Ka mo Kaya me Baleta na Mekesini

Na Vale ni Vakatawa Julai-Seviteba

“E tukuni ena iVolatabu niratou dau veivakabulai o Jisu kei na nona yapositolo. Nikua eda se rogoca tiko ga nodra tukuna eso nira vakabulai vakacakamana. Ia e vu vakalou beka na veivakabulai kece? Cava oni nanuma? [Waraka me sauma.] Rogoca mada na ka e tukuna o Jisu me baleta nodra cakamana eso. [Wilika na Maciu 7:22, 23.] E vakamacalataki ena mekesini qo na ka mo cakava mera kua ni vakacalai iko kina eso era kaya nira dauveivakabulai.” Vakamacalataka sara na ulutaga ena tabana e 12.

Yadra! Julai-Seviteba

“Dua na ka na levu ni gauna era dau sara tivi kina na gone. Ena yaga beka vei ira qori? [Waraka me sauma.] E tukuni ena iVolatabu ni veika era na cakava na gone nira sa uabula e vakatau ena veika era vulica nira se gone. [Wilika na Vosa Vakaibalebale 22:6.] E vakamacalataki ena ulutaga qo na sala mo vakavulica vinaka kina na luvemu ni se gone.” Vakamacala sara ena ulutaga ena tabana e 14.