Veika me Kacivaki
◼ iVola me soli ena Janueri: Na Yalo Tabu—Na iGu Sa Cuqena Tiko na iTuvaki Vou Sa Roro Tiko Mai!, se Na Ka Mo Kila Mo Bula Tawamudu Kina. Feperueri: Toro Voleka Vei Jiova. Maji: Yadra Tiko! Ke tataleitaki o itaukeinivale, solia na ivola na Kila qai saga me tauyavu na vuli iVolatabu. Epereli kei na Me: Na Vale ni Vakatawa kei na Yadra! Ni o sikovi ira lesu na tataleitaki, okati kina o ira na tiko ena iVakananumi se dua na noda soqo vakarisito, ia era sega ni sosoqoni wasoma tiko kei na ivavakoso, solia na ivola Qarava na Kalou. Saga mo tauyavutaka e dua na vuli iVolatabu, vakabibi vei ira era sa vulica oti na ivola na Kila kei na brochure Loma ni Kalou.
◼ Mai na Feperueri ina 6 Maji, ena ulutaga vou ni nona vunau soqovi levu ni ivakatawa ni tabacakacaka na “Mo Yalomatua ena Vuravura Veilecayaki Oqo.”
◼ Me vakarautaka na ivavakoso na iVakananumi ena yabaki oqo ena Lotulevu, 24 Maji, ni sa dromu oti na siga. Ke mani tekivu totolo na vunau, me kua ga ni veisoliyaki na madrai kei na waini ni se bera ni dromu na matanisiga. Vakadeitaka vei ira na kenadau na gauna ena dromu kina na matanisiga ena nomu yasayasa. Ena vinaka me dui cakava ga na ivavakoso na nona iVakananumi. Ia ena sega ni rawa beka oqo ena so na vanua. Ena ivavakoso era dau vakayagataka vata e dua ga na Kingdom Hall, e dua se rua na ivavakoso e rawa ni vaqara e dua tale na vanua me caka kina na soqo ena yakavi oya. E vakaturi me bau biu toka e 40 na miniti mai na gauna e cava kina e dua na soqo ni iVakananumi ina kena tekivu e dua tale me rawa ni vakilai vinaka kina na yaga ni soqo. Me nanumi tale ga na veitosoyaki ni motoka kei na vanua era kele kina, wili kina na nodra vakasoburi na pasidia kei na nodra mai vakavodoki tale. Me ratou lewa na ilawalawa qase na ituvatuva ena ganita vinaka na ivavakoso.
◼ Ena veivosakitaki ena dua na Soqoni ni Cakacaka ena vula o Maji na iyaloyalo David—He Trusted in God. Na iyaloyalo oqo e tiko ena DVD na Noah Walked With God—David Trusted in God. Na DVD oqo e rawa ni rogoci ena walu na vosa—vakaitali, vakajamani, vakajapani, vakapotukali (Brazilian), vakarusia, vakasipeni, vakavalagi, kei na vakavaranise. O ira na vinakata me dua na nodra DVD mera kerea ina ivavakoso ena gauna ni kere ivola e tarava.