iTukutuku ni Vunau

Me tekivu mai na 2010, e vakadonui e 17 na iwasewase era lewena na tacida mera vunau ena yalava e sega ni lesi e Viti. E tarai e rauta ni 190 na koro, itikotiko, koronivuli, kei na itikotiko ni matanitu. Rauta ni 400 na ivola e soli, 2,048 na brochure kei na 6,056 na mekesini. E 365 na lewenivanua era kerea mera vuli iVolatabu. E vakatubura tiko ga o Jiova na ka dina ena yalava qori, eda vakanamata tu ni na so tale na itukutuku marautaki.