Watchtower LAIBRI ENA INTERNET
Watchtower
LAIBRI ENA INTERNET
vakaViti
  • IVOLATABU
  • IVOLA
  • SOQONI
  • w08 10/15 t. 16
  • “Qo Dina na Yaca Savasava Qai Lagilagi ni Kalou”

Sega na kena vidio.

Vosota, sega ni laurai rawa na vidio.

  • “Qo Dina na Yaca Savasava Qai Lagilagi ni Kalou”
  • Na Vale ni Vakatawa Kacivaka na Matanitu i Jiova—2008
Na Vale ni Vakatawa Kacivaka na Matanitu i Jiova—2008
w08 10/15 t. 16

“Qo Dina na Yaca Savasava Qai Lagilagi ni Kalou”

A cavuta na veivosa qori o Nicholas mai Cusa ena nona ivunau ena yabaki 1430.a E levu na ka e taleitaka me dau vulica. Kena ivakaraitaki, a vulica na vosa vaKirisi, vakaIperiu, filosofi, cioloji, na fika, kei na veika me baleta na maliwalala. A doketa ni lawa ni lotu Katolika vakaRoma ni se qai yabaki 22. A qai lesi me bete ni lotu Katolika ena 1448.

Voleka na 550 na yabaki sa oti, a tauyavutaka o Nicholas mai Cusa e dua na vale mera qaravi kina na itabaqase e Kues, ena gauna qo sa kilai tiko me Bernkastel-Kues. Na taoni qo e toka ena 130 na kilomita ena ceva kei Bonn, e dua na siti e Jamani. Ia ena gauna qo sa vakayagataki tale tiko ga na vale qo me laibri nei Cusa, era tiko kina e sivia e 310 na ivolavivigi. Dua vei ira na ivola qori na Codex Cusanus 220, e tiko kina na ivunau i Cusa mai na 1430. Ena ivunau qori, na In principio erat verbum (Ena iVakatekivu sa Bula ko Koya na Vosa), a vakayagataka kina o Nicholas mai Cusa na vosa vakaLatina ni Iehoua me o Jiova.b E tiko ena tabana e 56 na itukutuku me baleta na yaca ni Kalou: “E soli vaKalou. E kilai me matuavosa vakaIperiu na Tetragrammaton, se na yaca e va na kena matanivola. . . . Qo dina na yaca savasava qai lagilagi ni Kalou.” Na nona ivakamacala e tokona sara ga na itukutuku ni a volai taumada ena iVolatabu vakaIperiu na yaca ni Kalou.​—Lako 6:3.

Na codex e dua na ivola makawa duadua e se volai sara ena ika15 ni senitiuri, e volai tiko kina na vosa “Iehoua” ena matuavosa vakaIperiu. Na ivakadinadina qo e vakadeitaka na kena sa dau vakayagataki tu mai na yaca ni Kalou me vica vata na senitiuri, se na kena vakayagataki e so tale na ivolavolai ni yaca ni Kalou e tautauvata kei na “Jiova.”

[iVakamacala e ra]

a E vica na yaca qo e kilai kina o Nicholas mai Cusa​—o Nikolaus Cryfts (Krebs), Nicolaus Cusanus, vaka kina me o Nikolaus von Kues. E kilai ena yaca o Kues ni oqori na yaca ni taoni mai Jamani a sucu kina.

b E tokona na Le Tolu Vakalou na ivunau ya.

[iYaloyalo ena tabana e 16]

Na laibri i Cusa

    iVola vakaViti (1982-2026)
    Sogota
    Dolava
    • vakaViti
    • Vakauta
    • Digia
    • Copyright © 2025 Watch Tower Bible and Tract Society of Pennsylvania
    • iVakavakayagataki
    • Kemu iTukutuku
    • Privacy Settings
    • JW.ORG
    • Dolava
    Vakauta