Veika me Kacivaki
◼ iVola me soli ena Janueri: Na Yalo Tabu—Na iGu sa Cuqena Tiko na iTuvaki Vou sa Roro Tiko Mai!, se Na Ka Mo Kila Mo Bula Tawamudu Kina. Ke ra sega ni taura na itaukeinivale, solia na brochure Yadra Tiko! Feperueri: Toro Voleka Vei Jiova. Maji: Kaya na iVolatabu, saga sara me tauyavu kina na vuli iVolatabu. Epereli kei na Me: Vale ni Vakatawa kei na Yadra! Ni o sikovi ira lesu na tataleitaki, okati kina o ira na tiko ena iVakananumi se dua na noda soqoni vakarisito, ia era sega ni sosoqoni wasoma tiko kei na ivavakoso, solia na ivola vou Na Cava Sara Mada e Kaya na iVolatabu? Me noda isausau meda tauyavutaka e dua na vuli iVolatabu ena ivola oya.
◼ Me tekivu ena Feperueri ena rogoci kina nodra vunau soqovi levu vou na ivakatawa ni tabacakacaka e kena ulutaga “O Cei ena Vakadonui me Bula ena Vuravura Vou ni Kalou?”
◼ Na porokaramu ni vidio Young People Ask—What Will I Do With My Life? ena veivosakitaki ena Soqoni ni Cakacaka ni vula o Epereli. Ke gadrevi e so tale na vidio, me kerei ina ivavakoso ena gauna totolo duadua.
◼ Na noda ivola e tabaki ena rua na matuavosa vakaJaina. Dua na kena mataqali era taurivaka vakalevu o ira na tiko e Hong Kong kei Taiwan, e vakatokai me “Chinese” (CH). E dua tale na iwiliwili levu era dau vakayagataka ga na “Simplified Chinese” (CHS). E sega gona ni tabaki na noda ivola ena so tale na vosa vakaJaina e vosataki me vaka na Cantonese, Mandarin kei na so tale, e bibi gona vei ira na vosataka na vosa oqo mera digia se o cei vei rau na matuavosa vakaJaina e tabaki kina noda ivola mera wilika. Rawa ni vakayagataki na ivola lailai Good News for People of All Nations, tabana 19-20, me vakaraitaki kina se matuavosa vakajaina cava era via wilika ena noda ivola. Ni sa macala oqo, me sa qai vakadeitaki na ivola me otataki.
◼ Me vakarautaka na ivavakoso na iVakananumi ena yabaki oqo ena Moniti 2 Epereli, ni sa dromu oti na siga. Ke mani tekivu totolo na vunau, me kua ga ni veisoliyaki na madrai kei na waini ni se bera ni dromu na matanisiga. Vakadeitaka vei ira na kenadau na gauna ena dromu kina na matanisiga ena nomu yasayasa. Me dui cakava ga na ivavakoso na nona iVakananumi. Ia ena sega ni rawa beka oqo ena so na vanua. Ena ivavakoso era dau vakayagataka vata e dua ga na Kingdom Hall, e dua se rua na ivavakoso e rawa ni vaqara e dua tale na vanua me caka kina na soqo ena yakavi oya. E vakaturi me bau biu toka e 40 na miniti mai na gauna e cava kina e dua na soqo ni iVakananumi ina kena tekivu e dua tale me rawa ni vakilai vinaka kina na yaga ni soqo. Me nanumi tale ga na veitosoyaki ni motoka kei na vanua era kele kina, wili kina na nodra vakasoburi na pasidia kei na nodra mai vakavodoki tale. Me ratou lewa na ilawalawa qase na ituvatuva ena ganita vinaka na ivavakoso.
◼ Mera vakadeitaka na vunivola ni ivavakoso ni tiko na nodra pioneer appointment letter (S-202) na painia tudei kece ni ivavakoso. Ke sega ni tiko e so, mera vola mai ina valenivolavola ni tabana.