Veika me Kacivaki

◼ iVola me soli ena Epereli kei na Me: Na Vale ni Vakatawa kei na Yadra! Ni o sikovi ira lesu na tataleitaki, okati kina o ira na tiko ena iVakananumi se dua na noda soqo vakarisito, ia era sega ni dau vakasosoqoni wasoma kei na ivavakoso, solia na ivola Qarava na Kalou Dina. Me nomu inaki mo tauyavutaka na vuli iVolatabu, vakabibi vei ira era sa vulica oti na ivola na Kila kei na brochure na Loma ni Kalou. June: Vuli Vua na Qasenivuli Levu. Ke ra kaya na itaukeinivale nira sega ni vagone, solia na brochure Loma ni Kalou, saga sara mo tekivuna kina na vuli iVolatabu. Julai kei na Okosita: Me soli e dua na brochure oqo e 32 na tabana: Na Matanitu ena Kauta Mai na Parataisi, E Rawa Mo iTokani ni Kalou!, Yalodra na Mate​—⁠Vukei Keda se Vakaleqai Keda? Era Bula Dina?, Ni Mate e Dua na Wekamu Voleka, Me Tawamudu Nomu Rekitaka na Bula ena Vuravura!, kei na Noda iVola Kece.

◼ E vinakati me dau maroroya na valenivolavola ni tabana ena nona ivolatukutuku na nodra naba vou ni talevoni na ivakatawa daulewa kece kei ira na vunivola, oka kina na katonimeli era vakayagataka tiko se vanua era vakaitikotiko kina. Ia ke mani dua na veisau, me ratou kua ni bera na Komiti ni Cakacaka ni vakalewena, sainitaka, ratou vakauta sara na fomu e vakatokai na Presiding Overseer/Secretary Change of Address (S-29) ina valenivolavola ni tabana.