Watchtower LAIBRI ENA INTERNET
Watchtower
LAIBRI ENA INTERNET
vakaViti
  • IVOLATABU
  • IVOLA
  • SOQONI
  • w04 9/1 t. 32
  • Na iWali ni Yalolailai

Sega na kena vidio.

Vosota, sega ni laurai rawa na vidio.

  • Na iWali ni Yalolailai
  • Na Vale ni Vakatawa Kacivaka na Matanitu i Jiova—2004
Na Vale ni Vakatawa Kacivaka na Matanitu i Jiova—2004
w04 9/1 t. 32

Na iWali ni Yalolailai

O DAU yalolailai? E levu e dau yacovi ira na yalolailai baleta nida bula tu ena itabagauna veilecayaki qai levu kina na leqa. E so era yalolailai nira sega ni cakacaka. So tale era rere se taqataqaya ena revurevu ni vakacalaka era sotava. E tiko e so tale era sotava na bula leqaleqa vakavuvale, na tauvimate bibi kei na galili.

O na kere veivuke vei cei ke o yalolailai? E vuravura raraba sa ra vakacegui tiko e vica na milioni ena nodra wilika na Vosa ni Kalou, na iVolatabu. Era nuidei ena veivosa e cavuta na yapositolo o Paula, ni kaya: “Me vakavinavinakataki na Kalou, o koya na Tama ni noda Turaga ko Jisu Karisito, a Tama ni loloma, kei na Kalou ni veivakacegui kecega; o koya sa vakacegui keitou e na neitou rarawa kecega.” (2 Korinica 1:​3, 4) Vakacava mo wilika oqo kei na so tale na tikina ena nomu iVolatabu? Nomu cakava oqo ena ‘vakaceguya na lomamu qai vakataudeitaka’ tale ga.​​—⁠2 Cesalonaika 2:​17, VV.

Ena veivuke tale ga na nomu veimaliwai kei ira na qaravi Jiova. Na Vosa Vakaibalebale 12:25 e kaya: “Sa bibi na loma ni tamata sa vakacuva: ia na vosa vinaka sa vakamarautaka.” Eda rogoca na “vosa vinaka” nida tiko ena soqoni vakarisito, e “kamikamica ki na yalo, ka sa bula kina na sui.” (Vosa Vakaibalebale 16:24) Vakacava mo tiko mada ena dua na soqoni ena nodra Kingdom Hall na iVakadinadina i Jiova mo vakadinata kina ni soqoni vaka oqo e veivakayaloqaqataki?

Ena yaga tale ga na nomu dau masu. Kevaka o nuiqawaqawataka na bula, o rawa ni talaucaka na lomamu vei koya e “daurogoca na masu.” (Same 65:⁠2) E kilai keda vinaka na Dauveibuli o Jiova. E kila tale ga na keda ituvaki. Eda rawa ni nuitaka na nona veivuke. Ena nona Vosa e yalataka: “Mo biuta vei Jiova na nomui colacola bibi, ena tokoni iko ko koya: ena sega ni laivi ira na yalododonu me ra vakayavalataki e na dua na gauna.” (Same 55:22) Io, o “ira era sa waraki Jiova era na vakaukauwataki tale.”​​—⁠Aisea 40:​31.

Sa vakarautaka na Kalou o Jiova na veika kece e veiganiti meda walia kina na yalolailai. Ena vinaka mo vakayagataka.

    iVola vakaViti (1982-2026)
    Sogota
    Dolava
    • vakaViti
    • Vakauta
    • Digia
    • Copyright © 2025 Watch Tower Bible and Tract Society of Pennsylvania
    • iVakavakayagataki
    • Kemu iTukutuku
    • Privacy Settings
    • JW.ORG
    • Dolava
    Vakauta