Veika me Kacivaki

◼ iVola me soli ena Feperueri: Na Tamata Rogo Duadua a Bau Bula. Maji: Na Ka Mo Kila Mo Bula Tawamudu Kina. Saga me tekivutaki rawa kina e so na vuli iVolatabu. Epereli kei na Me: Na Vale ni Vakatawa kei na Yadra! Ni o sikovi ira lesu na tataleitaki, okati kina o ira na tiko ena iVakananumi se dua na noda soqo vakarisito, ia era sega ni dau vakasosoqoni wasoma kei na ivavakoso, solia na ivola Qarava na Kalou Dina. Saga me tauyavu rawa e dua na vuli iVolatabu, vakabibi ke tiko e so era sa vulica oti na ivola na Kila kei na brochure na Loma ni Kalou.

◼ Me dikeva na akaude ni ivavakoso na ivakatawa daulewa, se dua e lesia o koya ena 1 Maji, se ni sivi ga vakalailai na tikinisiga oqori. Ni sa caka oti, me kacivaki sara ena ivavakoso ni vakamacalataki oti na itukutuku ni akaude e tarava. Ke tiko e dua na ivola ni vakavinavinaka me baleta na ilavo e cautaka na ivavakoso ina cakacaka ena vuravura raraba se ina dua tale na cakacaka e qarava na isoqosoqo, me qai wiliki.

◼ Me rau raica lesu na vunivola kei na ivakatawa ni cakacaka na nodra cakacaka na painia tudei kece. Ke dredre mera yacova na aua lavaki, yalovinaka mera raica na qase mera vukei. Na veivuke e rawa ni caka e tiko ena ivola e dau vakauta yani na iSoqosoqo ena veiyabaki e vakatakilakilataki ena S-201. Raica tale ga na parakaravu 12-20 ni itoma ni Our Kingdom Ministry, Okosita 1986.

◼ Na vunau lavotaki donuya na vula ni iVakananumi ni yabaki 2003 e kena ulutaga “Sa Yaco Beka Mai na Gauna me Lewai Kina o Papiloni?” Raica na veika me kacivaki ena Noda Cakacaka Vakaitalatala, Sepiteba 2002 me baleta na kena ivakamacala.

◼ Ni sa sega ni qai vakaikeretaki ena meli na ivoladraudrau, e bibi kina ena veivavakoso mera solia na itabataba vovou ni Vale ni Vakatawa kei na Yadra! ena gauna ga e yaco yani kina. Oqo ena rawa kina vei ira na dautukutuku mera yadua na nodra ilavelave vakaitaukei, ra kila na veika e tu kina ni bera nira veisoliyaka yani ena cakacaka vakavunau.