Veika me Kacivaki

◼ iVola me soli ena Okosita: Me soli e dua vei ira na brochure oqo e 32 na tabana: Me Tawamudu Nomu Rekitaka na Bula ena Vuravura!, Na Matanitu ena Kauta Mai na Parataisi, kei na Ni Mate e Dua na Wekamu Voleka. Sepiteba: Nanuma Matua na Parofisai i Taniela! Okotova: Na Vale ni Vakatawa kei na Yadra! Ke tataleitaki o itaukeinivale, solia na brochure na Loma ni Kalou qai saga me tauyavu na vuli iVolatabu. Noveba: Na ivola na Kila se na brochure na Loma ni Kalou. Ke sa tiko rawa vei itaukeinivale oqori, solia na Qarava na Kalou, se dua vei ira na ivola makawa.

◼ Me tekivu ena macawa ni 20 Okotova, 2003, eda na vulica tiko ena Vulivola ni iVavakoso na ivola Qarava na Kalou Dina.

◼ Me dikeva na akaude ni ivavakoso na ivakatawa daulewa se dua e lesia o koya ena 1 Sepiteba se ena gauna totolo ga e rawa ni oti oya. Ni sa caka oti, me kacivaki sara ina ivavakoso ni vakamacalataki oti na itukutuku ni akaude e tarava.

◼ Na wiliki vakayabaki ni ivola kei na ivoladraudrau kece e tu ena ivavakoso me vakayacori ena 31 Okosita, 2003, se ena dua na gauna e volekata na tikinisiga oqo. Na kena wiliki na ivola kece oqo e tautauvata kei na kena e dau wilika e veivula o koya e lesi (literature coordinator), me qai toqai na kedra iwiliwili kece ena fomu ni Literature Inventory (S-18). Me tauri mai vei ira yadua era qarava tiko na ivoladraudrau na iwiliwili kece ni ivoladraudrau e tu ena ivavakoso. Me liutaka na kena wiliki na ivola kece na vunivola ni ivavakoso e vakacolati me dau raica na yaco yani ni ivola. E nona itavi tale ga me qai sainitaka na fomu kei na ivakatawa daulewa ni ivavakoso e vakacolati me dau raica na yaco yani ni ivola. Ena vakau yani e tolu na fomu ni Literature Inventory (S-18) ina ivavakoso e vakacolati me dau raica na yaco yani ni ivola. Yalovinaka vakauta mai ina valenivolavola ni tabana na imatai ni fomu ni bera na 6 Sepiteba. Me qai maroroi ena ivavakoso na ikarua ni fomu ena waqaveva (file). E rawa ni vakayagataki na ikatolu ni fomu mo cakacaka kina.

◼ Sa rawa ni curu vata mai kei na kerei ni ivola e tarava ni ivavakoso na iwiliwili e gadrevi ni 2004 Calendar of Jehovah’s Witnesses, Dikeva na iVolatabu e Veisiga​—2004, kei na 2004 Yearbook of Jehovah’s Witnesses. Na duidui vosa e tabaki kina na veivola oqo ena tiko ena “Veika me Kacivaki ina iVavakoso Kece,” e dau vakau yani ena meli e veivula.