Railesuvi ni Koronivuli ni Vuli iTalatala Liutaki Vakalou

Na railesuvi ni veivakamacala mai na Koronivuli ni Vuli iTalatala Liutaki Vakalou ena macawa ni 4 Sepiteba ina 18 Tiseba, 2000. Vakayagataka e dua na drauniveva mo vola kina na isaunitaro kece o rawa ni sauma ena loma ni gauna yalataki.

[Nanuma matua: Ena gauna ni railesuvi, me vakayagataki ga na iVolatabu me saumi kina na taro. Era volai na idusidusi kece mera vukei iko ena nomu vakadidike ga vakataki iko. Era na rairai sega ni volai na taqana kei na naba ni parakaravu ena idusidusi mai Na Vale ni Vakatawa.]

Sauma na taro oqo ena Dina se Lasu:

1. A tarovi Apisai o Tevita me kua ni vakamatei Semeai baleta ni kila o Tevita ni dina na ka e beitaki koya tiko kina o Semeai. (2 Sam. 16:5-13) [Wili iVolatabu vakamacawa; raica w-FN 5/1/99 tq. 32 par. 3.]

2. Na lewaeloma e savasava qai vakavulici vinaka, ena sega wale ga nida veiwekani vinaka kina kei na Kalou, ena rawa tale ga kina na bula. (Iper. 10:22; 1 Pita 1:15, 16) [w-FN 9/1/98 tq. 4 par. 4]

3. Na itukutuku ena 1 Tui e sega ni yaga ina dua na lotu Vakarisito baleta ni a 2 ga na tui mai vei ira na le 14 era a veiliutaki e Isireli kei Juta, rau a cakava na ka e dodonu ena mata i Jiova ni sa mate oti o Solomoni. [si tq. 64 par. 1]

4. Na Duanaudolu na Yabaki ni Veiliutaki i Jisu e rawa ni vakatauvatani kei na 40 na yabaki ni veiliutaki i Solomoni e sautu qai vuavuaivinaka. (1 Tui 4:24, 25, 29) [Wili iVolatabu vakamacawa; raica w-E 6/1/90 tq. 6 par. 5.]

5. Na nona bulu vakavinaka o Apaija e ivakadinadina matata ni a dua o koya e dau sokalou yalodina i Jiova, o koya duadua ga mai na vuvale i Jeropoami. (1 Tui 14:10, 13) [Wili iVolatabu vakamacawa; raica w-FN 4/1/95 tq. 12 par. 11.]

6. Na nona papitaiso e dua e vakaraitaka ni sa dua o koya na dauveiqaravi matua i Jiova. [w-FN 10/1/98 tq. 28 par. 2]

7. A solia vei Ilaija na yaloqaqa o Jiova, na yaloqaqa e uasivita na yaloqaqa vakatamata qai taqomaki koya mai na rere. (1 Tui 18:17, 18, 21, 40, 46) [Wili iVolatabu vakamacawa; raica w-FN 1/1/98 tq. 31 par. 2.]

8. E sega wale ga ni rogo na valenisoro i Solomoni ena kena lagilagi kei na iyau totoka e ukutaki kina, ia e vakatakarakarataka na lagilagi levu cake sara ni valenisoro vakayalo i Jiova. [si tq. 69 par. 26]

9. Na nodra mataboko na mataivalu ni Siria ena vosa i Ilaisa e sega nira mataboko dina, ia e vakasesei ga nodra vakasama mera kua ni kilai koya. (2 Tui 6:18, 19) [Wili iVolatabu vakamacawa; raica si tq. 70-1 par. 10.]

10. Na soli ni “ivola ni vunau,” e tukuni ena 2 Tui 11:12, e vakatakarakarataka na dodonu e tu vua na tui me vakavulica na Lawa ni Kalou vei ira na lewenivanua mera muria. [Wili iVolatabu vakamacawa; raica w-E 2/1/91 tq. 31 par. 6.]

Sauma na taro era koto oqo:

11. Me salavata kei na 1 Joni 2:15-17, nira dusimaki ira tiko na luvedra na itubutubu dau rerevaka na Kalou ena ka e baleta nodra cakacaka, na cava mera uqeti luvedra kina mera qarauna? [w-FN 7/15/98 tq. 5 par. 2]

12. Na cava na ibalebale ni vosa oqo ena 2 Samuela 18:8: “A ra sa lewe vuqa sa mate e na veikau, a ra sa lewe lailai sa mate e nai seleiwau”? [Wili iVolatabu vakamacawa; raica w-E 3/15/87 tq. 31 par. 2.]

13. O cei era tautauvata kei ira na weka i Koliaci na Refaimi, na cava era saga mera cakava? (2 Sam. 21:15-22) [Wili iVolatabu vakamacawa; raica w-E 1/1/89 tq. 20 par. 8.]

14. Na ivakavuvuli yaga cava vakaivolatabu eda vulica ena 2 Samuela 6:6, 7? [si tq. 63 par. 30]

15. Na ivakavuvuli bibi cava e rawa nida vuli kina mai na ka e yaco vua na tagane a vakamatei ni a voroka na Siga ni Vakacecegu? (Tiko 15:35) [w-FN 9/1/98 tq. 20 par. 2]

16. Na cava eda na cakava meda vakatotomuria kina na ranadi ni Sipa ena nona lakova e dua na ilakolako balavu me lai rogoca na “vuku i Solomoni”? (1 Tui 10:1-9) [Wili iVolatabu vakamacawa; raica w-FN 7/1/99 tq. 31 par. 1-2.]

17. Me vaka e tukuni ena 1 Tui 17:3, 4, 7-9, 17-24, na tolu na sala cava e vakaraitaka kina o Ilaija na nona vakabauti Jiova? [Wili iVolatabu vakamacawa; raica w-E 4/1/92 tq. 19 par. 5.]

18. Na cava e sega ni rawa ni tukuni kina ni turaga yalodredre o Nepoci ni a bese ni solia na nona werenivaini vei Eapi? (1 Tui 21:2, 3) [Wili iVolatabu vakamacawa; raica w-FN 8/1/97 tq. 13 par. 18.]

19. E vakayaloqaqataki ira vakacava na tamata i Jiova edaidai na 2 Tui 6:16? [Wili iVolatabu vakamacawa; raica w-FN 6/15/98 tq. 18 par. 5.]

20. Ena sala cava mera qarauna kina na lotu Vakarisito na ivalavala vakasaimoni? [w-FN 11/15/98 tq. 28 par. 5]

Vakacuruma na vosa e yali tiko ena veiyatuvosa e ra:

21. E sega ni dodonu vua na lotu Vakarisito dina me ․․․․․․․․, se me vakaitavi ena ivalavala vakavanua e cata na ․․․․․․․․. (Vkai. 29:25; Maciu 10:28) [w-FN 7/15/98 tq. 20 par. 5]

22. Ena nona ․․․․․․․․ a vakadinadina kina o Paula vei Tui Akaripa, qai vakabibitaka na ka erau ․․․․․․․․. (Caka. 26:2, 3, 26, 27) [w-FN 9/1/98 tq. 31 par. 3]

23. Ni ․․․․․․․․ na Kalou, era nanuma kina e so ni sega ni bula dina o koya, ia nona gumatua qai wasoma ni ․․․․․․․․ e dua ena vakavuna me ‘raici Koya sa sega ni kune.’ (Iper. 11:27) [w-FN 9/15/98 tq. 21 par. 3-4]

24. Me vaka na turaganivalu ni Siria o ․․․․․․․․, ena so na gauna, e dau yaga ke toka mada ga vakalailai vei keda na ․․․․․․․․. [Wili iVolatabu vakamacawa; raica w-FN 2/1/99 tq. 3 par. 6–tq. 4 par. 1.]

25. Me vaka ga nona tokoni Tui Jeu o Jionatapi, o ira na ․․․․․․․․ nikua era vakaraitaka mai vu ni lomadra na nodra mai tokoni Jeu e Levu Cake, ․․․․․․․․, era matataki koya e vuravura na ․․․․․․․․. (2 Tui 10:15, 16) [Wili iVolatabu vakamacawa; raica w-FN 1/1/98 tq. 13 par. 5-6.]

Digia na isau dodonu ni taro ena veiyatuvosa oqo.

26. O (Setani; Jiova; Joape) a uqeti Tevita me valavala ca ena nona ‘lai wiliki ira na Isireli.’ (2 Sam. 24:1) [Wili iVolatabu vakamacawa; raica w-E 7/15/92 tq. 5 par. 2.]

27. Me salavata kei na 1 Tui 8:1 kei na Dauvunau 1:1, e vakasoqoni ira na tamata o Solomoni mera (tara na valenisoro; vakamatei ira na meca kei Isireli; sokaloutaki Jiova). [Wili iVolatabu vakamacawa; raica si tq. 112 par. 3.]

28. Na 20 na yabaki nona taravaka kina o Solomoni na valenisoro kei na nona vale e Jerusalemi e rawa ni vakatauvatani kei na gauna e tekivu kina na veiveisau ni ivakavuvuli makawa ni isoqosoqo ena (1919; 1923; 1931) qai cava ena (1938; 1942; 1950). (1 Tui 9:10) [Wili iVolatabu vakamacawa; raica w-E 3/1/92 tq. 20, raica na kato.]

29. Na vosa “lomalagi” ena 2 Tui 2:11 e vakaibalebaletaki ina (itikotiko vakayalo ni Kalou; vuravura kei na lomalagi; maliwalala era veivukayaki voli kina na manumanu qai liwa kina na cagi). [Wili iVolatabu vakamacawa; raica w-FN 9/15/97 tq. 15, raica na kato.]

30. O (Eroti na Ka Levu; Sisa Akusito; Taiperiu Sisa) a vakarota na wili lewenivanua mani vakavuna me lai sucu o Jisu i Peceliema, sega i Nasareci. [w-FN 12/15/98 tq. 7, raica na kato.]

Biuti ira vata na tikinivolatabu me veisotari kei na iyatuvosa:

Same 15:4; 2 Sam. 12:28; 2 Sam. 15:18-22; 2 Tui 3:11; Kolo. 3:13

31. Me dokai na veiliutaki ena ituvatuva vakalou i Jiova. [si tq. 63 par. 30]

32. E dodonu me duadua tu ga na noda yalodina ina isoqosoqo i Jiova kei ira era liutaka. [si tq. 63 par. 30]

33. Na nona taleitaka e dua na ka e sa cakava vakayalololoma o Jiova e rawa ni uqeti koya me vorata na yalo voravora qai dau veivosoti tale ga. [w-FN 11/1/98 tq. 6 par. 3]

34. E ka dokai dina meda dau vakaraitaka noda veikauaitaki kei na noda dau veiqaravi ena yalomalumalumu nida qaravi ira na tamata i Jiova ena nodra itavi lavotaki. [Wili iVolatabu vakamacawa; raica w-FN 11/1/97 tq. 31 par. 1.]

35. Na tamata e rerevaka na Kalou ena saga sara ga me vakayacora nona vosa me sauma nona dinau, dina ga ni so na ituvaki tawanamaki ena vakadredretaka vakalevu me vakayacora vaka kina. [w-FN 11/15/98 tq. 27 par. 1]