“Au Tagi Niu Wilika”
● Qori na ka a vola e dua na marama ni Illinois, Merika, ena nona wilika na ivola Na Tamata Rogo Duadua a Bau Bula. A vakamacalataka ena nona ivola a vola vei ira na tabaka na ivola qori: “Au nuitaka, e noqu qaqanimasu tale ga ni levu tale era na marautaka na ka era wilika me baleti Jisu me vaka ga na noqu marautaka na ka au wilika.”
Na ivola na Tamata Rogo e talanoataki kina na bula i Jisu, qori e yavutaki ena nodratou ivola uqeti vakalou o Maciu, Marika, Luke kei Joni. Erau yapositolo o Maciu kei Joni, erau dau lako vata kei Jisu. O Marika erau veitokani voleka kei Pita, e dua na yapositolo i Jisu. O Luke e vuniwai qai dau lako vata kei na yapositolo o Paula.
Na ivola qo e levu na kena iyaloyalo. Ke o gadreva me dua na nomu ilavelave, vakalewena na fomu ni kerekere e toka e ra, qai vakauta mai ena itikotiko veiganiti e tiko ena tabana e 5 ni mekesini qo.
□ Au kerea me dua na noqu ivola e tabaki toka qo.
□ Au kerea me dua e mai vakavulici au wale e vale ena iVolatabu.