Na Cava mo Dikeva Tale Kina Nomu Lotu?

Kaya mada ke o tauvimate bibi qai vinakati mo sele. E bibi mo nuitaki vuniwai ni vakatau kina nomu bula. Vakacava e ka vakayalomatua mo vaqaqa na dede ni gauna a veiqaravi tu kina vakavuniwai?

E dodonu tale ga meda dikeva vinaka na lotu eda lewena. Ni na vakatau kina na noda veiwekani voleka kei na Kalou kei na noda rawata na bula.

E vakaraitaka vei keda o Jisu na ivakavuvuli meda kila kina ke dina se sega na lotu eda lewena. E tukuna: “Ena kilai na kau yadua ena dui vuadra.” (Luke 6:44) Kena ivakaraitaki, ni o dikeva e dua na matalotu, na cava e vuataka? Vakacava o ira na iliuliu ni lotu, era vakabibitaka ga na ilavo? Era muria vinaka na lewena na ivakavuvuli vakaivolatabu me baleta na ivalu kei na itovo savasava? Vakacava e tiko e dua na lotu e rawa ni nuitaki? Dikeva mada na ulutaga veitaravi qo.