Wasea na “ka Vinaka” ni o Veikauaitaki (Maciu 12:35a)

Sega ni vakabekataki ni o keda kece eda vinakata meda wasea na “ka vinaka” nida “dau veikauaitaki.” (Roma 12:13) Era vakaliuliu ena tikina qo na qase ni ivavakoso nira vakarautaka na ilavo ni nona lako mai na vulagi e vunau. De dua eda na lomalomarua na veisureti ni lailai na ka e tu vei keda, se da lomaocaocataka nodra lako yani e vale na vulagi. Noda vakasamataka vakavinaka na ivakasala i Jisu vei Marica ena uqeti keda me kua ni tiko na vakanananu va qori. (Luke 10:39-42) E vakabibitaka ni “ivotavota vinaka” ni veikauaitaki oya na noda veimaliwai kei na veivakayaloqaqataki, sega ni kana magiti se ukutaki ni vale. Nida muria na ivakasala qo, eda rawa ni wasea na “ka vinaka” kei ira na tacida me salavata kei na Vosa ni Kalou.​—3 Joni 5-8.