Veika me Kacivaki

◼ iVola me soli ena Feperueri: Toro Voleka Vei Jiova. Maji: Yadra Tiko. Ke tataleitaki o itaukeinivale, solia na ivola na Kila qai saga me tauyavu na vuli iVolatabu. Epereli kei na Me: Na Vale ni Vakatawa kei na Yadra! Ni o sikovi ira lesu na tataleitaki, okati kina o ira na tiko ena iVakananumi se dua na noda soqo vakarisito, ia era sega ni dau vakasosoqoni wasoma kei na ivavakoso, solia na ivola Qarava na Kalou Dina. Saga me tauyavu na vuli iVolatabu, vakabibi ke tiko e so era sa vulica oti na ivola na Kila kei na brochure na Loma ni Kalou.

◼ Me dikeva na akaude ni ivavakoso na ivakatawa daulewa, se dua e lesia o koya ena 1 Maji, se ni sivia ga vakalailai na tikinisiga oqori. Ke tiko e dua tale na akaude, me vaka na akaude ni vakavinakataki ni vale se na kena tara, me dikevi tale ga na akaude oqori. Ni sa caka oti, me kacivaki sara ena ivavakoso vata kei na itukutuku ni akaude e tarava.

◼ Me rau raica lesu na vunivola kei na ivakatawa ni cakacaka na nodra cakacaka na painia tudei kece. Ke dredre mera yacova na aua lavaki, mera raica na qase mera vukei. Raica na ivola e dau vakauta yani na isoqosoqo ena veiyabaki, na S-201.

◼ Na vunau lavotaki donuya na vula ni iVakananumi ni yabaki 2005 e kena ulutaga “Cava e Vakararawataki Qai Mate Kina o Jisu?” Raica na veika me kacivaki ena Noda Cakacaka Vakaitalatala, Sepiteba 2004.

◼ E sega ni dau vakauta yani na valenivolavola ni tabana na ivola era kerea mai na dautukutuku yadua. Me raica na ivakatawa daulewa me dau kacivaki e veivula na kena vakarau vakau ena veivula ina valenivolavola ni tabana na ivola e kerea na ivavakoso, me rawa kina nida kerea na ivola me noda. Me nanumi tiko ni so na ivola era special-request item.