TARO 10
Na cava e yalataka na iVolatabu me baleta na veisiga se bera mai?
“O ira na yalododonu era na taukena na vuravura, era na qai bula tawamudu kina.”
“Na vuravura ena tu ga me tawamudu.”
“Ena tiloma vakadua o koya na mate, ena qusia na Turaga Cecere Duadua o Jiova na wainimata mai na matadra kece.”
“Ena gauna oya ena rai na matadra na mataboko, ena rogo na daligadra na didivara. Ena gauna oya ena ladelade na lokiloki me vaka na dia, ena kaila ena marau na yamena na galu. Ena vure mai na wai ena vanua talasiga, kei na uciwai ena buca dravuisiga.”
Ena qusia tani tale ga na wainimata kece mai na matadra, sa na sega tale na mate, na lolosi, na tagiyaso, kei na mosi. Sa oti na veika e dau yaco e liu.”
“Era na tara vale era na tiko kina, era na tea na loganivaini era na kania na vuana. Era na sega ni tara vale qai duatani e tawana, era na sega ni tea qai duatani e kania. Na nodra gauna na noqu tamata ena vaka na dede ni dua na vunikau, era na marautaka vakalevu na cakacaka ni ligadra o ira au digitaka.”