jeremaia na iliuliu ni yadra, e kaya vua: “Sa tukuna oti o Jiova na nomu Kalou me yaco na ka ca qo ina vanua qo, 3 e qai vakayacora dina o Jiova na ka e tukuna, ni oni valavala ca vei Jiova oni sega ni muria na nona vosa. Oya na vuna e yacovi kemuni kina na ka qo.+ 4 Ia au sereki iko nikua mai na iqamuniliga e vesu tu kina na ligamu. Ke o via lako vata kei au i Papiloni, me daru lako, au na raici iko vinaka. Ke o sega ni via lako vata kei au i Papiloni, kua ni lako. Raica! Sa tu e matamu na vanua taucoko. Mo lako ina vanua o vinakata.”+

5 Ni bera ni lesu o Jeremaia, e kaya vua o Nipusaretani: “Mo lesu vei Kitalaia+ na luvei Eikami+ na luvei Safani+ e lesia o tui Papiloni me lewa na koro kece e Juta, mo tiko vata kei koya kei ira na tamata, se mo lako ena vanua o vinakata.”

E solia sara vua na iliuliu ni yadra eso na kakana kei na iloloma qai tukuna me lako. 6 E mani lako o Jeremaia vei Kitalaia na luvei Eikami e Misipa,+ e tiko vata kei koya kei ira na tamata era vo ena vanua.

7 Era qai rogoca kece na iliuliu ni mataivalu era tiko ena vanua kei na nodra tamata, ni lesi Kitalaia na luvei Eikami o tui Papiloni me lewa na vanua, e lesi koya tale ga me lewai ira na tagane, na yalewa, kei ira na gone vei ira na dravudravua ena vanua era sega ni kau i Papiloni.+ 8 Era lako sara vei Kitalaia e Misipa.+ Qo o Isimeli+ na luvei Necanaia, o Joenani+ kei Jonacani o rau na luvei Karea, o Siraia na luvei Tanumeci, o ira na luvei Efei na kai Nitofa, o Jisanaia+ e dua na luvei Meaka, kei na nodra tamata. 9 E bubului vei ira kei na nodra tamata o Kitalaia na luvei Eikami na luvei Safani, e kaya: “Moni kua ni rere ni qaravi ira na Kalitia. Moni tiko ena vanua moni qarava na tui Papiloni, oni na vinaka kina.+ 10 O yau au na tiko ga e Misipa meu matataki kemuni vei ira* na Kalitia era lako mai vei keda. Ia o kemuni moni kumuna na waini, na vuata ni vulaikatakata, kei na waiwai, moni biuta ena nomuni saqa, moni tiko ga ena koro oni taura me nomuni.”+

11 O ira kece na Jiu era tiko e Moapi, e Amoni, kei Itomi, kei ira na tiko ena veivanua kece, era rogoca tale ga ni vakavoca eso o tui Papiloni mera tiko e Juta qai lesi Kitalaia na luvei Eikami na luvei Safani me lewai ira. 12 Era mani lesu na Jiu kece mai na veivanua era vakasavi kina, era lako yani ena vanua o Juta vei Kitalaia e Misipa. Era kumuna vakalevu na waini kei na vuata ni vulaikatakata.

13 Ia e lako yani vei Kitalaia e Misipa o Joenani na luvei Karea kei ira kece na iliuliu ni mataivalu era tiko ena vanua. 14 Era kaya vua: “O sega ni kila ni o Pealisi na nodra tui na Amoni+ e talai Isimeli mai na luvei Necanaia me vakamatei iko?”+ Ia e sega ni vakabauti ira o Kitalaia na luvei Eikami.

15 E kaya lo o Joenani na luvei Karea vei Kitalaia e Misipa: “Au via lako meu vakamatei Isimeli na luvei Necanaia, ena sega ni dua e kila. Na cava me vakamatei iko kina, na cava mera vakasavi kina o ira kece na Juta era soqoni mai vei iko, mera rusa tale ga na ivovo ni Juta?” 16 Ia e kaya o Kitalaia+ na luvei Eikami vei Joenani na luvei Karea: “Mo kua ni vakayacora qo, ni lasutaki na ka o tukuna me baleti Isimeli.”

41 Ena ikavitu ni vula e lako yani o Isimeli+ na luvei Necanaia na luvei Ilisama na kawa vakatui,* e dua vei ira na nona vakailesilesi liu na tui, kei na tini na tamata vei Kitalaia na luvei Eikami e Misipa.+ Nira kanavata tiko e Misipa 2 e qai tucake o Isimeli na luvei Necanaia kei na tini na tamata eratou tomani koya me ratou mokuti Kitalaia na luvei Eikami na luvei Safani ena iseleiwau. E mani vakamatei koya e lesia na tui Papiloni me lewa na vanua. 3 E mokuta tale ga o Isimeli na Jiu kece era tomani Kitalaia e Misipa, kei ira na sotia ni Kalitia era tiko e kea.

4 Ni oti e rua na siga nona vakamatei o Kitalaia, ni se sega ni dua e kila, 5 era lako mai e 80 na tamata mai Sikemi,+ mai Sailo,+ kei Samaria.+ E toro na kumidra, e dresudresulaki tu na nodra isulu, era tavatavalaki ira,+ ra qai taura tiko e ligadra na isoro kakana kei na drega boivinaka+ mera kauta ina vale i Jiova. 6 E mani biuti Misipa mai o Isimeli na luvei Necanaia me tavaki ira, e tagi ni lako tiko. Ni sotavi ira e kaya vei ira: “Meda lako vei Kitalaia na luvei Eikami.” 7 Ia nira yaco yani ena lomanikoro e vakamatei ira o Isimeli na luvei Necanaia kei ira na nona tamata qai biuti ira ena loma ni ikeliniwai.

8 Ia eratou kaya vei Isimeli na tini na tamata eratou maliwai ira tiko: “Mo kua ni vakamatei keitou ni vunitaki tu ena were na neitou witi, na varile, na waiwai, kei na denioni.” E mani sega ni vakamatei ratou kei na tacidratou o koya. 9 E biuta o Isimeli na yagodra na tamata e vakamatea ena dua na ikeliniwai levu e cakava o Tui Esa ena vuku i Tui Pasa e Isireli.+ Qo na ikeliniwai e vakasinaita kina o Isimeli na luvei Necanaia na yagodra na tamata e vakamatea.

10 E kauti ira vakavesu na vo ni lewe i Misipa+ o Isimeli, wili kina o ira na luvena yalewa na tui kei ira kece na vo e Misipa e lesia vei Kitalaia+ na luvei Eikami o Nipusaretani na iliuliu ni yadra me raici ira tiko. E kauti ira vakabobula o Isimeli na luvei Necanaia, e lako sara yani vei ira na Amoni.+

11 Ni rogoca o Joenani+ na luvei Karea kei ira kece na iliuliu ni mataivalu era tomani koya na ka ca kece e vakayacora o Isimeli na luvei Necanaia, 12 era kauti ira kece na tamata mera lai valuti Isimeli na luvei Necanaia, era raici koya ena bati ni wai levu* e Kipioni.

13 Era marau vakalevu na tamata kece era tiko vata kei Isimeli nira raici Joenani na luvei Karea kei ira kece na iliuliu ni mataivalu era tomani koya. 14 Era vuki sara mera lesu vei Joenani na luvei Karia na tamata kece e kauta vakabobula o Isimeli mai Misipa.+ 15 Ia e drovaki Joenani o Isimeli na luvei Necanaia kei na walu na tamata me ratou lako vei ira na Amoni.

16 O Joenani na luvei Karea kei ira kece na iliuliu ni mataivalu era tomani koya era kauti ira na vo ni lewe i Misipa era vakabula mai vei Isimeli na luvei Necanaia, ni vakamatei Kitalaia+ oti na luvei Eikami. Era kauta lesu mai Kipioni na tamata, o ira na sotia, na yalewa, na gone, kei ira na vakailesilesi lelevu. 17 Era mani vakaicili ena burenivulagi nei Kimami volekati Peceliema,+ nira lako tiko mera yaco yani i Ijipita,+ 18 ena vukudra na Kalitia. Era rerevaki ira ni vakamatei Kitalaia na luvei Eikami o Isimeli na luvei Necanaia, a lesia na tui Papiloni me lewa na vanua.+

42 Era toro yani na iliuliu kece ni mataivalu, kei Joenani+ na luvei Karea, o Jisanaia na luvei Osaia, kei ira kece na tamata, o ira na tamata wale kei ira na turaga, 2 era kaya vei Jeremaia na parofita: “Yalovinaka, mo rogoca mada na neimami kerekere, mo masulaki keimami vei Jiova na nomu Kalou ena vuku i keimami kece na vo tu qo, ni keimami le vica ga keimami sega ni lewe levu+ me vaka o raica. 3 Me tukuna mada ga vei keimami o Jiova na nomu Kalou na sala me keimami lakova kei na ka me keimami cakava.”

4 E kaya vei ira o Jeremaia na parofita. “Au sa rogoci kemuni, au na masuti Jiova na nomuni Kalou me vaka oni kerea, au na tukuna vei kemuni na vosa kece e tukuna mai vei kemuni o Jiova. Au na sega ni vunia vei kemuni e dua na vosa.”

5 Era kaya vei Jeremaia: “O Jiova ga me neimami ivakadinadina daudina qai yalodina ke keimami sega ni vakayacora na ka kece e tukuna vei iko o Jiova na nomu Kalou me baleti keimami. 6 E vinaka se ca, keimami na muria na vosa i Jiova na noda Kalou keimami talai iko vua me keimami vinaka kina, ni keimami muria na vosa i Jiova na noda Kalou.”

7 Oti e tini na siga e qai vosa vei Jeremaia o Jiova. 8 E mani kacivi Joenani na luvei Karea, o ira kece na iliuliu ni mataivalu era tomani koya, kei ira kece na tamata, o ira na tamata wale kei ira na turaga.+ 9 E kaya vei ira o koya: “Qo na ka e tukuna o Jiova na Kalou ni Isireli oni talai au vua, meu tauca vua na nomuni vakamamasu: 10 ‘Ke oni na tiko ga ena vanua qo, au na tarai kemuni au na sega ni basuki kemuni, au na tei kemuni au na sega ni cavuraki kemuni, niu na rarawataka na ka ca au vakayacora vei kemuni.+ 11 Moni kua ni rerevaka na tui Papiloni oni rerevaka tiko.’+

“‘Moni kua ni rerevaki koya,’ e kaya o Jiova, ‘niu tokoni kemuni meu vakabulai kemuni, meu taqomaki kemuni mai ligana. 12 Au na lomani kemuni,+ ena lomani kemuni tale ga o koya, ena vakasukai kemuni ina nomuni vanua.

13 “‘Ia ke oni kaya, “Sega, keimami na sega ni tiko ena vanua qo!” moni beca na vosa i Jiova na nomuni Kalou, 14 oni kaya, “Sega, keimami na lako ina vanua o Ijipita,+ keimami na sega ni raica kina na ivalu, se rogoca na domo ni davui,* se mate ena viakana madrai, oya ga na vanua keimami na tiko kina,” 15 moni rogoca mada na vosa i Jiova, o kemuni na ivovo ni Juta. Qo na ka e kaya o Jiova ni lewe vuqa* na Kalou ni Isireli: “Ke oni nakita moni lako dina i Ijipita, moni lako i kea moni tiko* kina, 16 ena qai toboki kemuni ena vanua o Ijipita na iseleiwau oni rerevaka tiko, ena muri kemuni i Ijipita na viakana oni rerevaka tiko, oni na mate e kea.+ 17 Ia o ira kece era nakita mera lako i Ijipita mera tiko kina era na mate ena iseleiwau, ena viakana, kei na matedewa. Ena sega ni dua e bula se drovaka na ca au na kauta yani vei ira.”’

18 “Ni qo na ka e kaya o Jiova ni lewe vuqa, na Kalou ni Isireli: ‘Me vaka ga niu sova na noqu cudru kei na noqu cudru levu vei ira na lewe i Jerusalemi,+ au na sova tale ga vei kemuni na noqu cudru levu ke oni lako i Ijipita, oni na vosavakacacataki, oni na domobulataki, oni na cudruvi, oni na beci,+ oni na sega ni raica tale na vanua qo.’

19 “Sa tukuna oti vei kemuni na ivovo ni Juta o Jiova. Moni kua ni lako i Ijipita. Moni kila vinaka tiko niu sa vakasalataki kemuni nikua 20 ni oni na mate ena nomuni cala. Oni talai au vei Jiova na nomuni Kalou, oni kaya, ‘Mo masulaki keimami vei Jiova na noda Kalou, mo tukuna vei keimami na ka ka kece e kaya na noda Kalou o Jiova, keimami na vakayacora.’+ 21 Au sa tukuna vei kemuni nikua, ia oni na sega ni muria na vosa i Jiova na nomuni Kalou se vakayacora na ka e talai au mai kina vei kemuni.+ 22 O koya gona, moni kila vinaka tiko ni oni na mate ena iseleiwau, ena viakana, kei na matedewa ena vanua oni vinakata moni lai tiko kina.”+

43 Ni tukuna oti o Jeremaia vei ira kece na tamata na vosa kece qo i Jiova na nodra Kalou, na vosa kece e talai koya kina o Jiova na nodra Kalou me tukuna vei ira, 2 e kaya vei Jeremaia o Asaraia na luvei Osaia, o Joenani+ na luvei Karea, kei ira kece na tamata viavialevu: “E lasu na ka o tukuna tiko! E sega ni talai iko mai o Jiova na noda Kalou, me kaya, ‘Moni kua ni lako i Ijipita moni tiko kina.’ 3 Ia o Peruki+ na luvei Narai e uqeti iko tiko mo tukuna vei keimami na ka qo me soli keimami e ligadra na Kalitia mera vakamatei keimami, se mera kauti keimami vakavesu i Papiloni.”+

4 E sega gona ni muria na vosa i Jiova o Joenani na luvei Karea, o ira kece na iliuliu ni mataivalu, kei ira kece na tamata mera tiko ga e Juta. 5 O Joenani na luvei Karea kei ira kece na iliuliu ni mataivalu era kauti ira kece na ivovo ni Juta era lesu mai na veivanua kece era vakasavi kina mera tiko ena vanua o Juta.+ 6 Era kauta na tagane, na yalewa, o ira na gone, o ira na luvena yalewa na tui, kei ira kece e biuta tu o Nipusaretani+ na iliuliu ni yadra vei Kitalaia+ na luvei Eikami+ na luvei Safani,+ erau wili kina o Jeremaia na parofita kei Peruki na luvei Narai. 7 Era lako yani ena vanua o Ijipita nira sega ni muria na vosa i Jiova, era yaco sara i Tapenesi.+

8 E qai vosa vei Jeremaia o Jiova e Tapenesi, e kaya: 9 “Mo taura e ligamu eso na vatu lelevu, mo vunia ena ibulu ena iyatu biriki ena icurucuru ni vale nei Fero e Tapenesi nira rai tu na Jiu. 10 Mo tukuna vei ira, ‘Qo na ka e kaya o Jiova ni lewe vuqa* na Kalou ni Isireli: “Au na talatala me lako mai o Nepukanesa* na tui Papiloni na noqu italai,+ au na biuta na nona idabedabe vakaturaga ena delanivatu qo au vunia, ena birika e cake na nona valelaca vakaturaga.+ 11 Ena lako yani me valuta na vanua o Ijipita.+ O koya e tauva na mate rerevaki ena mate ena mate rerevaki, o koya me kau vakabobula ena kau vakabobula, o koya me mate ena iseleiwau ena mate ena iseleiwau.+ 12 Au na vakama na nodra vale* na kalou ni Ijipita,+ ena vakamai ira o koya qai kauti ira vakabobula. Ena ologi koya ena vanua o Ijipita me vaka na nona ologi koya na ivakatawanisipi ena nona isulu, ena biubiu mai kea o koya ena vakacegu.* 13 Ena vorovorolaka na duru* e Pecisemesi* ena vanua o Ijipita, ena vakama tale ga na nodra vale* na kalou ni Ijipita.”’”

44 Na vosa e tukuni vei Jeremaia me baleti ira kece na Jiu era tiko ena vanua o Ijipita,+ o ira na tiko e Mikitoli,+ e Tapenesi,+ e Nofi,*+ kei na vanua o Pacirosi:+ 2 “Qo na ka e kaya o Jiova ni lewe vuqa,* na Kalou ni Isireli: ‘Oni sa raica na ca kece au kauta yani e Jerusalemi+ kei na koro kece e Juta, sa rusa tu nikua, e sega tale ga ni dua e tiko kina.+ 3 Ena vuku ni itovo ca era vakayacora mera vakacudrui au kina nira lai vakacaboisoro+ mera qarava na kalou tani era sega ni kila, o kemuni se o ira na tukamuni.+ 4 Au talai ira tiko ga yani vei kemuni na noqu dauveiqaravi kece na parofita, au talai ira wasoma* yani, au kaya: “Yalovinaka, moni kua ni cakava na itovo vakasevaki qo au cata.”+ 5 Ia era sega ni rogoca se vakatudaliga mera biuta na nodra itovo ca mera kua ni vakacaboisoro vei ira na kalou tani.+ 6 Au mani sova na noqu cudru levu kei na noqu rarawa qai waqa ena koro e Juta kei na gaunisala e Jerusalemi, e rusa kina qai lala tu me vaka nikua.’+

7 “Qo na ka e kaya o Jiova na Kalou ni lewe vuqa, na Kalou ni Isireli, ‘Na cava oni vakavuna kina me yacovi kemuni na leqa levu qo, ena mate kece kina na tagane kei na yalewa, na gone kei na gonedramidrami e Juta, me sega ni dua e vo vei kemuni? 8 Na cava oni vakacudrui au kina ena cakacaka ni ligamuni ni oni vakacaboisoro vei ira na kalou tani ena vanua o Ijipita, oni sa mai tiko kina? Oni na rusa, oni na cudruvi oni na beci ena veivanua kece e vuravura.+ 9 Oni sa guilecava na nodra caka ca na tukamuni, na nodra caka ca na tui Juta+ kei na caka ca nei watidra,+ kei na nomuni caka ca kei na caka ca nei watimuni+ oni vakayacora ena vanua o Juta kei na gaunisala e Jerusalemi? 10 Me yacova mai na siga qo era sega ni yalomalumalumu, era vakaraitaka nira sega ni doka,+ se muria na noqu lawa kei na noqu lewa au solia vei kemuni kei ira na tukamuni.’+

11 “O koya gona qo na ka e tukuna o Jiova ni lewe vuqa, na Kalou ni Isireli, ‘Au nakita meu kauta mai na ca vei kemuni, meu vakarusai ira kece na Juta. 12 Au na kauti ira na ivovo ni Juta era nakita mera lako ina vanua o Ijipita mera tiko kina, era na mate kece ena vanua o Ijipita.+ Era na bale ena iseleiwau, era na mate ena viakana, me tekivu vei ira na tamata wale me yacovi ira na turaga, era na mate ena iseleiwau kei na viakana. Era na vosavakacacataki, era na domobulataki, era na cudruvi, era na beci.+ 13 Au na totogitaki ira na tiko ena vanua o Ijipita me vaka na noqu totogitaki Jerusalemi ena iseleiwau, ena viakana, kei na matedewa.+ 14 O ira na ivovo ni Juta era lai tiko ena vanua o Ijipita era na sega ni dro se bula mera lesu ina vanua o Juta. Era na diva mera lesu mera tiko e kea, ia era na sega ni lesu, o ira ga na le vica era dro bula.’”

15 O ira kece na tagane era kila nira vakacaboisoro tiko na watidra vei ira na kalou tani, o ira kece na watidra era duri tu, e dua na ilala levu, kei ira kece na tiko ena vanua o Ijipita+ mai Pacirosi,+ era kaya vei Jeremaia: 16 “Keimami na sega ni rogoca na vosa o tukuna vei keimami ena yaca i Jiova. 17 Keimami na vakayacora ga na vosa kece e tukuna na gusu i keimami, me keimami vakacaboisoro vua na Ranadi ni Lomalagi,* me keimami livia tale ga vua na isoro livi+ me vaka keimami cakava, era cakava na tukai keimami, na neimami tui, kei ira na neimami turaga ena koro e Juta kei na gaunisala e Jerusalemi ni keimami mamau ena madrai, keimami vutuniyau, keimami sega sara ga ni raica na ka ca. 18 Ena gauna keimami sega ni vakacaboisoro kina vua na Ranadi ni Lomalagi* se livia vua na isoro livi, keimami dravudravua sara ga, keimami mate ena iseleiwau kei na viakana.”

19 Era kaya tale na yalewa: “Ni keimami vakacaboisoro vua na Ranadi ni Lomalagi* se livia vua na isoro livi, era vakadonuya na wati keimami me keimami bulia na isoro keke me vaka na kena ibulibuli, me keimami livia tale ga vua na isoro livi.”

20 E mani tukuna o Jeremaia vei ira kece na tamata, vei ira na tagane kei na watidra, kei ira kece na vosa vua: 21 “Na isoro oni cabora o kemuni, o ira na tukamuni, o ira na nomuni tui, na nomuni turaga, kei ira na lewenivanua ena koro e Juta kei na gaunisala e Jerusalemi,+ e nanuma vinaka tu o Jiova qai katona e lomana! 22 Ia e sega ni vosota rawa o Jiova na ca ni nomuni ivalavala kei na ka vakasevaki oni vakayacora, e vakarusai kina na nomuni vanua, e domobulataki qai cudruvi, e sega ni dua e tiko kina me vaka nikua.+ 23 Ena vuku ni nomuni vakacaboisoro, oni valavala ca kina vei Jiova ni oni sega ni rogoca na vosa i Jiova moni muria na nona lawa, na nona lewa kei na nona veivakadreti, oya na vuna e yacovi kemuni kina na ca qo me vaka ena siga qo.”+

24 E vosa tale o Jeremaia vei ira kece na tamata kei ira kece na yalewa: “Moni rogoca na vosa i Jiova o kemuni kece na Juta oni tiko ena vanua o Ijipita. 25 Qo na ka e kaya o Jiova ni lewe vuqa, na Kalou ni Isireli, ‘Na ka oni tukuna o kemuni kei na watimuni e gusumuni, oni vakayacora e ligamuni, oni kaya: “Keimami na vakayacora dina na neimami yalayala me keimami vakacaboisoro vua na Ranadi ni Lomalagi,* me keimami livia tale ga vua na isoro livi.”+ Oni na vakayacora dina na yalewa na nomuni yalayala, oni na cakava na ka oni yalataka.’

26 “Ia moni rogoca na vosa i Jiova o kemuni kece na Juta oni tiko ena vanua o Ijipita: ‘“Au bubului ena yacaqu lagilagi,” e kaya o Jiova, “ni na sega ni cavuta tale na yacaqu e dua na Juta+ ena vanua taucoko o Ijipita, me kaya, ‘Ni bula dina tiko na Turaga Cecere Duadua o Jiova!’+ 27 Au na raica tiko me yacovi ira na ca, mera kua ni vinaka,+ era na mate kece na Juta era tiko ena vanua o Ijipita ena iseleiwau kei na viakana mera oti vakadua.+ 28 E vica ga era na drovaka na iseleiwau, era na lesu mai na vanua o Ijipita mera lako i Juta.+ Era na qai kila o ira kece na ivovo ni Juta era lai tiko ena vanua o Ijipita na vosa i cei e dina, na noqu se na nodra!”’”

29 “‘Qo na kena ivakatakilakila vei kemuni,’ e kaya o Jiova, ‘niu na totogitaki kemuni ena vanua qo, moni kila ni na yaco dina na noqu vosa ni yalayala moni ca kina. 30 Qo na ka e kaya o Jiova: “Au na soli Fero Ofira, na tui Ijipita e ligadra na kena meca kei ira na via vakamatei koya,* me vaka na noqu soli Tui Setekaia e Juta e liga i Tui Nepukanesa* e Papiloni, na kena meca, o koya e via vakamatei koya tiko.”’”*+

45 Qo na vosa i Jeremaia na parofita vei Peruki+ na luvei Narai, ni vola oti ena dua na ivola na vosa e tukuna o Jeremaia+ ena ikava ni yabaki i Jioiakimi+ na luvei Josaia na tui Juta:

2 “Qo na ka e tukuna o Jiova na Kalou ni Isireli me baleti iko Peruki, 3 ‘O kaya: “Au sa kalouca ni kuria o Jiova na noqu rarawa ena ka mosimosi! Au sa oca ena vutugu, au sega ni raica e dua na vanua ni vakacegu.”’

4 “Mo tukuna vua, ‘Qo na ka e kaya o Jiova: “Raica! Na ka au tara au basuka, na ka au tea au cavuta, oya na vanua taucoko.+ 5 Ia o iko o qara* tiko ga na ka lelevu me nomu. Mo kua ni qara tiko na ka va qori.”’

“‘Niu na vakarau kauta mai na ca vei ira kece na tamata,’+ e kaya o Jiova, ‘au na solia na nomu bula me nomu itokinivalu* ena vanua kece o lako kina.’”+

46 Qo na vosa i Jiova vei Jeremaia na parofita me baleti ira na veivanua:+ 2 O Ijipita,+ me baleta na mataivalu nei Fero Niko+ na tui Ijipita e tiko ena bati ni Uciwai na Uferetisi qai vakadruka e Kakimisi o Tui Nepukanesa* e Papiloni, ena ikava ni yabaki i Jioiakimi+ na luvei Josaia na tui Juta:

 4 Moni vakarautaka na ose moni vodo, o kemuni na dauvodo ose.

Moni tuva, moni dara na nomuni isala.

Moni masia na nomuni moto, moni dara na nomuni isulunivalu.

 5 ‘Na cava au raica kina nira domobula?

Era suka, e vurumemea na nodra tamata qaqa.

Era dro ena taqaya, era sega ni raivuki na nodra tamata qaqa.

Era rere taucoko,’ e kaya o Jiova.

 6 ‘E sega ni dro rawa o koya e totolo, e sega tale ga ni bula na tamata qaqa.

Au na vakarusa na koro kei ira na tiko kina.’

 9 Moni lako cake na ose!

Moni veiciciyaki na qiqinivalu!

10 “Na siga oya e nona na Turaga Cecere Duadua o Jiova ni lewe vuqa,* na siga ni veisausaumi me cudruvi ira kina na kena meca. Ena kana na iseleiwau ena mamau, ena gunuva na nodra dra, ni vakarautaka na Turaga Cecere Duadua o Jiova ni lewe vuqa na nona isoro ena vanua mai na vualiku ena bati ni Uciwai na Uferetisi.+

13 Qo na vosa i Jiova vei Jeremaia na parofita me baleta na nona lako mai o Tui Nepukanesa* e Papiloni me valuta na vanua o Ijipita:+

14 “Moni tukuna e Ijipita, moni vakarogoya e Mikitoli.+

Moni vakarogoya e Nofi* kei Tapenesi.+

15 Na cava era kuitaki kina na nomu tamata kaukaua?

16 Era tarabe era lutu vakalewe levu.

Era veikayaka tiko:

Sa sivia o koya na kena gauna.’*+

22 ‘E rogo yani na domona me vaka na gata.

23 Era na musuka na nona veikau,’ e kaya o Jiova, ‘ke dredre mada ga ni lakovi.

Nira lewe levu sara mai na vodre, era sega ni wili rawa.

24 Ena vakamaduataki na goneyalewa ni Ijipita.

Ena soli yani vei ira na tamata mai na vualiku.’+

25 “E kaya o Jiova ni lewe vuqa na Kalou ni Isireli: ‘Au na totogitaki Emoni+ mai No,*+ o Fero, o Ijipita, o ira na nona kalou,+ kei ira na nona tui, io o Fero kei ira kece na vakararavi vua.’+

26 “‘Au na soli ira vei ira na via vakamatei ira tiko,* vei Tui Nepukanesa* e Papiloni+ kei ira na nona tamata. Ia ena tawa tale me vaka e liu,’ e kaya o Jiova.+

28 Mo kua ni rere Jekope na noqu dauveiqaravi,’ e kaya o Jiova, ‘niu tokoni iko.

47 Qo na vosa i Jiova vei Jeremaia na parofita me baleti ira na Filisitia+ ni bera ni valuti Kesa o Fero. 2 Qo na ka e kaya o Jiova:

“Raica! Sa lako mai na vualiku na wai.

Ena dua na dobui levu.

 5 Ena tasia* na uluna o Kesa.

E vagalui o Asikiloni.+

 6 Oilei! Na iseleiwau i Jiova!+

Ena vakacava na kena dede mo qai galu?

Mo lesu ina kemu itawatawa.

Mo vakacegu, mo galu.

48 Qo na ka e tukuna o Jiova ni lewe vuqa,* na Kalou ni Isireli me baleti Moapi:+

“E rarawa o Nipo+ ni vakarusai!

E vakamaduataki o Kiriaceimi,+ e ravuti.

E vakamaduataki na idrodro tudei,* e basuraki.+

 2 Era na sega ni vakacaucautaki Moapi tale.

Era nakita mai Esiponi+ mera vakamalumalumutaki koya:

‘Moni lako mai meda muduki koya me kua ni dua na matanitu.’

 4 Sa vakarusai o Moapi.

Era tagi na nona lalai.

 5 Ena icabecabe i Luici era tagi tiko ga nira cabe.

Ena isirosiro sobu mai Oroneimi, era rogoca na tagi ni rarawa ena vuku ni leqa levu.+

 6 Dro moni bula!

Moni vaka na vunijunipa ni vanua talasiga.

10 Me cudruvi o koya e vakawalena na ilesilesi e lesia o Jiova!

Me cudruvi o koya e tarova na nona iseleiwau me kua ni vakadavedra!

12 “‘Ia raica! sa roro mai na siga,’ e kaya o Jiova, ‘au na tala eso na tamata mera vukica. Era na vukica mera vakalala na nodra saqa, era na vorolaka vakamatailalai tale ga na nodra saqa lelevu. 13 Era na maduataki Kimosi na Moapi me vaka ga nira maduataki Peceli na vuvale ni Isireli, na nodra inuinui.+

14 Oni kaya vakacava: “Keimami tamata qaqa, keimami sa vakarau ina ivalu”?’+

Moni kaya, ‘Sa ramusu na kau kaukaua, na ititoko totoka!’

19 Mo tu e gaunisala mo vakararai, o iko na goneyalewa o tiko e Aroeri.+

Mo taroga na tagane kei na yalewa e dro tiko, ‘Na cava e yaco?’

20 Sa vakamaduataki o Moapi, e domobula.

Mo qolou, mo tagi.

Moni tukuna e Arinoni+ ni sa vakarusai o Moapi.

21 “Sa lewai na vanua tautauvata,*+ o Oloni, o Jeasa,+ o Mefeaci,+ 22 o Taiponi,+ o Nipo,+ o Pecitipilaceimi, 23 o Kiriaceimi,+ o Pecikamuli, o Pecimioni,+ 24 o Kirioci+ kei Posira, kei na koro kece ena vanua o Moapi, e yawa se voleka.

26 ‘Moni vakamatenitaki koya+ ni vakalevulevui koya vei Jiova.+

27 O dau dredrevaki Isireli?+

Ena sega ni dina.

32 Ena lailai na noqu tagicaki Jaseri,+

Au na tagicaki iko, na vunivaini ni Sipima.+

E teteva na wasawasa na tabamu vuavuaivinaka.

E yaco sara ina wasawasa e Jaseri.

Au tarova na drodro ni waini mai na ikeliniwaini.

Ena sega ni dua e butuka me kaikaila tiko.

Ena duatani na kaikaila qori.’”+

34 “‘E rogo tiko na kaila mai Esiponi+ me yaco i Elale.+

Ni na rusa na iyau e rawata o koya.

39 ‘E domobula o koya! Moni qolou!

Sa vakanadaku ena madua o Moapi!

40 “Ni qo na ka e kaya o Jiova:

‘Au na vakayacora vei Moapi na yabaki me cudruvi kina,’ e kaya o Jiova.

45 ‘Era lai tu vakadua ena iyaloyalo kei Esiponi o ira na dro tiko ni sega na nodra kaukaua.

46 ‘O sa kalouca Moapi!

Era sa rusa na tamata nei Kimosi.+

47 Ia au na soqoni ira mai na Moapi era kau vakabobula ena veisiga mai muri,’ e kaya o Jiova.

‘Sa cava eke na itukutuku ni lewa e tau vei Moapi.’”+

49 Qo na ka e kaya o Jiova vei ira na Amoni:+

“E sega na luvena tagane o Isireli?

Se dua na kena isosomi?

Na cava e taukeni Kata+ kina o Malikami?+

Na cava era lai tiko kina na nona tamata ena koro e Isireli?”

‘Ena qai taukeni ira na taukeni koya o Isireli,’+ e kaya o Jiova.

 3 ‘Mo qoqolou Esiponi ni sa vakarusai o Ai!

Moni tagi na tauni lalai e Rapa.

Moni vakaisulutaga.

 6 “‘Ia oti qori au na soqoni ira mai na Amoni era kau vakavesu,’ e kaya o Jiova.”

7 Ena vuku i Itomi, qo na ka e kaya o Jiova ni lewe vuqa:

“Sa oti na vuku e Temani?+

Sa oti na nodra ivakasala vinaka na yalomatua?

Sa madra na nodra vuku?

 8 Moni dro, moni lesu!

Moni lai tiko sobu ena tikina titobu, o kemuni na lewe i Titana!+

10 Ia au na vakaluvawaletaki Iso.

12 Qo na ka e kaya o Jiova: “Raica! Ke ra gunuva na bilo o ira na sega ni lewai mera gunuva, o nanuma ni o na sega ni totogitaki? O na totogitaki sara ga, ni o na gunuva dina.”+

13 “Au bubului ga vakataki au,” e kaya o Jiova, “ni na domobulataki o Posira,+ ena beci, ena vaqeavutaki, ena cudruvi, ena vakarusai vakadua na kena koro kece.”+

17 “Ena domobulataki o Itomi.+ Era na wadra kece ena domobula o ira na lakosiviti koya, era na vakalukalu ena vuku ni kena rarawa kece. 18 Me vaka na kena vakarusai o Sotoma kei Komora kei na kena tauni voleka,”+ e kaya o Jiova, “ena sega ni tiko kina e dua, ena sega tale ga ni dua na tamata me tiko kina.+

19 “Raica! Ena lako cake mai e dua ina vanua veico taqomaki me vaka na laione+ mai na veikauloa ena bati ni Joritani, ia ena sega ni dede au na cemuri koya mai kea. Au na lesi koya e digitaki me lewai koya. O cei e vakataki au, o cei ena bolei au? O cei na ivakatawa ena tu rawa e mataqu?+ 20 Ia moni rogoca na ka e vakatulewataka o Jiova me baleti Itomi kei na ka e nanuma me baleti ira na lewe i Temani:+

Era na yarataki dina na lalai sara ena qelenisipi.

Ena vakalala o koya na nodra itikotiko ena vukudra.+

21 Ena rorogo ni nodra bale, e sakure kina o vuravura.

E rogo na tagi!

E rogo yani na tagi ina Wasa Damudamu.+

23 Me baleti Tamasiko:+

Era waicala ena rere.

E domobula na wasawasa, e sega ni cegu rawa.

24 E yalolailai o Tamasiko.

E vuki me dro, ia e taqaya.

28 Qo na ka e kaya o Jiova me baleti Kitari+ kei na veimatanitu e Asori a valuta o Tui Nepukanesa* e Papiloni:

30 “Moni dro, moni lako vakayawa!

Moni lai tiko sobu ena tikina titobu, o kemuni na lewe i Asori,” e kaya o Jiova.

“E sega na kena katuba se ivakadei, era tiko ga vakataki ira.

34 Qo na vosa i Jiova vei Jeremaia na parofita me baleti Ilama+ ni tekivu lewa o Tui Setekaia+ e Juta: 35 “Qo na ka e kaya o Jiova ni lewe vuqa, ‘Au na musuka na dakaititi nei Ilama,+ na vu* ni nodra kaukaua. 36 Au na vakaliwava e Ilama na va na cagi mai na va na iyalayala ni lomalagi, au na vakasavi ira ina matanicagi kece qo. Era na lako kece ina veimatanitu na Ilama era vakasavi.’”

37 “Au na vakayalolailaitaki ira na Ilama e matadra na kedra meca kei na matadra na via vakamatei ira tiko,* au na kauta yani vei ira na ca, na noqu cudru waqawaqa,” e kaya o Jiova. “Au na tala yani na iseleiwau me muri ira meu vakarusai ira kece.”

38 “Au na vakadabera na noqu idabedabe vakaturaga e Ilama,+ au na vakarusa mai kea na tui kei ira na turaga,” e kaya o Jiova.

39 “Ia ena veisiga mai muri au na soqoni ira mai na Ilama era kau vakabobula,” e kaya o Jiova.

50 Na vosa e kaya o Jiova vei Jeremaia na parofita me baleti Papiloni,+ me baleta na nodra vanua na Kalitia:

 2 “Moni tukuna ina veivanua, moni vakarogoya.

Moni vakaduria e dua na kaunikuila, moni vakarogoya.

Moni kua ni vunia e dua na ka!

Moni kaya, ‘Sa ravuti o Papiloni.+

E vakamaduataki o Peli.+

E domobula o Merotaki.

E vakamaduataki na nona ivakatakarakara.

E domobula na nona matakau vakasisila.’*

 3 Ni lako mai na vualiku e dua na matanitu me valuti koya.+

E vukica na nona vanua me domobulataki.

E sega ni dua e tiko kina.

4 “Ena veisiga oya kei na gauna oya,” e kaya o Jiova, “era na lako vata mai na lewe i Isireli kei ira na lewe i Juta.+ Era na tagi nira lako tiko,+ era na qarai Jiova vata na nodra Kalou.+ 5 Era na taroga na sala i Saioni nira vakanamata kina,+ era kaya, ‘Meda lai veiyalayalati kei Jiova ena veiyalayalati tudei, ena sega ni guilecavi.’+ 6 O ira na noqu tamata e qelenisipi lako sese.+ E vakasesei ira na nodra ivakatawa.+ Era kauti ira yani ena veiulunivanua, era veilakoyaki mai na ulunivanua ina delana. Era guilecava na vanua mera vakacegu kina. 7 O ira kece na raici ira era tilomi ira,+ era kaya na kedra meca, ‘Keimami sega ni cala, nira valavala ca vei Jiova na itikotiko ni yalododonu kei na nodra inuinui na tukadra, o Jiova.’”

Na nodra gasau e vaka na nona gasau na tamata qaqa

10 O Kalitia ena itokinivalu.+

Era na mamau vakalevu o ira na kauta mai vua na itokinivalu,”+ e kaya o Jiova.

12 Sa vakamaduataki o tinamuni.+

E rarawa o koya e vakasucumi kemuni.

15 Moni kailavaka na ibolenivalu ena veiyasana.

Sa soro* o koya.

Moni saumi koya.

Moni cakava vua na ka e dau cakava.+

17 “O ira na Isireli na sipi lako sese.+ E vakasavi ira na laione.+ E tilomi ira e liu na tui Asiria,+ oti qai veibariyaka na suidra o Tui Nepukanesa* e Papiloni.+ 18 O koya gona qo na ka e tukuna o Jiova ni lewe vuqa,* na Kalou ni Isireli: ‘Au na totogitaka na tui Papiloni kei na nona vanua me vaka ga na noqu totogitaki tui Asiria.+ 19 Au na vakasukai Isireli ina nona vanua veico,+ ena kana co e Kameli kei Pasani,+ ena mamau o koya ena veiulunivanua e Ifireimi+ kei Kiliati.’”+

21 “Mo lako cake mo valuta na vanua o Mereceimi kei ira na lewe i Pekoti.+

Mo vakamatei ira mo vakawabokotaki ira vakadua,” e kaya o Jiova.

“Mo vakayacora na ka kece au vakaroti iko kina.

23 Sa musuki, sa ramusu na ituki e dau vorovoro e vuravura taucoko!+

Sa domobulataki o Papiloni ena veimatanitu!+

26 Moni lako yani vua o kemuni mai na vanua yawa sara.+

Ni dolava na nona lololo.+

Me kua ni dua e vo vua.

Moni keba wavokita, me kua ni dua e dro bula.

Moni sauma vua me vaka na nona cakacaka.+

Moni cakava vua na ka e dau cakava.+

33 Qo na ka e kaya o Jiova ni lewe vuqa:

Era sega ni via sereki ira.+

34 Ia e kaukaua o koya e voli ira lesu.+

O Jiova ni lewe vuqa na yacana.+

36 Ena vakarusai ira na dauveivosaki tawayaga* e dua na iseleiwau, era na sesewa kina.

Ena vakarusai ira na nona tamata qaqa e dua na iseleiwau, era na domobula kina.+

Ena vakarusa na nona iyau e dua na iseleiwau, era na kovei.+

38 Ena vakacacani na mena wai, ena maca.+

40 “Me vaka ga ni vakarusai Sotoma kei Komora na Kalou,+ kei na kedrau tauni voleka,”+ e kaya o Jiova, “ena sega ni dua e tiko kina, ena sega ni dua na tamata e tawana.+

42 Era taura na dakaititi kei na moto.*+

Era yaloca era na sega ni loloma.+

Me vaka e dua na tamata, era tuva mera valuti iko na goneyalewa ni Papiloni.+

44 “Raica! Ena lako cake mai e dua ina vanua veico taqomaki me vaka na laione mai na veikauloa ena bati ni Joritani, ia ena sega ni dede au na cemuri ira mai kea. Au na lesi koya e digitaki me lewai koya.+ O cei e vakataki au, o cei ena bolei au? O cei na ivakatawa ena tu rawa e mataqu?+ 45 Ia moni rogoca na ka e vakatulewataka o Jiova me baleti Papiloni,+ kei na ka e nanuma me baleta na nodra vanua na Kalitia.

Era na yarataki dina na lalai sara ena qelenisipi.

Ena vakalala o koya na nodra itikotiko ena vukudra.+

51 Qo na ka e kaya o Jiova:

 3 Me kua ni loveca* na nona dakaititi na dauvanavana.

Me kua ni dua e tucake ni vakaisulunivalu tu.

Moni kua ni lomana na nona cauravou.+

Moni vakarusai ira kece na nona mataivalu.

 5 Ni sega ni biuti Isireli kei Juta me rau yada, na nodra Kalou o Jiova ni lewe vuqa.*+

Ia e sinai ena nodra vanua* na cala, mai na nona rai na Yalosavasava ni Isireli.

Moni kua ni mate ena nona cakacala.

Ni qo na gauna me veisausaumi kina o Jiova.

E sauma vua na ka e dau cakava.+

 8 E vakasauri na bale nei Papiloni, e ramusu.+

Moni qolouvaki koya!+

Moni kauta mai na waiwai boivinaka me vakaotia na nona mosi, de bula kina.”

 9 “Eda via vakabulai Papiloni ia e sega ni bula rawa.

Meda biuti koya tu, meda dui lako ina noda vanua.+

10 E lewai keda vakadodonu o Jiova.+

Meda lai tukuna i Saioni na cakacaka i Jiova na noda Kalou.”+

11 “Moni vagatara na gasau,+ moni taura na isasabai mokimokiti.*

Qo na veisausaumi nei Jiova, na veisausaumi ni nona valenisoro.

12 Moni vakaduria e dua na kaunikuila+ ena bai e Papiloni.

Moni vakalevutaki ira na yadra, moni lesi ira na yadra.

Moni vakarautaki ira na lai toka vuni.

17 Era sesewa na tamata kece, era sega ni kila e dua na ka.

18 E ka lasu,*+ e caka me vakalialiai.

Ni yaco mai na siga mera tarogi kina, era na rusa.

O Jiova ni lewe vuqa na yacana.”+

Au na vakarusai ira na veimatanitu niu vakayagataki iko.

21 Au na vorolaka na ose kei na dauvodo ose niu vakayagataki iko.

Au vorolaka na qiqinivalu kei koya e vodoka niu vakayagataki iko.

22 Au na vorolaka na tagane kei na yalewa niu vakayagataki iko.

27 “Moni vakaduria ena vanua e dua na kaunikuila.+

Moni uvuca na davui* ena veivanua.

Moni lesia na veivanua mera valuti koya.

Moni kacivi ratou mai na matanitu o Ararata,+ o Mini kei Asikenasi+ me ratou valuti koya.

Moni lesia e dua na kena turaganivalu.

Moni talai ira cake na ose me vaka na qelenivodre dramidrami.

30 Era sega ni vala na tamata qaqa nei Papiloni.

Era tiko ga ena nodra koro kaukaua.

Sa oti na nodra kaukaua.+

Era vaka na yalewa.+

E vakamai na nodra vale.

E musuki na kena ivakadei.+

33 Ni qo na ka e kaya o Jiova ni lewe vuqa na Kalou ni Isireli:

“Na goneyalewa ni Papiloni e vaka na rara ni butu covuata.

Sa kena gauna me buturaki kina o koya.

Sa voleka sara na gauna me tamusuki kina o koya.”

E vakalalai au me vaka na saqa lala.

E vui au tani o koya.

36 Ia qo na ka e kaya o Jiova:

Au na vakadiva na nona wasawasa, au na vakamacara na nona toevu.+

38 Era na tagi vata kece me vaka na laione gone.*

Era na kudru me vaka na luvenilaione.”

Sa vuki o Papiloni mera domobulataka na veivanua!

42 E luvuci Papiloni na waitui.

Sa dromuci ena levu ni kena biau.

43 Sa vuki na nona koro me domobulataki, me vanua talasiga kei na vanua dravuisiga.

Na vanua ena sega ni tiko kina e dua, ena sega ni lakova na tamata.+

Era na sega ni drodro tale vua na veivanua,

Ena bale na bai kei Papiloni.+

45 Moni lako tani vua, o kemuni na noqu tamata!+

Moni dro moni bula+ mai na cudru waqawaqa i Jiova!+

46 Moni kua ni yalolailai se rerevaka na itukutuku ena rogovaki ena vanua.

50 O kemuni na drovaka na iseleiwau moni toso tiko ga, moni kua ni tu vakadua!+

51 “Eda vakamaduataki nida rogoca na veivakalialiai.

Ena rogo na voqa ni domodra.

Ena sauma dina o koya.+

58 Qo na ka e kaya o Jiova ni lewe vuqa:

59 Qo na vosa e vakarota o Jeremaia na parofita vei Siraia na luvei Narai+ na luvei Mesea ni tomani Tui Setekaia e Juta me rau lako i Papiloni ena ikava ni yabaki ni nona lewa, o Siraia e lewa na valenimoce. 60 E vola o Jeremaia ena dua na ivola na ka ca kece ena yacovi Papiloni, na vosa kece qo e volai me tau vei Papiloni. 61 E kaya tale vei Siraia o Jeremaia: “Ni o yaco i Papiloni mo raica, mo wilika sara vakadomoilevu na vosa kece qo. 62 Mo kaya, ‘Kemuni Jiova, o kemuni ga oni vosataka na vanua qo me vakarusai me kua ni dua e tiko kina, na tamata se manumanu, me lala vakadua.’+ 63 Ni o wilika oti ga na ivola qo, mo vesuka kina e dua na vatu qai viritaka ena loma ni Uferetisi. 64 Mo kaya, ‘Ena lutudromu va qo o Papiloni, ena sega ni vude tale+ ena vuku ni ka rarawa au na vakayacora vua, era na oca ga.’”+

Sa qai oti na vosa i Jeremaia.

52 E tui o Setekaia+ ni sa yabaki 21, e veiliutaki e Jerusalemi me 11 na yabaki. Na yaca i tinana o Emutali+ na luvei Jeremaia mai Lipina. 2 E vakayacora tiko ga na ka ca ena mata i Jiova me vaka ga na ka kece e cakava o Jioiakimi.+ 3 Qori na vuna e cudruvi Jerusalemi kina kei Juta o Jiova, me biuti ira tani mai matana.+ E talaidredre o Setekaia vei tui Papiloni.+ 4 Ena ikaciwa ni yabaki ni lewa i Setekaia, ena ikatini ni vula ena ikatini ni siga ni vula, e lako mai o Tui Nepukanesa* e Papiloni kei na nona mataivalu kece me valuti Jerusalemi. Era lai keba volekata ra qai tara wavokita e dua na bainivalu.+ 5 E viribaiti na koro me yacova na ika11 ni yabaki nei Tui Setekaia.

6 Ena ikava ni vula ena ikaciwa ni siga ni vula,+ e tatara vakaca na viakana ena koro, e sega na kedra kakana na lewenivanua.+ 7 E qai botei na bai ni koro, era mani biuta na koro na sotia kece mera dro nira muria na matamata ena maliwa ni bai ruarua volekata na nona basenikau na tui, nira wavokita tu na koro na Kalitia, era muria na sala e gole ina Arapa.+ 8 Era cicimuria na tui na mataivalu ni Kalitia ra qai toboki Setekaia+ ena buca dravuisiga e Jeriko, era veiseyaki kece mai yasana na nona mataivalu. 9 Era vesuka sara na tui ra qai kauta cake vei tui Papiloni e Ripila ena vanua o Emaci me lewai koya. 10 E vakamatei ratou na luvei Setekaia o tui Papiloni ni rai tu o koya, e vakamatei ira tale ga na turaga kece ni Juta e Ripila. 11 E qai leuta tani na mata i Setekaia o tui Papiloni,+ e vesuki koya ena ivesu kopa me kauta i Papiloni, e biuti koya e valeniveivesu me yacova na siga e mate kina.

12 Ena ikalima ni vula ena ikatini ni siga ni vula, oya ena ika19 ni yabaki i Tui Nepukanesa* e Papiloni, e lako yani i Jerusalemi+ o Nipusaretani na iliuliu ni yadra, na dauveiqaravi nei tui Papiloni. 13 E vakama na vale i Jiova,+ na nona vale na tui kei na vale kece e Jerusalemi, e vakama tale ga na vale lelevu kece. 14 Era basuka na bai taucoko e voliti Jerusalemi na mataivalu taucoko ni Kalitia era salavata yani kei na iliuliu ni yadra.+

15 E kauta vakavesu o Nipusaretani na iliuliu ni yadra eso vei ira na vakaloloma tu kei ira na vo ena koro. E kauti ira tale ga na vuki mera to vei tui Papiloni kei ira na vo ni matai ena cakacaka.+ 16 Ia e biuta tu mai o Nipusaretani na iliuliu ni yadra eso na lewenivanua dravudravua mera samaki vaini, mera cakacaka vakaukaua.+

17 Era vorolaka vakamatailalai na Kalitia na duru kopa+ e tu ena vale i Jiova, na qiqi+ kei na Wasawasa kopa+ e tu ena vale i Jiova, ra qai kauta na kopa kece i Papiloni.+ 18 Era kauta tale ga na sedre, na isivi, na ikotinivauvau ni cina, na boulu,+ na bilo,+ kei na iyaya kopa kece e dau vakayagataki ena valenisoro. 19 E kauta na iliuliu ni yadra na beseni,+ na itawatawa ni qilaiso waqa, na boulu, na sedre, na itutu ni cina,+ na bilo, kei na boulu koula dina kei na kena e siliva dina.+ 20 Na duru ruarua, na Wasawasa, na 12 na bulumakau tagane kopa+ e toka e ruku ni Wasawasa kei na qiqi e cakava o Tui Solomoni me baleta na vale i Jiova, e sega ni kilai na bibi ni kopa ni iyaya kece qori.

21 Ia na duru, e 18 na kiupiti* na cere ni dua na duru, e rawa ni wavokita na tolona na wa e 12 na kiupiti,+ na kena vavaku e va na iqaqalo,* e vakalomana. 22 E kopa na iukuuku e toka e muana, na cere ni dua na iukuuku e lima na kiupiti,+ e kopa taucoko na lawalawa kei na pomekaraneti e wavokita na iukuuku. E va tale ga qori na ikarua ni duru, kei na pomekaraneti. 23 E 96 na pomekaraneti e tuva e yasana, e 100 taucoko na pomekaraneti e wavokita na lawalawa.+

24 Na iliuliu ni yadra e kauti Siraia+ tale ga na iliuliu ni bete, o Sefanaia+ na ikarua ni bete, kei na tolu na ivakatawa ni katuba.+ 25 E kauta mai na koro e dua na vakailesilesi e lewai ira na sotia, e vitu na tamata nuitaki ni tui eratou tiko ena koro, kei na vunivola ni turaganivalu, o koya e dau soqoni ira vakaivalu na lewenivanua, kei na 60 na tamata vei ira na lewenivanua e laurai ena koro. 26 E tauri ira o Nipusaretani na iliuliu ni yadra, e kauti ira yani vei tui Papiloni e Ripila. 27 E mokuti ira o tui Papiloni qai vakamatei ira e Ripila+ ena vanua o Emaci. E mani kau vakavesu o Juta mai na nona vanua.+

28 Qo o ira e kauta vakavesu o Nepukanesa:* ena ikavitu ni yabaki era le 3,023 na Jiu.+

29 Ena ika18 ni yabaki nei Nepukanesa,*+ era le 832 na tamata era kau mai Jerusalemi.

30 Ena ika23 ni yabaki nei Nepukanesa* e kauti ira vakavesu na Jiu o Nipusaretani na iliuliu ni yadra, era le 745 na tamata.+

Era le 4,600 taucoko era kau vakavesu.

31 Ena ika37 ni yabaki ni nona kau vakavesu o Tui Jioakini+ e Juta, ena ika12 ni vula ena ika25 ni siga ni vula, e qai sereki Tui Jioakini e Juta mai valeniveivesu o Tui Ivili-mirotaki e Papiloni ena yabaki e tui kina.+ 32 E vosa vakayalovinaka vua qai vakatikora na nona idabedabe vakaturaga me sivia na nodra idabedabe vakaturaga na tui era tiko vata kei koya e Papiloni. 33 E luvata sara na nona isulu ni valeniveivesu o Jioakini, e kana tiko ga e matana ena gauna kece ni nona bula. 34 E solia e veisiga na tui Papiloni na kena ivotavota kakana ena gauna kece ni nona bula me yacova na siga e mate kina.