Ra Sega ni Duavata na iTubutubu ena Nona Veivakaduiduitaki e Dua na Qasenivuli

E dua na qasenivuli ni paraimari mai Cassano Murge, e Itali, a veisoliyaka e so na tikinipepa vei ira na nona gonevuli mera kauta i vale. Na tikinipepa oqo mera vakabiri ena matanikatuba, e volai tu kina na vosa oqo: “Keimami lotu Katolika. Oni sa kerei na iVakadinadina i Jiova mo ni kakua ni mai tukituki ena katuba oqo.”

E so vei ira na itubutubu ni gonevuli, dina nira sega ni iVakadinadina i Jiova, era sega sara ga ni duavata kei na ka e cakava na qasenivuli oya. E vakaraitaka na ivolatukutuku na Muoviti Muoviti, nira kaya na itubutubu, ‘na soli ni itukutuku vaka oqo vei ira na gone ena vakavuna mera cata e dua e sega ni duavata kei ira na nodra nanuma, se mera kua ni wilika e dua me nodra itokani, baleta ni “duatani” na nona lotu.’ E dua vei ira na itubutubu a volavola ina Muoviti Muoviti, qai vakatoka na tikinipepa oya me “sorenisila ca, e luve ni lecaika kei na lialia.”

Me vaka e vakaraitaka na itukutuku oqo, e vuqa na tamata yalomatua era vakila ni rerevaki na kena kaburaki na sore ni veivakaduiduitaki. Era rokova tale ga na nodra cakacaka vakaitalatala vakarisito na iVakadinadina i Jiova e Itali kei na vuravura taucoko. Vakaevei mo ni tarogi ira na iVakadinadina me baleta ‘na inuinui sa tu vei ira’? Era na marautaka mera vakamacalataka vei kemuni “ena vakarokoroko.”​—1 Pita 3:​15, VV.