Railesuvi ni Koronivuli ni Vuli Vunau
Ena veivosakitaki na taro era koto oqo ena Koronivuli ni Vuli Vunau ena macawa ni 29 Okosita, 2005. Ena 30 na miniti nona railesuva na ivakatawa ni koronivuli na veika e kovuti ena macawa ni 4 Julai ina 29 Okosita, 2005. [Nanuma Matua: Ke sega ni volai e dua na ivola ena yasa ni taro, ena gadrevi mo lai vakekeli mo kunea kina na isaunitaro.—Raica na Vuli Vunau, t. 36-7.]
IVAKARAU NI VOSA
1. Nida vakamacalataka vei ira na tani na noda inuinui, ena laurai vakacava noda “yalorawarawa vei ira na tamata kece ga,” cava e bibi kina oqo? (Fpai. 4:5, NW; Jeme. 3:17, NW) [be-FN t. 251 p. 1-3, kato]
2. Ena vukei keda vakacava na noda kila na gauna meda yalorawarawa kina ena noda veimaliwai kei ira na tani? [be-FN t. 252 p. 5–t. 253 p. 1]
3. Na cava e bibi kina meda dau vakayagataka vinaka na taro nida vukei ira na tani mera vakamacala ena dua na ka? [be-FN t. 253 p. 2-3]
4. Na cava so me nanumi tiko me rawa kina ni veirawai na noda ivakamacala? [be-FN t. 255 p. 1-4, kato; t. 256 p. 1, kato]
5. Na cava meda nanuma tiko ke da via vakayagataka e so tale na ivakadinadina me tokona na dina ni ka e kaya na iVolatabu? [be-FN t. 256 p. 3-5, kato]
VOSA NB. 1
6. Na ivakadinadina matata cava e tokona ni a bula dina o Jisu? [w-FN 6/15/03 t. 4-7]
7. E ‘vakabulai ira vakacava na yalododonu na gusudra’? E rawa vakacava me “tiko dei” na nodra vale na tamata yalododonu? (Vkai. 12:6, 7) [w-FN 1/15/03 t. 30 p. 1-3]
8. Me vaka ni sega ni volai sara tu vakamatailalai ena iVolatabu na ka kece me caka kei na ka me kua, eda na rawa ga vakacava ni ‘vaqara na ka e vinakata o Jiova’? (Efeso 5:17, VV) [w-FN 12/1/03 t. 21 p .2–t. 22 p. 2]
9. Na ivakavuvuli vakaivolatabu cava e rawa ni muria e dua me vukei koya ni bula dravudravua se ni leqa vakailavo? [w-FN 8/1/03 t. 5 p. 2-5]
10. Me tarai keda vakacava na ivakaraitaki i Jiova ena nona dau solia wale ga na ka? (Maciu 10:8) [w-FN 8/1/03 t. 20-2]
WILI IVOLATABU VAKAMACAWA
11. Na cava e vakaibalebaletaki ena rua na duru erau vakatokai vei Jakini kei Poasa erau duri tu ena matamata ni valenisoro a tara o Solomoni? (1 Tui 7:15-22)
12. E salavata beka na Lawa i Mosese kei na iloloma e solia o Solomoni, na 20 na siti ena vanua o Kalili vei Tui Airami mai Taia? (1 Tui 9:10-13)
13. Na cava eda rawa ni vulica ena nona talaidredre e “dua na tamata ni Kalou”? (1 Tui 13:1-25)
14. E vakaraitaka vakacava o Tui Esa e Juta na nona yaloqaqa, cava eda vulica ena nona ivakaraitaki? (1 Tui 15:11-13)
15. E vakaraitaki vakacava ena ka e yacovi Tui Eapi kei Nepoci na vakarerevaki ni yalobibi? (1 Tui 21:1-16)